Ɉeremi 30:5 - Bible

⁵ “Ŋà wɔ́lɔ-woo ŋánaa mɛnîi. Gáa a yao-wɔlɔ-woo. Vé a lii-see woo.

Yálá laawoo hɛɓɛ (dc)

⁵ Yai-Laa woo ka: ɲɔw woo kaa tɔɔi, tín ni, nu kəlee hu aa pu mą.

Yálá laawoo hɛɓɛ

⁵ Yai-Laa woo ka: ɲɔw woo kaa tɔɔi, tín ni, nu kəlee hu aa pu mą.

Ɉeremi 30:5 ပူးပေါင်းရင်းမြစ်များ

Azaya 5:30

Maa ɣêlei tí, díkpeɣe wôo a pâi kɛ̂i Eezuɛ mɛi yɛ̂ɛ yúo too tîŋ. Malôŋ mɛni tee-tee a pâi kɛ̂i naa. Ŋ̀elei su a pâi kɛ̂i a gbíniɛɛ.

Azaya 59:11

Kwa kɛ́ nyîɣɛi yɛ̂ɛ ditala-ŋa, kúkɛ wɔ̀lɔ a malôŋ-pere yɛ̂ɛ tòloŋ-ŋa. Kwa teniŋ ƃô-laa kɔ̂rii, kɛ́lɛ kúfa gàa. Kwa ƃálo-laa kɔ̀ri, kɛ́lɛ gɛ̂i kôyaa kûa.

Ɉeremi 12:12

Núu paa-ƃela da kulâi vɛ̃ɛ-kpâlaŋ su dípa ǹɔii su. Da pâi kɛ̂i a Yâwɛɛ ŋɔƃóa-sɔkpɔi dí ǹûai kélee páa, é síɣe ǹɔii ƃéla dɔnɔ ma é tóo gbéli ma. Núu da fé pâi kɛ̂i ɣele ma lii-see su.

Ɉeremi 25:36

Ŋá kɛ̀ ǹúu láa-tuɛ-ƃelai láɣi-woo mɛnîi. Ŋá kɛ̀ ǹûai láa-tuɛ-ƃelai wɔ́lɔ-woo mɛnîi ɣelêi-pere, kpɛ́ni fêi Yâwɛɛ è kɛ̀ dílɔii su karâi.

Ɉeremi 30:4

Ŋ̀orɛ̂-wooi ŋí ƃé Yâwɛɛ è dɛ̀ɛ é pîlaŋ Eezuɛ da Zuda-ƃelai dîa ǹyɛɛi,

Ɉeremi 46:5

Yâwɛɛ è ḿarê kɛ̀ ǹyɛɛ, “Kɛ́lɛ lé ƃé ya gâai?” “Da yaôi kpɔ́, díkɛ lène pôlu a kîrɛ. Da díkɔ-kuluƃa-ŋai lôkwai dí kɛ̀ lene pôlu. Da díkpɛ̂i kpɔ́ a ŋ̀ánaa dí kɛ́ kîrɛ sìɣe é tɛ́ɛ gɛ̂i ma, dífa dípôlu kàa.

Ɉeremi 6:22

Yâwɛɛ è mò ǹyɛɛi, “Ka gáa, kɔkuluƃa-ŋa díkaa kulâi yá-ŋua pere. Lɔii ŋuŋ kɛ́tɛ da a gbîŋ kpɛtɛ̂i kpɔ́ kwaa kôyaa ma ŋ̀éniɛi su.

Ɉeremi 6:26

Yâwɛɛ è mò ǹûai dîa ǹyɛɛi, “ŋánûa, ka seɣe sâa too kâa ká tóo ǹuui sú kákɛ kɔ̀-kɔ. Ka malôŋ see ƃó yɛ̂ɛ núu ǹóŋ-surɔŋ tɔnɔ à sàa. Ká wɔ́lɔ a ŋánaa, kpɛ́ni fêi, diai pâi ká paâi, díkaa nâa kákɔlɛ ma.

Ɉeremi 8:16

Kwa kúkpɔara-ƃelai dí kɔ́ pɛ̀lɛkɔ soo-ŋai lɛ̂wo-woo mɛnîi Daŋ ŋɔlɔii su. Dísoo sîrɛ-ŋai kɔ́ɔ mu-tìŋ a gɛ̂i ǹɔii kɛ́ kpɛ̃̀liŋ. Da pá a gɛɛ dí ǹɔii su kara da zu-sãa kélee, é máŋ kɛ́ yɛ̂ɛ daa-lee-ŋai da dísu sãai.”

Ɉeremi 8:19

Ka káwoli tɔ́ɔ! Ŋa ŋánûai wɔ́lɔ-woo mɛnîi ǹɔii gwaa kélee. Ǹûai da mare kɛ̂ɛ kɛ̂i dîyɛɛi, “Yâwɛɛ fé ŋɔ́nɔ Zãiyɔŋ? Zãiyɔŋ ŋɔkâloŋ fé ŋɔ́nɔ naa?” Yâwɛɛ è mò ǹyɛɛi, “Lé mɛni ƃé da ńii ŋwânai la a díɣâla pɔɔkɔŋ-ŋai é pɛ́lɛ díɣâla da kpɛ́ni-ŋai diai?”

Ɉeremi 9:19

Zerusâlɛŋ-ƃelai da wɔ̂lɔi dîyɛɛi, “Da kú su kara. Ŋumɛ kɛ́tɛ a kú kɛ́. Kpɛ́ni fêi, kwa kula ǹɔii su. Kpɛ́ni fêi, da kúkɛ̂i wólo.”

Amɔsə 8:10

Ŋa pâi kákuu-ŋai penêi a wɔ́lɔ-kuu, ŋá káwule-ŋai kélee pene a wɔ́lɔ-woo. Ŋa pâi maloŋ tôo-maa sêɣe toôi kákelee káleɣei, ŋá kpúlaŋ tóo kaŋûa nyii pâi ǹɛ̂i a gɛɛ kákaa maloŋ tôo-maa su. Ká pâi kɛ̂i wɔ̂lɔi yɛ̂ɛ núu ƃé lóŋ tɔnɔ kpéŋ maa-wɔlɔ kɛ̂i. M̀ɛni-ŋai ŋí kélee kpɛɛ-ŋa a pâi a maloŋ too-maa kɛ́tɛ.”

Habakukə 1:10

Da ɣɛ́lɛ-maa kûla kâloŋ-ŋa kponôi, da ǹuu-ŋuŋ-tuɛ-ƃelai kɛ́ a dípele-kɛ-sɛŋ. Da ɣɛ̂lɛi daa-lêe ŋai dîa dímaa tínaŋɔ̂ɔi a siyãŋ. Da pɔ̂rɔ ŋáa tɛ̀ ma yɛ̂ɛ yeŋkêŋ dí tɛ́ mɛi dí daai kúla.

Habakukə 1:6

Ka ƃɛ́ káa, ŋa nûa tɛɛ̂i dí kúla Babelɔŋ-lɔii su, díkaa a ŋwana-lɔ̂ɔ-ƃela, dílii ŋwânai, da siâi ǹɔii gwaa kélee a gɛɛ dí pá dí taa-ŋa siɣe nyii vé a dípɔɔi.