Ɉeremi 33:6 - Bible

⁶ Kɛ́lɛ, ŋa pâi daa-lêei ŋí da zu-ƃela kélee ƃâloi, ŋá dí kɔlɔi pono. Ŋa pâi dí líi seêi a zu-kɛ́tɛ, ŋá dímɛi káa.

Yálá laawoo hɛɓɛ (dc)

⁶ «Kɛlaa, gáá di hali kɛ mɛ̨nį hu wəleen ɉii, da di ɓalo mɛ̨nį. Ŋą́ di ɓalo, gɛ́ nwun na nɛ̨ɛ̨ da liilaa mɛ̨inɛ̨ɛ̨ kɛ diɛ.

Yálá laawoo hɛɓɛ

⁶ «Kɛlaa, gáá di hali kɛ mɛ̨nį hu wəleen ɉii, da di ɓalo mɛ̨nį. Ŋą́ di ɓalo, gɛ́ nwun na nɛ̨ɛ̨ da liilaa mɛ̨inɛ̨ɛ̨ kɛ diɛ.

Ɉeremi 33:6 ပူးပေါင်းရင်းမြစ်များ

Mąątɛ̨nɛ̨ 147:3

A pâi dípala-ŋai ŋá ɣirîi. Diai dílii toɔ̂ɔi pôlui, a pâi dí díŋa nɛnɛ̂i.

Mąątɛ̨nɛ̨ 37:11

Diai da díkpîŋ maa yêŋ, ǹɔii a pâi lɛɛ̂i a dípɔɔ. Da pâi ǹɔii wúlɔ kpelêi dí kɛ́ ƃò lii-see su.

Mąątɛ̨nɛ̨ 67:2

a gɛɛ ŋ̀éniɛi su-ƃelai kélee dí ítûa-pere lɛ́lɛɛi kɔ́lɔŋ, ǹɔii-ŋûŋ-ŋai su-ƃelai kélee dí íƃalo-laa wala-wala-laai kɔ́lɔŋ.

Mąątɛ̨nɛ̨ 72:7

Tɔɔ teniŋ ƃô-laa mɛni da lii-see mɛni dí kɛ́ ŋɔfúlu-laai su. Tɔɔ m̀ɛnii kélee a ǹyée pìli zui, é ƃûu ƃó tãi nɔ́ ŋ̀áloŋ káa niî fôloi lai.

Lɛɛ gbɔwɔ ɓa 34:6

Yâwɛɛ è tɛ̀ɛ Mose ŋɛ́i-tuɛ é gbîŋ láa tóli ǹyɛɛ, “Yâwɛɛ, Yâwɛɛ, ŋgáa a Ɣâlai maloŋ-kâa támaa káa ǹyêei. Ǹíi-ŋwana-la fé nɛ̃ɛ ní. Wɛli-kɛ-maa támaa káa ǹyêei da sãa-laa.

Ikilisiati 3:3

Núu paa tãi káa ma, núu ƃálo tãi kɛ́ ƃò ma. Sɛŋ kara tãi káa ma, sɛŋ kpɛtɛ tãi kɛ́ ƃò ma.

Azaya 2:4

Ǹuu-namui a pâi mɛni su kpɛtɛ̂i núu támaa loai. A pâi mɛni su kpɛtɛ̂i ǹɔii-ŋuŋ wála-wala-ŋai sáma. Da pâi díkɔ-kɔ ƃoa-sɔkpɔ-ŋai ɣalêi a kwaa sí kali. Da pâi díkpala-ŋai ɣalêi a mɔlɔŋ tée ƃoa-ŋa. Lɔii-ŋuŋ da fé ŋɔ́nɔ pâi kɔ́ pɛlɛ̂i m̀arâŋ lɔii-ŋuŋ ma. Dífe pâi ŋɔ́nɔ kɔ́-kɔ pere ma kɔ̂rii.

Azaya 30:26

É kúla nyíŋi pôlu, ŋ̀áloŋ a pâi kɛ̂i fôloi yɛ̂ɛ vóloi, vóloi kɛ́ fòlo kpɔ́ a ŋ̀ánaa yɛ̂ɛ fólo lɔ́ɔlu mɛi-feerɛ folo a tòo a fólo tɔnɔ. Nyíŋi a pâi kɛ̂i a ŋ̀elei Yâwɛɛ a pâi kɛ̂i ŋɔnûai ŋuŋ ma ƃôi la gɛ́ díkùla dímɔ̃lɛ-laai sui.

Azaya 39:8

Gâloŋ Ɛsekaya è kɛ̀ gíli ŋá siâi ǹíi su-pere gɛ́ mò gbîŋ ma, “Kwa pâi nâa kɛ̂i lii-see su, kú kúfii tɔ́ɔ a tãi da, tãi nɔ́ ŋ́gaa niî la ɣele mai.” Nya ƃe è mò Azaya ma ǹyɛɛi, “Ŋ̀orɛ̂-wooi í pà la ḿbɔ é kúla Yâwɛɛ yêei, ǹɛ̂lɛɛi.”

Azaya 54:13

“Ńyãa kpîŋ ŋa pâi sɛŋ-lɛ̂i kálônii sinaai dîa. Ŋa pâi gɛ̂i díƃûu ƃó, dílii seɛɛ.

Azaya 55:7

Ŋwana-lɔ̂ɔ-ƃela, ka kátûa-pere maa fáleŋ. Káai káfe a teniŋ ƃô-ƃelai, ka kákili ŋá sîai nyɔ́mɔɔ-ŋai maa fáleŋ. Ka tínaŋ Yâwɛɛ pɔ-naa pere. Kà gɛ̀ tí, a pâi kámalôŋ kâai, é kásu-mɛ̂ni lɛɛ. Kwaa tínaŋ Yâwɛɛ Kúɣâlai pɔ́naa pêre.

Azaya 57:18

“Ŋá dítûa-pere-ŋai maa kpɛ̂ɛ, kɛ́lɛ ŋa pâi díƃâloi. Ŋa pâi díteniŋ tɔɔ̂i, ŋá kpɔ́ŋ dîa. Diai malôŋ see ƃôi díkɛ wɔ̂lɔi, ŋa pâi díŋa-nɛnɛ̂i.

Azaya 57:19

Ŋa lii-sêe tɛ̀ɛ núu kélee pɔ́, diai díkaa kwaa kôyaa mai, da diai dílɛɣɛ̂i a ńyãai. Ŋa pâi ŋánûai ƃâloi. Ńyãa Yâwɛɛ ƃé m̀o tí.

Azaya 58:8

“Kà gɛ̀ tí, gɛ̀ ní, ŋákwaa ponoɔɔi a pâi kámaa ponôi, kásɛŋ sôli-maa-ŋai ŋáa é yéŋ. Ŋa pâi kɛ̂i kákɔlɛ a ɣele kélee a gɛ́ɛ ŋá káŋuŋ ma ƃó. Ŋà kɛ̀ kákɔlɛ, kpéŋ fé pâi ɣâlei ká tà ma.

Azaya 66:12

Yâwɛɛ ǹyɛɛ, “Ŋa pâi gɛ̂i í ƃûu ƃó a zu kôyaa. Ǹɔii-ŋuŋ-ŋai su tɔɔ-sãai da pâi kɛ̂i pâi ípɔ yɛ̂ɛ yá nyii ɣilîŋ nii, va kpâlai. Ya pâi kɛ̂i yɛ̂ɛ lôloŋ ƃé ǹee è ŋwɛ̂lini, gɛ́ ŋákɔ̂ŋ, gɛ́ ǹaa ńyee tɔ̃ɔ̂i gɛ́ lí la.

Ɉeremi 17:14

Yâwɛɛ, ye ḿalo ḿî, gɛ̀ ní ŋa pâi kɛ̂i a ŋ́gɔlɔi ponoɔɔ. Ŋ́gula mɛnîi, gɛ̀ ní ŋa pâi kɛ̂i a ŋ́uŋ ḿâ ƃóɔɔ. Yá nɔ́ ƃa ǹúui nyíi ŋa ǹáa maa tɛ̂i.

Ɉeremi 29:11

Ńyãa tɔnɔ nɔ́ ƃé m̀ɛni kpɛtɛɛ kɔ́lɔŋ nyíi gáa ká maa mɛ̂ni mai. Ŋa gbɛtɛ ŋ́gili ŋá a gɛɛ ŋá pá a mɛni lɛ́lɛɛ ká mɛni ma, kɛ́lɛ mɛni kpɔ̂lu fêi. Ŋa pâi gɛ̂i kili-kɛ zu kɛ́ ƃò káyêei ká ɣéniɛi tuɛ-pere mɛni ma.

Ɉeremi 3:22

Ka tínaŋ ká pá Yâwɛɛ pɔ́ káai káfe teniŋ ƃô-nii, a pâi ká ƃâloi é kákɛ a teniŋ ƃô-ƃela. Ká mó kâai, “Oei, Yâwɛɛ, kwa pâi ípɔ, kpɛ́ni fêi, yá ƃé íkaa a Kúɣâlai.

Osia 6:1

Ǹûai dí mò dîyɛɛi, “Ka pá kú lene pôlu Yâwɛɛ pɔ́ naa. Kpɛ́ni fêi, a sɛŋ sóli kûa ǹyaŋ a pâi kúƃâloi. A pala tée kûa, a pâi ŋ̀á ɣirîi.

Osia 7:1

“Ŋá kɛ̀ ŋ̀wɛ̂lii ŋá Eezuɛ ƃálo, ŋá gɛ́ é ƃûu ƃó, kɛ́lɛ gáa nɔ́ nîi ŋɔsɔnyɔ̂ŋ kɛ̂i. Sameria káa nɔ́ ŋwana lɔ̂ɔ kɛ̂i da lɛ́ɛ, ŋ̀uma-ƃelai dí kɛ́ ŋúma kɛ̀, mɛni-nyɔmɔɔ kɛ́-ƃelai dí kɛ́ mɛni nyɔ́mɔɔ kɛ̀.

Mise 4:3

Ǹuu-namui a pâi mɛni su kpɛtɛ̂i núu támaa loai. A pâi mɛni su kpɛtɛ̂i ǹɔii-ŋuŋ wála-wala-ŋai sáma nyii-ŋai dínaa kôyai kpaa máŋ dínaa kpuâai díkîe-ni dîai. Da pâi díkɔ-kɔ ƃoa-sɔkpɔ-ŋai ɣalêi a kwaa sí kali. Da pâi díkpala-ŋai ɣalêi a mɔlɔŋ tée ƃoa-ŋa. Lɔii-ŋuŋ da fé ŋɔ́nɔ pâi kɔ́ pɛlɛ̂i m̀arâŋ lɔii-ŋuŋ ma. Dífe pâi ŋɔ́nɔ kɔ́-kɔ pere ma kɔ̂rii.

Mise 7:20

Ya pâi ílaa-laai da íwɔlɔ-wɔlɔ da wɔlɔ-wɔlɔ wɛli-kɛ-maai lɛ̂i ínûai dîa yɛɛ berei íwɔlɔ íkono tèe la kúnûa pɔlɔ ŋai, Eberaɣɛ̃ɛ da Zeeka yêei.

Malasi 4:2

Kɛ́lɛ káai ka yâo ḿâai ŋátɔ̃yâ-laai a pâi ƃêlai kâa yɛ̂ɛ fólo, gɛ́ pà a ƃálo-laa kápɔ yɛ̂ɛ fólo-kpãle. Ka pâi kɛ̂i a ká ŋuŋ-maa-ƃóɔɔ kálii kɛ́ nɛ̃ɛ yɛ̂ɛ da niŋa-lônii kula kóraŋ su díkɛ pìli-pili.

Ɉaan 10:10

Ŋúma-nuui a pâ nɔ́ a gɛɛ e díŋuma, e dípaa, e dísu kara; ŋá pà a gɛɛ dí fulu-laa sɔlɔ ƃo, e kɛ́ díyêei a dámaa.

Ifisiɛŋ 6:23

Lii-see é kɛ́ ŋánûai dîa da laa-la-wɛli-kɛ-maa é kúla Kúnâŋ Ɣâla yêei da Kúnuu-namui Zîsɛ Kôrai.

Dutɛrɔnome 32:39

“ ‘Ka gáa, ńyãa tɔnɔ nɔ́ ƃa Ɣâla. Ɣâla da kpɛ́ni fé naa é kúla ḿbôlu. Ńyãa ƃa fúlu-laa tɛ̀ɛ núu pɔ́ ŋ́gɛ zìɣe pôlu. Ŋa núu ŋwàna, ŋá m̀álo. Núu da fa pɔ̂ri kulâi ńyêei a gbîŋ wàla-wala.

Piɛrə dɔlɔɔ 1:3

Lûwa é kɛ́ Zîsɛ Kôrai Ŋɔɣâlai da Ǹâŋ ma! Ŋɔmaloŋ-kaa kɛ́tɛi su, da ŋɔ́nɔ kúmaa sɔlɔ ƃó a nina kwa kɛ́ fulu-laa kili-kɛ-zu su, Zîsɛ Kôrai ŋɔmu-siɣe saa-yeei sârai,