Ɉeremi 32:18 - Bible

¹⁸ Ya íwɛli kɛ́-maai lɛ̂ núu wála támaa ma, íkɛ nûa kula ma kɛ̂ zɔnyɔ̂ŋ-ŋai dínuu pɔ̂lɔ-ŋai dí gɛ̀i mɛ̂ni ma. Íkaa a Ɣâla nyíi gɛ̂tɛi, ŋ̀wála-walaa. Yá ƃa Ŋ̀wála-wâla kélee Yâwɛɛ.

Yálá laawoo hɛɓɛ (dc)

¹⁸ Yá nuą ɲɛ̨imąąwɛli kaa, gee mɛ̨i waa tamąą. Kɛlaa, yá lon gaa nuą di wɔ nɛ̨ŋɛ̨nŋaai kwələ kulɔ di lonnii diɛ. Yɛ́i a Yálá kɛnɛ̨, Kɔlaɠa Ną́mu, ə́ laa ɓaa: Yai-Laa Mɛ̨nį Kəlee ŋą Hééɓomun.

Yálá laawoo hɛɓɛ

¹⁸ Yá nuą ɲɛ̨imąąwɛli kaa, gee mɛ̨i waa tamąą. Kɛlaa, yá lon gaa nuą di wɔ nɛ̨ŋɛ̨nŋaai kwələ kulɔ di lonnii diɛ. Yɛ́i a Yálá kɛnɛ̨, Kɔlaɠa Ną́mu, ə́ laa ɓaa: Yai-Laa Mɛ̨nį Kəlee ŋą Hééɓomun.

Ɉeremi 32:18 ပူးပေါင်းရင်းမြစ်များ

Zɛnɛse 49:24

Kɛ́lɛ ŋɔkerâŋ fé pâi ɣálei. Ǹyée su fé pâi saâi. Zeeka ŋɔwála-wala kélee Ɣalai ŋɔwála-wala sârai, Nyii gáa a m̀ála mɛi-kaa-nuui da Eezuɛ Maa-kɔ̃ɔ-nuui.

Tɔɔɓɛlaa veelɛ 9:26

Yâwɛɛ è mò ǹyɛɛ, ‘Ŋá wɛ́ɛ Niƃo ŋãa kâa da ǹônii sinaai. Mɛni ma ŋa pâi í kɛ̂i í véla-fe ká ǹɔii kpuai ŋí ma.’ Boma síɣe í bili ǹɔii kpuai tí ma nɔ́ yɛ̂ɛ berei Yâwɛɛ wóo káa lai.”

Nehemi 1:5

Ŋá mò ńyɛɛi, “Óo Yâwɛɛ Ɣâla, yái íkaa Ɣâla-taai, yá ƃa ŋ̀wála-wala kélee Ɣalai. Ǹyaŋ fɛ̂ɛ núu kélee dí ƃaa kɛ́ maa tɛ́ɛ ípɔ. Ƃa íkono têei ŋàa sèe kɛ̀ ǹúui kélee yêei í ŋwɛ́li ní gɛ́ íwoo mɛni, gɛ́ í tɔ̂ŋ-ŋai mɛi kâai.

Mąątɛ̨nɛ̨ 50:1

Ŋ̀wála-wâla kélee Ɣâlai, Yâwɛɛ è lono. È ŋ̀éniɛi su-ƃelai kélee tòli é síɣe vóloi kulâi pere é tóo vóloi liî-pere.

Mąątɛ̨nɛ̨ 89:9

Íwala-wala-laai káa yúo mɛi. Ya gɛ̀ yúo é kpéra toôi.

Lɛɛ gbɔwɔ ɓa 34:6

Yâwɛɛ è tɛ̀ɛ Mose ŋɛ́i-tuɛ é gbîŋ láa tóli ǹyɛɛ, “Yâwɛɛ, Yâwɛɛ, ŋgáa a Ɣâlai maloŋ-kâa támaa káa ǹyêei. Ǹíi-ŋwana-la fé nɛ̃ɛ ní. Wɛli-kɛ-maa támaa káa ǹyêei da sãa-laa.

Lɛɛ gbɔwɔ ɓa 34:7

Ŋa ŋákono-teei ŋa-see kɛ̀ núu wála (1,000) támaa yêei ŋá dísɔnyɔ̂ŋ su-mɛni lɛɛi. Kɛ́lɛ fé pâi wɔ́lɔ fɛɣɛ̂i a lóŋ naŋ-ŋa kélee dísɔnyɔ̂ŋ maa tɔ̂ŋ kpɛ̂i dílônii dîa da dílônii díwɔ̂ lonii.”

Azaya 10:21

Zeeka ŋɔnûai gbulu-lôŋ nɔ́ ƃé pâi tínanîi Ŋ̀wála-wâla kélee Ɣalai pɔ́ naa pere.

Azaya 57:15

“Ŋ́gaa a Ŋ̀âlai nyíi dɛ̂ɛi ɣelêi wɔ́lɔ-wɔlɔ da wɔ́lɔ-wɔlɔi, nyíi ǹáa maa waai. Ŋ́gaa ɣele ma wɔ́lɔ-wɔlɔ da wɔlɔ-wɔlɔ. Ŋ́gɛ̂i káa ŋ̀elêi su póŋ-poŋ gwaa maa waai ma. Kɛ́lɛ ŋ́gaa diai sáma dímaa yeŋɔɔi, díkɛ dílii maa fâleŋ a gɛ́ɛ ŋá dílaa-laai, da díkili-kɛ-zui su-kpanaŋ.

Azaya 9:6

Daâ lóŋ maa sɔlɔ ƃó kûɛ! Daâ lóŋ-surɔ̂ŋ tɛ̀ɛ kúpɔ! Ǹyaa ƃé pâi kɛ̂i a kúkâloŋ. Kwa pâi kɛ̂i ma, “Ǹia-woo ƃó-nuu Kɛ́tɛi, Ŋ̀wála-wâla kélee Ɣalai, Ŋ̀wɔ́lɔ-wɔlɔ da Wɔ́lɔ-wɔlɔ Naŋ. Ǹii-sêe Tɛɛ Kâloŋ.”

Ɉeremi 10:16

Kɛ́lɛ Zeeka Ŋɔɣâlai fé yɛ̂ɛ ŋ̀âla-pɔɔkɔŋ-ŋai ŋí. Kpɛ́ni fêi, ǹya ƃé sɛŋ kélee kpɛ̀tɛ, é pɛlɛ Eezuɛ-ŋai dîa nyíi-ŋai díkaa a bɔɔi. Ǹáa ƃa Ŋ̀wâla-wala kélee Yâwɛɛ.

Ɉeremi 10:6

Óo Yâwɛɛ, sɛŋ da fé naa é kɛ́ yɛ̂ɛ yá. Ímaa pɔlɔ-pɔlɔɔi, ǹyaŋ ílaa maa tûŋ wála-walaai.

Ɉeremi 20:11

Kɛ́lɛ, Yâwɛɛ, íwala-walaai, ítɔɔ̂i kpanaŋɔɔ, íkɛ ƃò ḿbôlu. M̀ɛni ma diai ŋ̀wɛ̂lii dí mɛni ŋánaa kɛ́ a ńyãai, da pâi fɛɣɛ̂i. Ŋumɛ a pâi dísoniî wɔ́lɔ-wɔ́lɔ da wɔlɔ-wɔlɔ, kpɛ́ni fêi, dífe pâi mɛni lɛ́lɛɛ sɔlɔ ƃôi, ŋ̀umɛi pâi dípaâi, núu da fé pâi niâi m̀a.

Ɉeremi 31:35

Yâwɛɛ a gɛ̀ vóloi é kwaa ponóɔɔ tɛ́ɛ a ɣele-laa ƃoɔɔ, ŋáloŋ da bɛ́mɛlɛŋ-kaoi dí kɛ́ fòlo a gbínii. A ǹyúoi tùmo-tumo gɛ́ tôo. Ǹáa ƃa Ŋ̀wála-wâla kélee Yâwɛɛi.

Ɉeremi 33:2

Yâwɛɛ nyíi ŋ̀éniɛi kpɛ̀tɛ é zee a zee-perei, Yâwɛɛ nyíi ǹáa ƃa Yâwɛɛi, è mò ḿâ ǹyɛɛi,

Ɉeremi 50:34

Kɛ́lɛ, ǹúui nyíi pâi díkula yêei kɛ̂i, ŋ̀wála-walaai. Ǹáa ƃa Ŋ̀wála-wâla kélee Yâwɛɛ. Ǹyaa kpîŋ ƃé pâi dímɛnii su kâai. Gɛ̀ ní, a pâi pâi a lii-see ŋ̀éniɛi su. Kɛ́lɛ, a pâi mɛni kpɔ̂lu lâai Babelɔŋ ma.”

Danîa 2:45

Óo Gâloŋ, zĩ̂ai tɛ̀ɛ a yá é pîlaŋ gɔnii ma nyii kpùɛ ǹyée su é tóo nyii núu da fé gbùɛ-nii é gɔlii, gôoi, m̀arai, m̀óo pɔ̂rɔi da gánei fũa-fũai, su-kulâi ká ŋí. Gɔni-ŋai kɛ̀ ǹyéei sui, da è kpùɛ ma nyii núu da fé gbuɛ-nii. È tòo é gɔlii, m̀arai, m̀oo pɔ̂rɔi, ganêi da gôoi fũa-fũa. M̀ɛnii pâi kɛ̂i tuɛ-perei Ŋ̀âla kɛ́tɛi a ǹɛ́ gâloŋ ma. Ŋaâ ísee-wooi da zulâi lɛ́ yâ nyii gáa a tɔ̃yâ. Láa la a gɛɛ m̀ɛni-ŋai ŋí da pâi kɛ̂i.”

Habakukə 1:12

Óo Ŋáɣâlai Yâwɛɛ, yái ímaa waai, ífe ɣele ma wɔ́lɔ-wɔlɔ da wɔ́lɔ-wɔlɔ? Ífe ǹɛɛ naa kú sáa. Óo Yâwɛɛ kúkili tɔɔ̂i ya. Yá óo kú Kɔnii, ƃa gɛ́ Babelɔŋ-ŋai da wála-wâla da pá a mɛni ŋa-téɛɛ kúmɛni ma. Ya díkpɛtɛ kúkula-maa kɛ́ mɛni ma.

Lonon mo 14:18

‘Ńyãai Yâwɛɛ Ɣâlai, ńii ŋwana-laa fé nɛ̃ɛ ní, wɛli-kɛ-maa támaa kɛ́ ƃò ńyêei. Ŋa sɔnyɔ̂ŋ su-mɛni lɛ̀ɛ da tɔɔ-mâ laa. Kɛ́lɛ ŋa pâi lóŋ-naŋ kélee dísɔnyɔ̂ŋ maa-tɔŋ kpɛ̀i dílônii dîa, ŋá gbɛ́ dílonii lônii dîa.’

Maafîu 27:25

Nya ƃe ǹûai kélee dí ŋ̀óo su tòo, dîyɛɛi, “Tɔɔ bàa-mɛni é lɛ́ɛ kûa kwa kúlônii!”

Lukə 6:38

Ka ƃɛlɛ-sêe kɛ́ núu mi, gɛ̀ ní, ƃɛlɛ-sêe a pâi kɛ̂i kâa, sɛŋ kɔɔ̂ŋɔɔ a ǹɛ́lɛɛ, dí wiɛ ma, dí dumo, dí ǹáa fɛɛ, gɛ yeŋ la, dí dɛɛ kápɔ. Kpɛ́ni fêi, berei ka sɛŋ kɔ̀ɔŋ la ka dɛɛ núu pɔi, bere nɔ ƃe da pâi gɔɔnîi dí dɛɛ la kápɔ.”

Dutɛrɔnome 10:17

kpɛ́ni fêi, Káɣâla Yâwɛɛ káa a Ɣâla ŋ̀âla-ŋai kélee mɛi da núu-namela. Ǹyaa ƃa Ŋ̀âla kɛ́tɛi, gɛ́ mɛni kpaya-kpayaa. Va ŋa-kɔlɛ kɛ̀, va tela yee-pɛlɛ ǹá sɛŋ sòŋ.

Dutɛrɔnome 7:21

Káfe yào dîa, kpɛ́ni fêi, Káɣâlai nyii kásamai, gɛ̂tɛi, maa mili-miliɛɛ.