Ɉeremi 4:27 - Bible

²⁷ Yâwɛɛ è mò a gɛɛ ǹɔii a pâi lɛɛ̂i a bûŋ kɛ́lɛ, ŋ̀éniɛi fé pâi kpɛɛ̂i.

Yálá laawoo hɛɓɛ (dc)

²⁷ Yai-Laa woo ka, yɛ diɛ: Gáá nɔi kəlee kalai. Kɛlaa, ə mą kɛ tii, gáá ɲéé pulu lɛɛi naa ta.

Yálá laawoo hɛɓɛ

²⁷ Yai-Laa woo ka, yɛ diɛ: Gáá nɔi kəlee kalai. Kɛlaa, ə mą kɛ tii, gáá ɲéé pulu lɛɛi naa ta.

Ɉeremi 4:27 ပူးပေါင်းရင်းမြစ်များ

Kɔlɔnikɔ Veerɛi 36:21

Tãi ŋi yée mu, ǹɔii è vii-tɔɔ ŋɔfii-tɔɔ-ɣelei ma. Núu da fé kɛ ni naa é tíi kɛ́ ǹɔii ma kóraŋ buu-lɔ́ɔlu mɛi feerɛ yée mu. Mɛnii ŋí è kɛ a Yâwɛɛ wóo ŋa-see kɛ̂i nyíi è m̀o Zɛlemaya sarâi.

Nehemi 9:31

Kɛ́lɛ ífe ǹɛɛ ní naa dísuui su é kara, kpaa máŋ í íyee kúla dí mu, kpɛ́ni fêi, íkaa a lii kpêle Ɣala ímaloŋ kâai kóyɛŋ fé ma.

Azaya 17:6

Núu kpulu-loŋ nɔ́ ƃé pâi lɛɛ̂i Eezuɛ. Naa a pâi lɛɛ̂i nɔ́ yɛ̂ɛ da ɔle kùla ɔle-wuru-ŋa m̀á tɛi-tɛi a lɛ̀ɛ nɔ́ dôŋ su. Ńyãa Yâwɛɛ, Eezuɛ Ŋɔɣâlai ƃé m̀o tí.”

Azaya 24:1

Yâwɛɛ a pâi ǹɔii su karâi é ǹaa lɛɛ a bûŋ. A pâi gɛ̂i ǹaa-ƃela kélee dítaa-tâa.

Ɉeremi 18:16

Da ǹɔii ŋí kɛ́ a kwaa ma mĩli-miliɛɛ, naa ƃɛlɛ-kpɛɛ núu koi. Diai pâi tɛɛ̂i naai, mĩli-mili a pâi pûi dîa a berei ǹaa káa lai. Da pâi díŋuŋ kpɛ́mɛnîi a ǹaa kɛ́-pere.

Ɉeremi 25:11

Da pâi Zuda su karâi, naa é lɛ́ɛ a fɛ̃ɛ-kpâlaŋ su. Ǹɔii-ŋai ŋí su-ƃela kélee kpɔ́ da pâi kɛ̂i luɛ-laa su Babelɔŋ kaloŋ yée-mu a kóraŋ buu lɔ́ɔlu-mɛi feerɛ.

Ɉeremi 30:11

Ŋa pâi pâi ŋá ka ŋuŋ-maa ƃó. Ŋa pâi ǹɔii-ŋuŋ-ŋai kélee kpɔ́ su karaâi ƃɛ́i ŋá kátaa-taa naai, kɛ́lɛ, ḿve pâi kákelee ká su karâi. Ḿve pâi ǹɛɛ̂i naa ká lí kpɛ́ni-kpɛni. Kɛ́lɛ ŋa pâi kákula ma kɛ̂i a pere sîi sã́a. Ńyãa Yâwɛɛ ƃé mò tí.”

Ɉeremi 4:20

Mɛni kpɔ̂lu káa nɔ́ mɛni kpɔ̂lu pôlu. Ǹɔii a lɛɛ a bûŋ. Ŋáƃûui a wólo a maa félaa. Dí seɣe-ŋai kɛ̀ a zɛ̂lɛŋɔɔ berei sui, a fála a gbûa-kpûa

Ɉeremi 4:7

Berei yala-sulu a kûla la ǹoo pêrei é pɛ́lɛ gɔ́nɔŋ mai, bere ƃé ǹɔii-ŋuŋ-ŋai su kara nuui a pâi kulâi la bɔ́ naa é pá é pɛ́lɛ kâa. Gáa kulâi ƃɛ́i gáa naai a gɛɛ é Zuda su kara. Da pâi Zuda taa-lee-ŋai su karâi, ǹaa é lɛ́ɛ a pîleŋ ŋá. Núu da fé ŋɔ́nɔ pâi seêi díta su.

Ɉeremi 44:6

M̀ɛni ma, ŋá ńii ŋwàna kpɔ́ Zuda taa-ŋai dîa da bere-ŋai díkaa Zerusâlɛŋ. Ŋá ŋɔŋ tôo dîa naa é lɛ́ɛ a bûŋ. Ǹaa è lɛ̀ɛ a yao ma kwaa ma é lɛ́ɛ la zu é seri sâa ma.

Ɉeremi 46:28

Ŋa pâi pâi kápɔ-naa ŋá káƃalo. Ǹɔii-ŋuŋ-ŋai ŋá kátaa-tàa zui, ŋa pâi gélee su karâi. Ḿve pâi ká su-karâi. Ḿve pâi ǹɛɛ̂i naa ká lí kpɛ́ni. Ŋa pâi ká kula-maa kɛ̂i, kɛ́lɛ ŋà pâi gɛ̂i a teniŋ ƃô-pere. Ńyãa Yâwɛɛ ƃé mò tí.”

Ɉeremi 5:10

Ka lí díkpɔmɔ-ƃa kpalaŋ ŋá ká da-ni su kara. Kɛ́lɛ káfe gélee kpúŋ su kàra. Díwoŋo-ŋai nɔ́ ƃé ká dée dîa kpɛ́ni fêi, dífe a Yâwɛɛ pɔ́ɔ.

Ɉeremi 5:18

Yâwɛɛ è mò ǹyɛɛi, “Ŋ̀ele-ŋai tí yée mu, ḿve pâi ŋánûai kélee kpɔ́ paâi.

Ɉeremi 7:34

Ŋa pâi lii-nɛ̃ɛ da pêle kɛ́ɛ kperâi Zuda taa-ŋai kélee su da Zerusâlɛŋ pere-ŋai kélee ma. Núu da fé pâi nɛnî kpaa surɔ̂ŋ kula pêre-woo mɛnîi kpɛ́ni fêi, núu da fé pâi lɛɛ̂i ǹɔii su.”

Ɉeremi 9:11

Yâwɛɛ è mò ǹyɛɛi, “Ŋa pâi Zerusâlɛŋ wôloi, ŋá ǹaa kɛ́ a taa-pîleŋ ŋá. Ǹaa a pâi kɛ̂i a fɛnɛ-sãa pɔ́-taai. Ŋa pâi Zuda taa-lee-ŋai kélee lɛɛ̂i a búŋ. Núu da kélee fé pâi seêi naa.”

Woolaa 2:7

Ǹuu-namui ǹyée kùla ŋɔsâla kula kwaai ma mɛni mu da Ŋɔɣâla-pɛrɛ Kɛ́tɛi. È kùla ŋɔkâloŋ-pɛrɛ-ŋai dísiɣãŋ-ŋai perei é naa tɛɛ ŋɔkpɔara-ƃelai pɔ́. Ŋɔkpɔara-ƃelai dí làɣi a zu kɛ́tɛ a lii nɛ̃ɛ Ŋ̀âla-pɛrɛ Kɛ́tɛi mu yɛ̂ɛ nya ƃe da kɛ̀ kúu kɛ́tɛ kɛ̂i yɛ̂ɛ berei kwaa kâa gɛ̀ la tãi kwa kâa kɛ̀ vɛlîi lai.

Izikiɛ 11:13

Tãi ŋá kɛ̀ ŋâla-wooi ŋí ƃôi lai, Benaya ǹóŋ Pelatia è tòo é sáa. Nya ƃe ŋáŋuŋ ma pìlaŋ ǹɔii mâ ŋá láɣi ńyɛ̂ɛi, “Óo Ŋ́wala-wala kélee Ɣâlai, ya pâi ǹɛɛ̂i naa diai da lɛɛ ŋ̀ele mai Eezuɛi díkelee dísaa?”

Izikiɛ 20:17

“Kɛ́lɛ ŋá díŋɛi maloŋ kâa ḿve dípaa ni, kpaa máŋ ŋá díkelee dípaa vɛ̃ɛ-kpâlaŋ su.

Izikiɛ 33:28

Ŋa pâi ǹɔii kɛ̂i a lɔii pûŋ nyii núu da fé pâi kɛ̂i naa. À kɛ̀ ti, ŋ̀wála-wala laai díkili è kɛ̀ a dɔ̀ɔ mà díkɛ ŋɛi-tɛ kɛ̀i a pâi kperâi. Ǹyée-ŋai díkaa Eezuɛi díkelee da pâi lɛɛ̂i a dípûŋ núu da fa pɔ̂ri tɛɛ̂i zu.

Izikiɛ 6:14

M̀aa tãi tí ma, ŋa pâi ǹyée pɛlɛi dîa ŋá dílɔii lɛ́ɛ a bûŋ kɛ̂i fa ŋɔ́nɔ kɛ́ m̀a. Mɛnii ŋí a pâi kɛ̂i dílɔii gwaa kélee mâ é siɣe vɛ̃ɛ-kpâlaŋ su é tôo Lebala. À kɛ̀ tí, da pâi ŋgɔlɔni a Yâwɛɛ kpîŋ-kpîŋ.”

Levetekɔ 26:31

Ŋa pâi kátaa lee-ŋai su kara, ŋá káɣâla-pɔkɔɔŋ-ŋai fɛli kwaa-ŋai ḿâ su kara. Ŋa pâi ńyee kúlai kásâla-ŋai mu. Kákereŋ-sãa kúŋ nɛ̃ɛi da ƃɛlɛ fé pâi kɛ̂i ŋ́goi.

Levetekɔ 26:44

Kɛ́lɛ a nɛ̃ɛ ma kpîŋ díkɛ lɔii ŋuŋ da kpɛni-ŋa su, fé pâi wɔ́lɔ ńyee kulâi dímu kpaa máŋ ŋá dísu kara. Fé pâi wɔ́lɔ ŋákpanaŋ-wooi siɣêi dɔɔ̂i díyêei, Ńyãa ƃa Díɣâlai Yâwɛɛ.

Sofoni 1:18

Dísɛŋ-kao-kolei da dígôoi fé pâi díkulâi Yâwɛɛ ŋɔlii-ŋwânai su a ma ɣêlei tí. Ŋɔtólo lii-ŋwana kpɛɛ pôlui su, a pâi ŋ̀éniɛi kélee su-karâi. Tɔ̃yâ ma a pâi ǹɔii-su-ƃelai kélee su karâi a maa félaa.