Ɉeremi 32:44 - Bible

⁴⁴ Nûa da pâi lɔii yâi ƃɛ́ dí maa kɔlɔi kélee kpɛtɛ dí díyee pɔ̂ɔ kɛ́ zu, dí ŋɛi-kɛ-maa pɔ̂ɔ kɛ́ zu serê-ŋa ŋɛ́i. Da pâi m̀ɛni-ŋai ŋí kɛ̂i Bɛŋsima ŋɔlɔii-kpiniŋ su da gbanâŋ-ŋai dítinaŋɔɔ̂i Zerusâlɛŋ mai su. Da pâi m̀ɛni tɔ̂nɔi ŋí kɛ̂i Zuda taa-ŋai su da daa-ŋai díkaa ǹyée lɔii sui. Da pâi m̀ɛni tɔ̂nɔi ŋí kɛ̂i ǹyée pɛlɛ-pɛlɛɛi ma Zuda ŋɔlɔii kwára-pere séɣai pere. Ŋa pâi lenêi pôlu a ǹûai dí kpɔ́ɔi lɔii su, Ńyãa Yâwɛɛ ƃé mò tí.”

Yálá laawoo hɛɓɛ (dc)

⁴⁴ Di kaa pai kɛi tííɠaa yai, diɛ nwali lono, diɛ nɔwɔtɔɔ hɛɓɛ́ pɛ̨ɛ̨, diɛ di kɔ́lɔn ɉii kɛ mą, diɛ kɛlaɠaa hee Bɛnɉamɛn nwɔ lɔi hu, Ɉerusalɛmə kwɛlɛ da Ɉuda taaɠaa hu. Yiiɠaai ɲee hu, da yiiɠaai nɛ̨ŋɛ̨ hu, da yiiɠaai di kaa ɉɛɠɛɛ pələ. Mąąhɔlɔɓo, gáá pai pənəi ŋą́ di pu di nįnɛ̨ kɔ́lɔi. Ɲą́ą́ Yai-Laa, nwóó li.»

Yálá laawoo hɛɓɛ

⁴⁴ Di kaa pai kɛi tííɠaa yai, diɛ nwali lono, diɛ nɔwɔtɔɔ hɛɓɛ́ pɛ̨ɛ̨, diɛ di kɔ́lɔn ɉii kɛ mą, diɛ kɛlaɠaa hee Bɛnɉamɛn nwɔ lɔi hu, Ɉerusalɛmə kwɛlɛ da Ɉuda taaɠaa hu. Yiiɠaai ɲee hu, da yiiɠaai nɛ̨ŋɛ̨ hu, da yiiɠaai di kaa ɉɛɠɛɛ pələ. Mąąhɔlɔɓo, gáá pai pənəi ŋą́ di pu di nįnɛ̨ kɔ́lɔi. Ɲą́ą́ Yai-Laa, nwóó li.»

Ɉeremi 32:44 ပူးပေါင်းရင်းမြစ်များ

Azaya 44:26

Kɛ́lɛ ŋ̀orɛ̂-woo-ŋai ŋá dɛ̀ɛ a ŋákela-ŋai, díŋaa-see a kɛ́ tí-ti ƃo. M̀ɛni-ŋai kélee ŋá gbɛtɛ a gɛ́ɛ ŋá gɛ̂i, gélee ŋaa-see è kɛ̀. Ŋá m̀o a gɛ́ɛ Zerusâlɛŋ taa-leei da Zuda taa-leei-ŋai da pâi tɔɔ̂i ŋɔ́nɔ pôlu, ǹaa láa é fɛ́ɛ a núu-kpune. Ŋa pâi gɛ̂i daa-lêe-ŋai ŋí dí kɛ́ yɛ̂ɛ berei dí kɛ̀ la a bɔlɔi.

Ɉeremi 13:19

Daa-lee-ŋai dí káa Zuda kwára-perei, kɔkuluƃa-ŋa da tínaŋ dîa. Ǹyaŋ pere fé naa a gɛɛ núu da é lí naa. Diai kélee díkaa Zudai, da dísoŋ a kɔ soŋ-ŋa da lí a dia lɔii da kpɛ́ni-ŋa su.”

Ɉeremi 17:26

Nûa da pâi kulâi daa-ŋai su Zuda, da-ni dí kúla Zerusâlɛŋ kɔlɛ ma kpanaŋ-ŋai lá dípa. Da-ni-ŋa da pâi kulâi Bɛŋsima ŋɔkpîniŋ su, da-ŋa díkula ǹyée pɛlɛ-pɛlɛi ma, da-ŋa díkula ǹyée-kpaya-kpayai ma, gbéli-ŋai díkula séɣai-pere Zuda lɔii su. Da pâi pâi a kéreŋ-sala, mii-sɛŋ-sala, kéreŋ-sɛŋ kúŋ-nɛ̃ɛ, da sɛɣɛ-fei sama-sɛŋ Ŋáɣala-pɛrɛ Kɛ́tɛi mu.

Ɉeremi 30:18

Yâwɛɛ è mò ǹyɛɛi, “Ŋa pâi ŋánuai seêi kulâi díkpɔɔi lɔii su, ŋá ǹúu-suui kélee malôŋ káa. Da pâi Zerusâlɛŋ tɔɔ̂i pôlu dí ǹúu maa kɔ̃ɔ kwaa ma kpanaŋɔɔ-ŋai tɔ́ɔ pôlu dítɔɔ̂i.

Ɉeremi 30:3

Ɣele da a pâi pâi tãi ŋa pâi Eezuɛ da Zuda-ƃelai kɛ̂i la dí lene pôlu ǹɔii su ŋá wɔ́lɔ dɛ̀ɛ dínûa pɔlɔ-ŋai pɔ́i. Ǹyaŋ a pâi kɛ̂i a dípɔɔ. Ńyãa Yâwɛɛ ƃé mò tí.”

Ɉeremi 31:23

Ŋ̀wála-wâla kélee Yâwɛɛi nyíi gáa a Eezuɛ-ƃelai Díɣâlai è mò ǹyɛɛ, “Tãi ŋa pâi ǹûai dílɔii tɛɛ̂i la dípɔ pôlui, ǹûai da pâi môi Zuda lɔii da naa taa-ŋai su dîyɛɛi, ‘Yâwɛɛ é lûwa láa Zerusâlɛŋ yee maa waai ma, gwaa ma waai ƃɛ́i gáa naai.’

Ɉeremi 32:10

Ŋá ńyee pɔ̂ɔ kɛ̀ ǹɔii kɔlɔi su, ŋá ŋɛi-kɛ-maa maa pɔɔ kɛ́ zu sêre-ŋa ŋɛ́i. Nya ƃe ŋá gâpai kɔɔ̂ŋ zɛŋ-kɔ̂ɔŋ sɛŋ su.

Ɉeremi 32:37

Ŋa pâi ǹûai ŋáa tɛ̂i gîe ma, ŋá díkula ǹɔii-ŋuŋ-ŋai kélee ŋá dítaa-taa zui su a tãi ŋá kɛ̀ a ńii ŋwánaa lai, ŋá pá a dia pôlu gwaai ŋí ma a gɛɛ dí kɛ́ ƃò ŋuŋ-ma ƃô su.

Ɉeremi 33:11

Ka pâi lii-nɛ̃ɛ woo-ŋa mɛnîi naa ɣelêi-pere. Ka pâi kɛ̂i nɛnî kula kûu su wule-ŋa mɛnîi a ɣelêi-pere, dí kɛ́ lii-nɛ̃ɛ wule too a tãi da pâi kɛ̂i pâi la a sɛɣɛ-fei sama-sãa Ŋ̀âla-pɛrɛ Kɛ́tɛi mui. Da pâi m̀ôi dîyɛɛi, ‘Ka sɛɣɛ-fei tɛɛ Ŋ̀wála-wâla kélee Yâwɛɛ pɔ́, kpɛ́ni fêi, zɔŋ lɛ̂lɛɛi, ŋɔwɛli kɛ́-maa kɔ́yɛŋ fé ma.’ Ŋa pâi gɛ̂i ǹɔii ŋí é ƃûu ƃó yɛ̂ɛ berei è wɔ́lɔ kɛ̀ lai. Ńyãa Yâwɛɛ ƃé mò tí.”

Ɉeremi 33:13

M̀ala mɛi-kaa-ƃelai da pâi ŋɔ́nɔ kɛ̂i díƃala-ŋai lônoi daa-ŋai su ǹyée lɔii su, ǹyée kwára-pere kpiniŋ-ŋai su, Bɛŋsima ŋɔlɔii kpîniŋ su da nyíi-ŋai Zuda lɔii kwára-pere kpiniŋ su nyíi-ŋai dítinaŋɔ̂ɔi Zerusâlɛŋ ma da Zuda taa-ŋai kélee. Ńyãa Yâwɛɛ ƃé mò tí.”

Ɉeremi 33:26

Ǹyaŋ berei nɔ́ ŋá m̀ɛni-ŋai ŋí kɛ̀ la a tɔ̃yâi, bere nɔ́ ƃé ŋa pâi ŋákpanaŋ-wooi nyíi ŋá gɛ̀ Zeeka ŋɔsuui da ǹyée-mu ǹúui Deeƃé ŋɔsuui yêei kɛ̂i la. Ŋa pâi Deeƃé ŋɔsuui su nuu tɔnɔ siɣêi a gɛɛ é kɛ́ Eberaɣɛ̃ɛ, Aise da Zeeka suui su-ƃelai mɛi. Ŋa pâi ŋá ǹûai ŋɛ́i malôŋ kâai, ŋá ŋɔ́nɔ gɛ́ díƃûu ƃó.”

Ɉeremi 33:7

Ŋa pâi gɛ̂i Zuda da Eezuɛ dí ƃûu ƃó, ŋá dí kɛ́ yɛ̂ɛ berei dí wɔ́lɔ kɛ̀ la a bɔlɔi.

Abdiasə 1:19

“Diai kùla Zuda lɔii kwara-peri, da pâi seêi Idɔŋ yee lɔii ma. Diai kùla ǹyéei vóloi lii-perei, da pâi seêi Felesia-ŋai dílɔɔi ma. Eezuɛ ƃelai kpêli-ŋai da pâi Ifiraŋ lɔii siɣêi da ŋɔtaa-leei Sameria. Bɛŋsima ŋɔsuui su-ƃelai dí sée Gilia yee lɔii ma.

Abdiasə 1:20

Zuda-ŋai kùla Eezuɛ lɔii ŋua-perei da pâi kulâi luɛ-laa su dí pá pôlu dí Fonisia lɔii siɣe dí séri Zarefa taai kɔlɛ ma. Zuda-ŋai kùla, Zerusâlɛŋ nyii-ŋai tɛ̀ Sadi taa sui, da pâi liî pôlu dí daa-ŋai siɣe Zuda lɔii kwára pere.

Sofoni 2:7

Yúo kɔlɛ ma lɔii a pâi kɛ̂i a pɔɔ-sɛŋ Zuda ŋɔpɛ́rɛi mu-ƃelai mɛni ma nyii-ŋai pâi lɛɛ̂i ɣele mai. Nàa a pâi kɛ̂i a díkpâlaŋ ŋá dítaa tûlɛ-ŋai mɛni ma. Da pâi ǹyîi Asikɛlɔŋ ŋɔpɛ́rɛ-ŋai mu a ɣele wûlii ǹyaŋ Yâwɛɛ a pâi dímɛi kâai é díƃalo.

Zakari 7:7

Tãi Zerusâlɛŋ è kɛ̀ la a ǹáa fɛ́ɛ a núu-kpune da tɔɔ-sã̂a, ŋɔtaa-lêe-ŋai tínaŋɔɔ ma ǹɔii kwára-pere da diŋ-tiŋ kélee láa fɛ́ɛ a núu-kpunei, Yâwɛɛ ŋɔlóno kɛ́-ƃelai dífe ŋ̀óo-ŋai ŋí ƃó ní?