Ɉeremi 30:17 - Bible

¹⁷ Kákpɔara-ƃelai dí mò dîyɛɛ, ‘Káfe sɛŋ su, núu da fé kpáaŋ ní ká maa mɛ̂ni ma.’ Kɛ́lɛ ńyãa Yâwɛɛ ŋa môi a gɛɛ. Ŋa pâi kákɔlɔ̂i ponôi, ŋá kápalai sále. Ńyãa Yâwɛɛ ƃó tí.”

Yálá laawoo hɛɓɛ (dc)

¹⁷ Ə́ wɛi ŋą́ą́ gɔwɔ tɔɔ gɛ́ kɔ́lɔi pɔ̨nɔ̨ tɛɛ ə́ pɔ, gɛ́ ə́ wɔ palaɠaai hali kɛ. Hvo gaai, di kaa kɛa kɛi yɛ́: «Daa gulɔ lɔwɛi», Siɔn ka tii nu ta ɲɛ̨i hvo kulɔi bɔ. Yai-Laa woo li.

Yálá laawoo hɛɓɛ

¹⁷ Ə́ wɛi ŋą́ą́ gɔwɔ tɔɔ gɛ́ kɔ́lɔi pɔ̨nɔ̨ tɛɛ ə́ pɔ, gɛ́ ə́ wɔ palaɠaai hali kɛ. Hvo gaai, di kaa kɛa kɛi yɛ́: «Daa gulɔ lɔwɛi», Siɔn ka tii nu ta ɲɛ̨i hvo kulɔi bɔ. Yai-Laa woo li.

Ɉeremi 30:17 ပူးပေါင်းရင်းမြစ်များ

Zôo 5:18

Ɣâla a núu wàna, é maa palai tí sále. A mɛni ŋánaa kɛ̀ a núu é maa nuui tí ƃálo.

Mąątɛ̨nɛ̨ 103:3

A ńzu mɛni lɛɛ zɔnyɔ̂ŋ-ŋai ŋa gɛ̂i mɛni ma. Ǹyaa ƃa ḿaa kɔlɔ-fela kélee ƃàlo.

Mąątɛ̨nɛ̨ 107:20

È díƃàlo a ŋ̀óo, é díkula m̀oloŋ-ŋai su.

Mąątɛ̨nɛ̨ 12:5

Yâwɛɛ è mò ǹyɛɛi, “Ŋánûai da mɔ̃lɛ̂i, zɛŋ da ŋ̀wɛ̂lii dí zɔlɔ ƃôi, dífa zɔlɔ ƃô. M̀ɛni ma, ŋa pá nâa ḿu siɣêi, ŋá díŋuŋ ma ƃó yɛ̂ɛ berei da ŋ̀wɛ́lii lai.”

Mąątɛ̨nɛ̨ 142:4

Tãi ŋà ŋ́gɔlɛ mâ kàa lai, ḿva núu da kàa a gɛɛ é kpɔ́ŋ ḿâ. Núu da fé naa a gɛɛ é ḿaa kɔ̃ɔ. Núu da fé kpáaŋ ní a ḿaa mɛ̂ni.

Mąątɛ̨nɛ̨ 23:3

A ŋ́gbonôi kpanáŋ ŋɔ́nɔ a nina. A ńdeniŋ tɔ̀ɔ kwaa lɛ́lɛɛ ma pere yɛ̂ɛ berei è góno tèe lai.

Lɛɛ gbɔwɔ ɓa 15:26

Ǹyɛɛ diai, “À kɛ̀ kà ŋ̀óo mɛ̀ni kpɔ́ a ǹɛ́lɛɛ ńyãa Yâwɛɛ Káɣâlai, ka mɛni-ŋai kɛ́ ŋá ŋ̀wɛ̂lii ká gɛ́i ká ŋátɔ̂ŋ-ŋai kélee mɛi káa, gɛ̀ ní fé pâi tɔ̂ŋ kpɛ̂i kâa a gɔlɔ-fela sîi ŋai ŋá dɛ̀ɛ Ize-ŋai mɛni mai. Ńyãa ƃa Yâwɛɛ nyii káƃaloi.”

Azaya 11:12

A pâi ƃenâ tɛ̂i ɣelêi é ǹɛ́ ǹɔii ŋuŋ-ŋai kélee su-ƃelai dîa a gɛɛ Eezuɛ da Zuda lonii kélee kɛ̀ a dítaa-tâa lɔii ŋuŋ da kpɛ́ni-ŋa su ŋ̀éniɛi m̀ela kélee mai, a díkulâi naa é pá a dia pôlu dílɔii su.

Azaya 30:26

É kúla nyíŋi pôlu, ŋ̀áloŋ a pâi kɛ̂i fôloi yɛ̂ɛ vóloi, vóloi kɛ́ fòlo kpɔ́ a ŋ̀ánaa yɛ̂ɛ fólo lɔ́ɔlu mɛi-feerɛ folo a tòo a fólo tɔnɔ. Nyíŋi a pâi kɛ̂i a ŋ̀elei Yâwɛɛ a pâi kɛ̂i ŋɔnûai ŋuŋ ma ƃôi la gɛ́ díkùla dímɔ̃lɛ-laai sui.

Azaya 33:24

Diai kélee pâi kɛ̂i Zãiyɔŋ, kɔlɔ-fela fé pâi wɔ́lɔ da sonîi. Yâwɛɛ a pâi dísu-mɛ̂ni lɛɛ̂i dísɔnyɔ̂ŋ-ŋai mɛ̂ni ma.

Azaya 54:6

Eezuɛ, íkaa yɛ̂ɛ nɛnî kpela, nyíi bɔ̂ŋ a ǹyée kúla m̀u, ǹíi toɔ́ɔ pôlu a ŋ̀ánaai. Kɛ́lɛ Ɣâla a ítoli pôlu ǹyɛɛi,

Azaya 56:8

Ŋ̀wála-wâla kélee Ɣalai Yâwɛɛ nyíi ŋɔnûai Eezuɛ-ŋai kûla gɔ-sôŋ laai sui, a góno tée a gɛ́ɛ a pâi pâi a nûa da kpɛ́ni-ŋa é doo ŋɔnûai nyíi-ŋai kɛ̀ naai dîa.

Azaya 57:18

“Ŋá dítûa-pere-ŋai maa kpɛ̂ɛ, kɛ́lɛ ŋa pâi díƃâloi. Ŋa pâi díteniŋ tɔɔ̂i, ŋá kpɔ́ŋ dîa. Diai malôŋ see ƃôi díkɛ wɔ̂lɔi, ŋa pâi díŋa-nɛnɛ̂i.

Azaya 57:19

Ŋa lii-sêe tɛ̀ɛ núu kélee pɔ́, diai díkaa kwaa kôyaa mai, da diai dílɛɣɛ̂i a ńyãai. Ŋa pâi ŋánûai ƃâloi. Ńyãa Yâwɛɛ ƃé m̀o tí.

Azaya 58:8

“Kà gɛ̀ tí, gɛ̀ ní, ŋákwaa ponoɔɔi a pâi kámaa ponôi, kásɛŋ sôli-maa-ŋai ŋáa é yéŋ. Ŋa pâi kɛ̂i kákɔlɛ a ɣele kélee a gɛ́ɛ ŋá káŋuŋ ma ƃó. Ŋà kɛ̀ kákɔlɛ, kpéŋ fé pâi ɣâlei ká tà ma.

Azaya 60:15

“Íƃɛlɛ fé ŋɔ́nɔ pâi kɛ̂i a gbɛɛ́ díkoi dí íkpɔara yɛ̂ɛ berei dí wɔ́lɔ gɛ̀ lai. Ífe pâi kɛ̂i a taa-lêe nyíi núu da fé ŋɔ́nɔ zui, a lɛ̂ɛ a búŋ. Ŋa pâi íkɛ̂tɛi, ŋá gɛ́ íkɛ ƃò a ílɛlɛɛ. Lii-nɛ̃ɛ a pâi kɛ̂i yâ wɔ́lɔ-wɔlɔ da wɔlɔ-wɔlɔ.

Ɉeremi 10:20

Kúpɛrɛ-ŋai da wólo. Kúɣɛli-ŋai da tée. Kúnîa-pɛlɛɛi da kula kú kɔlɛ mâ. Kúfa ŋɔ́nɔ díkâa. Núu da fé naa é kúpɛrɛ-ŋai tɔ́ɔ ŋɔ́nɔ. Núu da fé naa é kúkɛ̂i kpɛtɛ.”

Ɉeremi 17:14

Yâwɛɛ, ye ḿalo ḿî, gɛ̀ ní ŋa pâi kɛ̂i a ŋ́gɔlɔi ponoɔɔ. Ŋ́gula mɛnîi, gɛ̀ ní ŋa pâi kɛ̂i a ŋ́uŋ ḿâ ƃóɔɔ. Yá nɔ́ ƃa ǹúui nyíi ŋa ǹáa maa tɛ̂i.

Ɉeremi 3:22

Ka tínaŋ ká pá Yâwɛɛ pɔ́ káai káfe teniŋ ƃô-nii, a pâi ká ƃâloi é kákɛ a teniŋ ƃô-ƃela. Ká mó kâai, “Oei, Yâwɛɛ, kwa pâi ípɔ, kpɛ́ni fêi, yá ƃé íkaa a Kúɣâlai.

Ɉeremi 30:13

Núu da fé naa a gɛɛ é ká mɛi káa, ká palai zále fé mà, kili-kɛ-zu fé naa ká ƃálo mɛni ma.

Ɉeremi 33:24

“Yaâ gɔ́lɔŋ a gɛɛ nûa da môi dîɛ ŋà ńyee kúla Eezuɛ nuu suu feerɛi mu nyii ŋá dí sìɣe zui? M̀ɛni ma da dípôlu tɔɔ ŋánûai dîa, dífa ŋɔ́nɔ díkàa a lɔii-ŋuŋ.

Ɉeremi 33:6

Kɛ́lɛ, ŋa pâi daa-lêei ŋí da zu-ƃela kélee ƃâloi, ŋá dí kɔlɔi pono. Ŋa pâi dí líi seêi a zu-kɛ́tɛ, ŋá dímɛi káa.

Ɉeremi 8:22

Sále fé ŋɔ́nɔ Gilia? Sále-tíi kɛ́-muu fé naa? Lé ƃé kɛ́ ŋánûai dífe ƃâloi?

Woolaa 2:15

Diai da tɛ̂ɛ yâi, da díyee ŋá lòkwa a laa kpâla maa-pere. Da ɣɛ́lɛ-maa kùla íkponôi, dí kɛ́ díŋuŋ kpɛ̂mɛŋ dîyɛɛi, “Daa lêei ŋí ƃé nûa da kâa kɛ̀ ma daa lêe lɛ́lɛɛi, dí kɛ́ m̀aa yôŋka teei?”

Izikiɛ 34:16

“Ŋa pâi ŋáƃala láɣaŋɔɔ-ŋai kɔ̂rii, ŋá pá a dia pôlu. Diai díkɔ̃liŋɔɔi, ŋa pâi díkɔɔ ma ɣirîi. Diai dífii kpɛɛ̂i, ŋa pâi kpɔŋ mâ tɛɛ̂i dí pɔ́. Nyii-ŋai díkpaya-kpayai da nyii-ŋai díwala-walaai, ŋa pâi dímɛi kâai. Ŋa pâi dímɛi kâai teniŋ ƃô-laa su.

Izikiɛ 35:12

À kɛ̀ tí, ká pâi gɔ̂lɔnii a gɛɛ Ńyãai a Yâwɛɛi ŋá káɣɛlɛ-maa wooi mɛ̂ni nyii-ŋai kákɛ̀ môi ǹyée-ŋai ma Eezuɛi. Ká kɛ̀ môi kâai, “Dí káa da lɛ̀ɛ a lɔii pûŋ. Dí káa nâa a kúkɔ̃liŋ.”

Izikiɛ 36:20

Kɛ́lɛ, tãi dí lì la lɔii da kpɛ́ni-ŋa sui, dí ƃâa kùla ǹáa maa waai ma. Kpɛ́ni fêi, ǹûai díkɛ̀ m̀ôi dîyɛɛi, ‘Yâwɛɛ ŋɔnûai ká ŋí kɛ́lɛ dí díkpɛ̀ ŋɔlɔii su.’

Osia 11:3

Ńyãa ƃé sia-pere lɛ̀ Eezuɛ-ŋai dîa ŋá dísee ńyee tɔ̃ɔi. Kɛ́lɛ dífe díyee see ní ḿû a gɛɛ ńyãa ƃé dí kùla zu.

Osia 6:1

Ǹûai dí mò dîyɛɛi, “Ka pá kú lene pôlu Yâwɛɛ pɔ́ naa. Kpɛ́ni fêi, a sɛŋ sóli kûa ǹyaŋ a pâi kúƃâloi. A pala tée kûa, a pâi ŋ̀á ɣirîi.

Malasi 4:2

Kɛ́lɛ káai ka yâo ḿâai ŋátɔ̃yâ-laai a pâi ƃêlai kâa yɛ̂ɛ fólo, gɛ́ pà a ƃálo-laa kápɔ yɛ̂ɛ fólo-kpãle. Ka pâi kɛ̂i a ká ŋuŋ-maa-ƃóɔɔ kálii kɛ́ nɛ̃ɛ yɛ̂ɛ da niŋa-lônii kula kóraŋ su díkɛ pìli-pili.

Piɛrə dɔlɔɔ 2:24

Ǹyaa kpîŋ è kúsɔnyɔ̂ŋ-ŋai síɣe gbonôi zaa-wurii ma, a gɛɛ kú kpera kúɣeniɛi kɛ́ɛ ma sɔnyɔ̂ŋ mɛni ma, kú kúɣeniɛi kɛ́ tɔ̃yâ-laa mɛni ma. Ǹókwa-pala-ŋai dí káƃàlo.

M̀ɛni-lɛɛi 22:2

Ǹya-leei ŋí è kɛ̀ laa daa-leei su-pere-leei sama. Ǹya-leei ŋí ŋɔsîŋ-wolii veerɛ ma máŋ vulu-laa-wurii è kɛ̀ tɔɔ ni naa, m̀á kɛ́ ƃô a zii puu kao feerɛ, gɛ ƃa a ɣáloŋ kélee. Ŋ̀urii láa è kɛ̀ ǹɔii-ŋûŋ-ŋai ƃalo-mɛni ma.