Ɉeremi 38:28 - Bible

²⁸ Kɛ́lɛ, ŋá lɛ̀ɛ gɔ-kuluƃa-ŋai dípɛrɛi lá gbini-pɛrɛi mu é lɛ́ɛ la zu dí Zerusâlɛŋ soŋ.

Yálá laawoo hɛɓɛ (dc)

²⁸ Ɉeremi ɛlɛɛ dɔɔ kwəli mąąkpɛ nuą yəi gwəlii, ə lɛɛ ɉu di Ɉerusalɛmə hon.

Yálá laawoo hɛɓɛ

²⁸ Ɉeremi ɛlɛɛ dɔɔ kwəli mąąkpɛ nuą yəi gwəlii, ə lɛɛ ɉu di Ɉerusalɛmə hon.

Ɉeremi 38:28 ပူးပေါင်းရင်းမြစ်များ

Mąątɛ̨nɛ̨ 23:4

Berei máŋ ŋa tɛ̂ɛ la kpíni su pîlaŋɔɔ su kɛ́ɛ yɛ̂ɛ saa táai, fé pâi ŋɔ́nɔ yaôi, Yâwɛɛ, kpɛ́ni fêi, íkaa ŋ́gɔlɛ. Ísia-tũaŋ da íƃala mɛi káa wûrii da ḿaa kɔ̃ɔ.

Ɉeremi 33:1

Yâwɛɛ è ŋɔ́nɔ lòno Zɛlemaya pɔ́ a tãi veerɛ ɣelei a tãi è kɛ̀ la gbìni-pɛrɛi mu gɔ-kuluƃa-ŋai dípɛrɛi lái.

Ɉeremi 37:20

Gâloŋ, ye íwoli tɔ́ɔ ŋ́oo ma, í m̀ɛnii kɛ́ ŋa pâi ímarê kɛ̂i m̀ɛni mai. Kperâ yɛ̂ ífe ŋɔ́nɔ ḿbili kpini-pɛrɛ mu Zonetaŋ ŋɔpɛ́rɛi mu. Ya gɛ̀ tí, gɛ̀ ní ŋa pâi saâi naa.”

Ɉeremi 37:21

Nya ƃe Gâloŋ Zɛdikaya è gɛ̀ dí ḿbili kpini-pɛrɛ mu ŋɔkɔ-kuluƃa-ŋai dípɛrɛi mu. Ǹaa ƃé ŋá kɛ̀ naa. Ɣele kélee da kâa ŋ́gɔ̀ a gbóloi nyíi da kâa gbɛ̀tɛ gbólo kpɛtɛ-pɛrɛi mui. Dí lɛ̀ɛ gɛ̂i tí é lɛ́ɛ la zu kpólo é kpɛ́ɛ daa lêei su.

Ɉeremi 38:13

Nya ƃe dí ŋ́àla, dí ŋ́gula ǹyá-loai su. Nyíŋi pôlu ma, dí nâa ḿbìli gbini-pɛrɛi mu gɔ-kuluƃa-ŋai dípɛrɛi lá.

Ɉeremi 38:27

Nya ƃe díi kɛ́-ƃelai dí pà dí ḿarê kɛ́. Kɛ́lɛ ŋá díwoo su tòo nɔ́ yɛ̂ɛ berei gâloŋ è mò la ḿâi. Dífe pɔri ní mɛni da kɛ̂i a ńyãa, kpɛ́ni fêi, núu da fé m̀ɛnii mɛni ní kú kɛ̀ môi.

Ɉeremi 39:13

Nya ƃe Nɛbuzaradaŋ da díi kɛ́-ƃela kpaya-kpayai, Nɛbusabaŋ da Nɛga Sarizɛ é pɛ́lɛ díi kɛ́-ƃela kpaya-kpayai kpéli-ŋai dîa kɛ̀ Babelɔŋ.

Ɉeremi 39:14

Dí pà dí ŋ́gula gɔ́kuluƃa-ŋai dípɛrɛi lá kpini-pɛrɛi mu. Dí ńdɛ̀ɛ Aikaŋ ǹóŋ Gɛdalia pɔ́ naa, nyíi kɛ̀ a Safaŋ ǹóŋ ŋɔlòŋ a gɛɛ é ḿɛi káa é lɛ́ɛ la zu ŋá seri ḿbɔ-taai ńɛŋ-kpɛlɛɛ. Nya ƃe kwa ǹûai kú lɛ̀ɛ naa.

Ɉeremi 39:15

Tãi ŋá kɛ̀ niî la gbini-pɛrɛi mu gɔkuluƃa-ŋai díkpini-pɛrɛi mui, Yâwɛɛ è mò ḿâ,

Timote veelɛ 3:11

ḿaa-kpɔarai, ŋámɛni-soli-kaai, mɛnii kɛ̀ a ńyãa Ɛŋtiɔ da Akonia e pɛ́lɛ Lesitɔra mai, berei nûa dí ḿɔ̃lɛ lai; é máŋ kɛ́ ti, Kúnuu-namui e ŋ́gula nyíŋi kélee su.