Ɉeremi 30:19 - Bible

¹⁹ Ǹûai pâi kɛ̂i naai, da pâi kɛ̂i laa-maa-tɛ wule-ŋa toôi. Ɣɛ́lɛ-woo a pâi kɛ̂i tɛ̂i naa. Ŋa pâi nîa-pɛlɛɛ támaa tɛɛ̂i dípɔ a gɛɛ dí kɛ́ a dítamaa. Ŋa pâi ƃaa-kɛ-ma kɛ̂i dîa, a gɛɛ núu da fé ŋ̀ɛ́i nàɣiŋ dí mɛi.

Yálá laawoo hɛɓɛ (dc)

¹⁹ Hɛɠɛɛ ɓo wooɠaa diɛ kulɔ laa, kwəinɛ̨ɛ̨ wooɠaa. Gáá di ɓuwu ɓoi, di ta hva kɛa kulɔ ɉu, gáá di mąąwiɛi, di hva kɛa kɛ a nu huwu hviikpɛɛ.

Yálá laawoo hɛɓɛ

¹⁹ Hɛɠɛɛ ɓo wooɠaa diɛ kulɔ laa, kwəinɛ̨ɛ̨ wooɠaa. Gáá di ɓuwu ɓoi, di ta hva kɛa kulɔ ɉu, gáá di mąąwiɛi, di hva kɛa kɛ a nu huwu hviikpɛɛ.

Ɉeremi 30:19 ပူးပေါင်းရင်းမြစ်များ

Ɛsdrasə 6:22

Dí Dɛ́-sɛŋ féu kpoloi maa kûui kɛ̀ ŋɔnɔ. Dí ǹíi-nɛ̃ɛi ŋí kùla a fólo lɔ́ɔlu mɛi feerɛ. Dí lii-nɛ̃ɛ kùla kpɛ́ni fêi, Yâwɛɛ è Pɛsia kaloŋ líi mù sìɣe é kpɔŋ maa tɛɛ dípɔ Eezuɛ Ɣalai ŋɔpɛ́rɛi tɔ̂ɔ pôlu mɛni ma.

Nehemi 8:12

È kɛ̀ tí, ǹûai kélee dí lì dípɛrɛ-ŋai lá, dí kúu kɛ́tɛ kɛ́, dí dílaa míi, dí ŋwã̂ai kpele. Dí zãâi ŋí da-ŋa tɛ̀ɛ diai pɔ́ da kɔ́ri pɔ̂ri fé kɛ́ ní dîɛi, kpɛ́ni fêi, dɔ̂ŋ-ŋai Ɛzura è ǹono dîɛi, dí ŋ̀á kàa.

Nehemi 8:17

Ǹûai kélee kùla ǹuɛ laai su Babelɔŋ, dí ƃûu-ŋa tɔ̀ɔ díkɛ ƃò mu. É síɣe Nuŋ ǹóŋ Zasua ŋɔtãi ma é tóo tãi ŋí ma, Eezuɛ-ŋai dítãi maa ŋuŋ káa ŋí kɛ̀ gúui ŋí kulâi. Dí líi è nɛ̃ɛ kpɔ́ a ŋánaa.

Mąątɛ̨nɛ̨ 53:6

Ŋa Ɣâla fɛlîi a gɛɛ Eezuɛ a pâi kulâi Zãiyɔŋ é díyee mɛi ɣále. Eezuɛ-ƃelai líi a pâi nɛ̃ɛ̂i a tãi Ɣâla a pâi ŋɔ́nɔ gɛ̂i la díƃûu ƃó pôlui.

Azaya 12:1

Ya pâi wule toôi Yâwɛɛ ma a ɣele da yɛ̂ɛ m̀ai, “Yâwɛɛ, ŋa sɛɣɛ-fêi tɛɛ̂i ípɔ, kpɛ́ni fêi ílii fé ŋɔ́nɔ ŋwána ní ḿâ, ya ŋ́aa nɛnɛ.

Azaya 26:15

Óo Yâwɛɛ, ya ǹɔii-ŋuŋ su-kɛtɛ. Ya gɛ́ zu a kɛ̂tɛ m̀éla kélee ma. M̀ɛnii ŋí a gɛ́ ƃaa kɛ́-maa támaa a kɛ́ yâ.

Azaya 27:6

Ŋ̀ele-ŋai da pâi pâi Eezuɛ-ƃelai da pâi ŋɔ́nɔ dísame nina-ŋa siɣêi yɛ̂ɛ wúru-ŋa. Zeeka ŋɔsuui su-ƃelai ŋí da pâi ŋɔ́nɔ ƃûu ƃôi dí ǹɔii lá-fɛɛ. Mii-sãa támaa da pâi kɛ̂i naa dímɛni ma.

Azaya 35:10

Da pâi tɛ̂i Zerusâlɛŋ a lii-nɛ̃ɛ su-kɛ́tɛ. Da pâi kɛ̂i wule-ŋa toôi, díkɛ lâɣi a lii-nɛ̃ɛ pere. Da pâi kɛ̂i lii-nɛ̃ɛ kulâi wɔ́lɔ-wɔlɔ da wɔlɔ-wɔlɔ. Maloŋ tôo-maa da lii-too pôlu fé ŋɔ́nɔ pâi wɔ́lɔ kɛ̂i dîa.

Azaya 51:11

Diai Yâwɛɛ è díŋuŋ ma ƃoi, da pâi lenêi pôlu. Da pâi tɛ̂i Zerusâlɛŋ, díkɛ wule tôo, kâloŋ ƃɔrɔ-ŋa kɛ́ ƃò díŋûa, díkɛ koi-nɛ̃ɛ kula. Dílii fé pâi ŋɔ́nɔ toôi pôlu dí malôŋ see ƃó.

Azaya 51:3

“Ŋa pâi Zerusâlɛŋ ŋɛ́i malôŋ kâai, da diai kélee lɛ̀ɛ naa bilêŋ ŋái. Berei máŋ ǹaa káa la a fɛ̃ɛ-kpâlaŋ sui, ŋa pâi ǹaa kɛ̂i yɛ̂ɛ Idɛŋ Suai su. Ǹaa a pâi kɛ̂i yɛ̂ɛ Yâwɛɛ ŋɔsûai su. Ǹaa-ƃelai da pâi kɛ̂i lii-sêe su, díkɛ koi-nɛ̃ɛ kùla. Da pâi kɛ̂i wule toôi, díkɛ sɛɣɛ̂i fêe tɛ̀ɛ ḿbɔ.

Azaya 52:9

Ka koi-nɛ̃ɛ wule-ŋa too ɣelêi pere, káai Zerusâlɛŋ bilêŋ ŋái. Yâwɛɛ a pâi ŋɔtaa-lêei ŋuŋ ma ƃôi, é ŋɔnûai ŋa-nɛnɛ.

Azaya 55:5

Ŋa pâi gɛ̂i ǹɔii-ŋuŋ da kpɛ́ni-ŋai zu-ƃela dífe kɛ́ ní a íkɔlɔŋɔɔ̂i, dí pá ípɔ a kîrɛ. Ńyãa Yâwɛɛ, Eezuɛ Ɣala Maa Waai, ŋa pâi gɛ̂i é kɛ́ tí. Ŋa pâi gɛ̂i ímu é wuyɛ, ƃaa kɛ́-maa támaa kɛ́ ƃò yâ.”

Azaya 60:19

“Vóloi fé ŋɔ́nɔ pâi kɛ̂i a íkwaa ponoɔɔi a ɣele-ƃɔ́ɔ, kpaa máŋ ŋáloŋ é kɛ́ a íkwaa ponoɔɔ a kpíni. Ńyãa Yâwɛɛ ƃé pâi kɛ̂i a íwɔlɔ-wɔlɔ kwaa ponoɔɔi. Ŋáfolo-laai ŋɔkwaa ponoɔɔi a pâi kɛ̂i fôloi yá.

Azaya 60:22

Ínuu-sûui gbɛɛ-ŋai a pâi kɛ̂i a núu-sûu kɛ́tɛ, guro-téi kɛ́ ƃò a lɔii-ŋûŋ wála-wâlaa. M̀aa ɣêlei tí a sèri, ŋa pâi gɛ̂i é kɛ́ a m̀aa félaa. Ńyãa ƃa Yâwɛɛ.”

Azaya 60:9

Díkaa a yá-ŋa keleŋ-ŋa nyii-ŋai kulâi lɔii-ŋûŋ su kôyaa-ŋa su, díkɛ pà a Yâwɛɛ ŋɔnûai dípɔ-taai. Díkaa pâi pôlu a káne da gôo a gɛɛ díƃaa-kɛ-maa tɛ́ɛ la Yâwɛɛ pɔ́, nyii gáa a Eezuɛ Ŋɔɣâla Maa Waai, nyii a gɛ̀ lɔii-ŋuŋ-ŋa díkɛ ƃaa-kɛ́ maa tɛ̂ɛ ŋɔnûai pɔi.

Ɉeremi 17:26

Nûa da pâi kulâi daa-ŋai su Zuda, da-ni dí kúla Zerusâlɛŋ kɔlɛ ma kpanaŋ-ŋai lá dípa. Da-ni-ŋa da pâi kulâi Bɛŋsima ŋɔkpîniŋ su, da-ŋa díkula ǹyée pɛlɛ-pɛlɛi ma, da-ŋa díkula ǹyée-kpaya-kpayai ma, gbéli-ŋai díkula séɣai-pere Zuda lɔii su. Da pâi pâi a kéreŋ-sala, mii-sɛŋ-sala, kéreŋ-sɛŋ kúŋ-nɛ̃ɛ, da sɛɣɛ-fei sama-sɛŋ Ŋáɣala-pɛrɛ Kɛ́tɛi mu.

Ɉeremi 3:16

Tãi ka pâi ƃûu ƃôi la ǹɔii tí sui, núu da fé ŋɔ́nɔ pâi gbanaŋ-woo-kɛɛi maa gãlai mare kɛ̂ɛ kɛ̂i, kpaa m̀aa mɛ̂ni kíli fé pâi lɛɛ̂i núu da ŋá. Núu da fé ŋɔ́nɔ pâi da kpɛtɛ̂i.

Ɉeremi 31:27

“Ńyãa Yâwɛɛ ŋá mò a gɛɛ tãi káa pâi, maa tãi tí, ŋa pâi Eezuɛ da Zuda dílaa fɛ̂ɛi a núu-kpune da taa-tulɛ.

Ɉeremi 31:4

Ŋa pâi gɛ̂i ká kɛ́ a ká kɛ́-pere pɔlɔi. À kɛ̀ tí, gɛ̀ ní ka pâi ká nyɛ́ŋ-nyɛŋ-ŋai siɣêi ká kɛ́ mã̀la a koi-nɛɛ-pere.

Ɉeremi 33:22

Ŋa pâi gɛ̂i ńyee mu-nuui Deeƃé ŋɔsuui su é kɛ́tɛ da zâla láa-soŋ-nuui kùla Liiva suui sui. Dísuui su a pâi kɛ̂tɛi kpɔ́ yɛ̂ɛ yúo ma ŋãya da bɛ́mɛlɛŋ-kao-ŋai nyii núu da fa pɔ̂ri dí lônoi.”

Izikiɛ 36:37

Ŋ̀wála-wâla kélee Yâwɛɛ è mò ǹyɛɛ, “Ŋa pâi ǹɛɛ̂i naa Eezuɛ-ŋai dí ḿarê kɛ́ a gɛ́ɛ ŋá gɛ̀ dítama kpɔ́ yɛ̂ɛ ƃála-kpulu.

Izikiɛ 37:10

Ŋá ɣâla-woo ƃò yɛ̂ɛ berei è mò la ḿâi. Ǹya ƃé dí lɛ̂wo è tòo díkponôi díkɛ ŋɔ́nɔ a dí fúlu. Dí dímu sìɣe dítɔɔ. Díkɛ̀ kpɔ́ a núu-kpulu kɛ́tɛ yɛ̂ɛ kɔkuluƃa kpulu-ŋa.

Izikiɛ 37:26

Ŋa pâi lii sêe kpanaŋ-woo kɛ̂i díyêei. Ǹyaŋ, a pâi kɛ̂i a wɔ́lɔ-wɔlɔ da wɔlɔ-wɔlɔ kpanaŋ-woo. À kɛ̀ tí, ŋa pâi lûwa toôi dîa ŋá gɛ́ dítama. À kɛ̀ tí, ŋa pâi ŋápɛrɛi tɔɔ̂i dísama dílɔii su wɔ́lɔ-wɔlɔ da wɔlɔ-wɔlɔ.

Zakari 10:8

“Ŋa pâi dítôli, ŋá pá a dia. Ŋa díŋuŋ maa ƃôi, ǹyaŋ da pâi kɛ̂i a dítamaa yɛ̂ɛ berei dí kɛ̀ la a bɔlɔi.

Zakari 12:8

Maa ɣêlei tí, Yâwɛɛ a pâi Zerusâlɛŋ-ƃelai maa tínanîi yɛ̂ɛ siyãŋ a gɛɛ diai pɔri fé dîɛi da pâi kɛ̂i yɛ̂ɛ Deeƃé, ǹyaŋ Deeƃé ŋɔpɛ́rɛi-mu-ƃelai da pâi kɛ̂i dítuɛ yɛ̂ɛ Ɣâla, yɛ̂ɛ Ɣâla-taa-kela.

Zakari 2:4

Ŋ̀âla-taa-kelai maa-ŋuŋ è mò m̀arâŋ-nuui ma ǹyɛɛi, “Kîrɛ síɣe í m̀ó ǹyaŋ-kpai tí ma zɛŋ-kɔ̂ɔŋ-ɣɛlii káa ǹyêei a gɛɛ núu támaa da taa-sua-ŋa da pâi kɛ̂i Zerusâlɛŋ, ǹyaŋ nàa a pâi kɛ̂i a zu kɛ́tɛ a gɛɛ núu é siɣãŋ tínaŋ ma.

Zakari 8:19

“Ŋ̀áloŋ náaŋ, ǹɔ́ɔlui, mɛi feerɛi da buui maa sûŋ siɣe ɣêle-ŋai da pâi kɛ̂i a lii-nɛ̃̂ɛ ɣele kɛ́tɛ-ŋa Zuda-ƃelai mɛ̂ni ma. M̀ɛni ma ka tɔ̃yâ wɛ́li da lii-sêe.”

Ɉaan 17:22

Volo-laai nyii ya dɛ́ɛ ḿbɔi ŋa dɛɛ dípɔ, a gɛɛ dia máŋ dí kɛ́ tɔnɔɔ yɛ̂ɛ berei la kúkaa la tɔnɔɔi.

Piɛrə dɔlɔɔ 1:7

a gɛɛ kálaa-lai ŋɔsu-kɔɔŋ é kɛ́ laa-maa-tɛ su, da ƃaa-kɛ-ma, é pɛ́lɛ folo-laa ma a Zîsɛ Kôrai pá tãi. Ǹaa-lai nyíi mɛni kpanaŋɔɔ̂i é tɛ́ɛ gôo ma nyíi a karai, berei máŋ da gɔ̀ɔŋ la a ŋɔŋ.