Ɉeremi 42:18 - Bible

¹⁸ “Eezuɛ Ŋɔɣâlai Yâwɛɛ ǹyɛɛ, ‘Berei nɔ́ ŋá ńii ŋwàna la Zerusâlɛŋ ma a ŋ̀ánaai, bere nɔ́ ƃé ŋa pâi ńii ŋwânai la diai dîa pâi liî Izei. Ka pâi mɛni mĩli miliɛɛ-ŋa kâai nyii pâi nûa láa kpâlai dâi. Nûa da pâi kákɛ̂i a ɣɛlɛ-maa sɛŋ, dí kálaa síɣe a kpalo-sɛŋ. Káfe ŋɔ́nɔ pâi gwaai ŋí ma kâai kpɔ́ a dɔnɔ kpîŋ.’ ”

Yálá laawoo hɛɓɛ (dc)

¹⁸ Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo li! Bələi lɔ nwɔ́ liiholi da nwɔ́ liikələn gwəi a ɓɛla la Ɉerusalɛmə nuą diɛ, bələ lɔ ɓə nwɔ́ liiholii kaa pai hee la ka hu, ɓɛlɔwai ka káá pai həlii la Eziptə lɔi hu. Da, nɛ̨ŋɛ̨n naa kɛ a ka laa, kaa mąą yɛ wɛli, diɛ ka lalan a lalan ɉuwui lɔpee, ka hva kɛa ka ɲɛ̨i tɔɔ nɔi ŋɛ̨i ɓa.

Yálá laawoo hɛɓɛ

¹⁸ Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo li! Bələi lɔ nwɔ́ liiholi da nwɔ́ liikələn gwəi a ɓɛla la Ɉerusalɛmə nuą diɛ, bələ lɔ ɓə nwɔ́ liiholii kaa pai hee la ka hu, ɓɛlɔwai ka káá pai həlii la Eziptə lɔi hu. Da, nɛ̨ŋɛ̨n naa kɛ a ka laa, kaa mąą yɛ wɛli, diɛ ka lalan a lalan ɉuwui lɔpee, ka hva kɛa ka ɲɛ̨i tɔɔ nɔi ŋɛ̨i ɓa.

Ɉeremi 42:18 ပူးပေါင်းရင်းမြစ်များ

Kɔlɔnikɔ Veerɛi 34:25

Kpɛ́ni fêi da dípôlu tɔɔ ḿâ díkɛ kéreŋ-sɛŋ kuŋ-nɛɛ kèreŋ ɣâla da kpɛ́ni ŋa dîa. Da ǹii-ŋwana a díkpɛtɛ-sãai kélee. Ǹíi a pâi kɛ̂i a ŋwánaa dîa ŋ̀aa fá yêŋ.

Azaya 30:3

Kɛ́lɛ dífe pâi kpɔŋ mâa da sɔlɔ ƃôi ǹyêei. Ŋa pâi gɛ̂i ƃâa é kúla dîa díŋumɛ, kpɛ́ni fêi, da díkili tɔɔ̂i Ize ma.

Azaya 65:15

Diai ŋá dísìɣe zui, da pâi kálaa kɛ̂i a nã́aŋ-sɛŋ. Ńyãai ŋ́gaa a Ŋ̀wála-wâla kélee Yâwɛɛi ŋa pâi ká paâi. Kɛ́lɛ, ŋa pâi láa nina seêi diai da ŋ́oo mɛnii dîa.

Ɉeremi 18:16

Da ǹɔii ŋí kɛ́ a kwaa ma mĩli-miliɛɛ, naa ƃɛlɛ-kpɛɛ núu koi. Diai pâi tɛɛ̂i naai, mĩli-mili a pâi pûi dîa a berei ǹaa káa lai. Da pâi díŋuŋ kpɛ́mɛnîi a ǹaa kɛ́-pere.

Ɉeremi 22:27

Ka pâi kɛ̂i ŋ̀wɛ̂lii ká pá pôlu ǹɔii ŋí su, kɛ́lɛ, pere dɔnɔ kpîŋ fé pâi kɛ̂i naa ká lene pôlu.”

Ɉeremi 23:40

Ŋa pâi díŋumɛi, ŋá ƃâa kula dîa nyíi dífe wɔ́lɔ pâi niâi mai.”

Ɉeremi 24:9

Ŋa pâi mɛni kpɔ̂lu lâai dîa a gɛɛ ŋ̀éniɛi su-ƃelai da dí kâa, dí yao kpɔ́ a ŋánaa. Nûa da pâi ɣɛ́lɛ-maa kulâi díkponôi, dí kɛ́ wóo nyɔ́mɔɔ-ŋa ƃò dîa, dí kɛ́ dílaa kɛ̀ a kpalo-sɛŋ ƃɛ́i kélee ŋa pâi dítaa-tâai naai.

Ɉeremi 25:9

‘Tãi nɔ́ káfe káwoli tɔ̀ɔ ní ḿâi, ŋa pâi yá-ŋua-pere kɔkɔ́-ƃelai kélee da ńyee mu-nuui Nɛbukinaza nyíi gáa a Babelɔŋ kaloŋ tôlii ŋa pá a dia dí kɔ́ pɛ́lɛ Zuda ma da ŋɔnûai. Da pâi kɔ́ pɛlɛ̂i ǹɔii-ŋuŋ-ŋai díkaa kákɔlɛ mai dia. Ǹyaŋ a kɛ̀ tí, ŋa pâi Zuda da gɔlɛ ma lɔiii-ŋuŋ-ŋai su-ƃela kélee kpɔ́ kpúŋ paâi ŋá ǹaa lɛɛ a bûŋ wɔ́lɔ-wɔ́lɔ. Tãi ǹûai da pâi ǹaa kâai lai, dí láa a pâi kpâlai dîa. Ǹaa a pâi kɛ̂i a yao-maa kwaa ma, ǹûai díkɛ díŋuŋ mɛi tée lono kɛ̀.

Ɉeremi 26:6

À kɛ̀ kawala káwoli tɔ́ɔ ḿâ, gɛ̀ ní ŋa pâi Ŋápɛrɛ Kɛ́tɛi nyíi gáa Zerusâlɛŋ wôloi yɛ̂ɛ berei ŋá ŋásua kɔ̂lɔ-pɛrɛi m̀aa-ŋuŋ wòlo la Siloi. Ǹyaŋ, tãi ŋa pâi gɛ̂i tí lai, núu kélee a pâi Zerusâlɛŋ láa kɛ̂i a ǹaaŋ-lâa-sɛŋ.”

Ɉeremi 29:18

Ŋa pâi díkpɛ̂i a ƃóa-sɔ̂kpɔ, puru, da kɔlɔ-fela nyɔ́mɔɔ. Ŋa pâi gɛ̂i ŋ̀éniɛi su lɔii-ŋuŋ-ŋai da dí kâa, dílaa é kpála dîa. Nûa da pâi dísĩa miî a dia, díkɛ ƃò a yao maa-sɛŋ, dí dílaa kɛ́ a ǹaɣa-laa-sɛŋ.

Ɉeremi 29:22

Ǹúu feerɛi ŋí mɛni a pâi gɛ̂i gɔ-sôŋ-ŋai kùla Zudai dí kɛ́ dífòo dîyɛɛi, ‘Tɔɔ Yâwɛɛ é tûa a yá yɛ̂ɛ berei è tùa la a Zɛdikaya da Eɣa, nyíi-ŋai Babelɔŋ kaloŋ è wɔ́lɔ díkèreŋ a ŋɔŋ.

Ɉeremi 33:5

Babelɔŋ kɔ-kuluƃa-ŋai da pâi kɔ̂i dí bɛ́rɛ-ŋai ŋí láa fɛ́ɛ a ǹûai poma da pâi dí paâi a ŋá lii ŋwânai, kpɛ́ni fêi, ŋa ḿbôlu tɔɔ daa-lêei ŋí ma ŋɔsɔnyɔ̂ŋ da ŋɔŋwana lɔ̂ɔi mɛni ma.

Ɉeremi 44:12

É máŋ kɛ́ yɛ̂ɛ diai da lɛɛ dí kɛ́ ŋ̀wɛli a gɛɛ dí lí dí sée Izei, ŋa pâi lɛɛ̂i dípôlu ŋá dísu kara. É máŋ kɛ́ a ǹûa kpaya-kpayai kpaa máŋ bɛlɛɛ-pɛlɛɛi, díkelee da pâi saâi Ize lɔii su a puru, kpaa máŋ dílɛɛ kɔ́ su. Da pâi kɛ̂i a ɣɛ́lɛ maa sɛŋ. Nûa láa a pâi kpâlai dîa, díkɛ ɣɛ́lɛ-maa kûla díkponôi, dí kɛ̀ dífoo a dílaa.

Ɉeremi 44:22

Kálɔii kâa sâa a bûŋ, núu da fé naa lônii ma. Ǹaa káa sâa a yao ma kwaa ma, nûa dí kɛ́ dífoo a ǹaa láa, kpɛ́ni fêi, Yâwɛɛ fé ǹyée sèe ní kámɛni nyɔ́mɔɔi da káŋwana lɔ̂ɔ tua-ŋai mu.

Ɉeremi 44:6

M̀ɛni ma, ŋá ńii ŋwàna kpɔ́ Zuda taa-ŋai dîa da bere-ŋai díkaa Zerusâlɛŋ. Ŋá ŋɔŋ tôo dîa naa é lɛ́ɛ a bûŋ. Ǹaa è lɛ̀ɛ a yao ma kwaa ma é lɛ́ɛ la zu é seri sâa ma.

Ɉeremi 44:8

Lé mɛni ƃé ka ńii ŋwána mɛni kɛ̂i la a ɣâla-pɔkɔɔŋ fɛliɛɛ da sâla kuláa ɣâla da kpɛ́ni-ŋa dîa Ize ƃɛ́i káseɛɛ káa naai? Kakaa nɔ́ gɛ̂i tí a gɛɛ ká kákpîŋ su-kara a gɛɛ ǹɔii-ŋuŋ-ŋai dí ɣɛ́lɛ-maa kúla kákponôi ŋ̀éniɛi su, díkɛ dífôo a kálaa?

Ɉeremi 6:11

Yâwɛɛ, ńii ŋwânai kpɔ́ dîa yɛ̂ɛ berei í liî ŋwânai la dîa ǹyaŋ fa pɔ̂ri ńii maa sonîi.” Nya ƃe Yâwɛɛ è mò ḿâ ǹyɛɛi, “Ílii ŋwána ǹîa-pɛlɛɛi díkaa berei mai dîa é pɛ́lɛ ǹyaŋkpa-ŋai díkaa kɔyɛ̂ŋ sui, é pɛ́lɛ ǹɛyãai da dísinâai dîa da ǹúu-pɔlɔ-ŋai.

Ɉeremi 7:20

M̀ɛni ma, ńyãai a Ŋ̀wála-wâla kélee Yâwɛɛi, ŋa pâi ŋá lii ŋwânai kélee pûi dîa gwaai ŋí ma. Ŋa pâi ńii ŋwânai ǹûai da daa-tulɛ-ŋai dîa, ŋa níi ŋwána ŋ̀úru-ŋai, gbâlaŋ da ŋ̀úru-ƃa-ŋai díkaa ǹɔii mai dîa. Ŋálii ŋwânai a pâi díkereniî, m̀aa ŋɔŋ fa nîiŋ.”

Woolaa 2:4

Kerâŋ káa ǹyêei gɛ́ nɛ̀ kûa yɛ̂ɛ kúkpɔara-ƃela. Diai kú dí wɛ́linii, a kélee páa. È ǹíi ŋwàna Zãiyɔŋ ma é ŋɔnûai kéreŋ yɛ̂ɛ ŋɔŋ.

Woolaa 2:6

È Ŋɔɣâla-pɛrɛ Kɛ́tɛi su kàra é ǹaa kɛ́ yɛ̂ɛ sûai. È ŋɔɣele kûu maa waa-ŋai kula mɛni kpèra da Vii-tɔɔ-ɣelei. È ǹíi ŋwàna a zu kɛ́tɛ gâloŋ da zâla láa-soŋ-nuui ma.

Woolaa 4:11

Yâwɛɛ è ǹíi ŋwàna a ŋánaa, é ŋɔŋ tóo Zãiyɔŋ ma, ǹaa é kéreŋ.

Izikiɛ 20:34

Ŋa pâi ka kulâi ǹûai sama, ŋa kákula ǹɔii ŋai su ƃɛɛi ŋa ká taa-taa naai a lii-wãna su kɛtɛ ŋanaa.

Izikiɛ 22:22

Berei da kale seɣeŋ la a filɛ-ŋɔŋ, bere ƃe ŋa pâi ká seɣeŋ ni la Zerusâlɛŋ-daa samai a kɛ ti, da pâi gɔlɔni a gɛɛ ńyãai a Yâwɛɛi ńii wãnai kâa.”

Danîa 9:11

Kúsɔnyɔ̂ŋ-ŋai da gɛ́ ǹaɣâŋ-ŋai da m̀óa-sɔkpɔ mɛni ŋá-teɛɛ-ŋai í bù íyee mu-nuui Mose ŋɔtɔ̂ŋ kɔlɔi sui gélee a pú kúŋûa.

Danîa 9:27

A pâi gɛ̂i da núu támaa dí díwoo kɛ́ zu tɔnɔ góraŋ lɔ́ɔlu mɛi feerɛi ŋí yée mu. Góraŋ lɔ́ɔlu mɛi feerɛ ŋí a ƃèla nɔ́ zâmai é dísâla kula mɛni-ŋai kpéra. Gɛ̀ ní a pâi zɛŋ nyɔ́mɔɔ kɛ́tɛi seêi Ŋ̀âla-pɛrɛ Kɛ́tɛi tôŋ su. A pâi lɛɛ̂i naa é lɛ́ɛ la zu Ɣâla é ǹúui zɛŋ nyɔ́mɔɔi ŋí sèe naai su kara.”

Osia 7:16

Da tínaŋ Bêe-ɣalai pɔ́ naa-pere. Díkaa yɛ̂ɛ kerâŋ-ɣɛli. Ƃóa-sɔkpɔ a pâi díkâloŋ-lonii paâi dílono nyɔ́mɔɔ-ŋai mɛni ma. Nyíŋi a pâi kɛ̂i a ɣɛlɛ-maa dîa Ize lɔii su.”

Nahumə 1:6

Gbɛ̂ɛ ƃa pɔ̂ri tɔɔ̂i Yâwɛɛ ŋɔlii-ŋwânai túɛ? Gbɛ̂ɛ ƃa pɔri ǹíi kpelêi Yâwɛɛ ŋɔwála-wala lii-ŋwana fãai yêei? Ŋɔlii-ŋwânai a pâ yɛ̂ɛ ŋɔŋ, é gɔni-ŋai ƃéla-ƃela.

Zakari 8:13

Óo Zuda da Eezuɛ-ƃelai! Yɛ̂ɛ berei dí kálaa sìɣe a foo-wôo ǹɔii-ŋûŋ-ŋai sámai, ŋa pâi káƃâloi ká kɛ́ a lûwa ǹûai mɛni ma. Káfe yào, kɛ́lɛ káyee su é kpanaŋ.”

Lonon mo 5:27

Nɛnîi a ǹyái kpèle, à kɛ̀ a wulu-wulu kɛ́ ŋɔsurɔ̂ŋ yêei, gɛ̀ ní ǹyái a pâi lɔ̂i gbonôi é goi sóli é gbono fɛ́ɛ-fɛɛ é gɛ́ goo kɛ́ kàra. Gɛ̀ ní nɛnîi a pâi kɛ̂i a ŋɛi-kɛ-maa ŋɔnûai sáma wulu-wulu kɛ́ mɛni ma.

M̀ɛni-lɛɛi 14:10

maa-nuui a pâi Ɣâla ŋɔlii-ŋwânai-ŋwã̂aii da kpelêi, ŋwã̂ai kpanaŋ nyii zu fé pu ni a yái, nyíi bûɔi Ɣâla ŋɔlii-ŋwana-kɔpui sui. Maa-nuui a pâi ŋɛi-maa-penêi sɔlɔ ƃói a ŋɔŋ da sɔɔfɔ Ŋ̀âla-taa-kela maa waai ŋ́ɛi-tuɛ da M̀ála-loŋ.