Ɉeremi 31:21 - Bible

²¹ Ŋɛi kɛ́-maa sɛŋ-ŋa kpɛtɛ berei su. Berei í tɛ̀ɛ lai gíli é lɛ́ɛ íŋa. Ífe nìa bere-leei ma é tɛ̀ɛ lai. Eezuɛ-ƃela, ka lene pôlu, ká pá pôlu kátaa-ŋai su ká sée naa.

Yálá laawoo hɛɓɛ (dc)

²¹ Ə́ kɔ́lɔn ɉiɠaa kɛ ə́ kpaalə hu. Bələi ə́ kaa ɉon ɉii la, ə́ ɲɛ̨i pɔɔ lɛɛ mą a nɛlɛɛ. Pənə ə́ pa Israɛlə nɛ̨ɛ̨gbɛla. 'Pənə ə́ pa ə́ wɔ taaɠaai hu.

Yálá laawoo hɛɓɛ

²¹ Ə́ kɔ́lɔn ɉiɠaa kɛ ə́ kpaalə hu. Bələi ə́ kaa ɉon ɉii la, ə́ ɲɛ̨i pɔɔ lɛɛ mą a nɛlɛɛ. Pənə ə́ pa Israɛlə nɛ̨ɛ̨gbɛla. 'Pənə ə́ pa ə́ wɔ taaɠaai hu.

Ɉeremi 31:21 ပူးပေါင်းရင်းမြစ်များ

Kɔlɔnikɔ Maa-ŋuŋ 29:3

É kúla zãai pôlu ŋá ŋ̀áa tɛ̀ ma bɛ́rɛ maa-waai tɔɔ mɛni mai, ŋa ŋ́go tée a gɛ́ɛ ŋá ŋágôoi da ŋákanei da tɛɛ Ŋ̀âla-pɛrɛi Kɛ́tɛi tɔɔ mɛni ma a gɛ́ɛ ŋá ŋáwɛli kɛ́-maai lɛ́ ńyêei Ɣâla Ŋɔpɛ́rɛi mɛni ma.

Kɔlɔnikɔ Veerɛi 11:16

Nya ƃe ǹûai nyii-ŋai kùla Eezuɛ sii-ŋai su, nyii-ŋai kɛ̀ a díkili-tɔɔ Yâwɛɛ, Eezuɛ-ŋai Díɣâlai mai díkelee dílɛ̀ɛ Liiva-ŋai pôlu dí lí Zerusâlɛŋ a gɛ́ɛ dísâla kula Yâwɛɛ ma nyíi kɛ̀ a dínâŋ-ni Díɣâlai.

Kɔlɔnikɔ Veerɛi 20:3

Zeosafa kɛ́ɛ a m̀ɛnii ŋí mɛ́nii, è yào kpɔ́ a ŋánaa. Nya ƃe è nâa gbɛ̀tɛ gíli-ŋa a gɛ́ɛ é Yâwɛɛ marê kɛ́. È nâa mò a gɛ́ɛ Zuda-ƃelai kélee dí sûŋ siɣe.

Mąątɛ̨nɛ̨ 62:10

Káfe làa a ŋuŋ su kpânaŋ-ƃela nyɔ́mɔɔ-ŋa. Káfe kákili tɔ̀ɔ too-ma ƃela dîa, kpaa máŋ diai dîa díkili tɔɔ̂i dítɔɔ-sãai dîai.

Mąątɛ̨nɛ̨ 84:5

Ya lûwa làa diai kélee dîa díkili tɔɔ̂i yâ, da diai da ífɛlii.

Hanwon 24:32

Tãi ŋá m̀ɛnii ŋí naa kàa lai, ŋá kɛ̀ ŋ́gili ŋá siâi. Nya ƃe ŋá sɛŋ maa kɔ̂ri zu.

Azaya 48:20

Ka lí ká kúla Babelɔŋ lɔii su. Ka pú ká kúla Babelɔŋ-ƃelai yêei. Ká lí ká ǹíi-nɛ̃ɛ tuŋ ƃó kwaa kélee ma ɣelêi-pere a gɛ́ɛ nûa kélee dí mɛni. Ka lí ká mó kâai, “Yâwɛɛ è ŋɔtíi kɛ́-ƃelai Eezuɛ-ŋai ŋuŋ ma ƃó.”

Azaya 57:14

Yâwɛɛ è m̀o ǹyɛɛi, “Ka berei su sã́a, ká zu kpɛtɛ ŋánûai mɛni ma. Ka díperêi kpáaŋ sãai kélee kúla naa. Ka berei su sã́a, ká zu kpɛtɛ ŋánûai tɛɛ mɛ̂ni ma!

Azaya 62:10

Zerusâlɛŋ-ƃela, ka kámu siɣe, ká kúla ziɣãŋ su, ká berei kpɛtɛ diai pâi pôlui dímɛni ma. Kà gɔni-ŋai kúla berei su ká ǹaa kpɛtɛ a ǹɛ́lɛɛ. Ka benâ-ŋa tɔɔ naa a gɛɛ ǹɔii-ŋûŋ-ŋai su-ƃelai da díkàa dí gɔ́lɔŋ,

Ɉeremi 3:12

È mò ḿâ a gɛɛ ŋá m̀ó ŋ̀orɛ̂-wooi ŋí ƃó Eezuɛ ma ńyɛ̃ɛi, “Eezuɛ, yái ífe teniŋ ƃô níi, ye tínaŋ pôlu ḿbɔ naa pere. Ḿve pâi ǹíi ŋwânai yâ. Ŋà núu malôŋ kàa. Ḿve pâi ŋ́ɛi ɣirîi íperêi wɔ́lɔ-wɔ́lɔ da wɔ́lɔ-wɔ́lɔ.

Ɉeremi 3:14

Yâwɛɛ è mò ǹyɛɛi, “Ka tínaŋ ká pá ḿbɔ naa. Kákaa a ḿbɔɔ. Ŋ́gaa a kánuu-namu. Ŋa pâi ká kulâi daa-ŋai su tɛi-tɛi, ŋ́gɛ ká kùla ǹɔii-ŋai su feerɛ-feerɛ. Ŋa pâi pâi a káa Zãiyɔŋ Yeei ma.

Ɉeremi 31:4

Ŋa pâi gɛ̂i ká kɛ́ a ká kɛ́-pere pɔlɔi. À kɛ̀ tí, gɛ̀ ní ka pâi ká nyɛ́ŋ-nyɛŋ-ŋai siɣêi ká kɛ́ mã̀la a koi-nɛɛ-pere.

Ɉeremi 46:11

Ize-ƃela, ka lí Gilia, ká sále kɔ́ri naa! Wála-wala-laa fé ŋɔ́nɔ kásalei su. Sɛŋ-da fa pɔ̂ri káƃâloi.

Ɉeremi 50:5

Da pâi Zãiyɔŋ perei maa mare kɛ̂ɛ kɛ̂i dí lí ǹaa pere. Kwa dîa ni kwa pâi wɔ́lɔ-wɔlɔ kpanaŋ-woo kɛ̂i kúloai. Ǹyaŋ m̀aa kpanaŋ-wooi fé pâi wɔ́lɔ kulâi dɔɔ̂i.

Ɉeremi 51:50

Yâwɛɛ è lòno ŋɔnûai pɔ́ kɛ́ Babelɔŋ ǹyɛɛi, “Káai kélee kùla gɔ́i yêei ká lɛ́ɛ a káfului, kà lí loníi ma. Káfe maa kpɛ̂ŋ kɛ̀. Berei máŋ ká kɛ̂i kôyaai la kápɔ-taai mai, ka kákili-ŋa sía é pîlaŋ ḿâ, Ńyãa Yâwɛɛ, Zerusâlɛŋ kíli é tóo ká ŋá.

Ɉeremi 51:6

Ka pú kákula Babelɔŋ lɔii su. Ka pú ká káŋuŋ ma ƃó. Káfe lɛ̀ɛ naa káfa lâ saa lâ Babelɔŋ sɔŋ sú. Ŋa nâa ŋ́gbîŋ kpɛtɛ a gɛɛ ŋá ŋɔmɛni nyɔ́mɔɔi gbà kula. Ŋa gula-maa kɛ̂i yɛ̂ɛ bereii ŋɔmɛni nyɔ́mɔɔi káa lai.

Ɉeremi 6:16

Yâwɛɛ è mò ǹyɛɛi, “Ka tɔɔ bere tãɣaŋ lá ká wɔ́lɔ-wɔ́lɔi tí maa tûa-perei maa mare kɛ́ɛ kɛ́, ƃɛ́i tûa-pere lɛ́lɛɛ káa naai a gɛɛ kátûa tí, nyíi pâi gɛ̂i ká fii-tɔɔ sɔlɔ ƃó ká mɔ̂leŋ maa mɛ̂ni mai.” Kɛ́lɛ dí mò dîyɛɛi, “Kúfe pâi kúwoli tɔɔ̂i yâ.”

Izikiɛ 40:4

Ǹalôŋ è mò ḿâ ǹyɛɛi, “Núu-kpune ǹóŋ, ƃɛ́ káa a ǹɛ́lɛɛ, í íwoli tɔ́ɔ a ǹɛ́lɛɛ m̀ɛnii ma ŋa pâi môi yâi. Dí pà ƃɛ́ a yá a gɛ́ɛ ŋá m̀ɛnii ŋí lɛ́ yâ. M̀ɛnii nyii kélee ya pâi gâai ye gélee kpɔ́ lɛ́ Eezuɛ-ƃelai dîa.”

Egaa 1:5

Ka kákili ŋá sía a ƃerei kákpɛtɛ-pêre káa la sâai.

Zakari 10:9

Berei máŋ ŋá dítàa-taa la ǹɔii ŋûŋ-ŋai sui, berei máŋ díkaa ǹɔii kôya-ŋai sui, da pâi díkili ŋá siâi é pîlaŋ ḿâ. Ǹyaŋ da pâi lɛɛ̂i a dífulu dí léne pôlu da dílônii.

Dutɛrɔnome 32:46

È mò dîa ǹyɛɛi, “Ŋ̀óoi ŋa m̀ôi kâai ka zìɣe a gbanaŋɔɔ. Ka ǹɛ́ kálônii dîa dí gɔ́lɔŋ dí m̀ɛi káa a ǹɛ́lɛɛ.