Ɉeremi 31:9 - Bible

⁹ Da pâi kɛ̂i wɔ̂lɔi dí kɛ́ pa, kɛ́lɛ ŋa pâi dí ŋáa nɛnɛ̂i kwa dîa-ni kúkɛ pà pôlu. Ŋa pâi liî dí láa lɛ̂i ǹyá-ɣɛli-ŋai lá, dí sía pere sã́a su dífa kâreŋ. Ŋ́gaa a Eezuɛ ǹâŋ, Ifiraŋ kɛ́ ƃò a ńoŋ-surɔŋ m̀aa-ŋuŋ.”

Yálá laawoo hɛɓɛ (dc)

⁹ Di kaa pai ɲɛ̨iyá hu, diɛ kɛ mą: «Kookwəi!» Ɛlɛɛ, gáá pai tɔɔi di tɔwɔ, gɛ́ li a diɛ lɔiɠaa ya kaa di hu kɛnɛ̨. Diɛ tɛɛ a pələ hu pɔ̨nɔ̨ɔ̨, di hva kalin. Gáá kɛi a Israɛlə nąn, Ɛfraimə kaa a nón nu pɔlɔ laa mun.

Yálá laawoo hɛɓɛ

⁹ Di kaa pai ɲɛ̨iyá hu, diɛ kɛ mą: «Kookwəi!» Ɛlɛɛ, gáá pai tɔɔi di tɔwɔ, gɛ́ li a diɛ lɔiɠaa ya kaa di hu kɛnɛ̨. Diɛ tɛɛ a pələ hu pɔ̨nɔ̨ɔ̨, di hva kalin. Gáá kɛi a Israɛlə nąn, Ɛfraimə kaa a nón nu pɔlɔ laa mun.

Ɉeremi 31:9 ပူးပေါင်းရင်းမြစ်များ

Kɔlɔnikɔ Maa-ŋuŋ 29:10

Deeƃé è Yâwɛɛ láa ma tɛ̀ ǹûai kélee ŋɛ́i-tuɛ ǹyɛɛi, “Lûwa káa yâ, óo Yâwɛɛ yáai íkaa a kúnâŋ Zeeka Ŋɔɣâlai wɔ́lɔ-wɔlɔ da wɔ́lɔ-wɔlɔi.

Mąątɛ̨nɛ̨ 107:7

È tɔ̀ɔ dítuɛ é sía a dia pere sã́a su, é lí a dia taa lêe su ƃɛ́i da pɔ̂ri seêi naai.

Mąątɛ̨nɛ̨ 23:2

A gɛ́ ŋa láa kala ŋûnu ŋá. A lí a ńyãa yá séɛɛ tɔ̀ŋ kɔlɛ.

Mąątɛ̨nɛ̨ 89:27

Ŋa pâi gɛ̂i a ńoŋ-surɔŋ maa-ŋuŋ. Ǹyaa ƃé pâi kɛ̂i a gâloŋ gɛ́tɛi kâloŋ-ŋa kélee sáma.

Lɛɛ gbɔwɔ ɓa 4:22

Gɛ̀ ní m̀ó Gâloŋ ma yɛ̂ɛ Yâwɛɛ ǹyɛɛi, ‘Eezuɛ káa a ǹóŋ-surɔ̂ŋ maa-ŋuŋ.

Azaya 42:16

“Ŋa pâi tɔɔ̂i ŋánûa ŋɛ́i púɔɔ-ŋai túɛ, ŋá tɛ́ɛ a dia a berei dífe tá tɛ̀ɛ ní lai. Ŋa pâi díkpinii kɛ̂i a kwaa ponoɔɔ. Ŋa pâi bere kilɛ-kilɛ-ŋai su sãâi. Ŋákono teei ká ŋí, ǹyaŋ fé pâi wɔ́lɔ m̀aa fálenîi.

Azaya 43:20

Ǹɔɔ fɛnɛ-sãai da pâi ƃaa kɛ́ maa tɛɛ̂i ḿbɔ. Ǹɔɔ ɣîla-ŋai da dua-too ŋɔni-ŋai da pâi laa tɛ tɛɛ̂i ḿbɔ. Ŋá gɛ́ yá é láa vɛ̃ɛ-kpâlaŋ su a gɛ́ɛ ŋánûai ŋá dí sìɣe zui, díkɛ díkpele la.

Azaya 45:11

Yâwɛɛ, Eezuɛ Ŋɔɣâla Maa Waai, nyii Eezuɛ-ƃelai kpɛtɛ̂i, a m̀ôi ǹyɛɛi, “Lé ŋuŋ ma ƃo ƃé káyêei ká ḿarê kɛ̀ ŋ́gbɔɔi nuai mɛni ma, kpaa máŋ ká m̀ɛnii ƃó ḿâ ŋa pâi gbɛtɛ̂i a gɛ́ɛ ŋá gɛ́i.

Azaya 57:14

Yâwɛɛ è m̀o ǹyɛɛi, “Ka berei su sã́a, ká zu kpɛtɛ ŋánûai mɛni ma. Ka díperêi kpáaŋ sãai kélee kúla naa. Ka berei su sã́a, ká zu kpɛtɛ ŋánûai tɛɛ mɛ̂ni ma!

Azaya 63:16

Yá ƃé íkaa a kúnâŋ. Kúnâŋ-pɔlɔ-ŋai Eberaɣɛ̃ɛ da Zeeka dífe kú kɔ́lɔŋ, kɛ́lɛ yá, Yâwɛɛ ƃa kúnâŋ. Yá ƃa ǹúui nyii a wɔ́lɔ kúŋuŋ-ma ƃò a tãi kéleei.

Azaya 64:8

Kɛ́lɛ, óo Yâwɛɛ, yá nɔ́ ƃa Kúnâŋ. Kúkaa yɛ̂ɛ leɣi-pɔ̂rɔ, ǹyaŋ yá ƃa ǹeɣi-tɔɔ nûui. Yá ƃé kúkpɛ̀tɛ.

Ɉeremi 3:19

Yâwɛɛ ǹyaa kpîŋ è mò ǹyɛɛi, “Ŋá kɛ̀ ŋ̀wɛ̂lii a gɛɛ ŋá ká síɣe a ǹônii sinaa, ŋá lɔii lɛ́lɛɛ tɛ́ɛ ká pɔ́, nyíi pâi kɛ̂i a ká pɔ́ɔ nyíi pâi kɛ̂i a ǹɛ́lɛɛ é tɛ́ɛ ŋ̀éniɛi su lɔii kélee mai. Ŋá kɛ̀ ŋ̀wɛ̂lii a gɛɛ ká ńdoli a kánâŋ, a gɛɛ káfe ŋɔ́nɔ kùla ḿbôlu.

Ɉeremi 3:4

“Íkaa ńdôlii a ínâŋ, íkɛ mò yɛ̂ɛ, ‘Ya wɔ́lɔ ŋ́wɛli é síɣe ǹoloŋ tãi ma é tóo sâa ma.

Ɉeremi 31:20

“Eezuɛ, íkaa a ŋáwɛli-kɛ-ma loŋ, ǹôloŋ nyíi ŋá ŋ̀wɛ̂li-ni kpɔ́ a ŋ̀ánaai. Tãi kélee ílaa kíli a tôo la ŋ́ai, ŋà ŋ́gili-ŋa sìa a wɛli-kɛ maa é pîlaŋ yâ. Í maa mɛ̂ni káa nɔ́ niî ńii su. Ŋa pâi íŋɛi malôŋ kâai.

Ɉeremi 50:4

Yâwɛɛ è mò ǹyɛɛ, “Tãi ŋ̀ele-ŋai tí ŋ̀aa sèe a pâi kɛ̂i lai, Eezuɛ-ƃelai da Zuda-ƃelai da pâi lenêi pôlu dílɔii su díkɛ wɔ̀lɔ díkɛ ńyãai a Díɣâlai ŋ́gɔ̂ri.

Osia 12:4

Da ŋ̀âla taa-kelai dí kɔrɔ-ma kɔ̀ é ǹyée mɛi ɣále é wɔ́lɔ Ɣâla ma, Ɣâla é lûwa láa ma. Da Ɣâla dí kòyaŋ Bɛtɛ. Ǹaa ƃé Ɣâla è lòno naa bɔ́.

Osia 3:5

Kɛ́lɛ tãi a pâi tãi Eezuɛ-ŋai da pâi tínanîi la Yâwɛɛ pɔ́-pere nyii gáa a Díɣâlai, da Deeƃé nyii kɛ̀ a díkâloŋ. Gɛ̀ ní da pâi yaôi Yâwɛɛ ma, dí ƃɛlɛ-see lɛ́lɛɛ-ŋa sɔlɔ ƃó ǹyêei.

Zakari 12:10

“Ǹyaŋ ŋa pâi Deeƃé ŋɔpɛ́rɛi mu-ƃelai da Zerusâlɛŋ-ƃelai láa fɛ̂ɛi a maloŋ-kâa-mɔleŋ da Ɣâla fɛliɛ, a gɛɛ da núu kàa nyii da bàai, dí wɔ́lɔ mɛni ma yɛ̂ɛ berei núu a wɔ̂lɔ la ŋɔlóŋ tɔnɔ kpéŋ saa mɛni ma, dí gbêɣei tóo mɛni ma yɛ̂ɛ berei núu a wɔ̂lɔ la ǹóŋ-surɔŋ maa-ŋuŋ saa mɛ̂ni mai.

Malasi 2:10

Kúkelee kúnâŋ fé tɔnɔɔ? Ŋ̀âla tɔnɔi fé kúkpɛtɛ ní? Gɛ̀ ní lé ŋaŋ ƃé kúfe kúkono-tee-ŋai ŋaa-see kɛ̂i la kúkîe ni yêei? Lé mɛni ƃé kúkaa gono-tee-ŋai kpɔarâi la Ɣâla è gbɛ̀tɛ kúnuu-pɔ̂lɔ-ŋai yêei?

Lonon mo 2:18

“Diai pâi díwɔ̂ ƃuui tɔɔ̂i vóloi liî-perei dí kɛ́ Ifiraŋ ƃɔƃenâi mu díkpulu ma. Ifiraŋ ŋɔnûai túɛ-nuui ƃa Amiyu ǹóŋ Ilisama.

Maafîu 3:3

Kpɛ́ni fêi, ǹúui ŋi ƃe Ɣâla ŋɔlóno-kɛ-nuui Azaya e maa-mɛni ƃò, ǹyɛɛi, “Ǹyaa ƃa ǹúui ŋ̀óo káa tɛ̂i vɛ̃ɛ-kpâlaŋ su, ǹyɛɛi, ‘Ka Kúnuu-namui ŋɔperei kpɛtɛ, ká ŋɔpere-ŋai su sãa.’ ”

Maafîu 5:4

Lûwa káa diai dîa da wɔ́lɔ̂i, kpɛ́ni fêi, da pâi díŋa nɛnɛ̂i.

Maafîu 6:9

Mɛni ma, ka Ɣâla fɛli a bere-sii ŋi. ‘Kúnâŋ gáa ŋele sui, Tɔɔ ku ílaâi síɣe a maa waa.

Lukə 6:21

Lûwa káa kâa, káai puru a kákɛ̂i loníi mai, kpɛ́ni fêi, ka pâi pelâi. Lûwa káa kâa, káai wɔ́lɔ̂i loníi mai, kpɛ́ni fêi, ka pâi ɣɛ́lɛ̂i.

Lomaŋ 8:26

Bere nɔ́ ƃe M̀ɔlêŋ a kpɔŋ la kûa kúfii-kpɛɛi su; kpɛ́ni fêi, kúfe Ɣâla fɛli-pere kɔlɔŋ yɛ̂ɛ berei fɛ̂ɛ ku vɛli lai. Kɛ́lɛ, M̀ɔlêŋ ǹyaa kpîŋ a tɔ̂ɔ kúmɛni ma. A Ɣâla fɛ̀li kúmɛni ma kúwɔlɔ-Ɣala-mai sârai nyíi kúfa pɔ̂ri lônoi la a lono-wooi.

Korɛntə veelɛ 6:18

ŋa pâi kɛ̂i a kánâŋ, káaŋ ka pâi kɛ̂i a ńônii-sinaa da ńônii-nɛyaa, ŋwála-wala kélee-Nuu-namui ƃa nyíŋi ƃò.”

Dutɛrɔnome 14:1

“Káa ƃa Káɣâlai Yâwɛɛ ǹônii. Ka kɛ̀ malôŋ sèe ƃôi saa-nûu mɛni ma, káfe kákpîŋ ŋwàna kpaa máŋ ka kátôŋ lá leɣa kálaŋ.

Dutɛrɔnome 32:6

Vela-fei ka pâi dɛɛ̂i Yâwɛɛ pɔ́i, ǹyaa ƃei ƃoo-ƃela? Vé a kánâŋ nyii kákpɛtɛi? Nya ƃe kákpɛ̀tɛ é ká seêi kɛ́ ma.

Hebreu 12:13

Ka berei su sã́a kákɔɔ mɛni ma a gɛɛ kákpono m̀ɛi nàa saâi mai, vé kùla gbulɔ̂ŋ ŋá, kɛ́lɛ, é ƃálo.

Hebreu 12:23

Ka seri bɔɔ-sɛŋ sɔlɔ ƃó-ƃelai maa-kpɔŋ ma, nyíi-ŋai dílaa káa Ɣâla-taai, da mɛni-ŋa-tee-nuui nyíi gáa a núu kélee Ŋɔɣâlai, da maa-waa-ƃelai dímɔ̂leŋ nyíi-ŋai dí maa-waa-laai láa fɛ́ɛi Ɣâla-taai.

Hebreu 5:7

Tãi Zîsɛ è kɛ̀ la ŋɔnúu-kpune-kɔlɔi sui, ǹúui pɔ̂ri è kɛ̀ mì a gɛɛ é gúla saa yêei, Zîsɛ è vɛ̀li é gbera fé a ŋ̀óo su kɛ́tɛ a ŋ́ɛi-ya, ǹyaŋ ŋ̀óo è sîŋ sòŋ, kpɛ́ni fêi, yao-maa è kɛ̀ ǹyêei Ɣâla mɛni ma.

M̀ɛni-lɛɛi 7:17

Kpɛ́ni fêi, M̀ála-loŋ gáa gâloŋ-see-sɛŋ samai, a pâi kɛ̂i a diai a m̀ála-ŋai dímɛi-kaa-nuu., É tɔ́ɔ dítuɛ é lí a dia vúlu-laa ya-loŋ lá. Ǹyaŋ Ɣâla a pâi díŋɛi-ya kélee kɔɔ̂i díŋɛi.”