Ɉeremi 31:20 - Bible

²⁰ “Eezuɛ, íkaa a ŋáwɛli-kɛ-ma loŋ, ǹôloŋ nyíi ŋá ŋ̀wɛ̂li-ni kpɔ́ a ŋ̀ánaai. Tãi kélee ílaa kíli a tôo la ŋ́ai, ŋà ŋ́gili-ŋa sìa a wɛli-kɛ maa é pîlaŋ yâ. Í maa mɛ̂ni káa nɔ́ niî ńii su. Ŋa pâi íŋɛi malôŋ kâai.

Yálá laawoo hɛɓɛ (dc)

²⁰ Ɛfraimə aa kɛ mɔ̨ɔ̨ a nwɛ́li kɛ mąą lon. A lón mąą mɛ̨nį kaa níí mɛ̨i? Mąąhɔlɔɓo, ŋį́ kɛ lɔ mąą mɛ̨nį ɓoi, mąą kiliŋąhiɛ yɛ too mą́ą́, ɛlɛɛ, nii yɛ kulɔ mą́ą́ mąą mɛ̨nį hu. Nwɔ wɛlikɛmąą kaa pai kɛi níí hu kpɔ a nwalawalaa. Yai-Laa woo li.

Yálá laawoo hɛɓɛ

²⁰ Ɛfraimə aa kɛ mɔ̨ɔ̨ a nwɛ́li kɛ mąą lon. A lón mąą mɛ̨nį kaa níí mɛ̨i? Mąąhɔlɔɓo, ŋį́ kɛ lɔ mąą mɛ̨nį ɓoi, mąą kiliŋąhiɛ yɛ too mą́ą́, ɛlɛɛ, nii yɛ kulɔ mą́ą́ mąą mɛ̨nį hu. Nwɔ wɛlikɛmąą kaa pai kɛi níí hu kpɔ a nwalawalaa. Yai-Laa woo li.

Ɉeremi 31:20 ပူးပေါင်းရင်းမြစ်များ

Zɛnɛse 43:30

Nya ƃe Zosɛ è kùla a maa félaa. Kpɛ́ni fêi, malôŋ è tòo ma ǹêɣe mɛni ma. Ǹyaŋ è kwaa ma kɔ̀ri a gɛɛ é wɔ́lɔ naa. Nya ƃe è lì ŋɔlôŋpoi su é wɔ́lɔ.

Tɔɔɓɛlaa dɔlɔɔ 3:26

Nya ƃe nɛnîi nyíi ǹôloŋ fului è kɛ̀ a bɔ́ɔi è lòno gâloŋ pɔ́, kpɛ́ni fêi, ŋɔlôloŋ malôŋ è zòŋ, ǹíi láa é fɛ́ɛ a wɛli-kɛ m̀aa mɛni ma, ǹyɛɛi, “Óo gâloŋ, ŋánuu-namui, ǹôloŋ fului tɛ́ɛ bɔ́. Ífe bàa!” Kɛ́lɛ ǹɛnîi kpéli è mò ǹyɛɛi, “Ífe dɛ̀ɛ kúta kúpɔ. Zu tée zâmai, gɛ̀ ní vé pâi kɛ̂i a kúta kúpɔɔ.”

Mąątɛ̨nɛ̨ 103:13

Berei nɔ́ ǹaŋ-nuu a ǹônii malôŋ kàa lai, bere nɔ́ ƃé Yâwɛɛ a diai malôŋ kàa la da ƃaa kɛ́-maa tɛ̂ɛ bɔ́i.

Hanwon 3:12

Kpɛ́ni fêi ǹúui Ɣâla Yâwɛɛ è ŋ̀wɛli nii, ǹyaa ƃé a tɔ̂ŋ kpɛ̀ ma, yɛ̂ɛ berei nàŋ-nuu a tɔ̂ŋ kpɛ̀ la ǹóŋ ma nyii è ŋ̀wɛli-nii.

Wɛli 5:4

Ŋáwɛli kɛ́-maa nuui è ǹyée lɔ̀ é bili gbôŋ sɔɔŋ su. Gɛ́ɛ tíi, ŋɔwɛli kɛ́-maa é ńii mù sìɣe.

Azaya 16:11

Ŋa nyîɣɛi Môa mɛni ma, ŋ́gɛ maloŋ too maa wɔ̂lɔ kɛ̀ Kîɛ-Arisa mɛni ma.

Azaya 30:18

Maloŋ-kâa káa Yâwɛɛ yêei kámɛni ma. A ŋ̀wɛ̂lii é kámalôŋ káa, kpɛ́ni fêi, pɔara-mâa fé gɛ́-mɛni da kélee su. Lûwa káa diai dîa díkili tɔɔ-maai kélee káa Yâwɛɛ mai.

Azaya 55:7

Ŋwana-lɔ̂ɔ-ƃela, ka kátûa-pere maa fáleŋ. Káai káfe a teniŋ ƃô-ƃelai, ka kákili ŋá sîai nyɔ́mɔɔ-ŋai maa fáleŋ. Ka tínaŋ Yâwɛɛ pɔ-naa pere. Kà gɛ̀ tí, a pâi kámalôŋ kâai, é kásu-mɛ̂ni lɛɛ. Kwaa tínaŋ Yâwɛɛ Kúɣâlai pɔ́naa pêre.

Azaya 63:15

Yâwɛɛ, yái íkaa Ɣâla-taa íkwaa ma waai ma da ífolo-laai sui, lɛɛ naa í kú káa ǹɔii ma ƃɛ́. Kwa pɔ̂ri gɔ́lɔnîi léŋ a gɛɛ íkpaaŋɔ̂ɔi kú mɛni ma? Íwala-wâla laai káa mí? Íwɛ̂li-kɛ-maai da íŋɛi-maloŋ kâai káa mí? Ífe nia kûa.

Ɉeremi 3:12

È mò ḿâ a gɛɛ ŋá m̀ó ŋ̀orɛ̂-wooi ŋí ƃó Eezuɛ ma ńyɛ̃ɛi, “Eezuɛ, yái ífe teniŋ ƃô níi, ye tínaŋ pôlu ḿbɔ naa pere. Ḿve pâi ǹíi ŋwânai yâ. Ŋà núu malôŋ kàa. Ḿve pâi ŋ́ɛi ɣirîi íperêi wɔ́lɔ-wɔ́lɔ da wɔ́lɔ-wɔ́lɔ.

Ɉeremi 3:19

Yâwɛɛ ǹyaa kpîŋ è mò ǹyɛɛi, “Ŋá kɛ̀ ŋ̀wɛ̂lii a gɛɛ ŋá ká síɣe a ǹônii sinaa, ŋá lɔii lɛ́lɛɛ tɛ́ɛ ká pɔ́, nyíi pâi kɛ̂i a ká pɔ́ɔ nyíi pâi kɛ̂i a ǹɛ́lɛɛ é tɛ́ɛ ŋ̀éniɛi su lɔii kélee mai. Ŋá kɛ̀ ŋ̀wɛ̂lii a gɛɛ ká ńdoli a kánâŋ, a gɛɛ káfe ŋɔ́nɔ kùla ḿbôlu.

Ɉeremi 31:9

Da pâi kɛ̂i wɔ̂lɔi dí kɛ́ pa, kɛ́lɛ ŋa pâi dí ŋáa nɛnɛ̂i kwa dîa-ni kúkɛ pà pôlu. Ŋa pâi liî dí láa lɛ̂i ǹyá-ɣɛli-ŋai lá, dí sía pere sã́a su dífa kâreŋ. Ŋ́gaa a Eezuɛ ǹâŋ, Ifiraŋ kɛ́ ƃò a ńoŋ-surɔŋ m̀aa-ŋuŋ.”

Ɉeremi 33:26

Ǹyaŋ berei nɔ́ ŋá m̀ɛni-ŋai ŋí kɛ̀ la a tɔ̃yâi, bere nɔ́ ƃé ŋa pâi ŋákpanaŋ-wooi nyíi ŋá gɛ̀ Zeeka ŋɔsuui da ǹyée-mu ǹúui Deeƃé ŋɔsuui yêei kɛ̂i la. Ŋa pâi Deeƃé ŋɔsuui su nuu tɔnɔ siɣêi a gɛɛ é kɛ́ Eberaɣɛ̃ɛ, Aise da Zeeka suui su-ƃelai mɛi. Ŋa pâi ŋá ǹûai ŋɛ́i malôŋ kâai, ŋá ŋɔ́nɔ gɛ́ díƃûu ƃó.”

Ɉeremi 48:36

“Ńii toɔɔ̂i pôlu Môa da Kɛɛrɛ mɛni ma yɛ̂ɛ núu da a kɛ̀ saa wûle toôi ƃɔɔ su, kpɛ́ni fêi, díkɔ̃lîŋ kélee kpɔ́ su a kara.

Woolaa 3:22

Yâwɛɛ ŋɔwɛli kɛ́-maa kɛ́tɛi kúmɛni mai, góyɛŋ fé ma. Ŋɔmaloŋ kâai kóyɛŋ fé ma.

Izikiɛ 33:11

Mó Eezuɛ-ƃelai dîa Ńyãai a Ŋ̀wála-wâla kélee Yâwɛɛi ńyɛ̃ɛ m̀ɛnii ŋí ƃé ŋá mò kâa, ‘Tɔ̃yâ ma tãi nɔ́ ŋ́gaa la ɣele mai, ńii fa nɛ̃ɛ sɔnyɔ̂ŋ nuu ŋɔsɔnyɔ̂ŋ mɛ̂ni ma. M̀ɛnii a níi nɛ̃ɛi ƃa sɔnyɔ̂ŋ-nuu é ǹíi maa fáleŋ é lɛ́ɛ ɣele ma. Eezuɛ-ƃela, ka kpera sɔnyɔ̂ŋ kɛ̂i. Lé mɛni ƃé ka pâi saâi lai?’

Osia 14:4

Yâwɛɛ è mò ǹyɛɛ, “Ŋa pâi pâi a ŋánûai pôlu ḿbɔ naa. Ŋa pâi díwɛ̂lii a ńii kélee. Fé pâi ŋɔ́nɔ wɔ́lɔ ńii ŋwânai dîa.

Levetekɔ 26:44

Kɛ́lɛ a nɛ̃ɛ ma kpîŋ díkɛ lɔii ŋuŋ da kpɛni-ŋa su, fé pâi wɔ́lɔ ńyee kulâi dímu kpaa máŋ ŋá dísu kara. Fé pâi wɔ́lɔ ŋákpanaŋ-wooi siɣêi dɔɔ̂i díyêei, Ńyãa ƃa Díɣâlai Yâwɛɛ.

Lukə 15:24

kpɛ́ni fêi, ńoŋ ŋi e kɛ̀ a zaa, a ŋɔ́nɔ kɛ́ a vulu; e kɛ̀ a ǹáŋɔɔ, nya ƃe a káa.’ Nya ƃe dí pɛ̀lɛ lii-nɛ̃ɛ kɛ́ɛ ma.

Lukə 15:32

Maa nɛɛ̂i kɛ̀ ku lii-nɛ̃ɛ kula, kúlii é láa. Kpɛ́ni fêi, ílêɣei ŋi kɛ̀ a zaai, a kɛ́ ŋɔnɔ a vulu; e kɛ̀ a ǹáŋɔɔ, nya ƃe a káa.’ ”

Dutɛrɔnome 32:36

Yâwɛɛ a pâi ŋɔnûai dímɛnii ŋá têei é dímalôŋ káa a gàa a gɛɛ pɔ̂ri mâa fé ŋɔ́nɔ díyêei. A pâi dímalôŋ kâai. Dí tɔnɔ kpîŋ da fé pâi lɛɛ̂i a nɛ̃ɛ ma dí kɛ́ a luɛ-ŋa kpaa máŋ díŋuŋ ma ƃoɔɔ.

Filipə 1:8

Ɣâla káa a ŋásêre a berei ŋa kákelee káwɛ̂lii la a Zîsɛ Kôrai ŋɔwɛli kɛ́-maai.

Nwun mąąɓo 10:16

Maa ɣelei tí zãai dí dí kùla díkɔlɛ lɔii ŋuŋ-ŋai su díkɛ dí fɛlii, dí gélee pìli. Dí pɛ̀lɛ ŋɔ́nɔ Yâwɛɛ fɛlîi. Eezuɛ-ŋai dímalôŋ è tòo mà dímɔ̃lɛ laai mɛ̂ni ma.