Ɉeremi 36:7 - Bible

⁷ Ɣele da, da pâi Yâwɛɛ fɛlîi, dí dípôlu tɔɔ dímɛni nyɔ́mɔ-ŋai dîa. Kpɛ́ni fêi Yâwɛɛ a bíli ƃôi a gɛɛ é ǹíi ŋwána ǹûai ŋí dîa a ŋ̀ánaa.”

Yálá laawoo hɛɓɛ (dc)

⁷ Gbəli hu, di kaa pai nɛɛmąą hvəi Yai-Laa ɓa, di tɛitɛi diɛ di pulu tɔɔ di túwɔ́ pələ ɲɔ̨nŋaa diɛ. Mąąhɔlɔɓo, Yai-Laa a níiholi, ɲɔ̨nwɔ̨ɔ̨i. Niiholii Yai-Laa kwəi yɛ hvilɛn na nu huwui ŋɛ̨i ɓa, gɛnɛ̨i.»

Yálá laawoo hɛɓɛ

⁷ Gbəli hu, di kaa pai nɛɛmąą hvəi Yai-Laa ɓa, di tɛitɛi diɛ di pulu tɔɔ di túwɔ́ pələ ɲɔ̨nŋaa diɛ. Mąąhɔlɔɓo, Yai-Laa a níiholi, ɲɔ̨nwɔ̨ɔ̨i. Niiholii Yai-Laa kwəi yɛ hvilɛn na nu huwui ŋɛ̨i ɓa, gɛnɛ̨i.»

Ɉeremi 36:7 ပူးပေါင်းရင်းမြစ်များ

Tɔɔɓɛlaa veelɛ 22:13

“Ka lí ká Yâwɛɛ marê kɛ́ lé ƃé a ŋ̀wɛ̂lii a gɛɛ kú gɛ́i? Ńâai la Yâwɛɛ líi a pɔri kɛ̂i a ŋwánaa ḿâ da diai kélee díkaa Zuda lɔii sui, kpɛ́ni fêi, kúnûa pɔlɔ-ŋai dífe dɔ̂ŋ-ŋai ŋí mɛi káa ní, dí ma tûa kɛ́ nyii-ŋai díkaa gɔlɔi ŋí su, dí lɛ́lɛɛ kúmɛni mai.”

Tɔɔɓɛlaa veelɛ 22:17

Zuda-ƃelai da díyee kúla ḿû. Da sâla-ŋa kùla Ɣâla da kpɛ́ni-ŋa dîa. Da díkpɔɔi kpɛtɛ ɣâla-ŋai fɛ̀li. Ḿva pɔ̂ri fâai mɛni sîi ŋí ma. Ńii ŋwânai kpɔ́ a ŋánaa.

Kɔlɔnikɔ Veerɛi 34:21

“Ka lí ká Yâwɛɛ marê kɛ́ kwa Eezuɛ-ŋai da Zuda ƃelai gbulu-loŋ da lɛɛ̂i kúmɛni ma é pîlaŋ gɔlɔi ŋí kâa gaai ŋ̀oo ma. Yâwɛɛ a ǹíi ŋwána kûa a ŋanaa, kpɛ́ni fêi, kúnûa-pɔlɔ-ŋai dífe ŋ̀óo mɛi káa ni. Dífe tûa ní yɛ̂ɛ ŋ̀óoi gáa gɔlɔi ŋí sui.”

Ɉeremi 1:3

Zɛlemaya è ŋɔ́nɔ kɛ̀ Ɣâla-woo ƃôi a tãi Zosaya ǹóŋ Zɛoakiŋ è wɔ́lɔ kɛ̀ la a kâloŋ Zuda lɔii kpiniŋ mɛi. È lɛ̀ɛ naa é lɛ́ɛ la zu góraŋ puu-kao tɔnɔi Zosaya ǹóŋ Zɛdikaya è wɔ́lɔ kɛ̀ la a kâloŋ é kpɛɛ. Zɛlemaya è lɛ̀ɛ Ɣâla-woo ƃôi é lɛ́ɛ la zu dí Zerusâlɛŋ soŋ a kɔ́ m̀aa kôraŋ tí ŋɔɣáloŋ ǹɔ́ɔlui su.

Ɉeremi 16:10

“Tãi ya pâi m̀ɛnii ŋí ƃôi la dîai, da pâi m̀ôi dîyɛɛi, ‘Lé mɛni ƃé kú gɛ̀ ǹyaa Yâwɛɛ a m̀ɛni kpɔ̂lu sãŋ kɛ́ɛ ŋí lâai la kûai? Lé mɛni nyɔ́mɔɔ ƃé kwa gɛ́i? Sɔnyɔ̂ŋ kɛ́ɛ léŋ ƃé kwa gɛ́ a Kúɣâlai Yâwɛɛ?’

Ɉeremi 19:15

“Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai ǹyɛɛ, ŋa pâi pâi a m̀ɛni ŋáa téɛɛi nyíi kélee ŋá gbɛ̀tɛ é pîlaŋ daa-lêei ŋí ma da zu-ƃela kélee. Kpɛ́ni fêi, díwôlii kpɔ̂lɔɔi. Dífa ŋ̀wɛli dí díwoli tɔ́ɔ ḿâ.”

Ɉeremi 21:5

Ńyãa kpîŋ ŋa pâi kɔ̂i kápɔ a ŋáwála-wala-laai kélee kpɛ́ni fêi, ńii ŋwânai kâa a ŋánaa.

Ɉeremi 25:5

Ǹyaŋ Ɣâla ŋɔlóno kɛ́-ƃelai tí dí mò kâa a gɛɛ ká kpera kátûa-pere nyɔ̂ŋ-ŋai dîa. Ka kpera mɛni nyɔ́mɔɔ kɛ̂i a gɛɛ ká lɛ́ɛ ǹɔii su nyíi Yâwɛɛ è wɔ́lɔ dɛ̀ɛ kánûa-pɔlɔ-ŋai pɔ́ a gɛɛ é kɛ́ a dípɔɔ wɔ́lɔ-wɔlɔi.

Ɉeremi 26:3

Tãi da, da pâi díwoli tɔɔ̂i, díkpera dítûa-pere nyɔ̂ŋ ma. Da gɛ̀ tí, gɛ̀ ní ŋa pâi ńii maa fálenîi é pîlaŋ m̀ɛni kpɔ̂lui ŋa ŋ̀wɛ̂lii ŋá ǹáa dîai dímɛni nyɔ́mɔɔi mɛni ma.”

Ɉeremi 36:3

Ɣele da Zuda-ƃelai da m̀ɛnii mɛ̂ni é pîlaŋ berei ma ŋa ŋ̀wɛ̂li la ŋá m̀ɛni kpɔ̂lu láa la dîai, da pâi dípôlu tɔɔ̂i díŋwana lɔ̂ɔ tua-ŋai dîa. À kɛ̀ tí, ŋa pâi dísu-mɛni lɛɛ̂i díŋwana lɔ̂ɔ-ŋai da dísɔnyɔ̂ŋ-ŋai mɛ̂ni ma.”

Ɉeremi 37:20

Gâloŋ, ye íwoli tɔ́ɔ ŋ́oo ma, í m̀ɛnii kɛ́ ŋa pâi ímarê kɛ̂i m̀ɛni mai. Kperâ yɛ̂ ífe ŋɔ́nɔ ḿbili kpini-pɛrɛ mu Zonetaŋ ŋɔpɛ́rɛi mu. Ya gɛ̀ tí, gɛ̀ ní ŋa pâi saâi naa.”

Ɉeremi 4:4

Ka kákili tɔ́ɔ ńyãai ŋ́gáa a Yâwɛɛ ḿâ. Káfe kálii su kpànaŋ ḿberêi. Káai a Zuda da Zerusâlɛŋ-ƃelai, ka kákpîŋ tɛɛ ḿbɔ. À wàla kɛ́ tí, a gɛɛ ŋá líi ŋwânai a pâi kákereniî yɛ̂ɛ ŋɔŋ nyíi núu da fa pɔ̂ri ǹiiniî, zɔnyɔ̂ŋ ká kɛ̀ gɛ̂i, mɛ̂ni ma”

Ɉeremi 42:2

dí mò ḿâ dîyɛɛi, “Kpera yɛ̂ɛ ye m̀ɛnii kɛ́ kûɛ nyíi kwa ŋ̀wɛ̂lii í gɛ̀ kûɛi! Íɣâlai Yâwɛɛ fɛli kûɛ. Vɛli kúa kpulu-loŋ ŋí kwâa lɛɛi kúmɛni ma. Kú wɔ́lɔ kɛ̀ a kútamaa, kɛ́lɛ, kwaâ lɛ̀ɛ nɔ́ a kúkpulu lôŋ yɛ̂ɛ berei ya kúkâai lai.

Woolaa 4:11

Yâwɛɛ è ǹíi ŋwàna a ŋánaa, é ŋɔŋ tóo Zãiyɔŋ ma, ǹaa é kéreŋ.

Izikiɛ 12:3

“M̀ɛni ma, núu-kpune ǹóŋ, ye ítiyɛ̃i tolo yɛɛ kɔ-sôŋ ǹuu, í pɛlɛ liî sia mâ yɛɛ núu ƃe liî kɔ-sôŋ sia mâ gbínii é lɛɛ pâi toôi. Ǹɛɛ naa díkelee díkɛ íkaa íkɛli. Kɛ́ liî kwaa ŋa m̀a íkɛ pá díkɛ íkaa. Tãi ta dɔɔ-mâ kɛ ƃelai tí da pâi tarêi m̀ɛnii su íkaa gɛi su.

Izikiɛ 13:13

M̀ɛni ma m̀ɛnii Ŋ̀wála-wâla kélee Yâwɛɛi è mòi ká ŋí, “Ŋ̀a pâi ǹíi ŋwanai ŋá fãa-kɛtɛ tɛ́ɛ, ŋá tuna-kɛtɛ kɛ́ é pú, ŋá sãɔɔ-kɛtɛ kɛ é pú é ziaŋ wólo-wolo.

Izikiɛ 20:33

“Tãi nɔ ŋ́gaa nîi la ɣele mai, Ńyãai a Ŋ̀wála-wâla kélee Ɣalai Yâwɛɛ, ŋa pâi ká kula maa kɛ̂i kpɔ́ a lii-wãna ŋanaa. Ŋa pâi kɛ̂i a kâloŋ ká mɛi a wala-wala pere.

Izikiɛ 22:20

Yɛ̂ɛ berei da kane, ƃara, kɔli, foma, da tiŋ, ni lɔ la fílɛ-ŋɔŋ mu díkɛ gbɔlui a gɛɛ é seɣeŋ, bere ƃe ŋa pâi ká ŋá tɛi la gîe m̀a a ŋá lii-ŋwanai. Ŋa pâi ǹíi-wãnai kâa ŋá ká seɣeŋ yɛ̂ɛ berei da kɔli seɣeŋ lai.

Izikiɛ 5:13

“Gɛ̀ ní, ŋálii ŋwânai ŋáa a pâi yenîi. Ŋá ńii ŋwàna dîa a gɛɛ ńii é láa. Ǹyaŋ tãi ŋa pâi ńii ŋwânai la dîai, da pâi gɔ́lɔnîi a gɛɛ Ńyãa ƃa Yâwɛɛ nyii lòno dípɔ a wála-wala laai.

Izikiɛ 8:18

M̀ɛni ma ŋa pâi ńii ŋwânai ŋá díkula maa kɛ̀. Ḿve pâi dísɔnyɔ̂ŋ-ŋai su mɛ̂ni lɛɛ̂i kpaa máŋ ŋá díŋɛi malôŋ kâa. A nɛ̀ɛ ma díwɔlɔ a ɣelêi pere, ḿve pâi ŋ́oli tɔɔ̂i díwɔlɔ-wôo ma.”

Danîa 9:13

M̀ɛni kpɔ̂lui kélee m̀ɛni pɔ̃yɛɛ̂i Mose Ŋɔtɔ̂ŋ Kɔlɔi sui, gélee a kɛ́ a kúa, kɛ́lɛ kúfe wɛ̂lii kú kúyee kúla kúsɔnyɔ̂ŋ-ŋai su kú tínaŋ ípɔ naa pere kú ítɔ̃yâi kɔ́ri.

Danîa 9:18

Íwoli tɔ́ɔ kûa, óo Ɣâla. Íŋɛi lá ƃó í kúkaa daa-lee wóloɔɔi ŋí bilêŋ ŋá nyii ílaa seeɛ̂i mai. Kúfe í marê kɛ̂i nɔ́ ítɔ̃yâ-laai ǹyaa tɔnɔ mɛni ma kɛ́lɛ ímaloŋ kâa kɛ́tɛi mɛni ma.

Osia 5:15

“Ŋa pâi liî pôlu ḿbɔ naa é lɛ́ɛ la zu dí dísɔnyɔ̂ŋ kɔ́lɔŋ, dí ŋ́gɔri. Ǹyaŋ tãi da dímɛni-kpɔ̂lu-ŋai kɔ̂lɔŋ lai, da pâi ŋ́gɔ̂rii.”

Zooɛ 2:12

Yâwɛɛ ǹyɛɛ, “Loníi ma kpîŋ, ka lene pôlu ká pá ḿbɔ a kálii kélee, ká kɛ́ sûŋ sìɣe, ká kɛ́ malôŋ sèe ƃò.

Zooɛ 2:13

Ka kálii su waa, kɛ́lɛ ká seɣe-ŋai fêi.” Ka tínaŋ Yâwɛɛ, ká Ɣâla pɔ́ naa pere, kpɛ́ni fêi, zɔŋ lɛ̂lɛɛi gɛ́ núu malôŋ kàa. Va ǹíi ŋwàna a maa félaa ǹyaŋ ŋɔwɛli kɛ́-maai káa nɔ́ naa wɔ́lɔ-wɔlɔ, gɛ́ sɔnyɔ̂ŋ su mɛni lɛ̀ɛ.

Zôna 3:8

Kɛ́lɛ fɛ̂ɛ nuu-kpune da fɛnɛ-sãa dí maloŋ tôo-maa sêɣe ɣiri dîa, dí wɔ́lɔ kpɔ́ a zu kɛ́tɛ Ɣâla ma. Tɔɔ núu kélee é bôlu tɔɔ ŋɔsɔnyɔ̂ŋ ma da ŋɔŋwana-lɔ̂ɔi.

Zakari 1:4

Káfe kɛ̀ yɛ̂ɛ kánuu-pɔ̂lɔ-ŋai. Tãi su kôya tɛ̀ɛ pôlu ma, ŋálono kɛ́-ƃelai dí ŋáworɛ̂-wooi ƃò dîa a gɛɛ dífe mɛni nyɔ́mɔɔ kɛ̀. Kɛ́lɛ dífe díwoli tɔɔ ní ḿâ kpaa máŋ dí ŋ́oo síɣe.

Dutɛrɔnome 31:16

È mò Mose mà ǹyɛɛi, “Yaâ pá liî ínûa pɔlɔ-ŋai pɔ́. Ǹûai ŋí da pâi tínanîi ɣâla da kpɛ́ni-ŋai pɔ́ naa pere. Dia ƃa ŋ̀âla-ŋai nyii-ŋai díkaa ǹɔii su da liî naai. Da pâi díyee kulâi ḿû da gbanaŋ-wooi ŋá gɛ̀ díyêei.

Dutɛrɔnome 31:17

Da gɛ̀ tí ŋa pâi ńii ŋwânai dîa ŋá ńyee kúla dímu, ŋá ŋ́ɛi sée dîa, ŋá mɛni-kpɔ̂lu ŋánaa láa dîa dí su é kàra. Da pâi díkîe-ni marê kɛ̂i dîyɛɛi, ‘Kúɣâlai fé kúkɔlɛ ƃé m̀ɛni-ŋai ŋí da kɛ̂i la a kúai?’