Ɉeremi 30:7 - Bible

⁷ Mɛni kpɔ̂lu ɣele maa pɔlɔ-pɔlɔɔ káa pâi. Ŋ̀elei ŋí gɔɔŋ-maa fé ma. A pâi kɛ̂i a lii-too pôlu tãi ǹûai mɛ̂ni ma. Kɛ́lɛ dífe pâi lɛɛ̂i zu.”

Yálá laawoo hɛɓɛ (dc)

⁷ Lə mąąwɛli mɛ̨nį ɓəi! A tɛ̨ą hvóló kɛnɛ̨ ka, yii hvo kɔ́ɔn ni yələ ta ɓa. Liihɛlɛn ɲələ li Ɉakɔbə ɓa, kɛlaa, gaa pai kulɔi ɉu.

Yálá laawoo hɛɓɛ

⁷ Lə mąąwɛli mɛ̨nį ɓəi! A tɛ̨ą hvóló kɛnɛ̨ ka, yii hvo kɔ́ɔn ni yələ ta ɓa. Liihɛlɛn ɲələ li Ɉakɔbə ɓa, kɛlaa, gaa pai kulɔi ɉu.

Ɉeremi 30:7 ပူးပေါင်းရင်းမြစ်များ

Zɛnɛse 32:7

Zeeka è nâa kɛ̀ yaôi kpɔ́ a ŋánaa. È ŋɔnûai ŋá kɔ̂lɛ da ŋɔƃála-ŋai, ŋɔtaa-tulɛ-ŋai é pɛ́lɛ ŋɔsoo-fáleŋ-ŋai dîa gîei feerɛ.

Mąątɛ̨nɛ̨ 25:22

Óo Ɣála, Eezuɛ ŋuŋ ma ƃó ŋɔmɛni kpɔ̂lu-ŋai kélee su.

Mąątɛ̨nɛ̨ 34:19

Deniŋ ƃô-ƃelai dámaa da pɔ̂ri m̀ɔ̃lɛi, kɛ́lɛ Yâwɛɛ a díkùla maa mɔ̃lɛ-laai su.

Azaya 20:6

Maa tãi tí a sèri, Felesia-ŋai yúo kpono ma perei da pâi m̀ôi dîyɛɛi, ‘Áao, ka gáa, berei diai kúkili káa dîa kúmaa kɔ̃ɔ mɛni ma Asiria kaloŋ yêei, dímaa mɛni a kɛ́ lai! Kúaŋ kúmaa mɛni a pâi kɛ̂i léŋ. Kwa pâi lɛɛ̂i nɔ́ ƃé ŋí ɣele ma?’ ”

Ɉeremi 14:8

Yá nɔ́ ƃé íkaa a Eezuɛ ŋɔkili-tɔɔ maai. Yá ƃa ǹúui nyíi a kúkùla mɛni kpɔ̂lu su. Lé mɛni ƃé íkaa la yɛ̂ɛ ŋɔ̃ya ƃé gáa ǹɔii sui, yɛ̂ɛ tɛɛ-a-pere nɔ́ ƃé a nyii nɔ́ ǹɔii su a kpíni tɔnɔi?

Ɉeremi 2:27

Káai kélee mò a gɛɛ wúru káa a kánâŋ, kɔni kɛ́ ƃò a káleei, ƃâa a pâi kulâi kâa. M̀ɛnii ŋí a pâi kɛ̂i kpɛ́ni fêi, ká kápôlu tɔ̀ɔ ḿâ, káfe tínani ḿbɔ naa-pere. Kɛ́lɛ, tãi ka kɛ̂ la mɛni kpɔ̂lu sui, m̀aa tãi ƃé ka tînaŋ la ḿbɔ naa-pere kákɛ m̀arê kɛ a gɛɛ ŋá káŋuŋ ḿâ ƃó.

Ɉeremi 2:28

“Ŋ̀âla-ŋai ká dí kpɛ̀tɛ kákpîŋ mɛni mai, dîa kɔ̂ɔ? Ka ǹɛɛ naa díka ŋuŋ ma ƃó tãi kákaa la mɛni kpɔ̂lu sui. Káai a Zuda-ƃelai, ɣâla támaa káa káyêei yɛ̂ɛ berei kátaa-lee-ŋai káa lai.

Ɉeremi 30:10

M̀ɛni ma, ŋánua, káfe yào. Káai a Eezuɛ-ƃelai kálii fé kpɛ̃̀liŋ kákoi. Ŋa pâi káŋuŋ-maa ƃôi ká kúla ǹɔii kôyaai tí su, ǹɔii nyíi kákaa zu a kɔ-sôŋ-ŋai. Ka pâi lenêi pôlu kálɔii su kásee naa lii-see su. Ka pâi kɛ̂i a káŋuŋ maa ƃóɔɔ, núu da fé pâi ká maa yaôi.

Woolaa 1:12

“Káai kélee ka tɛɛ ḿâi, ka ḿaa kpɛ́ɛ ḿî. Mɛni kpɔ̂lu da káa naa dɛ́ɛ ŋ́ɔ̂i ma? Yâwɛɛ a mɛni kpɔ̂lu láa ḿâ ŋɔlii ŋwânai su.

Woolaa 2:13

Óo Zerusâlɛŋ, ŋáwɛli kɛ́-maa taa-leei, yɛ̂ɛ ŋá kɛ́ lé yâ? Ŋa pɔ̂ri íŋanɛnɛ pere kɛ̂i léŋ? Núu da fé tá mɛni-soli káa ní ŋí. Ímɛni kpɔ̂lui su kɛ̂tɛi yɛ̂ɛ yúo. Gbɛ̂ɛ ƃa pɔ̂ri kpɔŋ mâa tɛɛ̂i ípɔi?

Woolaa 4:6

Ŋánûai díwɔ̂ mɛni kula maa kɛ́ɛi tɛɛ̂i Sodɔŋ-ƃelai díwɔ̂i ma, nyii Ɣâla è gɛ̀ a dia a m̀aa félaa, núu da fé kɛ́ ní naa é tɔ́ɔ berei.

Danîa 12:1

Ŋ̀âla-taa-kelai kɛ̀ zĩ̂ai su-kulai Dania mai, è ŋɔ́nɔ mò m̀a ǹyɛɛi, “Tãi tí ma, Makɔɔ nyii gáa a Ŋ̀âla-taa kéla-ŋai láa túɛ-ƃelai dɔnɔi nyii a ínûai maa kɔ̃ɔi, a pâi pâi. À pà, mɛni kpânaŋ a pâi kulâi ǹûai dîa. A pâi kɛ̂i a mɛni kpânaŋ nyii da fé tá kɛ́ ní é síɣe ǹɔii-ŋûŋ-ŋai kɔ́ɔ pîlaŋ tãi mai. Kɛ́lɛ maa tãi tí ínûai nyii-ŋai dílaa pɔ̃yɛ̂i gɔlɔi sui da pâi ŋuŋ ma ƃô sɔlɔ ƃôi.

Danîa 9:12

M̀ɛni kpɔ̂lui í mò a gɛɛ a pâi kɛ̂i a kûa kwa kúmɛi-ƃelai gélee ŋàa-see a kɛ́. Mɛni kpɔ̂lu da fé tá kɛ́ ní ɣele ma é kɛ́ yɛ̂ɛ m̀ɛnii kɛ̀ a Zerusâlɛŋ-ƃelai.

Osia 1:11

Zuda da Eezuɛ-ƃelai da pâi ŋɔ́nɔ kɛ̂i zu tɔnɔɔ. Da pâi núu tɔnɔ lɛ̂i a dílaa túɛ-nuu. Da pâi dí lɔii siɣêi pôlu. Óoei, Zariɛɛ ŋɔɣelei a pâi kɛ́i a ɣele kɛ́tɛ. M̀ɛni ma ílîa-surɔŋ tóli a “Ŋánûai,” í ísaa-ƃɔlɔ tóli a “Ƃa maloŋ-kaa sɔlɔ ƃó.”

Zooɛ 1:15

Ŋ̀elei malôŋɔɔi kpɛ́ni fêi, Yâwɛɛ ŋɔɣelei a lɛ̀ɣɛ, Ŋ̀wála-wâla kélee Ɣalai a pâi pâi a su-kâra.

Zooɛ 1:2

Káai a ǹúu pɔ̂lɔ-ŋai, ka nyíŋi mɛ́ni, káai kélee ǹɔii sui, ka káwoli tɔ́ɔ! M̀ɛnii ŋí da a tá wɔ́lɔ kɛ́ kákɛ̀ ɣéniɛi su, kpaa máŋ kánâŋ-ni dí kɛ̀ ɣéniɛi su?

Zooɛ 2:11

Yâwɛɛ a ŋ̀óo tɛ̂i ɣelêi ŋɔkɔkuluƃa-ŋai túɛ. Ŋɔkɔkuluƃa-ŋai tâmaai, wála-wâla kɛ́ ƃò diai kélee yêei da ŋ̀óo mɛnii. Ŋɔɣelei káa a ɣele kɛ́tɛ, maa-pɔlɔ-pɔlɔɔ. Gbɛ̂ɛ ƃa pɔ̂ri tɔɔ̂i dúɛi?

Zooɛ 2:31

Vóloi a pâi penêi a kpíni, ŋ̀áloŋ é pene a ŋãa, Yâwɛɛ ŋɔɣelei é lɛ́ɛ pâi, nyii gáa a ŋ̀ele kɛ́tɛ maa pɔlɔ-pɔlɔɔi.

Mise 4:9

Ƃa wɔ̂lɔi lé mɛni ma? Káloŋ fé ŋɔ́nɔ íyêei? Ímɛni su káa-nuu fé ŋɔ́nɔ ma ǹyaa ƃa wɔ̂lɔi yɛ̂ɛ koi-têe à kɛ̀ nɛnî mai?

Habakukə 3:16

Ŋa díŋ mɛ̀ni, ḿaa kɛ́ kpɛ̃liŋ, díŋ è gɛ̀ ńagbɔ é kɛ́ soo-soo, ŋ́gao kɛ́ sàa ŋ́gbonôi, záza kɛ́ ńdòo. Ŋá pâi ḿɛi saâi ŋá tãi maa kpɛ́ŋ tãi mɛni-kpɔ̂lu a pâi lâai la diai dîa da ŋ̀wɛ̂lii dí kúsu karai.

Zakari 14:7

Ǹyaŋ ɣele ƃɔ́ɔ nɔ́ ƃé pâi kɛ̂i naa, (Yâwɛɛ nɔ́ ƃé gɔ́lɔŋ) ɣele ƃɔ́ɔ da kpíni dífe pâi kɛ̂i naa, kpɛ́ni fêi, a kɛ̀ a ɣele wûlii tãi, ɣele ƃɔ́ɔ a pâi kɛ̂i naa.

Malasi 4:1

Ŋ̀wála-wâla Yâwɛɛ a môi ǹyɛɛi, “Ŋ̀ele kûui káa pâi tãi ǹyoŋka-ƃelai da zɔnyɔ̂ŋ-ƃelai da pâi kérenîi la yɛ̂ɛ kala kpâlai. Maa ɣêlei tí da pâi kérenîi, dí kpua tɔ̂nɔ kpîŋ fé pâi lɛɛ̂i.

Markə 13:19

kpɛ́ni fêi, maa ɣele-ŋai tí, mɛni kpɔ̂lu a pâi pâi, nyíi dɛɛ̂i m̀arâai kélee ma é síɣe tãi ma Ɣâla è ŋ̀éniɛi kɔ́ɔ pìlaŋ la é seri sâa ma da fé pâi ŋɔ́nɔ wɔ́lɔ kɛ̂i.

Gɛlaɠaa 2:20

Vóloi a pâi penêi a kpíni, ŋ̀áloŋ é pene a ŋãa, Kúnuu-namui ŋɔɣelei é lɛ́ɛ pâi, nyíi gáa a ɣele kɛ́tɛ maa ponoɔɔ̂i.

Lomaŋ 11:26

maa-perei ti su Eezuɛ-ŋai kélee da pâi ƃálôi; yɛ̂ɛ berei bɔ̃yɛɛ̂i lai, “Ŋuŋ-maa-ƃo-nuui a pâi kulâi Zãiyɔŋ, a pâi Zeeka ŋɔsii su-ƃelai kélee díŋ̀wana-lɔ̂ɔi kpɛɛ̂i”;

M̀ɛni-lɛɛi 6:17

Kpɛ́ni fêi, dílii-ŋwâna-ɣele kɛ́tɛi a pá, ǹyaŋ gbɛ̂ɛ ƃa pɔ̂ri tɔɔ̂i nàa tuɛi?”