Ɉeremi 31:12 - Bible

¹² Da pâi pâi dí lii nɛ̃ɛ-wule too Zãiyɔŋ yeei ma, ŋá ƃɛlɛ-see-sãai mɛni ma. Ŋa pâi mii-sãa, ŋwã̂ai, ɔle-wulɔ, ƃála da niŋa-ŋa tɛɛ̂i dípɔ. Da pâi kɛ̂i yɛ̂ɛ zí-sɛŋ nyíi da yá pú ma a ǹɛ́lɛɛi. Zɛŋ nyíi kélee da ŋ̀wɛ̂lii, da pâi zɔlɔ ƃôi.

Yálá laawoo hɛɓɛ (dc)

¹² Diɛ ka tii pai; diɛ wələ too a kwəinɛ̨ɛ̨ Siɔn yee tona. Di kaa pai Yai-Laa nwɔ mɛ̨inɛ̨ɛ̨ɠaa pɔ. Di kaa pai kɔ̨nɔ̨n nɔi hu, lɔɔ pɔ, wulɔ da lɔɔ nįnɛ̨, ə mą kɛ, daatɛlɛɛ bɛlɛɛɠaa da gbɛa-kpɛaa. Di kaa pənəi di pu di nįnɛ̨ kɔ́lɔi, di tɛlin yɛ nɔw yɛai, da kɛ ya pui ma. Pulu hva kɛa too diɛ.

Yálá laawoo hɛɓɛ

¹² Diɛ ka tii pai; diɛ wələ too a kwəinɛ̨ɛ̨ Siɔn yee tona. Di kaa pai Yai-Laa nwɔ mɛ̨inɛ̨ɛ̨ɠaa pɔ. Di kaa pai kɔ̨nɔ̨n nɔi hu, lɔɔ pɔ, wulɔ da lɔɔ nįnɛ̨, ə mą kɛ, daatɛlɛɛ bɛlɛɛɠaa da gbɛa-kpɛaa. Di kaa pənəi di pu di nįnɛ̨ kɔ́lɔi, di tɛlin yɛ nɔw yɛai, da kɛ ya pui ma. Pulu hva kɛa too diɛ.

Ɉeremi 31:12 ပူးပေါင်းရင်းမြစ်များ

Mąątɛ̨nɛ̨ 130:4

Kɛ́lɛ, íku sɔnyɔ̂ŋ su mɛni lɛ̀ɛ, a gɛɛ kú ŋumɛ-maa tɛɛ ípɔ.

Azaya 1:30

Ka pâi fɔ̃̀yâi yɛ̂ɛ ôo wuru a kɛ̀ pâi saâi, kpaa máŋ yɛ̂ɛ sí-sãa nyíi núu da fa yá pú dîai.

Azaya 35:10

Da pâi tɛ̂i Zerusâlɛŋ a lii-nɛ̃ɛ su-kɛ́tɛ. Da pâi kɛ̂i wule-ŋa toôi, díkɛ lâɣi a lii-nɛ̃ɛ pere. Da pâi kɛ̂i lii-nɛ̃ɛ kulâi wɔ́lɔ-wɔlɔ da wɔlɔ-wɔlɔ. Maloŋ tôo-maa da lii-too pôlu fé ŋɔ́nɔ pâi wɔ́lɔ kɛ̂i dîa.

Azaya 51:11

Diai Yâwɛɛ è díŋuŋ ma ƃoi, da pâi lenêi pôlu. Da pâi tɛ̂i Zerusâlɛŋ, díkɛ wule tôo, kâloŋ ƃɔrɔ-ŋa kɛ́ ƃò díŋûa, díkɛ koi-nɛ̃ɛ kula. Dílii fé pâi ŋɔ́nɔ toôi pôlu dí malôŋ see ƃó.

Azaya 52:8

Daa-lêei maa kpɛ́-ƃelai da lâɣii. Da wule toôi gîe ma a koi-nɛ̃ɛ pere. Dia kpîŋ da Yâwɛɛ kâai a díkpɔɔi ŋɛi-gao, gɛ́ lène pôlu Zãiyɔŋ.

Azaya 58:11

Ŋa pâi kámɛi kâai, ŋá kánîa sãa kélee tɛ́ɛ kápɔ. Ŋa pâi gɛ̂i kákɔlɔi ponoɔɔ kákponôi kpanaŋɔɔ. Ka pâi kɛ̂i yɛ̂ɛ ya-lêe kɔlɛ sua su si-sãa, ká ƃò yɛ̂ɛ ya-ɣɛ̂li nyíi va wɔ́lɔ kpalai.

Azaya 60:20

Í maloŋ-too maa ɣêle-ŋai da pâi kpɛɛ̂i. Ńyãa Yâwɛɛ ƃé pâi kɛ̂i a íwɔlɔ-wɔlɔ kwaa ponoɔɔi, nyii pâi tûai é tɛ́ɛ vóloi da ŋ̀áloŋ diai.

Azaya 65:19

Ńyãa kpîŋ ŋa pâi kɛ̂i a ńii-nɛ̃ɛ Zerusâlɛŋ mɛni ma da ŋánûai. Wɔ́lɔ-wóo fé ŋɔ́nɔ pâi tɛ̂i naa. Lii tòo pôlu da fé pâi kɛ̂i naa.

Ɉeremi 3:14

Yâwɛɛ è mò ǹyɛɛi, “Ka tínaŋ ká pá ḿbɔ naa. Kákaa a ḿbɔɔ. Ŋ́gaa a kánuu-namu. Ŋa pâi ká kulâi daa-ŋai su tɛi-tɛi, ŋ́gɛ ká kùla ǹɔii-ŋai su feerɛ-feerɛ. Ŋa pâi pâi a káa Zãiyɔŋ Yeei ma.

Ɉeremi 31:24

Nûa da pâi ŋɔ́nɔ kɛ̂i Zuda taa-ŋai kélee su. Kpâlaŋ-ŋa tíi kɛ́-ƃela da pâi kɛ̂i naa, ƃála mɛi káa-ƃela díkɛ ƃò naa díkɛ díƃala-ŋai mɛi kâa.

Ɉeremi 31:25

Diai dífii kpɛɛ̂i, ŋa pâi díkponôi kpananiî. Diai puru a dí kɛ̂i, ŋa pâi mii-sɛŋ tɛɛ̂i dípɔ dí píla.

Ɉeremi 31:4

Ŋa pâi gɛ̂i ká kɛ́ a ká kɛ́-pere pɔlɔi. À kɛ̀ tí, gɛ̀ ní ka pâi ká nyɛ́ŋ-nyɛŋ-ŋai siɣêi ká kɛ́ mã̀la a koi-nɛɛ-pere.

Ɉeremi 31:6

Tãi káa pâi, maa tãi tí, ziɣãŋ-mɛi káa nuui a pâi tóli ƃôi a ɣelêi pere Ifiraŋ yee-ŋai ma ǹyɛɛi, ‘Ka pá kwáa lí Zãiyɔŋ Kúɣâlai Yâwɛɛ pɔ.’ ”

Ɉeremi 31:7

Yâwɛɛ è mò ǹyɛɛ, “Ka lii-nɛɛ wule too Eezuɛ ma, nyíi gáa a ǹɔii-ŋuŋ-ŋai gɛ́tɛi. Ka laa-maa-tɛ wule too, ‘Yâwɛɛ a ŋɔnûai ƃálo. Diai kélee lɛ̀ɛi, a díŋuŋ-ma ƃó.’

Ɉeremi 32:15

Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai è mò a gɛɛ da pâi pɛ́rɛ-ŋa, lɔii-ŋa, da kpɔmɔ-ƃa kpalaŋ-ŋa yâi ŋɔ́nɔ pôlu ǹɔii ŋí su.”

Ɉeremi 33:12

Ŋ̀wála-wâla kélee Yâwɛɛ è mò ǹyɛɛ, “Ǹɔii ŋí nyíi gáa yɛ̂ɛ fɛ̃ɛ-kpâlaŋ su ƃɛ́i núu da kpaa máŋ fɛnɛ-sãa da fé naai, ǹaa a pâi kɛ̂i nâa a kwaa ma ƃɛ́i kala a pâi kɛ̂i naa a gɛɛ m̀ála mɛi-kaa-ƃelai dí kɛ́ díƃala-ŋai ŋáa kɔ̀ŋ la.

Ɉeremi 33:13

M̀ala mɛi-kaa-ƃelai da pâi ŋɔ́nɔ kɛ̂i díƃala-ŋai lônoi daa-ŋai su ǹyée lɔii su, ǹyée kwára-pere kpiniŋ-ŋai su, Bɛŋsima ŋɔlɔii kpîniŋ su da nyíi-ŋai Zuda lɔii kwára-pere kpiniŋ su nyíi-ŋai dítinaŋɔ̂ɔi Zerusâlɛŋ ma da Zuda taa-ŋai kélee. Ńyãa Yâwɛɛ ƃé mò tí.”

Izikiɛ 17:23

Eezuɛ yèe kpaya-kpaya-ŋai tôŋsu. Ŋ̀owo a pâi kulâi m̀a é ƃa a pâi kɛ̂i a sîda wuru sirɛ kɛ́tɛ. Ŋɔni-sĩi kélee a pâi kɛ̂i zu, dí dítaa tɔ́ɔ ǹinîŋ mu.

Izikiɛ 20:40

Eezuɛ lɔii su ƃɛ́i ŋáyee maa-waa kɛ́tɛi káa naai, naa ƃé Eezuɛ-ƃelai kélee da pâi ḿvɛlîi naa ǹɔii su. Ǹyaŋ ǹaa ƃe ŋa pâi ǹyée seêi naa dí mu ŋ́ɛi kɛ ƃo ká perei a gɛɛ ká pá a kásala-sãai da kásama-sãa maa waa ŋai.

Izikiɛ 34:14

Ŋa pâi ǹɛɛ̂i naa dí dílaa míi kala lɛ́lɛɛ ŋá ǹyée-ŋai ma Eezuɛ lɔii su. Da pâi kɛ̂i laa-ni naa díkɛ dílaa mìi kala lɛ́lɛɛ ŋá Eezuɛ yee-ŋai ma.

Izikiɛ 36:30

Ŋa pâi gɛ̂i ká sí-sãai dí kpɛtɛ kpɔ́ a dámaa a gɛɛ puru fa ŋɔ́nɔ ƃâa kùla kâa ǹɔii-ŋûŋ-ŋai sáma.

Osia 3:5

Kɛ́lɛ tãi a pâi tãi Eezuɛ-ŋai da pâi tínanîi la Yâwɛɛ pɔ́-pere nyii gáa a Díɣâlai, da Deeƃé nyii kɛ̀ a díkâloŋ. Gɛ̀ ní da pâi yaôi Yâwɛɛ ma, dí ƃɛlɛ-see lɛ́lɛɛ-ŋa sɔlɔ ƃó ǹyêei.

Zooɛ 3:18

Maa ɣêlei tí ŋwã̂ai nɛ̃ɛ a pâi kulâi ǹyée kpaya-kpayai su, niŋa-ŋini-ya kɛ́ kula ǹyée pɛlɛ-pɛlɛi su, ǹyaŋ Zuda ya-pɛlɛɛi kélee láa a pâi fɛ̂ɛi a yá. Ya-lêe a pâi kulâi Yâwɛɛ ŋɔpɛ́rɛi mu é Akasia ya-ƃolo-ƃoloŋ láa fɛ́ɛ.

Egaa 2:19

Ka kákili ŋá sía: Mɔlɔŋ káa nii gêrei su? Kákpɔmɔ-ƃa-kpalaŋ, káfîi wuru-ŋai, kátulê-wuru-ŋai da káwɔlɔ-wuru-ŋai dífe niî kɛ́ ní ƃâi? É síɣe sâa ma, ŋa pâi kɛ̂i nâa lûwa lâai kâa.

Zakari 8:12

Kpɛ́ni fêi, da pâi dísi-sɛŋ-ŋa sîi lii-sêe su. Díkpɔmɔ-kpâlaŋ-ŋai da pâi ƃâi ǹɔii é dísi-saai kɛ́ dí kpɛtɛ. Ǹyaŋ tuna támaa a pâi pûi dísi-sãai dîa. Ǹyaŋ zãâi ŋí kélee a pâi kɛ̂i a nɛɛ-pôlu-ƃelai pɔ́ɔ.

Ɉaan 16:22

Malôŋ toɔɔ̂i káa nâa. Kɛ́lɛ, ŋa pâi ŋɔ́nɔ kákaâi, ǹyaŋ kálii a pâi nɛɛ̂i. Núu da fe pâi kálii-nɛɛi kulâi káyêei.

Lomaŋ 2:4

Kpaa máŋ ya íŋɛi naɣîŋ ŋɔsɔŋ lɛ̂lɛ-laa su-kɛ́tɛi mɛi, ŋɔmaloŋ-kaai da ŋɔlii-kpelei ma? Ífe gɔ́lɔŋ a gɛ́ɛ Ɣâla ŋɔsɔŋ lɛ̂lɛi su-kulai ƃa é íkɛ í ílii pene?

M̀ɛni-lɛɛi 21:4

A pâi díŋɛi-ya kélee kɔ́ɔ̂i díŋɛi. Saa-mɛni fé ŋɔ́nɔ pâi kɛ̂i naa. Maloŋ-see-ƃoɔ fé ŋɔ́nɔ pâi kɛ̂i naa. Kpaa máŋ wɔ́lɔ, kpaa máŋ mɛni-soli. Kpɛ́ni fêi, mɛni pɔlɔ-ŋai da nâa tɛ̀ɛ.”

M̀ɛni-lɛɛi 7:17

Kpɛ́ni fêi, M̀ála-loŋ gáa gâloŋ-see-sɛŋ samai, a pâi kɛ̂i a diai a m̀ála-ŋai dímɛi-kaa-nuu., É tɔ́ɔ dítuɛ é lí a dia vúlu-laa ya-loŋ lá. Ǹyaŋ Ɣâla a pâi díŋɛi-ya kélee kɔɔ̂i díŋɛi.”