Ɉeremi 4:13 - Bible

¹³ Ka gáa, kákpɔara-ƃelai díkaa pâi yɛ̂ɛ ɣele-kɔlɔŋ kole. Díkɔ́kɔ-keleŋ káa yɛ̂ɛ tínaŋ fãa. Dísoo-ŋai maa fêlaai kpɔ́ yɛ̂ɛ kuɛ-ŋa. Kpalo ƃêlai kûa kpɛ́ni fêi, kú su a kara.

Yálá laawoo hɛɓɛ (dc)

¹³ Kaa ɲɛ̨i hee tai ku yowo ɓa! Gaa pai yɛ hvaŋą a hee tulɔ kpinįn ɉu; ku yowo nwɔ kɔ́ kɔ́ wotoloɠaai kaa yɛ tulɔ hvaŋą. Nwɔ hooɠaa mąąhulaa di tɛɛ kuwɔ ɓa. Ə́ kə néé! Ku nwun na piliɛ li-ee!

Yálá laawoo hɛɓɛ

¹³ Kaa ɲɛ̨i hee tai ku yowo ɓa! Gaa pai yɛ hvaŋą a hee tulɔ kpinįn ɉu; ku yowo nwɔ kɔ́ kɔ́ wotoloɠaai kaa yɛ tulɔ hvaŋą. Nwɔ hooɠaa mąąhulaa di tɛɛ kuwɔ ɓa. Ə́ kə néé! Ku nwun na piliɛ li-ee!

Ɉeremi 4:13 ပူးပေါင်းရင်းမြစ်များ

Samia Veerɛi 1:23

“Sɔ̂ɔ da Zonetaŋ dí kɛ̀ a díkîe-ni wɛ́liɛɛ, wɛli-kɛ́-maa kɛ́ ƃò díyêei. Dífe kɛ́ ní a díŋaa kɔlɛɛ dífulu-laai su da dísaa pôlu ma. Díkɔɔ ma è kɛ̀ a vélaa é tɛ́ɛ kuɛ ma, díwála-walaa é tɛ́ɛ yala-sulu ma.

Azaya 13:5

Da kulâi lɔii ŋuŋ su kôyaa-ŋa su. Yâwɛɛ líi ŋwânai ŋ̀éniɛi su-ƃelai kélee dîa. A pâi naa gwaa kélee su-karâi.

Azaya 19:1

Ŋ̀orɛ̂-wooi ká ŋí bîlaŋɔɔi Ize lɔii mai. Yâwɛɛ a pâi Ize lɔii su. Gáa ŋ̀ele-kɔlɔŋ su vãai su gɛ́ pà a maa félaa. Ize-ƃelai díkpɛtɛ ɣâla-ŋai kélee da pâi toôi gɔ́ɔ mu díkɛ kpɛ̃liŋ. Ǹyaŋ Ize-ƃelai líi a pâi toôi pôlu a ŋ̀ánaa.

Azaya 3:8

Kpalo a ƃéla Zerusâlɛŋ ma. Zuda kɛ́ wòlo. Ǹaa-ƃela kélee tɔɔ̂i Yâwɛɛ ma a díwoo da dítûa-pere. Da wóo nyɔ́mɔɔ-ŋa ƃò é pîlaŋ Yâwɛɛ ǹyaa kpîŋ m̀a.

Azaya 5:28

Dísɔla-ŋai ŋá séneɛ̂i, díkerâŋ-ŋai ŋá tɛ́ɛ. Díkɔ kɔ́-soo-ŋai sôlo kpanaŋɔ̂ɔi yɛ̂ɛ kɔni-ƃela-ŋa. Díkɔ kɔ́-keleŋ-ŋai da kîrɛ sìɣe yɛ̂ɛ tínaŋ fãa su-kpanaŋɔɔ.

Azaya 66:15

Yâwɛɛ a pâi pâi a ŋɔŋ. A pâi kɛ̂i vãai su gɛ́ pà a gɛ́ɛ diai ńii-ŋwânai diai, é díkula maa kɛ́.

Ɉeremi 10:19

Ǹûai dí mò dîyɛɛi, “Kpalo ƃélaai kûa kúsɛŋ sôli-maai mɛ̂ni ma. Kúpalai fa kpɛ̂ɛ. Kɛ́lɛ kú mò kúkpîŋ ma a gɛɛ kú maa kɔlɔ-fela ká ŋí. Fɛ̂ɛ kú kúyee sée mu.

Ɉeremi 4:12

Vãai nyíi kùla Yâwɛɛ yêei, a pâi kɛ̂i a ŋ̀wála-walaa é tɛ́ɛ nyíti ma. A pâi kɛ̂i a Yâwɛɛ ŋɔmɛni ŋá téɛɛ ŋɔnûai mɛni ma.

Ɉeremi 4:31

Ŋá wɔ́lɔ-woo mɛ̀ni yɛ̂ɛ nɛnî ƃé gáa koi-tee lɔɔi. Yɛ̂ɛ nɛnî ƃé gáa koi-tee su a m̀aa-ŋuŋ. È kɛ̀ a Zerusâlɛŋ nyíi kɛ̀ wɔ̂lɔi, gɛ̀ ǹɛ̂wo gbɛɛ-ŋai tòo, gɛ́ ǹyée sã̀a, gɛ́ mò ǹyɛɛi, “Ŋ́gáa mɛni kpɔ̂lu su! Da pá ḿbaâi.”

Ɉeremi 46:18

Ńyãai ŋ́gaa a Ŋ̀wála-wâla kélee Yâwɛɛ, ŋ́gaa a kâloŋ. Ńyãa ƃa gɛ-ɣele-ma Ɣalai. Berei Tabɔ yee kɛ́tɛi tɔɔ̂i la ǹyée-ŋai mɛi, Kamɛɛ yeei tɔɔ́ ǹyuoi mɛi, bere ƃé diai pâi gɔ́i toôi kâai, díwala-wala-laai káa la.

Ɉeremi 48:40

Yâwɛɛ a góno tée a gɛɛ lɔii-ŋuŋ da a pâi yenîi Môa ma yɛ̂ɛ kuɛ é goôŋ pɛlɛ m̀ɛi.

Ɉeremi 49:22

Bózira kpɔara-ƃelai da pâi pɛlɛ̂i m̀a yɛ̂ɛ kuɛ a goôŋ fùlomo a bɛ̀lɛ gɔ́nɔ̃ŋ mɛi. Maa ɣelêi tí, Idɔŋ kɔ-kûluƃa-ŋai da pâi kɛ̂i yɛ̂ɛ nɛnî a kɛ̀ koi-têe su.”

Ɉeremi 6:23

Da díkerâŋ-ŋai da díkpala-ŋai síɣe. Dí ŋwana lɔ̂ɔi, dífa núu ŋɛ́i malôŋ kàa. Dí sia-tîŋ káa yɛ̂ɛ yúo too tîŋ. Díkaa seêni dísoo-ŋai mɛi dí kɛ̀ pà a gɛɛ dí kɔ́ pɛ́lɛɛ yá Zerusâlɛŋ yâ.”

Ɉeremi 9:19

Zerusâlɛŋ-ƃelai da wɔ̂lɔi dîyɛɛi, “Da kú su kara. Ŋumɛ kɛ́tɛ a kú kɛ́. Kpɛ́ni fêi, kwa kula ǹɔii su. Kpɛ́ni fêi, da kúkɛ̂i wólo.”

Woolaa 4:19

Kúkpɔara-ƃelai dí kɛ̀ kúkpɛ̂i a kîrɛ. Dí kîrɛ kɔɔ è kɛ̀ a dɛɛ́ kuɛ ma tãi a kɛ̂ kɔɔ̂nii lai. Dí kɛ̀ kúkpɛ̂i ǹyée-ŋai ma, dí gbã tée kúperêi vɛ̃ɛ-kpâlaŋ su.

Izikiɛ 26:10

Ŋɔsoo-ŋai da pâi kɛ̂i kpɔ́ a dítamaa díkɔɔ-ŋa muluŋ é ká mɛi pɛ́lɛ. Tãi a pâi tɛ̂i la ká siaŋ sui, ŋɔkɔ-kɔ́-soo-ŋai da ŋɔkɔ-kɔ́-keleŋ-ŋai dítiŋ a pâi gɛ̂i kásiaŋ kɛ́ tùmo-tumo. A pâi ká siaŋ wôloi é tɛ́ daai su.

Izikiɛ 38:9

Gɔkuluƃa-ŋai kùla ǹɔii-ŋûŋ-ŋai su nyii-ŋai ka dîa-ni ka pâi, ka pâi pɛlɛ̂i dîa a m̀aa felaa yɛ̂ɛ tuna-ya fãa. Ka pâi dímɛi pɛlɛ̂i yɛ̂ɛ tuna-ya kpini.

Danîa 11:40

“Asiria Kaloŋ ŋɔtãi a kɛ̀ pâi kpɛɛ̂i, Ize kaloŋ a pâi kɔ́ pɛlɛ̂i m̀a. Asiria Kaloŋ ǹyaŋ a pâi pâi a ŋɔkɔ́ kɔ́-ƃelai kɔ́ kɔ́-keleŋ-ŋa su, soo-ŋa mɛi da tîma-ŋa dí kɔ́ bɔ́. Da pâi kɛ̂i pâi yɛ̂ɛ ya-fɛ̂ɛ, dí lɔii-ŋuŋ támaa síɣe.

Danîa 7:4

Maa-ŋuŋ è kɛ̀ yɛ̂ɛ kɔ́li, goôŋ kɛ́ ƃò mà yɛ̂ɛ kuɛ. Ŋá lɛ̀ɛ m̀aa kpɛɛ̂i goôŋ veerɛ é kúla m̀a é tóo. È m̀u-siɣe é tɔ́ɔ yɛ̂ɛ núu. È kɛ̀ tí è pɛ̀lɛ gíli ŋá siâi yɛ̂ɛ núu-kpune.

Osia 8:1

Yâwɛɛ ǹyɛɛ, “Ka dúrii fɛ̂ɛ. Ŋ́gbɔara-ƃelai díkaa ŋá pɛrɛi mɛi yɛ̂ɛ kuɛ-ŋa, kpɛ́ni fêi, da ŋákpanaŋ-wooi kàra da tɔɔ ŋátɔ̂ŋ ma.

Mise 2:4

Maa ɣêlei tí, da pâi malôŋ wule ŋí toôi é pîlaŋ kâa: ‘Da kú su kara. Yâwɛɛ a kúlɔii kúla kúyêei a dɛ́ɛ kúkpɔara-ƃelai pɔ́.’ ”

Nahumə 1:3

Wála-wâla-laa káa Yâwɛɛ yêei, kɛ́lɛ ǹíi ŋwana la fé nɛ̃ɛ ní. Ǹyaŋ a pâi zɔnyɔ̂ŋ-ƃelai kùla maa kɛ̂i. Ƃɛ́i Yâwɛɛ a sîa naai, fãa su kpanaŋɔɔ a tɛ̂ɛ naa, ǹyaŋ ŋ̀ele-kɔ̂lɔŋ kolei ƃa gɔ́ɔ ŋá muluŋ.

Habakukə 1:8

“Dísoo-ŋai kɔ́ɔ maa félaai é tɛ́ɛ kɔ́li ma, díkpeɣeɛɛi é tɛ́ɛ lɔɔ-ɣîla ma nyii a tûa a purui. Dísoo-sia-ƃelai da sîa a dísoo-ŋai a yoŋka-pere. Tɔ̃yâ ma dísoo-sia-ƃelai da kûla kwaa kôyaa ma. Da kôoŋ yɛ̂ɛ kuɛ a kɛ̀ yenîi gɔ́nɔ̃ŋ soŋ mɛ̂ni ma.

Zakari 6:1

Ŋá zĩ̂ai da kpɛ́ni kàa ŋɔ́nɔ. Maa tãi tí ŋá kɔ́kɔ-kêleŋ náaŋ kàa díkɛ kùla yée kpɔ̂lu feerɛ loai soo-ŋa díkɛ zìa.

Maafîu 24:30

A kɛ̀ tí, Núu-kpune Ǹóŋ maa-ŋɛi-kɛ-maai a pâi kulâi ŋelei su. Nuu-sii kélee a pâi wɔ́lɔ̂i ŋ̀éniɛi ŋí su, ǹyaŋ da pâi Núu-kpune Ǹóŋ kâai gɛ pa ŋele-kɔlɔŋ kole-ŋai su a wala-wala-laa da fólo-laa kɛ́tɛ.

Dutɛrɔnome 28:49

Yâwɛɛ a pâi núu kulâi ǹɔii-ŋuŋ kpóŋ ma lɔii-ŋuŋ da su é pá la gɛ́ ƃò kámɛi. A pâi kásonîi a maa félaa yɛ̂ɛ berei kuɛ a yêŋ la é gɔ́nɔ sóŋ. A pâi kɛ̂i a yao-maa nuu. Káfe pâi kɛ̂i ǹá-woo mɛnîi.

M̀ɛni-lɛɛi 1:7

Gáa, gáa pâi ɣele-kɔlɔŋ kole-ŋa su, ǹyaŋ ŋɛ́i kélee a pâi gâai diai zɔ̀ɔ a kpálai, ǹyaŋ sîi kélee gáa ǹɔii sui, a pâi wɔ̂lɔi m̀aa mɛ̂ni ma. Bere ƃe a pâi kɛ̂i la. É kɛ́ tí.