Ɉeremi 33:11 - Bible

¹¹ Ka pâi lii-nɛ̃ɛ woo-ŋa mɛnîi naa ɣelêi-pere. Ka pâi kɛ̂i nɛnî kula kûu su wule-ŋa mɛnîi a ɣelêi-pere, dí kɛ́ lii-nɛ̃ɛ wule too a tãi da pâi kɛ̂i pâi la a sɛɣɛ-fei sama-sãa Ŋ̀âla-pɛrɛ Kɛ́tɛi mui. Da pâi m̀ôi dîyɛɛi, ‘Ka sɛɣɛ-fei tɛɛ Ŋ̀wála-wâla kélee Yâwɛɛ pɔ́, kpɛ́ni fêi, zɔŋ lɛ̂lɛɛi, ŋɔwɛli kɛ́-maa kɔ́yɛŋ fé ma.’ Ŋa pâi gɛ̂i ǹɔii ŋí é ƃûu ƃó yɛ̂ɛ berei è wɔ́lɔ kɛ̀ lai. Ńyãa Yâwɛɛ ƃé mò tí.”

Yálá laawoo hɛɓɛ (dc)

¹¹ kwəinɛ̨ɛ̨ wələɠaa mɛ̨n ɉii laa, da yɛlɛ wooɠaa, nɛ̨ą həɠə mun nwɔ wələ woo yɛ tɔɔ. Hilɛtai nɛ̨ɛ̨nu nwɔ mąną kaa tin yɛ tɔɔ. Nuąi pai a hɛɠɛɛɓo halááɠaa Mɛ̨nį Kəlee ŋą Hééɓomun Yai-Laa yəi bɛlɛ́n, di wɔ hvɛ́li woo yɛ tɔɔ laa, diɛ kɛ mą: 'Ká Yai-Laa Kɔlaɠa Nwun Ną́mu laa too a wələ, mąąhɔlɔɓo, nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei hvo mą. «A tɛ̨ą, ŋą́ pənə ŋą́ nɔi ŋɛ̨i tɔɔ, ə pənə ə kɛ yɛ bələi ə kɛ la tɔlɔɔ. Ɲą́ą́ Yai-Laa nwoo li.»

Yálá laawoo hɛɓɛ

¹¹ kwəinɛ̨ɛ̨ wələɠaa mɛ̨n ɉii laa, da yɛlɛ wooɠaa, nɛ̨ą həɠə mun nwɔ wələ woo yɛ tɔɔ. Hilɛtai nɛ̨ɛ̨nu nwɔ mąną kaa tin yɛ tɔɔ. Nuąi pai a hɛɠɛɛɓo halááɠaa Mɛ̨nį Kəlee ŋą Hééɓomun Yai-Laa yəi bɛlɛ́n, di wɔ hvɛ́li woo yɛ tɔɔ laa, diɛ kɛ mą: 'Ká Yai-Laa Kɔlaɠa Nwun Ną́mu laa too a wələ, mąąhɔlɔɓo, nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei hvo mą. «A tɛ̨ą, ŋą́ pənə ŋą́ nɔi ŋɛ̨i tɔɔ, ə pənə ə kɛ yɛ bələi ə kɛ la tɔlɔɔ. Ɲą́ą́ Yai-Laa nwoo li.»

Ɉeremi 33:11 ပူးပေါင်းရင်းမြစ်များ

Kɔlɔnikɔ Maa-ŋuŋ 16:34

Ka sɛɣɛ-fei tɛɛ Yâwɛɛ pɔ́, kpɛ́ni fêi, dûa-pere lɛ́lɛɛi, Ŋɔwɛli kɛ́-maai káa naa wɔ́lɔ-wɔlɔ da wɔ́lɔ-wɔlɔ.

Kɔlɔnikɔ Maa-ŋuŋ 16:8

Sɛɣɛ-fei tɛɛ Yâwɛɛ pɔ́. Ŋɔkɛ́tɛ-laai tuŋ too. M̀ɛni-ŋai a gɛ̀i, m̀ó ǹɔii ŋuŋ-ŋai dîa.

Kɔlɔnikɔ Veerɛi 20:21

Zeosafa kɛ́ɛ a ǹûai líi-ŋa pɔpɔɔi, è nûa lɛ̀ a gɛ́ɛ díkɛ wule tòo Yâwɛɛ ma díkɛ ǹáa maa tɛ̂ ŋɔkɛ́tɛ da ŋɔmaa waa-laai mɛni ma. Dítɛɛ gɔ-kuluƃa-ŋai túɛ-perei, díkɛ̀ ŋulei too dîyɛɛi, “Ka sɛɣɛ-fei tɛɛ Yâwɛɛ pɔ, kpɛ́ni fêi ŋɔwɛli-kɛ-maai káa naa wɔ́lɔ-wɔlɔ da wɔ́lɔ-wɔlɔ.”

Kɔlɔnikɔ Veerɛi 29:31

Ɛsekaya è mò ǹûai dîa ǹyɛɛi, “Kâa naa kákpîŋ tɛɛ Yâwɛɛ pɔ́. Ka pá kásala kula, ká pá a sɛɣɛ-fei sama-sɛŋ Yâwɛɛ ŋɔpɛ́rɛi mu.” Nya ƃe ǹûai kélee dí pá dí sala kula dí pá a sɛɣɛ-fei sama-sɛŋ. Diai kélee díkili kulâi, dí pá díkereŋ sala kula.

Kɔlɔnikɔ Veerɛi 7:3

Tãi Eezuɛ-ŋai dí ŋɔŋ kâa la gɛ́ kùla Ɣâla-taai, dí ŋɔ́nɔ Yâwɛɛ ŋɔmaa-waa-laai kâa a Ŋ̀âla-pɛrɛ Kɛ́tɛi láa fɛ́ɛ, díkelee dí díkpêleŋ pìlaŋ ǹɔii ma dí díŋuŋ pîlaŋ ǹɔii ma díkɛ Ɣâla fɛ̀li, díkɛ sɛɣɛ fêi tɛ̀ɛ Yâwɛɛ pɔ́, díkɛ mò dîyɛɛi, “Zɔŋ lɛ̂lɛɛi, ŋɔwɛli-kɛ-maai káa naa wɔ́lɔ-wɔlɔ da wɔ́lɔ-wɔlɔ.”

Ɛsdrasə 6:22

Dí Dɛ́-sɛŋ féu kpoloi maa kûui kɛ̀ ŋɔnɔ. Dí ǹíi-nɛ̃ɛi ŋí kùla a fólo lɔ́ɔlu mɛi feerɛ. Dí lii-nɛ̃ɛ kùla kpɛ́ni fêi, Yâwɛɛ è Pɛsia kaloŋ líi mù sìɣe é kpɔŋ maa tɛɛ dípɔ Eezuɛ Ɣalai ŋɔpɛ́rɛi tɔ̂ɔ pôlu mɛni ma.

Nehemi 12:43

Maa ɣêlei tí, ǹûai dí sâla támaa kùla dí lii-nɛ̃ɛ támaa kúla kpɛ́ni fêi Ɣâla a pá dípɔ a lii-nɛ̃ɛ. Ǹɛyâai da ǹîa-pɛlɛɛi kélee díkɛ̀ lii-nɛ̃ɛ kulâi. Dí lii-nɛ̃ɛ kula-wooi è sèri Zerusâlɛŋ kɔlɛ ma taa-ŋai kélee su.

Nehemi 8:12

È kɛ̀ tí, ǹûai kélee dí lì dípɛrɛ-ŋai lá, dí kúu kɛ́tɛ kɛ́, dí dílaa míi, dí ŋwã̂ai kpele. Dí zãâi ŋí da-ŋa tɛ̀ɛ diai pɔ́ da kɔ́ri pɔ̂ri fé kɛ́ ní dîɛi, kpɛ́ni fêi, dɔ̂ŋ-ŋai Ɛzura è ǹono dîɛi, dí ŋ̀á kàa.

Mąątɛ̨nɛ̨ 106:1

Ka laa maa tɛ̂ tɛɛ Yâwɛɛ pɔ́. Ka sɛɣɛ fêi tɛɛ Yâwɛɛ pɔ́, kpɛ́ni fêi, zɔŋ lɛ̂lɛɛi. Ŋɔwɛli kɛ́-maai kɔ́yɛŋ fé ma.

Mąątɛ̨nɛ̨ 107:1

Óo kwaa sɛɣɛi fêi tɛɛ Yâwɛɛ pɔ́, kpɛ́ni fêi, zɔŋ lɛ̂lɛɛi. Wɔ́lɔ-wɔlɔ da wɔ́lɔ-wɔlɔ wɛli kɛ-maa káa ǹyêei.

Mąątɛ̨nɛ̨ 107:22

Fɛ̂ɛ dí sɛɣɛi fêi sala-ŋa kula, dí lii-nɛ̃ɛ wule-ŋa too, dí gɛ́-mɛni kpaya-kpayai maa mɛ̂ni ƃó.

Mąątɛ̨nɛ̨ 116:17

Ŋa pâi sɛɣɛi-fêi sala kulâi Yâwɛɛ ma ŋá vɛ̀li.

Mąątɛ̨nɛ̨ 147:13

Ǹyaa ƃa ísiɣãŋ-ŋai mɛi kâa, gɛ́ lûwa làa ínûai dîa.

Mąątɛ̨nɛ̨ 85:7

Óo Yâwɛɛ, íwɛli kɛ́ maa kpanaŋ lɛ́ kûa, í kúŋuŋ ma ƃó.

Azaya 35:10

Da pâi tɛ̂i Zerusâlɛŋ a lii-nɛ̃ɛ su-kɛ́tɛ. Da pâi kɛ̂i wule-ŋa toôi, díkɛ lâɣi a lii-nɛ̃ɛ pere. Da pâi kɛ̂i lii-nɛ̃ɛ kulâi wɔ́lɔ-wɔlɔ da wɔlɔ-wɔlɔ. Maloŋ tôo-maa da lii-too pôlu fé ŋɔ́nɔ pâi wɔ́lɔ kɛ̂i dîa.

Azaya 51:11

Diai Yâwɛɛ è díŋuŋ ma ƃoi, da pâi lenêi pôlu. Da pâi tɛ̂i Zerusâlɛŋ, díkɛ wule tôo, kâloŋ ƃɔrɔ-ŋa kɛ́ ƃò díŋûa, díkɛ koi-nɛ̃ɛ kula. Dílii fé pâi ŋɔ́nɔ toôi pôlu dí malôŋ see ƃó.

Azaya 51:3

“Ŋa pâi Zerusâlɛŋ ŋɛ́i malôŋ kâai, da diai kélee lɛ̀ɛ naa bilêŋ ŋái. Berei máŋ ǹaa káa la a fɛ̃ɛ-kpâlaŋ sui, ŋa pâi ǹaa kɛ̂i yɛ̂ɛ Idɛŋ Suai su. Ǹaa a pâi kɛ̂i yɛ̂ɛ Yâwɛɛ ŋɔsûai su. Ǹaa-ƃelai da pâi kɛ̂i lii-sêe su, díkɛ koi-nɛ̃ɛ kùla. Da pâi kɛ̂i wule toôi, díkɛ sɛɣɛ̂i fêe tɛ̀ɛ ḿbɔ.

Azaya 52:8

Daa-lêei maa kpɛ́-ƃelai da lâɣii. Da wule toôi gîe ma a koi-nɛ̃ɛ pere. Dia kpîŋ da Yâwɛɛ kâai a díkpɔɔi ŋɛi-gao, gɛ́ lène pôlu Zãiyɔŋ.

Azaya 52:9

Ka koi-nɛ̃ɛ wule-ŋa too ɣelêi pere, káai Zerusâlɛŋ bilêŋ ŋái. Yâwɛɛ a pâi ŋɔtaa-lêei ŋuŋ ma ƃôi, é ŋɔnûai ŋa-nɛnɛ.

Ɉeremi 16:9

Ka káwoli tɔ́ɔ m̀ɛnii ńyãa, Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai ŋ́gaa môi kâai. Ŋa pâi kálii-nɛ̃ɛ kula mɛ̂ni-ŋai kélee kperâi. Káfe ŋɔ́nɔ pâi nɛnî kula-woo kélee da mɛnîi gwaai ŋí ma. Ka pâi lɛɛ̂i ɣele ma ŋá m̀ɛni-ŋai ŋí kɛ́ káŋɛi.

Ɉeremi 17:26

Nûa da pâi kulâi daa-ŋai su Zuda, da-ni dí kúla Zerusâlɛŋ kɔlɛ ma kpanaŋ-ŋai lá dípa. Da-ni-ŋa da pâi kulâi Bɛŋsima ŋɔkpîniŋ su, da-ŋa díkula ǹyée pɛlɛ-pɛlɛi ma, da-ŋa díkula ǹyée-kpaya-kpayai ma, gbéli-ŋai díkula séɣai-pere Zuda lɔii su. Da pâi pâi a kéreŋ-sala, mii-sɛŋ-sala, kéreŋ-sɛŋ kúŋ-nɛ̃ɛ, da sɛɣɛ-fei sama-sɛŋ Ŋáɣala-pɛrɛ Kɛ́tɛi mu.

Ɉeremi 25:10

Ŋa pâi gɛ̂i núu da fa ŋɔ́nɔ lii-nɛ̃ɛ pele-woo mɛni naa. Núu da fé ŋɔ́nɔ pâi nɛnî, kpaa surɔ̂ŋ kula pêle kɛ́-woo mɛnîi naa, kpaa máŋ núu da é mii-sɛŋ sia tîŋ mɛni naa. Ǹyaŋ núu da fé ŋɔ́nɔ pâi lâŋpo tɔɔ̂i naa.

Ɉeremi 29:14

Yâwɛɛ è mò ǹyɛɛ, “Ka pâi ŋ́gâai. À kɛ̀ tí, ŋa pâi lenêi pôlu a káa, ŋá ká sée kákpɔɔi lɔii su. Ŋa pâi ká kulâi ǹɔii-ŋai su ŋá ká tɛ̀ɛ naa kɔ-sôŋ-laa sui, ŋá pá a káa pôlu. Ńyãa Yâwɛɛ ƃé mò tí.”

Ɉeremi 30:19

Ǹûai pâi kɛ̂i naai, da pâi kɛ̂i laa-maa-tɛ wule-ŋa toôi. Ɣɛ́lɛ-woo a pâi kɛ̂i tɛ̂i naa. Ŋa pâi nîa-pɛlɛɛ támaa tɛɛ̂i dípɔ a gɛɛ dí kɛ́ a dítamaa. Ŋa pâi ƃaa-kɛ-ma kɛ̂i dîa, a gɛɛ núu da fé ŋ̀ɛ́i nàɣiŋ dí mɛi.

Ɉeremi 30:3

Ɣele da a pâi pâi tãi ŋa pâi Eezuɛ da Zuda-ƃelai kɛ̂i la dí lene pôlu ǹɔii su ŋá wɔ́lɔ dɛ̀ɛ dínûa pɔlɔ-ŋai pɔ́i. Ǹyaŋ a pâi kɛ̂i a dípɔɔ. Ńyãa Yâwɛɛ ƃé mò tí.”

Ɉeremi 32:44

Nûa da pâi lɔii yâi ƃɛ́ dí maa kɔlɔi kélee kpɛtɛ dí díyee pɔ̂ɔ kɛ́ zu, dí ŋɛi-kɛ-maa pɔ̂ɔ kɛ́ zu serê-ŋa ŋɛ́i. Da pâi m̀ɛni-ŋai ŋí kɛ̂i Bɛŋsima ŋɔlɔii-kpiniŋ su da gbanâŋ-ŋai dítinaŋɔɔ̂i Zerusâlɛŋ mai su. Da pâi m̀ɛni tɔ̂nɔi ŋí kɛ̂i Zuda taa-ŋai su da daa-ŋai díkaa ǹyée lɔii sui. Da pâi m̀ɛni tɔ̂nɔi ŋí kɛ̂i ǹyée pɛlɛ-pɛlɛɛi ma Zuda ŋɔlɔii kwára-pere séɣai pere. Ŋa pâi lenêi pôlu a ǹûai dí kpɔ́ɔi lɔii su, Ńyãa Yâwɛɛ ƃé mò tí.”

Ɉeremi 33:26

Ǹyaŋ berei nɔ́ ŋá m̀ɛni-ŋai ŋí kɛ̀ la a tɔ̃yâi, bere nɔ́ ƃé ŋa pâi ŋákpanaŋ-wooi nyíi ŋá gɛ̀ Zeeka ŋɔsuui da ǹyée-mu ǹúui Deeƃé ŋɔsuui yêei kɛ̂i la. Ŋa pâi Deeƃé ŋɔsuui su nuu tɔnɔ siɣêi a gɛɛ é kɛ́ Eberaɣɛ̃ɛ, Aise da Zeeka suui su-ƃelai mɛi. Ŋa pâi ŋá ǹûai ŋɛ́i malôŋ kâai, ŋá ŋɔ́nɔ gɛ́ díƃûu ƃó.”

Ɉeremi 33:7

Ŋa pâi gɛ̂i Zuda da Eezuɛ dí ƃûu ƃó, ŋá dí kɛ́ yɛ̂ɛ berei dí wɔ́lɔ kɛ̀ la a bɔlɔi.

Ɉeremi 7:34

Ŋa pâi lii-nɛ̃ɛ da pêle kɛ́ɛ kperâi Zuda taa-ŋai kélee su da Zerusâlɛŋ pere-ŋai kélee ma. Núu da fé pâi nɛnî kpaa surɔ̂ŋ kula pêre-woo mɛnîi kpɛ́ni fêi, núu da fé pâi lɛɛ̂i ǹɔii su.”

Amɔsə 9:14

Ŋa pâi pâi pôlu a ŋánûai Eezuɛ-ŋai nyii-ŋai kɛ̀ luɛ-laa sui. Da pâi dítaa wóloɔ-ŋai tɔɔ̂i pôlu dí sée dísu. Da pâi kpɔmɔ ƃa kpalaŋ-ŋai kɛ̂i dí ŋwã̂ai kula dísu dí gbele. Da pâi máŋ sûa-ŋa kulâi dí sí-sãa sí dísu dí mii.”

Zôna 2:9

Kɛ́lɛ ńyãai sɛɣɛ-fêi-woo káa ńai, ŋa pâi sâla kulâi mà. M̀ɛnii ŋá maa-kono-tee kɛ̀i, ŋa pâi gɛ̂i. Ŋuŋ-ma-ƃô a kûla Yâwɛɛ yêei.”

Nahumə 1:7

Yâwɛɛ sɔŋ lɛ̂lɛɛi, wála-wala kɛ́tɛ káa ǹyêei é diai kúla mɛnii dí láai lai, tãi mɛni kpɔ̂lu a pâ lai.

Sofoni 3:14

Óo Zãiyɔŋ ǹóŋ-nɛnii, láɣi a wule-woo, óo Eezuɛ, láɣi! Óo Zerusâlɛŋ ǹóŋ nɛnii, lii nɛ̃̂ɛ kula a ílii kélee!

Zakari 10:7

Ǹyaŋ Ifiraŋ a pâi kɛ̀i yɛ̂ɛ kɔ́-kuluƃa wála-wâla, ǹyaŋ dílii a pâi nɛ̃ɛ̂i yɛ̂ɛ berei núu líi a nɛ̃̂ɛ la ŋwã̂ai mai. Mɛnii ŋí a pâi lɛɛ̂i dílônii kíli ŋá, ǹyaŋ dílii a pâi nɛ̃ɛ̂i Yâwɛɛ ŋɔkpɔŋ-mâai mɛni ma.

Zakari 8:19

“Ŋ̀áloŋ náaŋ, ǹɔ́ɔlui, mɛi feerɛi da buui maa sûŋ siɣe ɣêle-ŋai da pâi kɛ̂i a lii-nɛ̃̂ɛ ɣele kɛ́tɛ-ŋa Zuda-ƃelai mɛ̂ni ma. M̀ɛni ma ka tɔ̃yâ wɛ́li da lii-sêe.”

Zakari 9:17

Tɔ̃yâ ma a pâi kɛ̂i a mɛni lɛ́lɛɛ! Zí-sɛŋ-ŋai da pâi ǹyaŋkpa-ŋai kɛ̂i dí ƃɔlɔ, ǹyaŋ ŋwã̂ai nina é ǹɛyâa-nɛyãai kɛ́ dí ƃɔlɔ.

Ɉaan 3:29

Ǹúui nyii nɛnîi káa ǹyêei, ǹyaa ƃe gáa a nɛnî-kula-nuui. Ǹɛnî-kula-nuui ǹaoi nyii a tɔɔ níi, gɛ ŋ̀óo mɛni, nɛnî-kula-nuui wóo a ǹíi nɛ̀ɛ a dámaa. À kɛ̀ ti, gɛ̀ ní, ŋálii-nɛɛi ŋi lá a nâa fɛɛ.

Hebreu 13:15

Mɛni ma kwaa laa-maa-tɛ-sala kúla Ɣâla ma a tãi kélee zarâi, ǹyaa ƃa ǹáa tóli-wooi nyíi a kúla núu lái.

M̀ɛni-lɛɛi 18:23

Laŋpo fé ŋɔ́nɔ pâi sonîi ísu. Nɛnî-kula-surɔ̂ŋ da ǹɛnîi díwoo fé ŋɔ́nɔ pâi tɛ̂i ísu. Kpɛ́ni fêi, ípɔni-tɔɔ-ƃelai ƃe kɛ̀ a ǹɔii su-nuu kpaya-kpayai. Í lɔii-ŋuŋ kélee pɛ́lɛ a íwulu-tuai.