Ɉeremi 33:7 - Bible

⁷ Ŋa pâi gɛ̂i Zuda da Eezuɛ dí ƃûu ƃó, ŋá dí kɛ́ yɛ̂ɛ berei dí wɔ́lɔ kɛ̀ la a bɔlɔi.

Yálá laawoo hɛɓɛ (dc)

⁷ Gáá pai Israɛlə da Ɉuda di pui di nįnɛ̨ kɔ́lɔi. Ŋą́ di tɔɔ yɛ bələi di kɛ la tɔlɔɔ.

Yálá laawoo hɛɓɛ

⁷ Gáá pai Israɛlə da Ɉuda di pui di nįnɛ̨ kɔ́lɔi. Ŋą́ di tɔɔ yɛ bələi di kɛ la tɔlɔɔ.

Ɉeremi 33:7 ပူးပေါင်းရင်းမြစ်များ

Mąątɛ̨nɛ̨ 126:1

Tãi Yâwɛɛ è lène la a kûa pôlu Zerusâlɛŋ, è kɛ̀ nɔ́ yɛ̂ɛ nyiî pere.

Mąątɛ̨nɛ̨ 126:4

Yâwɛɛ, gɛ́ kú ƃûu ƃó ŋɔ́nɔ, yɛ̂ɛ berei tuna a gɛ̀ la ya lêe é láa ǹâai.

Mąątɛ̨nɛ̨ 14:7

Ŋa Ɣâla fɛlîi a gɛ́ɛ Eezuɛ ŋɔƃálo-laai é kúla Zãiyɔŋ. Tãi Yâwɛɛ a pâi gɛ̂i la Eezuɛ-ƃelai dí kɛ́ ŋɔ́nɔ ƃûu ƃoi, dílii a pâi nɛ̃ɛ̂i.

Mąątɛ̨nɛ̨ 85:1

Yâwɛɛ, ya lûwa láa ǹɔii ma. Ya gɛ̀ ǹaa mɛni-ŋai kélee ŋaa-see kɛ́ kɛ̀ a ǹɛ́lɛɛ Eezuɛ-ŋai yêei yɛ̂ɛ berei è kɛ̀ la a bɔlɔi.

Azaya 1:26

À kɛ̀ tí, ŋa pâi gɛ̂i ímɛni-saa ƃó-ƃelai díkɛ a nûa sãa-ŋa yɛ̂ɛ berei dí kɛ̀ la a bɔlɔɔi, ŋá dílîa-woo ƃo kɛ́-ƃelai kɛ́ yɛ̂ɛ berei díkɛ̀ la a gɔ́ɔ pîlanii. Nyíŋi pôlu ma, nûa da pâi ítôlii a daa-lêei nyíi zu-ƃela díkaa a teniŋ ƃô da tɔ̃yâ-ƃela.”

Azaya 52:8

Daa-lêei maa kpɛ́-ƃelai da lâɣii. Da wule toôi gîe ma a koi-nɛ̃ɛ pere. Dia kpîŋ da Yâwɛɛ kâai a díkpɔɔi ŋɛi-gao, gɛ́ lène pôlu Zãiyɔŋ.

Ɉeremi 23:3

Ŋa pâi ŋánûai ŋáa lɛɣɛ̂i díkîe ma nyii-ŋai dítaa-taai ǹɔii-ŋuŋ da kpɛ́ni-ŋai sui, ŋá pá a dia dípɔ-taai. Da pâi nîa-pɛlɛɛ-ŋa sɔlɔ ƃôi, dítama.

Ɉeremi 24:6

Ŋa pâi dímɛi kâai a ǹɛ́lɛɛ é lɛ́ɛ la zu ŋá pá a dia pôlu ǹɔii ŋí su. Ŋa pâi gɛ̂i dí tɔ́ɔ. Ḿve pâi mɛni ŋánaa da kɛ̂i a dia. Ŋa pâi dísame pîlanii. Ḿve pâi díƃulenîi.

Ɉeremi 29:14

Yâwɛɛ è mò ǹyɛɛ, “Ka pâi ŋ́gâai. À kɛ̀ tí, ŋa pâi lenêi pôlu a káa, ŋá ká sée kákpɔɔi lɔii su. Ŋa pâi ká kulâi ǹɔii-ŋai su ŋá ká tɛ̀ɛ naa kɔ-sôŋ-laa sui, ŋá pá a káa pôlu. Ńyãa Yâwɛɛ ƃé mò tí.”

Ɉeremi 30:18

Yâwɛɛ è mò ǹyɛɛi, “Ŋa pâi ŋánuai seêi kulâi díkpɔɔi lɔii su, ŋá ǹúu-suui kélee malôŋ káa. Da pâi Zerusâlɛŋ tɔɔ̂i pôlu dí ǹúu maa kɔ̃ɔ kwaa ma kpanaŋɔɔ-ŋai tɔ́ɔ pôlu dítɔɔ̂i.

Ɉeremi 30:20

Ŋa pâi dínîa-pɛlɛɛi kɛ̂i yɛ̂ɛ dínâŋ pɔlɔ-ŋai dí tãi. Ŋa pâi dí kɛ̂i a wála-wala-ƃela ŋ́ɛi-tuɛ. Ǹɔii-ŋuŋ-ŋai nyíi-ŋai mɛni ŋánaa làa dîai, ŋa pâi díkula maa kɛ̂i.

Ɉeremi 30:3

Ɣele da a pâi pâi tãi ŋa pâi Eezuɛ da Zuda-ƃelai kɛ̂i la dí lene pôlu ǹɔii su ŋá wɔ́lɔ dɛ̀ɛ dínûa pɔlɔ-ŋai pɔ́i. Ǹyaŋ a pâi kɛ̂i a dípɔɔ. Ńyãa Yâwɛɛ ƃé mò tí.”

Ɉeremi 31:28

Berei nɔ́ ŋátãi sìɣe la ŋ́gɛ díƃuleŋ, ŋ́gɛ dítòo, ŋ́gɛ díwoloi, bere nɔ́ ƃé ŋa pâi tãi siɣêi la ŋá dísi, ŋá dítɔɔ ŋɔ́nɔ pôlu.

Ɉeremi 31:38

Yâwɛɛ è mò ǹyɛɛ, “Tãi káa pâi, maa tãi tí ŋa pâi Zerusâlɛŋ tɔɔ̂i ŋɔ́nɔ la a ŋátaa-lêe ninai. Ŋa pâi dɔɔ̂i é síɣe Anɛna yeŋ-keŋ ma vóloi liî-pere é tóo ziɣãŋ-laƃerei nyíi gáa Zônoŋ-su perei ma.

Ɉeremi 31:4

Ŋa pâi gɛ̂i ká kɛ́ a ká kɛ́-pere pɔlɔi. À kɛ̀ tí, gɛ̀ ní ka pâi ká nyɛ́ŋ-nyɛŋ-ŋai siɣêi ká kɛ́ mã̀la a koi-nɛɛ-pere.

Ɉeremi 32:44

Nûa da pâi lɔii yâi ƃɛ́ dí maa kɔlɔi kélee kpɛtɛ dí díyee pɔ̂ɔ kɛ́ zu, dí ŋɛi-kɛ-maa pɔ̂ɔ kɛ́ zu serê-ŋa ŋɛ́i. Da pâi m̀ɛni-ŋai ŋí kɛ̂i Bɛŋsima ŋɔlɔii-kpiniŋ su da gbanâŋ-ŋai dítinaŋɔɔ̂i Zerusâlɛŋ mai su. Da pâi m̀ɛni tɔ̂nɔi ŋí kɛ̂i Zuda taa-ŋai su da daa-ŋai díkaa ǹyée lɔii sui. Da pâi m̀ɛni tɔ̂nɔi ŋí kɛ̂i ǹyée pɛlɛ-pɛlɛɛi ma Zuda ŋɔlɔii kwára-pere séɣai pere. Ŋa pâi lenêi pôlu a ǹûai dí kpɔ́ɔi lɔii su, Ńyãa Yâwɛɛ ƃé mò tí.”

Ɉeremi 33:11

Ka pâi lii-nɛ̃ɛ woo-ŋa mɛnîi naa ɣelêi-pere. Ka pâi kɛ̂i nɛnî kula kûu su wule-ŋa mɛnîi a ɣelêi-pere, dí kɛ́ lii-nɛ̃ɛ wule too a tãi da pâi kɛ̂i pâi la a sɛɣɛ-fei sama-sãa Ŋ̀âla-pɛrɛ Kɛ́tɛi mui. Da pâi m̀ôi dîyɛɛi, ‘Ka sɛɣɛ-fei tɛɛ Ŋ̀wála-wâla kélee Yâwɛɛ pɔ́, kpɛ́ni fêi, zɔŋ lɛ̂lɛɛi, ŋɔwɛli kɛ́-maa kɔ́yɛŋ fé ma.’ Ŋa pâi gɛ̂i ǹɔii ŋí é ƃûu ƃó yɛ̂ɛ berei è wɔ́lɔ kɛ̀ lai. Ńyãa Yâwɛɛ ƃé mò tí.”

Ɉeremi 33:26

Ǹyaŋ berei nɔ́ ŋá m̀ɛni-ŋai ŋí kɛ̀ la a tɔ̃yâi, bere nɔ́ ƃé ŋa pâi ŋákpanaŋ-wooi nyíi ŋá gɛ̀ Zeeka ŋɔsuui da ǹyée-mu ǹúui Deeƃé ŋɔsuui yêei kɛ̂i la. Ŋa pâi Deeƃé ŋɔsuui su nuu tɔnɔ siɣêi a gɛɛ é kɛ́ Eberaɣɛ̃ɛ, Aise da Zeeka suui su-ƃelai mɛi. Ŋa pâi ŋá ǹûai ŋɛ́i malôŋ kâai, ŋá ŋɔ́nɔ gɛ́ díƃûu ƃó.”

Ɉeremi 42:10

‘À kɛ̀ ka ŋ̀wɛ̂lii kálɛɛ ǹɔii ŋí ma kákaa naai, gɛ̀ ní ŋa pâi káseêi kulâi. Ḿve pâi ǹɛɛ̂i naa káa tóo. Ŋa pâi kásîi ƃɛ́, fa ká wèeŋ. Berei sîi ŋá kákùla maa kɛ̀ lai, aâ gɛ́ malôŋ a too ḿâ a ŋ̀ánaa.

Ɉeremi 50:4

Yâwɛɛ è mò ǹyɛɛ, “Tãi ŋ̀ele-ŋai tí ŋ̀aa sèe a pâi kɛ̂i lai, Eezuɛ-ƃelai da Zuda-ƃelai da pâi lenêi pôlu dílɔii su díkɛ wɔ̀lɔ díkɛ ńyãai a Díɣâlai ŋ́gɔ̂ri.

Woolaa 4:22

Óo Zãiyɔŋ-ƃela, kâa nâa kásɔnyɔ̂ŋ fela fêi kɛ́. Káfe ŋɔ́nɔ pâi kɛ̂i luɛ lâa su a zu kôyaa. Kɛ́lɛ à kɛ̀ a káa óo Idɔŋ-ƃela, Yâwɛɛ a pâi ká kula maa kɛ̂i. Ká mɛni nyɔ́mɔɔ-ŋai a too pono ŋá.

Izikiɛ 39:25

Ŋ̀wála-wâla kélee Yâwɛɛ è mò ǹyɛɛ, “M̀ɛni ma ŋa pâi nâa Zeeka ŋɔsuui su-ƃelai malôŋ kâai, ŋá Eezuɛ see pôlu díseêi. À kɛ̀ tí, gɛ̀ ní ŋa pâi ńaa maa waai maa kɔ̃ɔ̂i.

Osia 2:15

Ǹyaŋ nàa ƃé ŋa pâi ŋɔkpɔmɔ kpâlaŋ tɛɛ̂i naa bɔ́. Ŋa pâi Ekɔɔ tiŋ-tiŋ kɛ̂i a kili-kɛ-maa pɛrɛ lá kpòŋ. Nàa ƃé a pâi ŋ́oo su toôi naa yɛ̂ɛ tãi è kɛ̀ la a núu-tɔɔ, da tãi è kùla la Ize lɔii sui.”

Sofoni 3:20

Maa ɣêlei tí, ŋa pâi pâi a ínûai pôlu dípɔ-taai nyii-ŋai dí táa-tâai, tãi ŋa pâi dítôlii la kwaa tɔ̂nɔ mai. Tɔ̃yâ ma ŋa pâi ƃaa-kɛ-maa da láa-maa-tɛ̂ tɛɛ̂i kápɔ ǹûai kélee sáma ǹɔii su, ŋ̀elei ŋa pâi pâi la a ŋánûai pôlu ŋá dí kúla-luɛ-laa sui.”

Zakari 1:17

Ŋ̀âla-taa-kelai è mò ḿâ a gɛɛ ŋá Ɣâla-woo ƃó máŋ: Ŋ̀wála-wâla kélee Yâwɛɛ a môi ǹyɛɛi, “Ŋátaa-lêe-ŋai da pâi ƃûu ƃôi ŋɔ́nɔ, ŋa pâi kpɔnîi Zerusâlɛŋ ma ŋɔ́nɔ é kɛ́ a ŋ́gbîŋ taa-lee.”