Ɉeremi 49:29 - Bible

²⁹ Ka dísua-kɔlɔ-pɛrɛi kúla díyêei, díƃala-ŋai dísua-kɔlɔ-pɛrɛi lá-ƃerei seɣei da zãâi díkaa mui. Ka dísoo-fáleŋ-ŋai kúla díyêei, ká mò ǹûai dîa kâai, ‘Mɛni kpɔ̂lu a pá kâa.’

Yálá laawoo hɛɓɛ (dc)

²⁹ Di kaa di wɔ huwɔ kɔ́lɔ kələɠaa həɠəi, da di wɔ taatɛlɛɛɠaa. Di wɔ həɠə ɓɛlaaɠaa, da di wɔ hɛnɲąŋąɠaa di kaa lii a di wɔ ɲɔ̨nwɔmɛɛɠaa, diɛ tomą di mɛ̨i, diɛ kɛ diɛ: ‹Ɲɔw kɛnɛ̨ kaa pələ kəlee.›

Yálá laawoo hɛɓɛ

²⁹ Di kaa di wɔ huwɔ kɔ́lɔ kələɠaa həɠəi, da di wɔ taatɛlɛɛɠaa. Di wɔ həɠə ɓɛlaaɠaa, da di wɔ hɛnɲąŋąɠaa di kaa lii a di wɔ ɲɔ̨nwɔmɛɛɠaa, diɛ tomą di mɛ̨i, diɛ kɛ diɛ: ‹Ɲɔw kɛnɛ̨ kaa pələ kəlee.›

Ɉeremi 49:29 ပူးပေါင်းရင်းမြစ်များ

Zɛnɛse 37:25

Nya ƃe dí sèe díkɛ dílaa mìi. Dí díŋuŋ mu sìɣe dí Isima-ŋai káa kulâi Gilia díkɛ pà a díkpulu kɛ́tɛ soo-fáleŋ-ŋa mɛi. Dí kɛ̀ pâi a wúru-malaŋ, tuma-laa kúŋ nɛ̃ɛ da wúlɔ kúŋ nɛ̃ɛ. Dí kɛ̀ liî Ize.

Zôo 1:3

Núu da fé kɛ́ ní a dɔ̂ɔ é seri Zôo pɔ́ nyii kɛ̀ Eezuɛ-lɔii ŋɔfólo kulâi pere. Ƃála wála lɔ́ɔlu mɛi feerɛ (7,000) da soo-fáleŋ wála saaƃa (3,000) da tíi-kɛ-niŋa sirɛ wála tɔnɔ (1,000) é pɛ́lɛ wɛlɛ-sôo ŋuŋ lɔ́ɔlu (500) ma. Nalôŋ ŋí yée-mu-ƃelai díwɔlɔ kɛ̀ kpɔ́ a dítamaa pólo-polo.

Mąątɛ̨nɛ̨ 120:5

Núu kɛ́ɛ ká sama nyɔ̂mɔi nɔ́ yɛ̂ɛ núu a kɛ̀ Misɛ, kpaa máŋ yɛ̂ɛ núu a kɛ̀ Kedɛ.

Mąątɛ̨nɛ̨ 31:13

Ŋ́gbɔara-ƃelai da kɛ̂ ninîŋ-woo ƃôi é pîlaŋ ḿâ. Mɛni kpɔ̂lu a tínaŋ ḿâ gwaa kélee. Nûa da mɛni kpɛtɛɛ nyɔ́mɔɔ támaa kɛ̂i é pîlaŋ ḿâ. Da gbɛtɛ̂i a gɛɛ dí ḿbaa.

Azaya 13:20

Ǹaa fé pâi ŋɔ́nɔ kɛ̂i a núu da kɛ̂i. Ǹaa fé ŋɔ́nɔ pâi kɛ̂i a ǹɛ́lɛɛ sia-ƃela tɛɛ̂i mɛni ma. Taa-tûlɛ tɔɔ-ƃela da fa ŋɔ́nɔ lì naa a ŋɔtaa-tûlɛ-ŋai dílaa mii mɛ̂ni ma.

Azaya 60:7

Da pâi pâi ípɔ a Keda ƃala-ŋai kélee. Da pâi pâi máŋ a Nebayo ƃala sirɛ-ŋai ípɔ sâla kula mɛ̂ni ma. Da díkùla a sâla, Yâwɛɛ líi a pâi lâai m̀ɛni ma. Yâwɛɛ a pâi gɛ̂i ƃaa kɛ́-maa kɛ́ ƃò Ŋɔpɛ́rɛ maa waai ma.

Ɉeremi 10:20

Kúpɛrɛ-ŋai da wólo. Kúɣɛli-ŋai da tée. Kúnîa-pɛlɛɛi da kula kú kɔlɛ mâ. Kúfa ŋɔ́nɔ díkâa. Núu da fé naa é kúpɛrɛ-ŋai tɔ́ɔ ŋɔ́nɔ. Núu da fé naa é kúkɛ̂i kpɛtɛ.”

Ɉeremi 4:20

Mɛni kpɔ̂lu káa nɔ́ mɛni kpɔ̂lu pôlu. Ǹɔii a lɛɛ a bûŋ. Ŋáƃûui a wólo a maa félaa. Dí seɣe-ŋai kɛ̀ a zɛ̂lɛŋɔɔ berei sui, a fála a gbûa-kpûa

Ɉeremi 46:5

Yâwɛɛ è ḿarê kɛ̀ ǹyɛɛ, “Kɛ́lɛ lé ƃé ya gâai?” “Da yaôi kpɔ́, díkɛ lène pôlu a kîrɛ. Da díkɔ-kuluƃa-ŋai lôkwai dí kɛ̀ lene pôlu. Da díkpɛ̂i kpɔ́ a ŋ̀ánaa dí kɛ́ kîrɛ sìɣe é tɛ́ɛ gɛ̂i ma, dífa dípôlu kàa.

Ɉeremi 49:24

Dɛmɛika-ƃela da yao, kɔlɔ a kpɛɛ dîa dí kɛ́ pù. Díkaa sɛŋ-soli maa su. Malôŋ a too dîa yɛ̂ɛ nɛnî a kɛ̀ koi-têe su.

Ɉeremi 49:5

Ŋa pâi mɛni kpɔ̂lu lâai kâa ƃéla kélee mɛi. Kákelee kpɔ́ ka pâi pûi. Núu da kélee fé pâi kɛ̂i naa é ká kɔ-kuluƃa-ŋai ŋáa tɛ́ gîe ma.

Ɉeremi 6:25

Káfe lì gbâlaŋ ŋá, kpaa ká lɛ́ɛ berei ma, kpɛ́ni fêi, ƃóa-sɔ̂kpɔ káa kúkpɔara-ƃelai yêei, mɛni kpɔ̂lu kɛ́ ƃò ƃéla kélee ma kú mɛni ma.”

Habakukə 3:7

Ŋa Kúsaŋ-ƃelai kâa díkɛ yào a dámaa dí sua-kɔlɔ-pɛrɛ-ŋai mu mɛni kpɔ̂lu su. Ǹûai kɛ̀ bɛ́rɛi mu Midiaŋ-lɔii sui díyao dí kpɛ̃lîŋ.

Korɛntə veelɛ 4:8

Mɛni-kpɔ̂lu a pâ kúpɔ pere-sii kélee su, kɛ́lɛ, va kúyee mɛi ɣale; kúpɛlɛ a pû, kɛ́lɛ, kúfii fa kpɛ̂ɛ;

Korɛntə veelɛ 7:5

Kpɛ́ni fêi, tãi máŋ ku pà la Masadoniai, kúkponôi fe vii tɔ̂ɔni, kɛ́lɛ, ku kɛ́ nɔ́ mɛni-kpɔ̂lu su kwaa kélee ma-kwa ǹaa-ƃela ku kɛ̀ laa-saa kɛ̂i, yao kɛ́ ƃo kúkɔlɔ̂i.

Nwun mąąɓo 6:5

Da kâa kɛ̀ pâi, da pâ a díkpulu kɛ́tɛ yɛ̂ɛ gotó-ŋa. Da kâa pà a dítaa tulɛ-ŋai kélee da díƃûu-ŋai. Núu da fa kâa pɔri dílônii da dísoo-fáleŋ-ŋai lônoi. Dí Eezuɛ lɔii su kàra kpɔ́ a dámaa.

Nwun mąąɓo 7:12

Mediɛŋ-ŋai, Amɛlɛka-ŋai da vɛ̃ɛ-kpâlaŋ su nuu suui su-ƃelai díkɛ̀ a dítaa-taa diŋ-tiŋ su yɛ̂ɛ gotó-ŋa. Dísoo-fáleŋ-ŋai díkɛ̀ kpɔ́ dítamaa yɛ̂ɛ yúo ma ŋãya.

Nwun mąąɓo 8:21

Zeƃa da Zamuna dí mò Gidiɔŋ ma dîyɛɛi, “À kɛ̀ íkaa a kpakolo, kúpaa yá kpîŋ.” Nya ƃe Gidiɔŋ è dípàa. È dísoo-fáleŋ-ŋai kɔŋ maa-ɣiri sãai sîɣe.

Nwun mąąɓo 8:26

Gôo woli-sãai Gidiɔŋ è zɔlɔ ƃôi, è gélee pù gîe ma ŋɔwiyɛ kɛ́ ƃò a pãŋ buu náaŋ. É kúla ŋ̀ôlii sãai ŋí pôlu, dí pà máŋ a Mediɛŋ Kaloŋ-ŋai maa ɣiri sãai, díkɔŋ-ma kɔli-ŋai da zeɣe kpɔ̂lu mu tɛɣiɛɛi kɛ̀ dîai da gáraŋ-ŋai kɛ̀ dí soo-fáleŋ-ŋai kɔŋ mai.