Ɉeremi 32:39 - Bible

³⁹ M̀ɛni-ŋûŋ tɔnɔi ŋa pâi gɛ̂i dí gɛ́ ḿîi ƃa, dí ƃaa kɛ́ maa tɛ́ɛ ḿbɔ a tãi kélee dí kɛ̀ ɣéniɛi su. Dà gɛ̀ tí, da pâi mɛni lɛ́lɛɛ sɔlɔ ƃôi da dísuui.

Yálá laawoo hɛɓɛ (dc)

³⁹ Ŋą́ kiliŋąhiɛ tɔ̨nɔ̨ too diɛ, di hiɛ pələ ə ɓo tɔ̨nɔ̨, diɛ mą́ą́wiɛ a yələ kəlee; yili a kɛ diɛ a nwun na nɛ̨ɛ̨, da di lonnii pai lɛɛi di pulu di wɔ nwun na nɛ̨ɛ̨.

Yálá laawoo hɛɓɛ

³⁹ Ŋą́ kiliŋąhiɛ tɔ̨nɔ̨ too diɛ, di hiɛ pələ ə ɓo tɔ̨nɔ̨, diɛ mą́ą́wiɛ a yələ kəlee; yili a kɛ diɛ a nwun na nɛ̨ɛ̨, da di lonnii pai lɛɛi di pulu di wɔ nwun na nɛ̨ɛ̨.

Ɉeremi 32:39 ပူးပေါင်းရင်းမြစ်များ

Zɛnɛse 17:7

“Ŋákpanaŋ-wooi a pâi kɛ̂i kwa yá kúloai. A pâi máŋ kɛ̂i kúloai kwa ísuui nyii pâi lɛ̀ɛi ípôlui da díwɔ suui wɔlɔ-wɔlɔ da wɔlɔ-wɔlɔ. Ŋa pâi kɛ̂i a Íɣâla da ísuui nyii pâi lɛ̀ɛi ípôlui Ŋɔɣâla.

Zɛnɛse 18:19

Kpɛ́ni fêi, ŋá nɛ̀ a gɛɛ é ǹônii da ŋɔpɛ́rɛi mu-ƃelai kɛ́ dí ŋápɛrɛi mɛi káa bôlu ma a tɔ̃yâ-mɛni kɛ́ɛ da teniŋ-mo laa, a gɛɛ ŋá gbanaŋ-wooi ŋàa-see kɛ́ ŋá gɛ̀ Eberaɣɛ̃ɛ yêei.”

Zɛnɛse 22:12

Ŋ̀âla-taa-kelai ǹyɛɛ mai, “Ífe íyee pɛ̀lɛ ǹôloŋ ma, kpaa máŋ í mɛni da kélee kɛ̀ la, kpɛ́ni fêi, ŋâa gɔ́lɔŋ nâa a gɛɛ ƃa yào Ɣâla ma, ífe ílii ma loŋ kùla ní ǹyêei.”

Kɔlɔnikɔ Veerɛi 30:12

Ɣâla yée è kɛ Zuda ƃelai pôlu é dílii kɛ tɔnɔ dí pá galoŋ da naa tii kɛ́ lɔɔi-ƃelai pɔ yɛ̂ɛ berei Yâwɛɛ è mò lai.

Mąątɛ̨nɛ̨ 112:1

Ka Yâwɛɛ láa maa tɛ́. Lûwa káa ǹúui ma a ƃaa kɛ́-maa tɛ̂ɛ Yâwɛɛ pɔ́i, gɛ́ ŋɔtɔ̂ŋ-ŋai mɛi kâai.

Mąątɛ̨nɛ̨ 128:6

Tɔ́ɔ ká lɛ́ɛ ɣele ma ká kálônii díwɔ-lonii sòŋ. Lii-see é kɛ́ Eezuɛ ma.

Mąątɛ̨nɛ̨ 86:11

Óo Yâwɛɛ, zɛŋ lɛ́ ḿâ nyii ya ŋ̀wɛ̂lii ŋá gɛi, gɛ̀ ní ŋa pâi íwoo mɛnîi a teniŋ ƃô pere. Ǹɛɛ naa ŋá ƃâa kɛ́ yâ, ŋá tíi kɛ́ yɛ̂ɛ a ńii kélee.

Hanwon 23:17

Ífe sɔnyɔ̂ŋ-ƃela maa líi tèe, kɛ́lɛ yao Ɣâla Yâwɛɛ ma a ɣele kélee.

Azaya 35:8

Pere-lêe a pâi kɛ̂i ƃɛ́i nûa da kâa kɛ̀ yaôi a gɛ́ɛ dí tɛ́ɛ naai. Maa pere-leei ŋí láa ƃé pâi kɛ̂i a, “Bere-lêe Maa Waai.” Vé pâi kɛ̂i a sɔnyɔ̂ŋ-nuu tɛɛ pêre. Ɣâla ƃé pâi kɛ̂i nûa téniŋ tɔɔ̂i berei ŋí su. Ǹúui kpîŋ táre da fé ŋ̀uŋ sui, a pâi pɔ̂ri tɛɛ̂i a berei ŋí.

Azaya 52:8

Daa-lêei maa kpɛ́-ƃelai da lâɣii. Da wule toôi gîe ma a koi-nɛ̃ɛ pere. Dia kpîŋ da Yâwɛɛ kâai a díkpɔɔi ŋɛi-gao, gɛ́ lène pôlu Zãiyɔŋ.

Azaya 65:23

Díi-ŋai kélee kpɔ́ da pâi gɛ̂i, da pâi sɛŋ da sɔlɔ ƃôi zu. Mɛni kpɔ̂lu da fé pâi lâai dínîa-pɛlɛɛi da ma. Ŋa pâi lûwa lâai dínîa-pɛlɛɛi dîa é pɛlɛ díwɔ̂ nia-pɛlɛɛi dîa.

Ɉeremi 24:7

Ŋa pâi gɛ̂i ḿaa mɛ̂ni é lɛ́ɛ díkili ŋá dí gɔ́lɔŋ a gɛɛ ńyãa ƃa Yâwɛɛ. À kɛ̀ tí, da pâi kɛ̂i a ŋánûa, ńyaŋ ŋ́gɛ ƃò a Díɣâla, kpɛ́ni fêi, da pâi tínanîi ḿbɔ naa pere a dí líi kélee.

Ɉeremi 31:33

Bere ƃé gbanaŋ-woo ninai a pâi kɛ̂i la: Ŋa pâi ŋá tɔ̂ŋ pûi díkili ŋá, ŋá bɔ̃yɛ dí líi su. Ŋa pâi kɛ̂i a Díɣâlai, dí kɛ́ ƃò a ŋánûa.

Ɉeremi 32:40

Ŋa pâi kpanaŋ-woo kɛ̂i díyêei wɔ́lɔ-wɔlɔ da wɔlɔ-wɔlɔ. Ḿve pâi kperâi mɛni lɛ́lɛɛ kɛ̂i dîɛ. Ŋa pâi gɛ̂i dí ŋumɛ maa tɛɛ ḿbɔ a dí líi kélee, dífa lâ ŋɔ́nɔ dípôlu tɔɔ la ḿâ.

Ɉeremi 6:16

Yâwɛɛ è mò ǹyɛɛi, “Ka tɔɔ bere tãɣaŋ lá ká wɔ́lɔ-wɔ́lɔi tí maa tûa-perei maa mare kɛ́ɛ kɛ́, ƃɛ́i tûa-pere lɛ́lɛɛ káa naai a gɛɛ kátûa tí, nyíi pâi gɛ̂i ká fii-tɔɔ sɔlɔ ƃó ká mɔ̂leŋ maa mɛ̂ni mai.” Kɛ́lɛ dí mò dîyɛɛi, “Kúfe pâi kúwoli tɔɔ̂i yâ.”

Izikiɛ 36:26

Ŋa pâi líi-nina da kíli-nina tɛɛ̂i ká pɔ. Ŋa pâi ká lii su kpânaŋ maa fálenîi a lii maa yêŋ.

Izikiɛ 37:22

Ŋa pâi dí kɛ̂i a lɔii-ŋuŋ tɔnɔ ǹɔii su Eezuɛ yèe-ŋai ma. Kâloŋ tɔnɔ nɔ́ ƃé pâi kɛ̂i dí mɛi. À kɛ̀ tí, dífe ŋɔ́nɔ pâi kɛ̂i a lɔii-ŋuŋ feerɛ. Dífe ŋɔ́nɔ pâi kɛ̂i a kâloŋ-laa feerɛ.

Izikiɛ 37:24

Ńyee-mu nuui Deeƃé ŋɔsuui su nuu da a pâi kɛ̂i a díkâloŋ. À kɛ̀ tí, díkelee dímɛi káa nûu a pâi kɛ̂i nɔ́ tɔnɔɔ. Da pâi ŋátɔ̂ŋ-ŋai kélee mɛi kâai a téniŋ ƃô pere díkɛ m̀ɛi kâa a zãa.

Izikiɛ 37:25

Da pâi kɛ̂i ǹɔii ŋá wɔ́lɔ dɛ̀ɛ dínâŋ-ni pɔi su nyii ŋá wɔ́lɔ dɛ̀ɛ ǹyée-mu ǹuui Zeeka pɔi. Da pâi kɛ̂i naa da dílônii, é pɛ́lɛ dílônii díwɔ̂ lonii dîa wɔ́lɔ-wɔlɔ da wɔ́lɔ-wɔlɔ. À kɛ̀ tí, ńyee-mu nuui Deeƃé ŋɔsuui su nuu da a pâi kɛ̂i a díkâloŋ wɔ́lɔ-wɔlɔ da wɔlɔ-wɔlɔ.

Ɉaan 14:6

Zîsɛ e mò ma, ǹyɛɛi, “Ńyãa ƃa berei, dɔ̃yâi, da vulu-laai; núu da fa pâ Nàŋ-nuui pɔ fɛ̂ɛ ńzârai.

Ɉaan 17:21

a gɛɛ díkelee dí kɛ́ zu tɔnɔɔ; yɛ̂ɛ berei la yá Ńâŋ máŋ íkaa la ŋ́gbonôi, ǹyaŋ ŋ́gɛ ƃò íkponôi, a gɛɛ dia máŋ dí kɛ́ kúkponôi a gɛɛ ǹɔii é láa la a gɛɛ yá ƃe ńdɛ̀ɛ.

Gɛlaɠaa 13:33

Gono-teei ŋí Ɣâla a ŋ̀aa-see kɛ́ kûɛ, kúai kúkaa a kúnâŋ pɔlɔ-ŋai dílônii. È nyíŋi kɛ̀ a Zîsɛ mu siɣeɛ mì saa yêei, yɛ̂ɛ berei máŋ bɔ̃yɛɛ̂i la ŋ̀ule-wooi veerɛi sui, ǹyɛɛi, ‘Íkaa a Ńoŋ. Sâa ŋa ímaa sɔlɔ ƃó.’

Gɛlaɠaa 2:39

Ɣâla ŋɔkono-teei káa kámɛni ma, kálônii da diai dîa kwaa kôya mai, nyíi-ŋai Kúnuu-namui Ɣâla a pâi dítôlii.”

Gɛlaɠaa 3:26

Ɣâla è núu tɔnɔ sìɣe zu a ǹyée mu-nuu è dɛ̀ɛ kápɔ a m̀aa-nuŋ, a gɛ́ɛ é lûwa láa kâa kákelee ka kápôlu tɔɔ kásɔnyɔ̂ŋ-ŋai dîa.”

Gɛlaɠaa 4:32

Nàa-laa-ƃelai dí kɛ̀ zu tɔnɔ da dímɔ̂leŋ. Núu tɔnɔ da kpîŋ fé m̀ó ní a gɛ́ɛ zãâi kɛ̀ ǹyêei, bɔ́ɔ è kɛ̀ a da, kɛ́lɛ, díkɔ̃liŋ kélee è kɛ̀ a díkîe-ni pɔ́ɔ.

Gɛlaɠaa 9:31

Kôrai-toli-kpɔŋ-ŋai kɛ̀ Zuda, Galalii da Sameria dí nâa kɛ̀ lii-sêe su. Dí ƃɔlɔ kpɔ́ a zu kɛ́tɛ. Zu-ƃelai dí tàma, kpɛ́ni fêi, ŋumɛ mâa è kɛ̀ díyêei dífulu-laai su Kúnuu-namui mɛni ma da M̀ɔlêŋ Maa Waai.

Lomaŋ 11:16

À kɛ̀ gbólo-kanei gbua-loŋ à kɛ̀ a ǹɛ́lɛɛ, gɛ̀ ní, gbólo-kanei kélee lɛ́lɛɛ̂i. À kɛ̀ máŋ ŋuru-samei à kɛ̀ a ǹɛ́lɛɛ, gɛ̀ ní ŋoŋo-ŋai lɛ́lɛɛ̂i.

Korɛntə dɔlɔɔ 7:14

Kpɛ́ni fêi, zurɔ̂ŋ nyíi laa-la fe ǹyêei a maa-waa-laa sɔlɔ ƃô nɛnîi sârai, nɛnîi ǹyaŋ nyíi laa-la fe ǹyêei a maa-waa-laa sɔlɔ ƃô ŋɔsurɔ̂ŋ sârai. À wàla kɛ́ ti, kánîa-pɛlɛɛi maa fe pâi waâi, kɛ́lɛ, yɛ̂ɛ berei gáa lai, dímaa waâi.

Korɛntə veelɛ 13:11

Gbɛɛ ŋái, ŋánûa, káɣele-wulii. Ka kátûa-perei pɛ́ŋ pɛ́lɛ, ká káwoli tɔ̂ɔ mɛnii ŋí ma ŋa môi kâai, ka káwoo kɛ́ zu tɔnɔɔ, ká kɛ́ lii-sêe su, gɛ̀ ní ŋwɛli-kɛ-maa da nii-see-Ɣalai a pâi kɛ̂i kákɔlɛ.

Dutɛrɔnome 5:29

À kɛ̀ bere ƃé dílii su káa la dí kɛ́ ŋátɔ̂ŋ-ŋai mɛi kâa ŋâi pà gɛ̂i díƃûu ƃó lûwa kɛ́ ƃò díkɛ mɛni ma.

Dutɛrɔnome 6:2

a gɛɛ káa, kálônii da díwɔ̂ lonii ká ƃaa-kɛ maa tɛ́ɛ Yâwɛɛ pɔ́ ká ŋɔtɔ̂ŋ-ŋai mɛi káa a gɛɛ káfulu-laai su é kôya ká ŋ̀ãa-nɛ̃ɛ kula ǹɔii su ka liî naai.

Dutɛrɔnome 6:24

È mò kûa a gɛɛ kú ŋɔtɔ̂ŋ-ŋai mɛi káa a gɛɛ kúfulu-laai su é kôya ǹɔii ma kú ŋãa nɛ̃ɛ kula yɛ̂ɛ berei gáa la sâai.

Hebreu 10:20

da bere ninai da vúlu-laa ninai nyíi è ǹáa ƃo kúmɛni ma zeɣei sârai, zu-kulai ƃa ŋɔkponoi sârai,