Ɉeremi 4:7 - Bible

⁷ Berei yala-sulu a kûla la ǹoo pêrei é pɛ́lɛ gɔ́nɔŋ mai, bere ƃé ǹɔii-ŋuŋ-ŋai su kara nuui a pâi kulâi la bɔ́ naa é pá é pɛ́lɛ kâa. Gáa kulâi ƃɛ́i gáa naai a gɛɛ é Zuda su kara. Da pâi Zuda taa-lee-ŋai su karâi, ǹaa é lɛ́ɛ a pîleŋ ŋá. Núu da fé ŋɔ́nɔ pâi seêi díta su.

Yálá laawoo hɛɓɛ (dc)

⁷ Yala aa kulɔ ɲəi gban mu, nɔiɠaa kalamun aa hvilɛn bələ ɓa, aa həɠə bɔɔli, yɛ pa kuɔ lɔi kala mɛ̨nį ɓa, di kaa pai kuɔ taaɠaa kələn ɉii diɛ naa lɛɛ a taa kpoloon.

Yálá laawoo hɛɓɛ

⁷ Yala aa kulɔ ɲəi gban mu, nɔiɠaa kalamun aa hvilɛn bələ ɓa, aa həɠə bɔɔli, yɛ pa kuɔ lɔi kala mɛ̨nį ɓa, di kaa pai kuɔ taaɠaa kələn ɉii diɛ naa lɛɛ a taa kpoloon.

Ɉeremi 4:7 ပူးပေါင်းရင်းမြစ်များ

Tɔɔɓɛlaa veelɛ 24:1

Tãi Zɛoakiŋ è kɛ̀ la a kâloŋ Zuda lɔii mɛi, ma tãi tí ƃé Babelɔŋ kaloŋ Nɛbukinaza è pà la é kɔ́ pɛ́lɛ Zuda lɔii ma é naa siɣe gɔ́i su. Zɛoakiŋ è kɛ̀ Nɛbukinaza yée-mu a kóraŋ saaƃa. Kɛ́lɛ è tɔ̀ɔ Nɛbukinaza ma é kúla ŋɔkâloŋ-laai mu.

Tɔɔɓɛlaa veelɛ 25:1

Zuda kaloŋ Zɛdikia ŋɔkâloŋ-laa koraŋ ǹɔ́ɔlu mɛi náaŋ su, ŋáloŋ buui ŋɔfólo puu ɣele, Babelɔŋ kaloŋ Nɛbukinaza è ŋɔkɔ́-kɔ-ƃelai kélee sìɣe é lí a dia a gɛɛ dí kɔ́ pɛ́lɛ Zerusâlɛŋ ma. Gɔ́-kɔ-ƃelai dí díƃûui pù dí dínaŋ daai ma dí doo galai.

Azaya 1:7

Ŋɔ̃ya-ŋa da kálɔii su-kara, da kátaa lêe-ŋai kélee kéreŋ. Dí m̀ɛni-ŋai ŋí kélee kɛ̀ káŋɛi, kálɔii é lɛ́ɛ a bûŋ.

Azaya 5:9

Kɛ́lɛ, Ŋ̀wála-wâla kélee Yâwɛɛi, a môi ǹyɛɛi, “Tɔ̃yâ ma, bɛ́rɛ kpaya-kpaya lɛ́lɛɛ-ŋai ŋí kélee da pâi lɛɛ̂i a dípûŋ.

Azaya 6:11

Ŋá m̀are kɛ̀ ńyɛ̃̂ɛ m̀ai, “Nùu-namui, ŋá gɛ́ tí a tãi ɣɛɛlu?” Ǹyɛɛ ḿâi, “É lɛ́ɛ la zu daa-lêei é wólo, núu da fé ŋɔ́nɔ kɛ̀ naa, bɛ́rɛ-ŋai dí lɛ́ɛ a vólo, ǹɔii é lɛ́ɛ a bûŋ.

Ɉeremi 2:15

Eezuɛ ŋɔkpɔara-ƃelai da kpêɣei mɛi yɛ̂ɛ yala-sulu. Da kpêɣei kpɔ́ m̀ɛi a díwoo su kɛ́tɛ. Ŋɔlɔii a lɛɛ a vólo, da naa kélee kéreŋ, naa lɛɛ a pîleŋ ŋá.

Ɉeremi 22:6

“Zuda kaloŋ-pɛrɛi lɛ̂lɛɛi kpɔ́ ŋ́ɛi yɛ̂ɛ berei Gilia lɔii káa lai, kpaa yɛ̂ɛ berei Lɛƃanɔŋ yee kpaya-kpayai káa lai. Kɛ́lɛ, ŋa pâi ǹaa kɛ̂i a lɔii pûŋ ƃɛ́i núu da kélee fé pâi seêi naai.

Ɉeremi 22:7

Ŋ́gaa nûa tɛɛ̂i naa dí ǹaa su-kara. Da pâi pâi a díyuɔ̂-ŋai dí dípɛrɛ yée-mu-wuru lɛ́lɛɛ mɛni kpanaŋɔɔ-ŋai tée nyíi-ŋai díkaa a sîda wuru kpono-ŋai dí díkereŋ.

Ɉeremi 25:38

Yâwɛɛ a pâi kulâi daa-ŋai su yɛ̂ɛ yala-sulu a kula ǹoôi. À kɛ̀ tí, a pâi dílɔii su karâi. A pâi kɔ́ maa-pɔlɔ-pɔlɔɔ toôi dísama. Kpɛ́ni fêi ǹíi ŋwânai a maa pɔlɔ-pɔlɔɔ.

Ɉeremi 25:9

‘Tãi nɔ́ káfe káwoli tɔ̀ɔ ní ḿâi, ŋa pâi yá-ŋua-pere kɔkɔ́-ƃelai kélee da ńyee mu-nuui Nɛbukinaza nyíi gáa a Babelɔŋ kaloŋ tôlii ŋa pá a dia dí kɔ́ pɛ́lɛ Zuda ma da ŋɔnûai. Da pâi kɔ́ pɛlɛ̂i ǹɔii-ŋuŋ-ŋai díkaa kákɔlɛ mai dia. Ǹyaŋ a kɛ̀ tí, ŋa pâi Zuda da gɔlɛ ma lɔiii-ŋuŋ-ŋai su-ƃela kélee kpɔ́ kpúŋ paâi ŋá ǹaa lɛɛ a bûŋ wɔ́lɔ-wɔ́lɔ. Tãi ǹûai da pâi ǹaa kâai lai, dí láa a pâi kpâlai dîa. Ǹaa a pâi kɛ̂i a yao-maa kwaa ma, ǹûai díkɛ díŋuŋ mɛi tée lono kɛ̀.

Ɉeremi 26:9

Lé ƃa yá a gɛɛ í ɣâla-woo ƃó a gɛɛ Ŋ̀âla-pɛrɛ Kɛ́tɛi ŋí a pâi wôloi yɛ̂ɛ nyíi kɛ̀ Siloi? Lé ƃa yá a gɛɛ í mò yɛ̂ɛ Zerusâlɛŋ a pâi lɛɛ̂i a taa pîleŋ, núu da fa ŋɔ́nɔ sèe naai?” Nya ƃe ǹûai kélee dí tìnaŋ Zɛlemaya ma Ŋ̀âla-pɛrɛ Kɛ́tɛi mu.

Ɉeremi 27:8

“Kɛ́lɛ lɔii-ŋuŋ da, kpaa kâloŋ-laa nyíi vé pâi fâai a gɛɛ é tíi kɛ́ Babelɔŋ kaloŋ Nɛbukinaza mii, ŋa pâi maa nuui tí kula ma kɛ̂i a kɔ́, puru, da kɔlɔ-fela nyɔ́mɔɔ. Ŋa pâi Nɛbukinaza kɛ̂i é m̀aa lɔii tí su kara kpɔ́ kpúŋ.

Ɉeremi 33:10

Yâwɛɛ è mò ǹyɛɛ, “Nûa da kɛ̂i dîɛ gwaai ŋí ma káa a fɛ̃ɛ-kpâlaŋ su. Núu da fé ƃɛ́, kpaa máŋ taa-tulɛ. Ǹyaŋ nyíŋi káa a tɔ̃yâ. Zuda taa-ŋai da Zerusâlɛŋ pere lee-ŋai díkaa a bûŋ. Ífa núu da kpaa máŋ taa-tulɛ da kàa naa. Kɛ́lɛ, ka pâi ŋɔ́nɔ gwaai ŋá ma woo mɛnîi.

Ɉeremi 34:22

Ŋa pâi ŋ́oo tɛɛ̂i dípɔ naa, ǹyaŋ da pâi lenêi pôlu daa-lêei ŋí su. Da pâi kɔ́ pɛlɛ̂i mà, dí zoŋ, dí géreŋ kpɔ́ kpái. Ŋa pâi Zuda taa-ŋai kɛ̂i dílɛɛ a dí pûŋ yɛ̂ɛ fɛ̃ɛ-kpâlaŋ-su ƃɛ́i núu da fé naai. Ńyãa Yâwɛɛ ƃé mò tí.”

Ɉeremi 4:29

Tãi zòo mɛi-ƃelai da gbála pili-ƃelai díwoo a pâi tɛ̂i lai, núu kélee a pâi pûi. Díta-ni da pâi pûi dí lí ǹɔɔi su. Díta-ni dítɛ gɔni-ŋai sáma. Daa-ŋai kélee da pâi lɛɛ̂i a dípûŋ, ǹyaŋ núu da fa ŋɔ́nɔ sèe naa.

Ɉeremi 44:2

Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai è mò ǹyɛɛ, “Káa kpîŋ ká m̀ɛni kpɔ̂lui kâa ŋá ǹaa Zerusâlɛŋ ma da daa-lêe-ŋai díkaa Zudai. Lonii ma kpîŋ, díkaa niî a taa-pîleŋ ŋá ƃɛ́i núu da fé naai,

Ɉeremi 46:18

Ńyãai ŋ́gaa a Ŋ̀wála-wâla kélee Yâwɛɛ, ŋ́gaa a kâloŋ. Ńyãa ƃa gɛ-ɣele-ma Ɣalai. Berei Tabɔ yee kɛ́tɛi tɔɔ̂i la ǹyée-ŋai mɛi, Kamɛɛ yeei tɔɔ́ ǹyuoi mɛi, bere ƃé diai pâi gɔ́i toôi kâai, díwala-wala-laai káa la.

Ɉeremi 49:19

Ŋa pâi pâi dîa yɛ̂ɛ yala-sulu a kùla ǹɔɔi su Zɔdiŋ Ya-leei kɔlɛ a pɛ̀lɛ ƃála-ŋa dîa gala ŋûnui ŋá ƃɛ́i da dílaa-mii naai. Ŋa pâi pâi ŋá Idɔŋ-ƃelai kɛ́ dí pú a maa félaa dí kúla dílɔii su. Gɛ̀ ní, ŋa pâi dílaa túɛ-nuu lɛ̂i nyíi pâi dímɛi kâai. Gbɛ̂ɛ ƃé ka pɔ̂ri gɔɔ̂ni ḿâi? Gbɛ̂ɛ ƃa pɔ̂ri tɔɔ̂i ŋ́ɛi túɛi?

Ɉeremi 5:6

M̀ɛni ma, yala-sulu-ŋa da pâi kulâi ǹɔɔi sú dí dípaa. Bala-ŋa da pâi kulâi vɛ̃ɛ-kpâlaŋ su dí pá dí dípaa. Kɔ́li-ŋa da pâi díyee-ŋa ƃôi dítaa-ŋai su. À kɛ̀ núu da a tòo dísama, da pâi vála fâlai. Kpɛ́ni fêi dísɔnyɔ̂ŋ a táma, da dípôlu tɔ́ɔ Ɣâla mà a tãi kélee.

Ɉeremi 50:17

Yâwɛɛ è mò ǹyɛɛ, “Eezuɛ-ƃelai díkaa yɛ̂ɛ ƃála-ŋa nyíi-ŋai yala-sulu a díkpɛ̂i díkɛ tàa-taai. Tãi maa ŋuŋ, Asiria kaloŋ è kɔ́ pɛ̀lɛ dîa. Ǹaa pôlu ma, Babelɔŋ kaloŋ Nɛbukinaza é díkao wólo.

Ɉeremi 50:44

“Ńyãa Yâwɛɛ, ŋa pâi pâi yɛ̂ɛ yala-sûlu ƃé kulâi wolâi Zɔdiŋ Ya-leei kɔlɛ, ŋá pá gala ŋûnui ŋá, ŋá gɛ́ Babelɔŋ é pú a maa félaa é kúla daa lêei su. Gɛ̀ ní ǹúu mɛi-nuui ŋa pâi ziɣêi, ǹyaa ƃé pâi ǹɔii-ŋuŋ tí mɛi kâai. Gbɛ̂ɛ ƃé ka pɔ̂ri gɔɔ̂nii ḿâi? Gbɛ̂ɛ ƃa pɔ̂ri tɔɔ̂i ḿâi? Kâloŋ nênɛ ƃa pɔ̂ri tɔɔ̂i ŋ́ɛi?

Ɉeremi 8:16

Kwa kúkpɔara-ƃelai dí kɔ́ pɛ̀lɛkɔ soo-ŋai lɛ̂wo-woo mɛnîi Daŋ ŋɔlɔii su. Dísoo sîrɛ-ŋai kɔ́ɔ mu-tìŋ a gɛ̂i ǹɔii kɛ́ kpɛ̃̀liŋ. Da pá a gɛɛ dí ǹɔii su kara da zu-sãa kélee, é máŋ kɛ́ yɛ̂ɛ daa-lee-ŋai da dísu sãai.”

Ɉeremi 9:11

Yâwɛɛ è mò ǹyɛɛi, “Ŋa pâi Zerusâlɛŋ wôloi, ŋá ǹaa kɛ́ a taa-pîleŋ ŋá. Ǹaa a pâi kɛ̂i a fɛnɛ-sãa pɔ́-taai. Ŋa pâi Zuda taa-lee-ŋai kélee lɛɛ̂i a búŋ. Núu da kélee fé pâi seêi naa.”

Izikiɛ 12:20

Daa-leei ŋai nyii kélee kpɔ́ ǹáa fɛɛi a pâi lɛɛ̂i a volo. Ǹɔii a pâi lɛɛ̂i bûŋ. À kɛ̀ tí, da pâi gɔlɔni a gɛɛ ńyãa ƃa Yâwɛɛ.”

Izikiɛ 21:31

Ŋa pâi ńii ŋwânai kâa. Ŋa pâi ńii ŋwânai kâa nyii pâi kɛ̂i yɛɛ ŋɔŋ-sôŋ. À kɛ̀ tí, ŋa pâi ká tɛɛ̂i ŋwana-lɔ̂ɔ-ƃela pɔ́ nyii-ŋai dítii ƃa núu su karáa.

Izikiɛ 32:2

“Núu-kpune ǹóŋ, ye malôŋ wɔ̀lɔ kɛ́ Ize kaloŋ mâ. Ye ŋ̀orɛ̂-wooi ŋí ƃó mà yɛ̂ɛi, ‘Í íkpîŋ kàa yɛ̂ɛ yala-sulu ǹɔii-ŋûŋ-ŋai sáma. Kɛ́lɛ íkaa yɛ̂ɛ yúo-zele-kali nyii gáa ǹyá lêei sui. Í ǹyái nùnu a íkɔɔ.

Danîa 5:19

M̀ɛnii ŋí è gɛ̀ lɔii-ŋuŋ támaa su-ƃela dí kɛ́ ŋumɛ mâa tɛ̀ɛ bɔ́ díkɛ yào m̀a. Diai è kɛ̀ ŋ̀wɛ̂lii é dípaai, è dípâa. Diai è kɛ̀ ŋ̀wɛ̂lii dí lɛ́ɛ a dífului, è dí lɛ̀ɛ a dífulu. Diai è kɛ̀ ŋ̀wɛ̂lii é ƃaa kɛ́-maa tɛ́ɛ dípɔ kpaa máŋ é ƃɛlɛ-too sɛ̂lɛŋ diai, è gɛ̀ tí.

Danîa 7:4

Maa-ŋuŋ è kɛ̀ yɛ̂ɛ kɔ́li, goôŋ kɛ́ ƃò mà yɛ̂ɛ kuɛ. Ŋá lɛ̀ɛ m̀aa kpɛɛ̂i goôŋ veerɛ é kúla m̀a é tóo. È m̀u-siɣe é tɔ́ɔ yɛ̂ɛ núu. È kɛ̀ tí è pɛ̀lɛ gíli ŋá siâi yɛ̂ɛ núu-kpune.

Levetekɔ 26:31

Ŋa pâi kátaa lee-ŋai su kara, ŋá káɣâla-pɔkɔɔŋ-ŋai fɛli kwaa-ŋai ḿâ su kara. Ŋa pâi ńyee kúlai kásâla-ŋai mu. Kákereŋ-sãa kúŋ nɛ̃ɛi da ƃɛlɛ fé pâi kɛ̂i ŋ́goi.

Levetekɔ 26:33

Ŋa pâi gɛ̂i kákpɔara-ƃelai dí kɔ́ pɛ́lɛ kâa kátaa-tàa lɔii ŋuŋ da kpɛni-ŋa su. Ŋa pâi kálɔii su karâi kátaa-lee-ŋai dílɛɛ a pilêŋ ŋá.