Ɉeremi 32:37 - Bible

³⁷ Ŋa pâi ǹûai ŋáa tɛ̂i gîe ma, ŋá díkula ǹɔii-ŋuŋ-ŋai kélee ŋá dítaa-taa zui su a tãi ŋá kɛ̀ a ńii ŋwánaa lai, ŋá pá a dia pôlu gwaai ŋí ma a gɛɛ dí kɛ́ ƃò ŋuŋ-ma ƃô su.

Yálá laawoo hɛɓɛ (dc)

³⁷ Gáá pai di ɲąą kpɔn ɉii, gɛ di kulɔ nɔiɠaai kpɔ ŋą di taɠa taɠa ɉu, níí holi pələ ɓa, níí kələn bələ ɓa gwə́i da nwą́ną lɔ pələ ɓa, ŋą́ pənə ŋą́ pa a diɛ gɛɛnąąi ŋɛ̨i ɓa, gɛ́ di hee laa liilaa hu.

Yálá laawoo hɛɓɛ

³⁷ Gáá pai di ɲąą kpɔn ɉii, gɛ di kulɔ nɔiɠaai kpɔ ŋą di taɠa taɠa ɉu, níí holi pələ ɓa, níí kələn bələ ɓa gwə́i da nwą́ną lɔ pələ ɓa, ŋą́ pənə ŋą́ pa a diɛ gɛɛnąąi ŋɛ̨i ɓa, gɛ́ di hee laa liilaa hu.

Ɉeremi 32:37 ပူးပေါင်းရင်းမြစ်များ

Mąątɛ̨nɛ̨ 106:47

Óo Yâwɛɛ Kúɣâlai, kúŋuŋ ma ƃó í kúkula kúkpɔara-ƃelai yêei ǹɔii ŋuŋ-ŋai su. Yà gɛ̀ tí, kwa pâi ísɛɣɛ̂i fêi, kú ílaa maa waai maa tɛ́.

Ɉeremi 12:14

M̀ɛnii Yâwɛɛ è mò é pîlaŋ kúkɔlɛ ma-ƃela sɔŋ nyɔ́mɔɔ-ŋai dîa nyíi Eezuɛ lɔii su karai nyíi ŋá dɛ̀ɛ dípɔi ƃa, “Ŋa pâi dí wêenii yɛ̂ɛ kala ŋá díkula díkpɔɔi lɔii su. Ǹyaŋ ŋa pâi Zuda-ƃelai kulâi dísama.

Ɉeremi 16:14

Yâwɛɛ è mò ǹyɛɛi, “Tãi káa pâi ǹûai dífe ŋɔ́nɔ pâi dífôoi a ńyãa Ɣâla ńaa nyíi gáa a gɛ̀ ɣele mâ Ɣalai, a gɛɛ ńyãa ƃa Eezuɛ Ŋɔɣâlai nyíi dí kula Ize lɔii sui.

Ɉeremi 16:15

Kɛ́lɛ, da pâi kɛ̂i m̀ôi dîɛ gɛ̀-ɣele-ma Ɣalai ƃé Eezuɛ-ƃelai kùla ya-ŋua pere lɔii-ŋai da ǹɔii-ŋuŋ da kpɛ́ni-ŋai su ƃɛ́i dí kɛ̀ a dítaa-taa naai, é pá a dia díkpɔɔi lɔii su, nyíi ŋá dɛ̀ɛ dínâŋ pɔlɔ-ŋai pɔi. Ńyãa Yâwɛɛ ƃé mò tí.”

Ɉeremi 21:5

Ńyãa kpîŋ ŋa pâi kɔ̂i kápɔ a ŋáwála-wala-laai kélee kpɛ́ni fêi, ńii ŋwânai kâa a ŋánaa.

Ɉeremi 23:3

Ŋa pâi ŋánûai ŋáa lɛɣɛ̂i díkîe ma nyii-ŋai dítaa-taai ǹɔii-ŋuŋ da kpɛ́ni-ŋai sui, ŋá pá a dia dípɔ-taai. Da pâi nîa-pɛlɛɛ-ŋa sɔlɔ ƃôi, dítama.

Ɉeremi 23:6

Tãi a pâi kɛ̂i la a kâloŋ, Zuda-ƃela da pâi ŋuŋ-maa ƃô sɔlɔ ƃôi. Lii-see kɛ́ ƃò Eezuɛ-ƃela yêei. Da pâi dôli a, ‘Yâwɛɛ ƃa kúƃalo-laai.’ ”

Ɉeremi 23:8

Kɛ́lɛ, da pâi dífôoi a ńaa dí mó a gɛɛ gɛ̀-ɣele mâ Ɣalai ƃé Eezuɛ-ƃelai kùla yá-ŋua-pere-ƃelai yêei, é pɛ́lɛ ǹɔii-ŋuŋ-ŋai dí kɛ̀ a dítaa-tâa zui, su. Gɛ̀ ní da pâi seêi díkpɔɔi lɔii su.”

Ɉeremi 24:6

Ŋa pâi dímɛi kâai a ǹɛ́lɛɛ é lɛ́ɛ la zu ŋá pá a dia pôlu ǹɔii ŋí su. Ŋa pâi gɛ̂i dí tɔ́ɔ. Ḿve pâi mɛni ŋánaa da kɛ̂i a dia. Ŋa pâi dísame pîlanii. Ḿve pâi díƃulenîi.

Ɉeremi 29:14

Yâwɛɛ è mò ǹyɛɛ, “Ka pâi ŋ́gâai. À kɛ̀ tí, ŋa pâi lenêi pôlu a káa, ŋá ká sée kákpɔɔi lɔii su. Ŋa pâi ká kulâi ǹɔii-ŋai su ŋá ká tɛ̀ɛ naa kɔ-sôŋ-laa sui, ŋá pá a káa pôlu. Ńyãa Yâwɛɛ ƃé mò tí.”

Ɉeremi 30:18

Yâwɛɛ è mò ǹyɛɛi, “Ŋa pâi ŋánuai seêi kulâi díkpɔɔi lɔii su, ŋá ǹúu-suui kélee malôŋ káa. Da pâi Zerusâlɛŋ tɔɔ̂i pôlu dí ǹúu maa kɔ̃ɔ kwaa ma kpanaŋɔɔ-ŋai tɔ́ɔ pôlu dítɔɔ̂i.

Ɉeremi 31:10

Yâwɛɛ è mò ǹyɛɛ, “Lɔii-ŋuŋ ŋa, ka káwoli tɔ́ɔ ḿâ, ká ŋ́oo ƃó ǹyái-koo-ma ƃɛ́i ǹaa kôyaai. Ŋá ŋánûai tàa-taa, kɛ́lɛ ŋa pâi pâi pôlu a dia, ŋá dímɛi káa yɛ̂ɛ berei ƃála-mɛi-kaa nuu a ŋɔƃála-ŋai mɛi kâa lai.

Ɉeremi 32:15

Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai è mò a gɛɛ da pâi pɛ́rɛ-ŋa, lɔii-ŋa, da kpɔmɔ-ƃa kpalaŋ-ŋa yâi ŋɔ́nɔ pôlu ǹɔii ŋí su.”

Ɉeremi 33:16

Ǹûai díkaa Zuda da Zerusâlɛŋ da pâi ŋuŋ ma ƃô sɔlɔ ƃôi. Núu da fé ŋɔ́nɔ pâi dímaa yaôi. À kɛ̀ tí, da pâi daa lêei tôlii a ‘Yâwɛɛ ƃa tɔ̃yâ-laa tɛ̀ɛ kú pɔ́.’

Ɉeremi 33:7

Ŋa pâi gɛ̂i Zuda da Eezuɛ dí ƃûu ƃó, ŋá dí kɛ́ yɛ̂ɛ berei dí wɔ́lɔ kɛ̀ la a bɔlɔi.

Izikiɛ 11:17

“M̀ɛni ma mò gɔ-sôŋ-ŋai dîa yɛɛi, Ŋ̀wála-wâla kélee Yawɛɛi ǹyɛɛi, ‘Ŋa pâi ká kulai ǹûai sama, ŋá ká kákula ǹɔii-ŋai su ƃɛi kátaa-taai naai ŋá Eezuɛ-lɔii tɛ́ɛ ká pɔ.’

Izikiɛ 20:34

Ŋa pâi ka kulâi ǹûai sama, ŋa kákula ǹɔii ŋai su ƃɛɛi ŋa ká taa-taa naai a lii-wãna su kɛtɛ ŋanaa.

Izikiɛ 28:25

Ŋ̀wála-wâla kélee Yâwɛɛi è mò ǹyɛɛi, “Tãi ŋa pâi Eezuɛ-ƃelai kulâi la ǹɔii-ŋûŋ-ŋai su dítaa tâai naai, ŋá ŋámaa-waa laai maa tɛ́ dísamai, gɛ̀ ní da pâi seêi díkpɔɔi lɔii su nyii ŋá dɛ̀ɛ ńyee mu nuui Zeeka pɔi.

Izikiɛ 28:26

Ǹyaŋ da pâi kɛ̂i naa ŋuŋ ma ƃô su. À kɛ̀ tí, da pâi pɛ́rɛ-ŋa tɔɔ̂i díkpɔmɔ-ƃa kpalaŋ-ŋa sí. Da pâi kɛ̂i a díŋuŋ mâ ƃóɔɔ a tãi ŋa pâi kɛ̂i díkɔlɛ mâ-ƃelai kula maa kɛ̂i la nyii-ŋai ɣɛ́lɛ maa kûla díkponôi. À kɛ̀ tí, da pâi gɔ̂lɔnii a gɛɛ ńyãa ƃa Díɣâlai Yâwɛɛ.”

Izikiɛ 36:24

Ŋa pâi kákulâi ǹɔii-ŋûŋ-ŋai su ŋá pá a káa kákpɔɔi lɔii su.

Osia 1:11

Zuda da Eezuɛ-ƃelai da pâi ŋɔ́nɔ kɛ̂i zu tɔnɔɔ. Da pâi núu tɔnɔ lɛ̂i a dílaa túɛ-nuu. Da pâi dí lɔii siɣêi pôlu. Óoei, Zariɛɛ ŋɔɣelei a pâi kɛ́i a ɣele kɛ́tɛ. M̀ɛni ma ílîa-surɔŋ tóli a “Ŋánûai,” í ísaa-ƃɔlɔ tóli a “Ƃa maloŋ-kaa sɔlɔ ƃó.”

Osia 3:5

Kɛ́lɛ tãi a pâi tãi Eezuɛ-ŋai da pâi tínanîi la Yâwɛɛ pɔ́-pere nyii gáa a Díɣâlai, da Deeƃé nyii kɛ̀ a díkâloŋ. Gɛ̀ ní da pâi yaôi Yâwɛɛ ma, dí ƃɛlɛ-see lɛ́lɛɛ-ŋa sɔlɔ ƃó ǹyêei.

Zooɛ 3:20

É máŋ kɛ́ tí, núu a pâi kɛ̂i nɔ́ Zuda da Zerusâlɛŋ lɔii su wɔ́lɔ-wɔlɔ da wɔ́lɔ-wɔlɔ.

Sofoni 3:20

Maa ɣêlei tí, ŋa pâi pâi a ínûai pôlu dípɔ-taai nyii-ŋai dí táa-tâai, tãi ŋa pâi dítôlii la kwaa tɔ̂nɔ mai. Tɔ̃yâ ma ŋa pâi ƃaa-kɛ-maa da láa-maa-tɛ̂ tɛɛ̂i kápɔ ǹûai kélee sáma ǹɔii su, ŋ̀elei ŋa pâi pâi la a ŋánûai pôlu ŋá dí kúla-luɛ-laa sui.”

Zakari 14:11

Ǹyaŋ ǹûa da pâi naa, foo-wôo fé pâi kɛ̂i ŋɔ́nɔ dípôlu. Zerusâlɛŋ-ƃelai da pâi seêi naa a díŋuŋ-maa ƃóɔɔ.

Zakari 3:10

Maa ɣelei tí à sèri, núu tɛi-tɛi a pâi gɔlɛ-ma-ƃelai tôlii a gɛɛ dí lii nɛ̃̂ɛ kula ŋɔkpɔmɔ-kpâlaŋ ŋá da ŋɔfîi-wurii mu.”