Ɉeremi 44:27 - Bible

²⁷ Ŋa pâi gɛ̂i káfa ƃûu ƃo, kɛ́lɛ ka pâi saâi. Kákélee kpɔ́ ka pâi saâi kɔ́ su kpaa máŋ a kɔlɔ-fela é lɛ́ɛ la zu káta dɔnɔ kpîŋ da fa lɛ̂ɛ ɣele ma.

Yálá laawoo hɛɓɛ (dc)

²⁷ Gáá ɲɛ̨i ɲɔ̨nwɔ̨ɔ̨ heei káá, gɛ́ ká mɔ̨nɔ̨ ɓo. Ɉuda nuąi heeni Eziptə lɔi hu, di kaa pai haai a kɔ́ da pulu, əlɛɛɉu, gəlee di kpɛɛ.

Yálá laawoo hɛɓɛ

²⁷ Gáá ɲɛ̨i ɲɔ̨nwɔ̨ɔ̨ heei káá, gɛ́ ká mɔ̨nɔ̨ ɓo. Ɉuda nuąi heeni Eziptə lɔi hu, di kaa pai haai a kɔ́ da pulu, əlɛɛɉu, gəlee di kpɛɛ.

Ɉeremi 44:27 ပူးပေါင်းရင်းမြစ်များ

Tɔɔɓɛlaa veelɛ 21:14

Ŋa pâi ńyãa fêi kpîŋ ŋánûai dîɛ nyii-ŋai pâi lɛɛ̂i a dífulu. Ŋa pâi dí tɛɛ̂i díkpɔara-ƃelai pɔ́ nyii-ŋai pâi díyee mɛi ɣâlei dí dílɔii su sãa kélee síɣe.

Ɉeremi 1:10

Ye gɔ́lɔŋ a gɛɛ ŋa sâa í tɛɛ̂i a ŋáwala-walai lɔii-ŋuŋ-ŋa da kâloŋ-laa-ŋa pɔ́ naa a gɛɛ í ŋáworɛ̂-wooi ƃó dîa. Ŋ̀orɛ̂-wooi ŋí ƃa a gɛɛ da pâi da-ŋa ƃúlenii, dí da-ŋa kula, dí da-ŋa yee mɛi ɣále, dí da-ŋa su-kara, dí da-ŋa tɔɔ, dí da-ŋa sí.”

Ɉeremi 21:10

Kpɛ́ni fei, ŋaâ ŋ́ɛi sée daai ŋí ma a mɛni kpɔ̂lu. Ḿve pâi mɛni lɛ́lɛɛ da kɛ̂i naa. Ŋa pâi dɛɛ̂i Babelɔŋ kaloŋ pɔ́. A pâi naa kéreniî. Ńyãa Yâwɛɛ ƃé mò tí.’ ”

Ɉeremi 31:28

Berei nɔ́ ŋátãi sìɣe la ŋ́gɛ díƃuleŋ, ŋ́gɛ dítòo, ŋ́gɛ díwoloi, bere nɔ́ ƃé ŋa pâi tãi siɣêi la ŋá dísi, ŋá dítɔɔ ŋɔ́nɔ pôlu.

Ɉeremi 39:16

a gɛɛ ŋá m̀ó Itiopia ǹúui Ɛbemelɛ ma a gɛɛ Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai ǹyɛɛ, “Yɛ̂ɛ berei nɔ́ ŋá mò lai, ŋa pâi daai ŋí su karâi. Ǹaa fé pâi ƃûu ƃôi. Ǹyaŋ à kɛ̀ m̀ɛnii ŋí a kɛ̀, ya pâi kɛ̂i naa í ǹaa káa.

Ɉeremi 42:16

gɛ̀ ní, gɔ́i tí a pâi kákâai naa. Puru a pâi toôi kâa naa, à kɛ̀ tí ka pâi saâi Ize.

Ɉeremi 44:12

É máŋ kɛ́ yɛ̂ɛ diai da lɛɛ dí kɛ́ ŋ̀wɛli a gɛɛ dí lí dí sée Izei, ŋa pâi lɛɛ̂i dípôlu ŋá dísu kara. É máŋ kɛ́ a ǹûa kpaya-kpayai kpaa máŋ bɛlɛɛ-pɛlɛɛi, díkelee da pâi saâi Ize lɔii su a puru, kpaa máŋ dílɛɛ kɔ́ su. Da pâi kɛ̂i a ɣɛ́lɛ maa sɛŋ. Nûa láa a pâi kpâlai dîa, díkɛ ɣɛ́lɛ-maa kûla díkponôi, dí kɛ̀ dífoo a dílaa.

Ɉeremi 44:13

Diai díkaa Izei, ŋa pâi díkula maa kɛ̂i yɛ̂ɛ berei ŋá Zerusâlɛŋ kula maa kɛ̂ lai. Ŋa pâi díkula maa kɛ̂i a kɔ́, puru da kɔlɔ-fela.

Ɉeremi 44:14

Diai kélee kpɔ́ kùla Zuda díkaa niî ɣele ma dí pú dí lí Izei, dɔnɔ kpîŋ fé pâi pûi, kpaa máŋ dílɛɛ ɣele ma. Dí tɔnɔ kpîŋ fé pâi lɛɛ̂i ɣele ma dí lene pôlu Zuda ƃɛ́i dí kɛ̀ ǹaa wɛ̂lii a gɛɛ dí lene pôlu naai. Dí kpulu lôŋ nɔ́ ƃé pâi lenêi pôlu.”

Ɉeremi 44:18

Kɛ́lɛ tãi kwa wɔ́lɔ kpera lâ Ŋ̀âɣala-taa Kâloŋ-nɛnii fɛlîi la kúkɛ kpele-sɛŋ sala kula m̀ai, sɛŋ da fé ŋɔ́nɔ kúyêei. Kúnûai díkaa nɔ́ saâi kɔ́ su da puru.”

Ɉeremi 9:15

M̀ɛni ma, ńyãai a Ŋ̀wála-wâla kélee Yâwɛɛ nyíi gáa a Eezuɛ-ŋai Díɣâlai, ŋa môi a gɛɛ ŋa pâi sɛŋ wã́naa tɛɛ̂i dípɔ a dí kɔ̃́nɔŋ. Ŋá ŋ̀ale-maa tɛ́ɛ dípɔ a díkpele-sɛŋ.

Ɉeremi 9:16

Ŋa pâi dítaa taâi ǹɔii-ŋuŋ-ŋai su nyíi dínâŋ pɔlɔ-ŋai, kpaa máŋ dia kpîŋ dífe zu kɔ́lɔŋ. Ŋa pâi kɛ̂i dípôlu a ƃóa-sɔ̂kpɔ é lɛ́ɛ la zu ŋá díkelee kpɔ́ dípaa.”

Izikiɛ 5:12

Kákpulu sêei saaƃai dɔnɔ a pâi saâi a puru, kpaa máŋ a kɔlɔ-fela nyɔ́mɔ. Kákpɔara-ƃela da pâi ká paâi a ƃóa-sɔ̂kpɔ. Ǹyaŋ ŋa pâi kákpulu dɔnɔ táa tâai a fãa, ŋá dí kpɛ́ a ƃóa-sɔpɔ kuláa daâi.’

Izikiɛ 7:6

Mɛni-kpɛɛ ŋá a pá! Mɛni-kpɛɛ ŋá a pá kâa. Ká m̀ɛnii gbɛɛ-ŋai a pá. Ká wɔi a nâa kpɛɛ.

Danîa 9:14

Óo Ǹuu-namui Ɣâla, íkɛ̀ a íkpîŋ kpɛtɛɛ a gɛɛ í kúkula maa kɛ́, ǹyaŋ í gɛ̀ kpɛ́ni fêi ya m̀ɛnii kɛ̂ nyii zãai. Kɛ́lɛ kúfe kúwoli tɔɔ-ni yâ.

Amɔsə 9:8

Kúnuu-namui e mò, ǹyɛɛ, ka gáa, Ǹúu-namui Ɣâla ŋɛ́i káa zɔnyɔ̂ŋ lɔnii-ŋuŋ mɛi, ǹyaŋ ŋa pâi zu karâi ǹɔii su. É máŋ kɛ́ tí, fé pâi Zeeka ŋɔnûai kélee su karâi.