Ɉeremi 4:29 - Bible

²⁹ Tãi zòo mɛi-ƃelai da gbála pili-ƃelai díwoo a pâi tɛ̂i lai, núu kélee a pâi pûi. Díta-ni da pâi pûi dí lí ǹɔɔi su. Díta-ni dítɛ gɔni-ŋai sáma. Daa-ŋai kélee da pâi lɛɛ̂i a dípûŋ, ǹyaŋ núu da fa ŋɔ́nɔ sèe naa.

Yálá laawoo hɛɓɛ (dc)

²⁹ Daa lee hu nuą da pa: ɉooɠaa da gilɛn bili nuą tin mɛ̨n ɉii, di kəlee di kaa pai tɛɛi a gilɛ; diɛ lɔ gbomoɠaa hu; diɛ tɛ kwɛniɠaa ɓa; nuą daa kulɔ daa kəlee hu, nui lɔpee ta hvo lɛɛ li daai.

Yálá laawoo hɛɓɛ

²⁹ Daa lee hu nuą da pa: ɉooɠaa da gilɛn bili nuą tin mɛ̨n ɉii, di kəlee di kaa pai tɛɛi a gilɛ; diɛ lɔ gbomoɠaa hu; diɛ tɛ kwɛniɠaa ɓa; nuą daa kulɔ daa kəlee hu, nui lɔpee ta hvo lɛɛ li daai.

Ɉeremi 4:29 ပူးပေါင်းရင်းမြစ်များ

Kɔlɔnikɔ Veerɛi 33:11

Nya ƃe Yâwɛɛ è gɛ Asiria kaloŋ ŋɔkɔ-kuluƃa ŋai dí pa dí Manasɛ sòŋ a kɔ-sôŋ dí kpawɔ pili zũai, Dí bili ƃara-kpɔnɔ ŋá díli la Babelɔŋ.

Azaya 30:17

Káwala tɔnɔ fa pɔ̂ri tɔɔ̂i kákpɔara-ƃelai díkɔ kuluƃai dɔnɔ perêi. Díkɔ-kuluƃai ǹɔ́ɔlu da pɔ̂ri gɛ̂i kákelee ká pú. Da gɛ̀ ka kákɔ-kuluƃa-ŋai kélee ká pú. Zɛŋ nɔ́ pâi lɛɛ̂i kápôlui ǹyaa ƃa káƃenâi ká dɔ̀ɔ ǹyéei tôŋ sui.

Azaya 6:12

Ŋa pâi naa-ƃela kélee kulâi naa, ŋá dítɛɛ lɔii su kôyaa su, naa é lɛ́ɛ a lɔii pûŋ.

Ɉeremi 16:16

Yâwɛɛ è mò ǹyɛɛi, “Ŋa pâi yá-kpɛ-ƃela tɛɛ̂i dí pá dí ǹûai ŋí sóŋ. Ŋá loŋso-ŋa tɛ̀ɛ dí lí dí dísoŋ ǹyée kpaya-kpayai da ǹyée pɛlɛɛ-pɛlɛɛi tôŋ su, gɔni wôlo-ŋai su.

Ɉeremi 4:7

Berei yala-sulu a kûla la ǹoo pêrei é pɛ́lɛ gɔ́nɔŋ mai, bere ƃé ǹɔii-ŋuŋ-ŋai su kara nuui a pâi kulâi la bɔ́ naa é pá é pɛ́lɛ kâa. Gáa kulâi ƃɛ́i gáa naai a gɛɛ é Zuda su kara. Da pâi Zuda taa-lee-ŋai su karâi, ǹaa é lɛ́ɛ a pîleŋ ŋá. Núu da fé ŋɔ́nɔ pâi seêi díta su.

Ɉeremi 52:7

Nya ƃe gɔ-kuluƃa-ŋai dí ziɣãŋ wôlo dí tɛ́ɛ naa, berei máŋ Babelɔŋ kɔ-kuluƃa-ŋai dí kɛ̀ la a dítinaŋɔɔ ziɣãŋ mai. Nya ƃe gɔ-kuluƃa-ŋai kélee kpɔ́ dí pù a gbínii. Dí pù dí tɛ́ɛ a ziɣãŋ lá-ƃerei pere nyíi kɛ̀ ziɣãŋ feerɛi loai, dí tɛ́ɛ gâloŋ ŋɔsûai su-pere dí díteniŋ tɔ́ɔ diŋ-tiŋ su pere nyíi kɛ̀ Zɔdiŋ Ya-leei ma perei.

Ɉeremi 6:23

Da díkerâŋ-ŋai da díkpala-ŋai síɣe. Dí ŋwana lɔ̂ɔi, dífa núu ŋɛ́i malôŋ kàa. Dí sia-tîŋ káa yɛ̂ɛ yúo too tîŋ. Díkaa seêni dísoo-ŋai mɛi dí kɛ̀ pà a gɛɛ dí kɔ́ pɛ́lɛɛ yá Zerusâlɛŋ yâ.”

Amɔsə 9:1

Ŋa Kúnuu-namui kàa tɔɔ̂-ni ŋ̀âla-teƃelei kɔlɛ, ǹyɛɛi, “Bɛ́rɛ yée-mu nɔ̃ɔ-ŋai lókwa a gɛɛ bɛ́rɛi kwaa kélee é kpɛ̃lîŋ, í díwolo ǹûai kélee ŋûa. Nyii-ŋai pâi lɛɛ̂i, ŋa pâi dípaâi a m̀óa-sɔkpɔi. Dɔnɔ kpîŋ fé pâi pûi. Dɔnɔ kpîŋ fé pâi kulâi zu.

Lukə 23:30

Maa-tãi ti da pâi pɛlɛɛ̂i m̀óɔ ma ǹyée kpaya-kpayai dîa, dîyɛɛi, ‘Ka too kûa’; da ǹyée pɛlɛɛ-ŋai dîa, dîyɛɛi, ‘Ka kúmɛi pɛ́lɛ.’

Samuɛlə dɔlɔɔ 13:6

Tãi Eezuɛ-ŋai dí gɔ̀lɔŋ la a gɛ́ɛ Felesia-ŋai tâmaai é tɛ́ɛ dîai, dí kɛ̀ yaôi kpɛ́ni fêi, díkɛ a gɔ́lɔŋɔɔ gɔ́i a pâi díyee mɛi ɣâlei. Nya ƃe Eezuɛ-sinaai dí dí lòo kɔni wôlo-ŋa su, dí díloo ǹóa-ŋai su gɔni-ŋai loai, dí díloo ǹɔɔi su. Dí tani dí pù dí lí ƃɛi ma da pɔri liî nai. Dá tani dí pù dí lí molôŋ-ŋai sáma dí díloo naa. Díta-ni dí díloo lóa kpóŋ kôya-ŋa su.