Ɉeremi 32:22 - Bible

²² Í ǹɔii lɛ́lɛɛi ŋí tɛ̀ɛ dípɔ yɛ̂ɛ berei í íkono tèe la dínâŋ pɔlɔ-ŋai yêei.

Yálá laawoo hɛɓɛ (dc)

²² Yili pulu, ə́ nɔi ŋɛ̨i tɛɛ di pɔ, yaai ə́ gbɛa naakwɛlanmo di nąnni diɛ. Nɔi hɛn gəlee a lɛlɛ ɉu.

Yálá laawoo hɛɓɛ

²² Yili pulu, ə́ nɔi ŋɛ̨i tɛɛ di pɔ, yaai ə́ gbɛa naakwɛlanmo di nąnni diɛ. Nɔi hɛn gəlee a lɛlɛ ɉu.

Ɉeremi 32:22 ပူးပေါင်းရင်းမြစ်များ

Zɛnɛse 13:15

Ǹɔii kélee kpɔ́ ƃa gâai, ŋa pâi dɛ̂ɛi kápɔ ká ísuui kélee wɔlɔ-wɔlɔ da wɔlɔ-wɔlɔ.

Zɛnɛse 24:7

Yâwɛɛ, nyii gáa ŋ̀elei su nyii ŋ́gûla ńâŋ ŋɔpɛ́rɛi mu é ŋ́gula ńzɔlɔ ƃó lɔii sui è lòno ḿbɔ é vóo a gɛɛ a pâi ǹɔii ŋí tɛɛ̂i ŋásuui pɔ́i, ǹyaa ƃe pâi ŋɔkélai tɛɛ̂i ítuɛ, ǹyaŋ ƃa pâi nɛnî kulâi naa ńoŋ mɛni ma.

Zɛnɛse 50:24

Nya ƃe Zosɛ è mò ǹêɣe da ǹîa-ni dîa ǹyɛɛi, “Ŋa pá nâa saâi, kɛ́lɛ Ɣâla a pâi kánaa kâai é kákula ǹɔii ŋí su é lí a káa ǹɔii su nyii è góno tèe la Eberaɣɛ̃ɛ yêei da Aise é pɛ́lɛ Zeeka mai.”

Nehemi 9:15

“Tãi puru è kɛ̀ dí kɛ̂i lai, í mii-sãâ kùla ŋ̀elei su í dɛ̀ɛ dípɔ. Tãi kpele wɛ̂li è kɛ̀ dí kɛ̂i lai, í yá kùla kɔni su í dɛ̀ɛ dípɔ. Í mò dîa a gɛɛ dí lí dí ǹɔii síɣe nyii í wɔ́lɔ í kóno tèe la dínuu pɔ̂lɔ-ŋai yêei, dí a gɛɛ sée naa.

Lɛɛ gbɔwɔ ɓa 13:5

Yâwɛɛ è góno tèe kánûa-pɔlɔ-ŋai yêei a foo-woo a gɛɛ a pâi Keena-ŋai, Ita-ŋai, Amɔra-ŋai, Ivai-ŋai da Zɛƃusa-ŋai dílɔii tɛɛ̂i kápɔ. Gáa a sí-sɛŋ kpɛtɛ lɔii lɛ́lɛɛ. À pà a káa ǹɔii tí ma, ka gúui ŋí kɛ́ ŋáloŋ ŋí su.

Lɛɛ gbɔwɔ ɓa 3:17

Ǹyaŋ ŋa gbɛtɛ ŋ́gili ŋá a gɛɛ ŋá díkula Ize lɔii su ƃɛ́i díkaa mɛni-sôli kâai naai, ŋá pá a dia Keena-ŋai, Ita-ŋai, Amɔra-ŋai, Pɛriza-ŋai, Iva-ŋai da Zɛbusa-ŋai dílɔii su nyii gáa a lɔii lɛ́lɛɛi.

Lɛɛ gbɔwɔ ɓa 3:8

Ŋa pá a gɛɛ ŋá díkula Ize-ŋai yêei ŋá pá a dia lɔii kɛ́tɛ lɛ́lɛɛ su ƃɛ́i Keena-ŋai díkaa naa da Ita-ŋai, Amɔra-ŋai, Pɛriza-ŋai, Iva-ŋai, é pɛ́lɛ Zɛbusa-ŋai dîa.

Ɉeremi 11:5

a gɛɛ ŋá gbèe-lɔi nyíi ŋá wɔ́lɔ ḿvòo la dínâŋ pɔlɔ-ŋai yêei ŋàa sèe é kɛ́. A gɛ́ɛ ŋa pâi lɔii lɛ́lɛɛ tɛɛ̂i nyíi sí-sɛŋ a kpɛ̂tɛ naa a tãi kéleei.” Nya ƃe ŋa zu tòo ńyɛ̂ɛi, “Yâwɛɛ tɔɔ é kɛ́ tí.”

Izikiɛ 20:15

M̀ɛni ma, ŋá ŋgono-tee díyêei vɛ̃ɛ-kpâlaŋ su a gɛɛ ḿve pâi ǹɛɛi naa a gɛɛ dí li ǹɔii mâ ŋgono-tee la díyêei a gɛɛ ŋa pâi liî a dîa zui. Ǹɔii ŋí káa a sí-sɛŋ lɛ́lɛ lɔii nyii ǹɛ́lɛ̂ɛi kpɔ́ a ŋanaa.

Izikiɛ 20:6

Ŋa ŋ́gono-tee a gɛɛ ŋa pâi dí kulai Ize-lɔii su ŋa li a dîa ǹɔii ma nyii ŋa zie zu a gɛɛ ŋá dɛɛ dípɔi. Ǹɔii ŋí káa a sí-sɛŋ kpɛtɛ lɔii lɛ́lɛɛ. Ǹɛ́lɛɛ̂i kpɔ́ é tɛ́ɛ lɔii-sii kélee ma.

Lonon mo 14:16

Yâwɛɛ è ŋɔnûai pàa vɛ̃ɛ-kpâlaŋ su. Kpɛni fêi, vé pɔ̂ri ní liî a dia ǹɔii su è góno tèe la díyêei.

Lonon mo 14:30

Ǹɔii ŋá ŋ́gono tèe la káyêei a gɛɛ ká sée mai, kátɔnɔ kpîŋ fé pâi sêei naa fɛ̂ɛ Zefunɛ ǹóŋ Kelɛ da Nuŋ ǹóŋ Zasua.

Dutɛrɔnome 1:35

‘Zɔnyɔ̂ŋ-ƃelai ŋí da fé pâi ǹɔii lɛ́lɛɛi ŋí kâai ŋá ŋ́gono tèe la kánâŋ-ni yêei,

Dutɛrɔnome 1:8

Ka gáa, ǹɔii káa naa kámɛni ma. Ka lí ká naa siɣe. Yâwɛɛ è góno tèe la Kánâŋ-pɔlɔ-ŋai, Eberaɣɛ̃ɛ, Aise da Zeeka-ni yêei a gɛɛ a pâi kɛ̂i naa dílônii díwɔ̂ lonii mɛni ma.’ ”

Dutɛrɔnome 6:10

“Káɣâlai Yâwɛɛ ƃé pà a káa ǹɔii su é góno tée la kánîŋ-ni Eberaɣɛ̃ɛ, Aise da Zeeka yêei. Taa-lee kpaya-kpaya ƃûu ƃoɔɔ-ŋa,

Dutɛrɔnome 6:18

Ka Káɣâlai Yâwɛɛ nîa mɛni kɛ́ a gɛɛ mɛni-ŋai ka pâi kɛ̂i gɛ̂i ǹɔii su Yâwɛɛ è góno tèe la kánâŋ-ni yêei ŋãa-see é kɛ́.

Dutɛrɔnome 6:23

Kɛ́lɛ è kúkùla naa é pá a kúa ǹɔii su è góno tèe la kúnûa pɔlɔ-ŋai yêei.

Dutɛrɔnome 7:13

A pâi káwɛ̂li, é lûwa láa kâa, é gɛ́ kásuui su é kɛ́tɛ. A pâi lûwa lâai kálônii dîa, é lûwa láa ǹɔii ma a gɛɛ kási-sãai dí kpɛtɛ ká mii-sãa támaa sɔlɔ ƃó da kpele-sãa, kátaa-tulɛ-ŋai dí ƃûu ƃó ǹɔii ma è dɛ̀ɛ kánûa-pɔlɔ-ŋai pɔ́i.

Dutɛrɔnome 8:1

“Ka tãi siɣe ka dɔ̂ŋ-ŋai mɛi káa a gɛɛ ká lɛ́ɛ ǹɔii ma Yâwɛɛ è góno tèe la kánâŋ-ni yêei ka ƃûu ƃó.

Zasua 1:6

Tɔɔ a gbanaŋɔɔ, í ílii kpele, kpɛ́ni fêi, yá ƃé pâi gɛ̂i ǹúai ŋí dí see ǹɔii ma ŋá ŋ́gono tèe la dínâŋ-ni yêei.

Zasua 21:43

Berei ŋí ƃé Yâwɛɛ è Keena lɔii kélee tɛ̀ɛ la Eezuɛ-ŋai pɔ́ yɛ̂ɛ berei è góno tèe la dínâŋ-ni yêei. Dí nâa gwaai kélee sìɣe dí sée naa.