Ɉeremi 48:26 - Bible

²⁶ Yâwɛɛ è mò ǹyɛɛ, “Ka gɛ́ Môa é ŋwãai kpele é gɛ́, kpɛ́ni fêi, a tɔɔ ḿâ. Môa a pâi gɔŋ pilîi é tóo zu gɛ́ kɔ̀ kɔ̀. À kɛ̀ tí, nûa da pâi ɣɛ̂lɛi m̀a.

Yálá laawoo hɛɓɛ (dc)

²⁶ Ka lɔɔ tɔɔ na, ə gɛlɛ, hvo gaai, ə gbɔwɔ gɛnɛ̨ ə dɛɛ Yai-Laa ɓa. Ya ka mąąkɔ̨nwɔ̨i maɠi hu, yaa kpɛli aa kɛ a yɛlɛ mąą hɛn.

Yálá laawoo hɛɓɛ

²⁶ Ka lɔɔ tɔɔ na, ə gɛlɛ, hvo gaai, ə gbɔwɔ gɛnɛ̨ ə dɛɛ Yai-Laa ɓa. Ya ka mąąkɔ̨nwɔ̨i maɠi hu, yaa kpɛli aa kɛ a yɛlɛ mąą hɛn.

Ɉeremi 48:26 ပူးပေါင်းရင်းမြစ်များ

Zôo 15:25

È Ɣâla maa fôo a gɛɛ va pɔ̂ri tɔɔ̂i ŋ̀ɛ́i namu su. È nɛ̀ a gɛɛ a pɔ̂ri tɔɔ̂i Ŋ̀wála-wâla kélee Ɣalai ma.

Zôo 9:4

Ɣâla táreɛi, ŋ́wala-wala. Núu da a pɔ̂ri tɔɔ̂i Ɣâla ma é Ɣâla yée mɛi ɣále? É folôŋ mà.

Mąątɛ̨nɛ̨ 2:4

Yâwɛɛ a seêni ŋɔkâloŋ see-sɛŋ ŋá ɣâla-taa gɛ́ ɣɛlɛ dîa. A ɣɛlɛ̂i dîa kpɛ́ni fêi, m̀ɛnii da gbɛtɛ̂i, gáa nɔ́ kpɛ́ni-kpɛni.

Mąątɛ̨nɛ̨ 59:8

Kɛ́lɛ yá Yâwɛɛ, ya kɛ̂ ɣɛ̂lɛi dîa. Diai kélee dífe kpâani a ímaa mɛ̂nii, ya kɛ́ nɔ́ ɣɛ̂lɛi dîa.

Mąątɛ̨nɛ̨ 60:3

Ya gɛ́ ínûai díkɛ mɔ̃lɛ̂i a ŋ̀ánaa. Ya gɛ́ kúkɛ kɛ̀ tàka-taka yɛ̂ɛ ǹyaa ƃé kwa ŋwã̂ai támaa kpéle.

Mąątɛ̨nɛ̨ 75:8

Kɔ̂pu káa Yâwɛɛ yêei. Ŋɔlii ŋwânai káa ǹá fɛ́ɛ gɛ́ fûle yɛ̂ɛ ŋwã̂ai kpanaŋ. A pâi ǹyênii ǹɔii ma. Ŋ̀wana-lɔ̂ɔ-ƃelai kélee da pâi gbelêi é lɛ́ɛ la zu gélee é kpɛ́ɛ.

Lɛɛ gbɔwɔ ɓa 5:2

Kɛ́lɛ Gâloŋ è mò ǹyɛɛ, “Yâwɛɛ ƃa gbɛ̂ɛ nyii ŋa pâi ŋ̀óli tɔɔ̂i mà a gɛɛ ŋá Eezuɛ-ŋai lɛɛ naa dí líi?”

Lɛɛ gbɔwɔ ɓa 9:17

Kɛ́lɛ ƃa ŋɔnûai sóŋ ífe ŋ̀wɛ̂lii í dílɛɛ naa dí lí.

Azaya 10:15

Kɛ́lɛ Yâwɛɛ è mò ḿâ ǹyɛɛi, “Yuɔ̂ tɛɛ̂i bili-nuu ma? Kpaa máŋ wúru tée-sɛŋ mɛni kpanaŋɔɔ̂i é tɛ́ɛ bili nuu ma? Bàri-kpua fa pɔ̂ri núu tɛ̂i ɣelêi, núu ƃa bari-kpua tɛ̀ ɣelêi.”

Azaya 19:14

Yâwɛɛ a díkili ŋá pú. M̀ɛnii ŋí a gɛ́ dífe ŋɔ́nɔ m̀ɛnii kɔ́lɔŋ dí gɛ́i. Da kɛ́ nɔ́ yɛ̂ɛ lɔɔ ŋánaa kpele-nûu ƃé tálanîi gɛ́ tòo gbɔ́ɔi kɔŋ-pilii su.

Azaya 28:8

Ǹɔɔi a gɛ̀ díkɛ díkɔŋ pîli têƃele-ŋai dîa da see mai. Díkɔŋ pîlii a gwaa-ŋai ma yiki da kɛ naai é ǹaa kúŋ nyɔ́ŋ.

Azaya 29:9

Ka kɛ́ tûai yɛ̂ɛ ƃoo-ƃela ǹyaŋ káfe ƃoo ní! Ka kɛ́ nɔ́ tûai yɛ̂ɛ ŋɛi-pu-ƃela ǹyaŋ káŋɛi fé pú ní! Ka kɛ́ nɔ́ kɛ̂i tàka-taka ǹyaŋ lɔɔ fé káŋuŋ su!

Azaya 51:17

Zerusâlɛŋ-ƃela, ka káŋɛi lá ƃó ká kámu-siɣe ká tɔ́ɔ. Yâwɛɛ a ká kula maa kɛ́ a ŋ̀ánaa, kákɛ kɛ̀ tàka-taka, yɛ̂ɛ ǹyaa ƃé ka lɔɔ kpéle, kɛ́lɛ ká kula maa kɛ́ɛ a nâa gula kɛ̂ɛ ƃó.

Azaya 63:6

Ŋá ńii ŋwàna, ŋá sía ǹɔii-ŋûŋ-ŋai mɛi, ŋá dítaa-tâa. Ŋá díŋãa pû ǹɔii ma.”

Ɉeremi 48:39

Môa a wólo kpɔ́ pɛ̀yɛ-pɛyɛ! Dí lâɣi la! Da ƃâa kula Môa ma. Ǹaa a lɛɛ a gbolôŋ. Ǹɔii-ŋuŋ-ŋai da ɣɛ́lɛ maa kulâi gbonôi. Ńyãa Yâwɛɛ ƃé mò tí.”

Ɉeremi 48:42

Da pâi Môa su-karâi kpɔ́ va nâa kɛ̀ a lɔii-ŋuŋ, kpɛ́ni fêi, è tɔ̀ɔ ḿâ.

Ɉeremi 50:29

“M̀ó gerâŋ pili-ƃelai dîa dí pɛ́lɛ Babelɔŋ ma. Diai kélee da pɔ̂ri kerâŋ pilîi dí dítɛɛ. Ka tínaŋ daa lêei ma. Káfe ǹɛɛ naa núu da é pú. Ka véla fé m̀ɛnii è gɛ̀i, m̀aa mɛ̂ni ma. Ka tûa la yɛ̂ɛ berei è tùa la a m̀arâai, kpɛ́ni fêi, è ŋɛi-tɛ kɛ̀ a ńyãai a Eezuɛi, Ŋɔmaa-waa ǹúui.

Ɉeremi 51:39

Puru káa dí kɛ̂i? Gɛ̀ ní ŋa pâi kúu kɛ̂i dîa, ŋá gɛ́ dílɔɔ kpéle dí lii-nɛɛ kula. Tãi da pâi liî la a gɛɛ dí nyíi, dífe pâi díŋɛi láa ƃôi.

Ɉeremi 51:57

Ŋa pâi gɛ̂i ǹáa-tuɛ-ƃelai dílɔɔ kpéle, é dí kɛ́, da ŋɔtáre-ƃelai, ŋɔnúu-mɛi-ƃelai, é pɛlɛ ŋɔkɔ-kuluƃa-ŋai da dí láa túɛ-ƃelai dîa. Da pâi lâai dí nyíi, kɛ́lɛ dífe pâi díŋɛi-la ƃôi. M̀ɛnii ŋí ƃé Ńyãai a Gâloŋ ŋá m̀o, Ńyãai a Ŋ̀wála-wâla kélee Yâwɛɛi.

Ɉeremi 51:7

Babelɔŋ è wɔ́lɔ kɛ̀ ńyee-ŋa yɛ̂ɛ gôo-kpele kɔpu. È gɛ̀ ǹûai kélee dí ŋɔŋwãai kpéle. Ǹyaŋ ŋwãai kpîŋ a ǹɔii-ŋuŋ-ŋai kélee kɛ́ díŋuŋ-su a kɛ́ dùãa, dífe ŋɔ́nɔ díkili-pere pɔ́.

Woolaa 1:21

“Nṹa da ńyiɣɛ woo mɛnîi kɛ́lɛ díta fé naa é ŋ́aa nɛnɛ. Ŋ́gbɔara-ƃelai da ŋámɛni-solii maa mɛni mɛnîi. Da lii-nɛ̃ɛ kulâi m̀ɛnii ya gɛ́ a ńyãai, m̀ɛni ma. Yɛ̂ɛ berei í íkono tèe la ńyêei, dia máŋ díkula maa kɛ́ díwɔ̂ sɔnyɔ̂ŋ mɛni ma yɛ̂ɛ berei í gɛ̀ la a ńyãai.

Woolaa 3:15

À gɛ́ mɛni sôli a kɛ́ a ŋ́gɔnɔ̃ŋ da ŋ́gbele-sɛŋ.

Woolaa 4:21

Káai a Idɔŋ da Uzi-lɔii su-ƃelai, ka ɣɛ́lɛ, ká lii-nɛ̃ɛ kula. Kɛ́lɛ káwɔ̂ mɛni kpɔlui maa tãi a pâi. Ka pâi kɛ̂i siâi taka-taka yɛ̂ɛ lɔɔ kpele-ƃela, ká kɛ́ kákaŋ lɛ̂.

Danîa 11:36

“Asiria Kaloŋ a pâi m̀ɛnii kɛ̂i a wɛ̂lii lai. A pâi gbîŋ ma tɛ̂i, gɛ́ yoŋka tèe ŋ̀âla-ŋai mɛi. A pâi mɛni nyɔ́mɔɔ-ŋa ƃôi é pîlaŋ ŋâla-ŋai kélee mɛi Ɣâlai ma. A pâi nyíŋi kɛ̂i é lɛ́ɛ la zu tãi Ɣâla è ǹɛi é seri. Kpɛ́ni fêi m̀ɛnii Ɣâla a gbɛ̀tɛ a gɛɛ é kɛ́i, fɛ̂ɛ é kɛ́.

Danîa 5:23

Ya tɔɔ Ŋ̀elei su Ɣalai ma. Í mò a gɛɛ gbele sɛŋ-folo-ŋai ínâŋ è díkùla Ŋ̀âla-pɛrɛ Kɛ́tɛi mu Zerusâlɛŋ é pá a diai, dí pá a dia ípɔ a gɛɛ yá, ǹɔii-lônii kpaya-kpayai, ínɛnîi da ínɛnî pɛlɛ-pɛlɛɛi ka dîa-ni ká ŋwã̂ai kpele zu. Ya ɣâla pɔɔkɔɔŋ-ŋa fɛlîi nyii-ŋai díkpɛtɛ̂i a káne, gôo, ƃara kɔli, wuru da kɔnii. Ŋ̀âla-ŋai ŋí dífa kwaa kâa, dímɛni mɛ̂ni kpaa máŋ dí mɛni da kɔ́lɔŋ. Kɛ́lɛ ífe yao-ni Ɣâla ma nyii a pɔ̂ri gɛ̂i ílɛɛ ɣele ma, kpaa máŋ ísaai, gɛ́ ƃò m̀ɛnii kélee mɛi ya gɛ̀i.

Danîa 8:10

È kɛ̀tɛ é kôya é seri ŋ̀ele-kɔlɔŋ su. È kɛ̀ a ŋ̀wála-wala é tɛ́ɛ ŋ̀elei su sãai dîa da bɛmɛlɛŋ kao-ŋai. È da-ŋa kùla ŋ̀elei su é dítoo ǹɔii ma é ƃɔ́rɔŋ dîa.

Nahumə 3:11

Yá máŋ ya pâi kɛ̂i yɛ̂ɛ lɔɔ kpele-nuu. Pɔri fé pâi kɛ̂i yɛ̂. Ƃa pâi kpɔ̂ŋ mâ wɛ̂lii íkpɔara-ƃelai yêei.

Habakukə 2:16

Ŋumɛ a pâi ísonîi, ífe pâi laa-maa tɛ̂ sɔlɔ ƃôi. Íkpele yâi máŋ a pâi í kɛ̂i tàka-taka! Yâwɛɛ ŋɔkpele-kɔɛɛi gáa ǹáa-mii-yee mɛi, a pâi í ŋumɛ̂i ínuu kɛ́tɛ-laai su!

Tɛsalonikə veelɛ 2:4

Maa-nuui a gbîŋ kɛ̀tɛ gɛ tɔɔ zãâi kélee dîa da dísiɣe a ɣâlai, a gɛ́ɛ e see Ŋ̀âla-pɛrɛ kɛ́tɛi ŋɔsee-sɛŋ ŋá e gbîŋ lɛ a Ɣâla.

M̀ɛni-lɛɛi 16:19

Nya ƃe daa-lee kɛ́tɛi sú è ƃèla gîei saaƃa, ǹɔii-ŋûŋ-ŋai su-taa-lee-ŋai dí wólo. Babelɔŋ kɛ́tɛi kíli è tòo Ɣâla kili-ŋá a gɛɛ è ŋɔlii-ŋwânai maa-ŋwã̂ai kpele-kɔ̂pui tɛ̀ɛ bɔ̀ é gbele.