Ɉeremi 48:40 - Bible

⁴⁰ Yâwɛɛ a góno tée a gɛɛ lɔii-ŋuŋ da a pâi yenîi Môa ma yɛ̂ɛ kuɛ é goôŋ pɛlɛ m̀ɛi.

Yálá laawoo hɛɓɛ (dc)

⁴⁰ Yai-Laa woo ka, yɛ diɛ: «Gaa yɛ geelə a kɛi koon, aa goon bɛlɛ Moabə mɛ̨i.»

Yálá laawoo hɛɓɛ

⁴⁰ Yai-Laa woo ka, yɛ diɛ: «Gaa yɛ geelə a kɛi koon, aa goon bɛlɛ Moabə mɛ̨i.»

Ɉeremi 48:40 ပူးပေါင်းရင်းမြစ်များ

Hanwon 30:19

Berei kuɛ a kôoŋ la ɣelêi, berei kali a sîa la kɔni mɛi, berei yá-ŋa-keleŋ a sîa la yúo ŋá, da berei surɔ̂ŋ da nɛnîi dí wɛli kɛ́-maai kɔ́ɔ a pîlaŋ lai.

Azaya 11:14

Dífeerɛ da pâi kɛ̂i a dínɛ̃ɛ. Da pâi kɔ̂i Felesia-ŋai pɔ́ vóloi liî-pere dí ǹûai díkaa vóloi kulâi-perei kɔ̃̂liŋ kula díyêei. Da pâi kɔ̂i Idɔŋ-ŋai da Môa-ŋai pɔ́ dí díyee mɛi ɣále. À kɛ̀ tí, wòo mɛni a pâi kɛ̂i Amɔŋ-ŋai yêei dímɛni ma.

Azaya 8:8

Ǹya fɛ̂ɛi a pâi tɛ̂i é kóyɛŋ núu kâraŋ ma, é tɛ́ɛ Zuda é ǹaa sãai kélee mɛi pɛ́lɛ.” Ɣâla káa kúkɔlɛ. A ǹɔii maa kɔ̃̂ɔ yɛ̂ɛ ƃerei tɛ́ɛ kɔ̃ɔ-lee a ǹônii maa kɔ̃̂ɔ la a ŋɔwála-wâlai.

Ɉeremi 4:13

Ka gáa, kákpɔara-ƃelai díkaa pâi yɛ̂ɛ ɣele-kɔlɔŋ kole. Díkɔ́kɔ-keleŋ káa yɛ̂ɛ tínaŋ fãa. Dísoo-ŋai maa fêlaai kpɔ́ yɛ̂ɛ kuɛ-ŋa. Kpalo ƃêlai kûa kpɛ́ni fêi, kú su a kara.

Ɉeremi 49:22

Bózira kpɔara-ƃelai da pâi pɛlɛ̂i m̀a yɛ̂ɛ kuɛ a goôŋ fùlomo a bɛ̀lɛ gɔ́nɔ̃ŋ mɛi. Maa ɣelêi tí, Idɔŋ kɔ-kûluƃa-ŋai da pâi kɛ̂i yɛ̂ɛ nɛnî a kɛ̀ koi-têe su.”

Woolaa 4:19

Kúkpɔara-ƃelai dí kɛ̀ kúkpɛ̂i a kîrɛ. Dí kîrɛ kɔɔ è kɛ̀ a dɛɛ́ kuɛ ma tãi a kɛ̂ kɔɔ̂nii lai. Dí kɛ̀ kúkpɛ̂i ǹyée-ŋai ma, dí gbã tée kúperêi vɛ̃ɛ-kpâlaŋ su.

Izikiɛ 17:3

a gɛɛ m̀ɛnii nyii ńyãai a Ŋ̀wála-wâla kélee Yâwɛɛi ŋa mòi diai. Ŋa mòi dîa, kuɛ kɛ́tɛ tɔnɔ è wɔ́lɔ kɛ naa goôŋ-leɣa lɛlɛɛ kpɔ́ a ŋanaa. Goôŋ è kɛ kpɔ́ a zu-kɛtɛɛ. È kòoŋ é lí Lɛƃanɔŋ è see sîda wurii tôŋ m̀a.

Danîa 7:4

Maa-ŋuŋ è kɛ̀ yɛ̂ɛ kɔ́li, goôŋ kɛ́ ƃò mà yɛ̂ɛ kuɛ. Ŋá lɛ̀ɛ m̀aa kpɛɛ̂i goôŋ veerɛ é kúla m̀a é tóo. È m̀u-siɣe é tɔ́ɔ yɛ̂ɛ núu. È kɛ̀ tí è pɛ̀lɛ gíli ŋá siâi yɛ̂ɛ núu-kpune.

Osia 8:1

Yâwɛɛ ǹyɛɛ, “Ka dúrii fɛ̂ɛ. Ŋ́gbɔara-ƃelai díkaa ŋá pɛrɛi mɛi yɛ̂ɛ kuɛ-ŋa, kpɛ́ni fêi, da ŋákpanaŋ-wooi kàra da tɔɔ ŋátɔ̂ŋ ma.

Habakukə 1:8

“Dísoo-ŋai kɔ́ɔ maa félaai é tɛ́ɛ kɔ́li ma, díkpeɣeɛɛi é tɛ́ɛ lɔɔ-ɣîla ma nyii a tûa a purui. Dísoo-sia-ƃelai da sîa a dísoo-ŋai a yoŋka-pere. Tɔ̃yâ ma dísoo-sia-ƃelai da kûla kwaa kôyaa ma. Da kôoŋ yɛ̂ɛ kuɛ a kɛ̀ yenîi gɔ́nɔ̃ŋ soŋ mɛ̂ni ma.

Dutɛrɔnome 28:49

Yâwɛɛ a pâi núu kulâi ǹɔii-ŋuŋ kpóŋ ma lɔii-ŋuŋ da su é pá la gɛ́ ƃò kámɛi. A pâi kásonîi a maa félaa yɛ̂ɛ berei kuɛ a yêŋ la é gɔ́nɔ sóŋ. A pâi kɛ̂i a yao-maa nuu. Káfe pâi kɛ̂i ǹá-woo mɛnîi.