Ɉeremi 4:30 - Bible

³⁰ Zerusâlɛŋ, ya lɛɛ a ífolo! Ya ímaa ɣirîi a seɣe kpɔ̂lu lé mɛni m̀a? Ya kɔyɛ̂ŋ sɔ̃ɔ-kpanaŋɔɔ nyíi dí gbɛ̀tɛ a gôoi, tôoi íkɔŋ ma, íkɛ íŋɛ́i-gɔ́loŋ pôlu tɛi lé mɛni ma? Ya ímaa ɣirîi nɔ́ kpɛ́ni-kpɛni. Í wɛli kɛ́ maa-ƃelai da díyee kúla ímu. Ǹyaŋ da ŋ̀wɛ̂lii dí ípaa.

Yálá laawoo hɛɓɛ (dc)

³⁰ Ə lɛɛ yɛ́i ɓaa Ɉerusalɛmə taa, lə ɓə ə́ kaa pai gɛi? Hɛli həɠə ɓə ŋɛ̨i ə́ kaa gɛi yɛ́i? Ə́ kaa mɔ̨ɔ̨ pai ə́ mąą yilii a hɛni? Ə́ kaa mɔ̨ɔ̨ pai pəna laa ə́ ɲɛ̨i? Kpɛli ka tii ə́ kaa gɛi, yɛ́ lɛlɛ kwɛli. Yɛ́ wɛliɠaa daa tɛɠɛɓo ə́ hu, ə́ paa mɛ̨nį ɓə kɛa di kaa la ə́ pulu.

Yálá laawoo hɛɓɛ

³⁰ Ə lɛɛ yɛ́i ɓaa Ɉerusalɛmə taa, lə ɓə ə́ kaa pai gɛi? Hɛli həɠə ɓə ŋɛ̨i ə́ kaa gɛi yɛ́i? Ə́ kaa mɔ̨ɔ̨ pai ə́ mąą yilii a hɛni? Ə́ kaa mɔ̨ɔ̨ pai pəna laa ə́ ɲɛ̨i? Kpɛli ka tii ə́ kaa gɛi, yɛ́ lɛlɛ kwɛli. Yɛ́ wɛliɠaa daa tɛɠɛɓo ə́ hu, ə́ paa mɛ̨nį ɓə kɛa di kaa la ə́ pulu.

Ɉeremi 4:30 ပူးပေါင်းရင်းမြစ်များ

Tɔɔɓɛlaa veelɛ 9:30

Nya ƃe Zewu è lì Zariɛɛ. Tãi Zɛsebɛɛ è mɛ̀ni lai, è wée sii da kpɛ́ni-ŋa sìa ŋ̀ɛ́i-gɔlɔŋ pôlu, é ŋuŋ-lêɣa kpɛtɛ, é ŋuŋ kúla vãa-lâɣi soŋ-kpôŋ lá, gɛ́ maa-kpɛ̂ŋ kɛ̀ a gɛɛ é gáa.

Hanwon 6:25

Ífe nɛ̀ɛ naa ǹɛ́lɛ-pere é ípili yee-laa-maa su, kpaa máŋ ŋɔŋɛ́i-gbana too-pere é ísoŋ.

Hanwon 7:10

Nya ƃe da ǹɛnîi dí kòyaŋ. Nɛnîi è kɛ̀ a maa ɣiriɛɛ yɛ̂ɛ berei wulu-wulu kɛ́-nɛnî a maa ɣîri lai, gbîŋ kpɛtɛɛ, ŋɔƃárei ŋá tɛ́ɛ.

Azaya 10:3

Lé ƃé ka pâi gɛ̂i tãi Ɣâla a pâ la a gɛɛ é ká kula-maa kɛi? Lé ƃé ka pâi gɛ̂i à kɛ̀ Ɣâla a kɛ̀ pâi a mɛni kpɔ̂lu gɛ́ kùla lɔii kôyaa su kôyaa sui? Mí ƃé ka pâi liî naa kpɔŋ mâa mɛni mai? Ka kɛ̀ pûi, mí ƃé ka pâi kátɔɔ-sãai lɛɛ̂i naai?

Azaya 20:6

Maa tãi tí a sèri, Felesia-ŋai yúo kpono ma perei da pâi m̀ôi dîyɛɛi, ‘Áao, ka gáa, berei diai kúkili káa dîa kúmaa kɔ̃ɔ mɛni ma Asiria kaloŋ yêei, dímaa mɛni a kɛ́ lai! Kúaŋ kúmaa mɛni a pâi kɛ̂i léŋ. Kwa pâi lɛɛ̂i nɔ́ ƃé ŋí ɣele ma?’ ”

Azaya 33:14

Mɛni nyɔ́mɔɔ kɛ́-ƃelai Zãiyɔŋ, da yaôi díkɛ kpɛ̃liŋ. Da kɛ̂ m̀ôi dîyɛɛi, “Ɣala ŋɔmɛni kula-maai káa yɛ̂ɛ ŋɔŋ. Kúta a pɔ̂ri kulâi ǹyée mu?”

Ɉeremi 13:21

Ya pâi kɛ̂i lé à kɛ̀ diai íkɛ̀ yɛ̂ɛ díkaa a íƃarâai da pà dí ísoŋ a kɔ-sôŋ dí kɛ́ ƃò ímɛi a kâloŋ? Ya pâi kɛ̂i mɛni sôli su yɛ̂ɛ nɛnî a kɛ koi-têe su.

Ɉeremi 22:23

Ká kɛ̀ a ká ŋuŋ-ma ƃóɔɔ sîda-ŋai sáma ká gùla Lɛƃanɔŋ, ka pâi kɛ̂i a ká malôŋɔɔ, zɛŋ-soli maai ŋí a pâi kɛ̂i yɛ̂ɛ nɛnî a kɛ̀ koi-tee su.

Ɉeremi 30:14

Káwɛli kɛ-maa-ƃelai kélee da nia kâa. Dífe ŋɔ́nɔ kpáani a ká maa mɛ̂ni. Ŋa kákula maa kɛ́ a ŋánaa, kpɛ́ni fêi, ká sɔnyɔ̂ŋ támaa kɛ̀. Ǹyaŋ, ká ŋwãna-lɔɔi su a kɛ́tɛ.

Ɉeremi 5:31

Ɣâla ŋɔlóno kɛ́-ƃelai dífa ŋɔ́nɔ mɛni da kpɛ́ni ƃò, fɛ̂ɛ dílɛɛ kɛ́. Zâla láa-soŋ-ƃelai da tûa nɔ́ yɛ̂ɛ ƃerei Ɣâla ŋɔlóno kɛ́-ƃelai da kɛ́ dîa ka tûa lai, ǹyaŋ ŋánûai dífa díyee kùla díwoo mu. Kɛ́lɛ, lé ƃé da pâi gɛ̂i à kɛ̀ m̀ɛni-ŋai ŋí kélee a seri gɔ̃yɛŋ mai?”

Woolaa 1:19

“Ŋá ḿarâai tôli, kɛ́lɛ dí ŋ́ɛi lɛ̀ɛ perêi. Zâla láa soŋ-ƃelai da ǹúu-pɔlɔ-ŋai da saa a puru daa-leei su. Dí kɛ̀ tɛ̂i dí kɛ́ yèŋ díkɔnɔ̃ŋ mɛni ma a gɛɛ dí lɛ́ɛ ɣele ma.

Woolaa 1:2

A gbêɣei toôi kpɔ́ a ŋánaa a kpíni kélee ŋ̀ɛ́i-ya kɛ́ yèŋ a ǹɛ̂ɣɛŋ. Ŋɔwɛli kɛ́-maa-ƃelai dɔnɔ kpîŋ fé naa é ŋ̀aa nɛnɛ. Díkelee da gíri, da kɛ́ a gbɔara-ƃela.

Woolaa 4:17

Kú lɛ̀ɛ kpɔŋ mâa nuu perêi kâai kúfii é kpɛ́ɛ. Kú tɛ̀ yeŋkêŋ ŋá kú kɛ́ lɔii-ŋuŋ da maa kpɛ̂ŋ nyii va pɔ̂ri kɛ̀ kpɔnîi kûai.

Izikiɛ 28:13

Ípɔ-taai ƃé kɛ̀ a Idɛŋ suai sû, nyii gáa a Ɣâla ŋɔsûai. Ya kâa yɔlɛ tòo íkɔŋ mâ nyii dí gbɛ̀tɛ a kɔni sɔ̃ɔ kpanaŋɔɔ kɛ́ɛ yɛ̂ɛ gɔnii da kɛ̂ ma luƃi, topâai, ƃɛɛlɔ, kameliɔŋ, zasipa, safaya, ɛmɔlɔɔ da gaanɛ. Dí gɔni-ŋai ŋí kpɛ̀tɛ a gôo yɔlɛ imaa mɛ̂ni ma a tãi díwɔlɔ í kpɛ̀tɛ la ŋ̀éniɛi sui.

Izikiɛ 28:9

Tãi da pâi pâi la díkɛ ípàai, ya pâi môi nîi yɛ̂ɛ íkaa a ɣâla? Tãi ká paa-ƃelai da pâi pâi lai, ká pâi kɛ̂i nɔ́ a núu-kpune.

Abdiasə 1:7

Íkɔlɛ-ma lɔii-ŋuŋ-ŋai nyii-ŋai ka dîa-ni ká kɔ́ kɔ̀ gîe mai, da pâi ípɛlɛ̂i dí íkpɛ íkpɔɔi lɔii su. Íƃarâai da pâi ípɛlɛ̂i dí íyee mɛi ɣále. Íƃarâai nyii-ŋai í làa a diai, da pâi ƃáre tɛ̂i ímɛni ma nyii ífe pâi gɔ́lɔnîi.”

Hebreu 2:3

Gɛ̀ ní kwa pâi kula-pere kɛ̂i leŋ tɔŋ-kpɛ́-maa yêei, à kɛ̀ kwa kúŋɛi nàɣîŋ ƃalo-laa kɛ́tɛ kɛ́ɛ tí mɛi? Kúnuu-namui ƃe mò a maa-ŋuŋ, diai ŋ̀óo mɛ̀nii dí m̀ó kûa, dí ǹɛ a gɛɛ gáa a tɔ̃yâ.

M̀ɛni-lɛɛi 17:13

Kili-ŋa-sîa tɔnɔ káa gâloŋ-ŋai ŋí yêei, ǹyaŋ ŋá díwala-wâla-laai tɛ̂ɛ zuai pɔ́.

M̀ɛni-lɛɛi 17:2

Da ǹɔii su-kaloŋ ŋai da wulu-wulu kɛ́i, nyíi ŋɔwulu-wulu-kɛɛi maa-ŋwã̂aii a ǹɔii su-ƃelai kɛ́i.”

M̀ɛni-lɛɛi 17:4

Nɛnîi è kɛ̀ a maa ɣiriɛ a seɣe kpɔ̂lu mu tɛɣiɛ da seɣe kpɔ̂lu, maa ɣiriɛ a gôo da kɔni sɔ̃ɔ kpanaŋɔɔ-ŋa da kɔyɛ̂ŋ mɛni kpanaŋɔɔ. Gôo-kɔpu è kɛ̀ ǹyêei ǹá fɛ́ɛ a ŋwana-lɔ̂ɔ da ŋɔwulu-wulu-kɛɛ maa-mɛni nyɔ́mɔɔ-ŋai.