Ɉeremi 36:2 - Bible

² “Kɔlɔ-lâa siɣe í m̀ɛnii kélee pɔ̃yɛ ŋa pâi môi yâ nyíi-ŋai ŋá mò é pîlaŋ Eezuɛ, Zuda da ǹɔii-ŋuŋ-ŋai kélee dîai. M̀ɛni-ŋai ŋá mò yâi gélee kpɔ́ pɔ̃yɛ. Gɔ́ɔ pîlaŋ tãi ma Zosaya è kɛ̀ la a kâloŋ é tóo tãi ŋí ma.

Yálá laawoo hɛɓɛ (dc)

² «Hɛɓɛ́ ta həɠə, mɛ̨nįi kpɔ ŋį́ mo yɛ́, yɛ hvilɛn na Ɉuda da Israɛlə diɛ, ə mą kɛ, lɔiɠaa kəlee; ə həɠə kpɔ ɲələi ŋį́ mɛ̨nį ɓoɔ kpala tɔɔ la yɛ́, Ɉosiasə kɛɛ yɛnɛ̨ɛ̨, ə lɛɛ ɉu, ə həli la háákələi ɓa, gəlee pɛ̨ɛ̨ ɉɛɓɛ́i tii hu.

Yálá laawoo hɛɓɛ

² «Hɛɓɛ́ ta həɠə, mɛ̨nįi kpɔ ŋį́ mo yɛ́, yɛ hvilɛn na Ɉuda da Israɛlə diɛ, ə mą kɛ, lɔiɠaa kəlee; ə həɠə kpɔ ɲələi ŋį́ mɛ̨nį ɓoɔ kpala tɔɔ la yɛ́, Ɉosiasə kɛɛ yɛnɛ̨ɛ̨, ə lɛɛ ɉu, ə həli la háákələi ɓa, gəlee pɛ̨ɛ̨ ɉɛɓɛ́i tii hu.

Ɉeremi 36:2 ပူးပေါင်းရင်းမြစ်များ

Ɛsdrasə 6:2

Dí m̀ɛni pɔ̂lɔ kɔlɔi ŋí kàa Ɛbatana taa-leei ŋɔmɛni pɔ̂lɔ kɔlɔi sáma Midia lɔii kpiniŋ su. M̀ɛnii kɛ̀ a bɔ̃yɛɛ gɔlɔi ŋí sui, ǹyaa ká ŋí:

Zôo 31:35

Eé ŋá ŋ̀wɛ̂lii núu da é ŋ̀óli tɔ́ɔ ḿâ! Ŋa ḿvooi a gɛɛ m̀ɛni-ŋai kélee ŋa môi gáa a tɔ̃yâ. Tɔɔ Ŋ̀wála-wâla kélee Ɣala é ŋ́oo su too. Ŋ́âi pɔ̂ri ŋápɔara-mɛni maai kâai eêi kɛ̀ ǹúui ńzɔŋ lâai êei bɔ̃yɛ kɔlɔ ma.

Mąątɛ̨nɛ̨ 40:7

Nya ƃe ŋá íwoo su tòo ńyɛɛ, “Ŋa pá, ńyãa ká ŋí. M̀ɛni-ŋai kélee í mò ḿâ a gɛɛ ŋá gɛ́i, gélee pɔ̃yɛɛ̂i Dɔ̂ŋ Kɔlɔi su.

Lɛɛ gbɔwɔ ɓa 17:14

Nya ƃe Yâwɛɛ è mò Mose mà ǹyɛɛi, “M̀ɛnii ŋí pɔ̃yɛ kɔlɔ ma a gɛɛ é lɛ́ɛ kákili ŋá í m̀ó Zasua ma a gɛɛ ŋa pâi Amalaka-ŋai dísuui kélee su karâi ŋ̀éniɛi su.”

Azaya 8:1

Nya ƃe Yâwɛɛ è mò ḿâ ǹyɛɛi, “Kɔlɔ-pɔ̃yɛ kpôŋ tɔnɔ siɣe í ǹáai ŋí pɔ̃yɛ ma kpɔ́ a gbaya-gbaya: Makɛ-sala-siba.”

Ɉeremi 1:10

Ye gɔ́lɔŋ a gɛɛ ŋa sâa í tɛɛ̂i a ŋáwala-walai lɔii-ŋuŋ-ŋa da kâloŋ-laa-ŋa pɔ́ naa a gɛɛ í ŋáworɛ̂-wooi ƃó dîa. Ŋ̀orɛ̂-wooi ŋí ƃa a gɛɛ da pâi da-ŋa ƃúlenii, dí da-ŋa kula, dí da-ŋa yee mɛi ɣále, dí da-ŋa su-kara, dí da-ŋa tɔɔ, dí da-ŋa sí.”

Ɉeremi 1:5

“Ŋá lɛ́ɛ pâi íkpɛtɛ̂i ílee koo-ƃɔ̂lɔŋ su, ŋá kɛ̀ a íkɔlɔŋɔɔ. Ílee é lɛ́ɛ pâi ímaa sɔlɔ ƃôi, ŋá ísìɣe zu, ŋá ílɛ a ɣâla-woo ƃó núu ǹɔii ŋuŋ-ŋai dîa.”

Ɉeremi 1:9

Nya ƃe Yâwɛɛ è ǹyée sìa ǹá-gbɔ ma ǹyɛɛ ḿâi, “Ŋaâ ŋ́oo pú íla a gɛɛ í lóno.

Ɉeremi 2:4

Káai kákaa a Zeeka ŋɔsuui su-ƃelai, ka káwoli tɔ́ɔ Yâwɛɛ wóo ma. Káai kákaa a Eezuɛ-ƃelai, ka káwoli tɔ́ɔ.

Ɉeremi 25:3

“Yâwɛɛ a m̀ɛni tɔ̂nɔi ŋí ƃó ḿâ gîei kpɛ́-kpɛɛ kóraŋ buu-feerɛ kao-saaƃa yée mu. É síɣe tãi ma Amɔŋ ǹóŋ Zosaya è kɛ̀ la a kâloŋ é tóo tãi ŋí ma ŋa lônoi lai. Ǹyaŋ Zosaya ŋɔkâloŋ-laa koraŋ buu káo saaƃai su ƃé ŋá pɛ̀lɛ la ŋ̀orɛ̂-wooi ŋí ƃôi la kâa. Ŋ́gaa nɔ́ niî m̀ɛni tɔ̂nɔi ŋí ƃôi kâa. Kɛ́lɛ káfe niî káwoli tɔɔ ní ḿâ.

Ɉeremi 30:2

Yâwɛɛ nyíi gáa a Eezuɛ Ŋɔɣâlai è mò ḿâ ǹyɛɛi, “Zɛlemaya, ye ŋ̀óo-ŋai ŋa môi yâi pɔ̃yɛ kɔlɔ ma.

Ɉeremi 36:14

Nya ƃe díi kɛ́-ƃela kpaya-kpaya ŋai dí Nɛtania ǹóŋ Zeuda nyíi kɛ̀ a Selemia ǹóŋ ŋɔlóŋ, gɛ́ ƃò a Kusi ǹóŋ ŋɔlòŋ ŋɔlòŋ, tôli a gɛɛ é mó Baru ma é pá a gɔlɔi è ǹono ǹûai dîɛi. Baru è pà a gɔlɔi dípɔ.

Ɉeremi 36:18

Baru è díwoo su tòo ǹyɛɛi, “Zɛlemaya ƃé ŋ̀óo-ŋai ŋí ƃò ḿâ ŋá dípɔ̃yɛ yɛ̂ɛ berei nɔ́ è kɛ̀ môi lai.”

Ɉeremi 36:23

Zeuda a kâa gɔlɔi gbua da lòno nɔ́, gâloŋ é ǹaa tée mà a ŋɔƃóa-loŋ é bili ŋɔŋ ŋá. È lɛ̀ɛ kpɔ́ gɛ̂i tí é lɛ́ɛ la zu é gɔlɔi kélee kpɔ́ kéreŋ kpái.

Ɉeremi 36:29

Yâwɛɛ è mò ḿâ a gɛɛ ŋá mó gâloŋ ma ńyɛ̃ɛi, “Yaâ gɔlɔi kéreŋ, ǹyaŋ í mò Zɛlemaya ma lé mɛni ƃé í gɔlɔi pɔ̃yɛ la yɛ̂ɛ Babelɔŋ kaloŋ a pâi la é ǹɔii ŋí su-kara, é zu-ƃela da daa-tulɛ-ŋai kélee páa.

Ɉeremi 36:6

Kɛ́lɛ, ŋa ŋ̀wɛ̂lii a gɛɛ í lí naa a tãi ǹûai da kɛ̂ ŋɔ́nɔ suŋ siɣêi lai. Tãi ya lî la naai, gɔlɔi ŋí lóno dîɛ ɣelêi pere, a gɛɛ dí m̀ɛni-ŋai mɛ́ni nyíi-ŋai Yâwɛɛ è mò ḿâi. Ǹóno dîe yɛ̂ɛ berei ŋá mò la yâ a gɛɛ í bɔ̃yɛ lai. Ye gɔlɔi ŋí lóno ƃɛ́i ǹûai kélee da nyíi-ŋai kùla dítaa-ŋai su da pɔ̂ri kɛ̂i naa dí kɛ́ íwoo mɛ̀ni.

Ɉeremi 45:1

Zɛoakiŋ è kɛ̀ a kâloŋ Zuda lɔii mɛi. Ǹâŋ láa ƃé wɔ́lɔ kɛ̀ a Zosaya. Zɛoakiŋ kɛ́ɛ gâloŋ-laai su ŋɔkóraŋ ǹáaŋ sú, Bâru è m̀ɛni-ŋai pɔ̃yɛ tɛi-tɛi yɛ̂ɛ berei ŋá mò la m̀ai. Ŋá mò m̀a

Ɉeremi 51:60

Ŋá kɔlɔ pɔ̃yɛɛ ŋá m̀ɛni-ŋai kélee ƃó é pîlaŋ m̀ɛni-ŋai pâi kɛ̂i a Babelɔŋ dîa, da m̀ɛni da kpɛ́ni-ŋai pâi kɛ̂i lai.

Izikiɛ 2:9

Ǹyaŋ tãi ŋá nàa kàa lai, ŋá núu yée kàa zã́a ḿbɔ naa pere, kɔlɔ-pɔyɛ̃ɛ kɛ́ ƃò zu.

Osia 8:12

Ŋá máŋ tɔ̂ŋ wála puu pɔ̃yɛ Eezuɛ-ŋai mɛni ma, da pâi díyee kulâi dímu dí díkaa yɛ̂ɛ mɛni nîna.

Dutɛrɔnome 31:24

Mose kpɛɛ dɔ̂ŋ-ŋai kélee pɔ̃yɛɛ ma é síɣe gɔ́ pîlanii é tóo gbɛɛ-ŋái mai,

Hebreu 10:7

Nya ƃe ŋa mò, nyɛɛi, ‘Gáa, ŋa pá a gɛɛ ŋa ínîa-mɛnii kɛ́, Óo Ɣâla,’ yɛ̂ɛ berei bɔ̃yɛɛ̂i la gɔlɔi su é pîlaŋ ḿâi.”