Ɉeremi 3:24 - Bible

²⁴ Kɛ́lɛ é síɣe kú lòloŋ tãi ma, kwa wɔ́lɔ tûa ŋ̀umɛ tûai ŋí kɛ̂i, kúkɛ Bêe ɣalai fɛ̂li nyíi gɛ̀ zɛŋ kélee kúnâŋ-ni dí mɔ̃̀lɛ mai dí láŋ, díƃala-ŋai, dítaa-tûle-ŋai é pɛ́lɛ dílônii sinaai da dílônii-nɛyãai dîa.

Yálá laawoo hɛɓɛ (dc)

²⁴ Ə həɠə ku lokolo yələ ɓa, kwɛli hvilɛn ŋɛ̨i kuɔ nuą di kɛi mo Baalə ɓa, yili aa kuɔ nuą kwɛlin gəlee mį́i; di wɔ taatɛlɛɛɠaa bɛlɛɛɠaa-oo, ə mą kɛ gbɛa-kpɛa, di lon ɉinąą, ə mą kɛ di lon nɛ̨ąą.

Yálá laawoo hɛɓɛ

²⁴ Ə həɠə ku lokolo yələ ɓa, kwɛli hvilɛn ŋɛ̨i kuɔ nuą di kɛi mo Baalə ɓa, yili aa kuɔ nuą kwɛlin gəlee mį́i; di wɔ taatɛlɛɛɠaa bɛlɛɛɠaa-oo, ə mą kɛ gbɛa-kpɛa, di lon ɉinąą, ə mą kɛ di lon nɛ̨ąą.

Ɉeremi 3:24 ပူးပေါင်းရင်းမြစ်များ

Ɉeremi 11:13

Kpɛ́ni fêi, káai kákaa Zudai, káɣâla-ŋai tâmaai yɛ̂ɛ berei kátaa lêe-ŋai díkaa lai. Ká ŋumɛ ɣâla-teƃele-ŋai ká dɔ̀ɔ Bêe ɣalai mɛni mai, dâmaai yɛ̂ɛ bere-ŋai díkaa Zerusâlɛŋ.

Ɉeremi 22:21

Tãi ká kɛ̀ a kátɔɔ lai, Yâwɛɛ è lòno kápɔ, kɛ́lɛ, káfe káwoli tɔɔ ní a dɔnɔ kpîŋ. M̀ɛni sîi ŋí ƃé ká kɛ̀ gɛ̂i kákɛ-ɣeniɛi su. Káfe pɔri ní káwoli tɔɔ̂i Yâwɛɛ wóo ma.

Ɉeremi 44:7

“M̀ɛni ma, Ńyãai ŋ́gaa a Ŋ̀wála-wâla kélee Yâwɛɛ, Eezuɛ Ŋɔɣâlai, ŋa nâa kámarê kɛ̂i. Lé mɛni ƃé ká m̀ɛni nyɔ́mɔ sãŋ kɛ́ɛ tí kɛ́ la a kákpîŋ? Ka ŋ̀wɛ̂lii a gɛɛ ŋá kásinâai, ǹɛyâai, ǹîa-pɛlɛɛi da gwatâra-ŋai su-kara a gɛɛ núu da fé lɛ̂ɛ ɣele ma?

Ɉeremi 8:16

Kwa kúkpɔara-ƃelai dí kɔ́ pɛ̀lɛkɔ soo-ŋai lɛ̂wo-woo mɛnîi Daŋ ŋɔlɔii su. Dísoo sîrɛ-ŋai kɔ́ɔ mu-tìŋ a gɛ̂i ǹɔii kɛ́ kpɛ̃̀liŋ. Da pá a gɛɛ dí ǹɔii su kara da zu-sãa kélee, é máŋ kɛ́ yɛ̂ɛ daa-lee-ŋai da dísu sãai.”

Ɉeremi 9:18

Ǹûai dí mò dîyɛɛi, “Gɛ́ dí pá a m̀aa félaa dípɛlɛ wɔ̂lɔi kú mɛi. A gɛ́ɛ kúŋɛi-ya é pɛ́lɛ pûi. A gɛ́ɛ kúŋɛi-ya é pɛ́lɛ kulâi kúŋɛi gɔ̀lɔŋ su.”

Izikiɛ 16:19

Ŋá mii-sɛŋ ŋá dɛɛ í pɔi, ŋá felaƃai, ŋá ɔle-wulɔi, da ŋá kɔ̃́iŋ-wulɔi í gula dîa a sala-sɛŋ kuŋ nɛ̃ɛ a gɛɛ dí líi é nɛ́ɛ.” Ńyãa Ŋ̀wála-wâla kélee Yâwɛɛi ƃé mò tí.

Izikiɛ 16:20

“Gɛɛ tíi, í nîa-pɛlɛɛi nyii-ŋai í dísɔlɔ ƃô ḿîi kula a sâla íɣâla-pɔɔkɔŋ-ŋai dîa. Nyíti fé kɛ ni a mɛni nyɔmɔɔ mɛ̂ni mâ?

Izikiɛ 16:61

À kɛ̀ tí, ítua sɔŋ kili a pâi toôi í ŋa ŋumɛ é ísoŋ tãi ŋa pâi ílîa-nɛnî da íleɣe-nɛnî tɛɛ̂i la ípɔi a ílonii nɛyãai. Kɛ́lɛ ḿve pâi gɛi tí kpɛ́ni fêi ŋá kpanaŋ-woo kɛ̀ íyêei.

Izikiɛ 16:63

Ŋa pâi ká ŋɛ́i maloŋ kâai m̀ɛni nyɔ́mɔɔi ka gɛi m̀ɛni ma. Kɛ́lɛ, m̀ɛni nyɔ́mɔɔi kpîŋ kíli a pâi lɛɛ̂i ká ŋá a gɛɛ kà lòno é pîlaŋ m̀a, ŋumɛ é kásoŋ.” Ŋ̀wála-wâla kélee Yâwɛɛi ƃé mò tí.

Osia 10:6

Díkpɔara-ƃelai da pâi liî a bɔkɔɔ̂ŋ ŋí a sama-sɛŋ gâloŋ kɛ́tɛi pɔ́ Asiria lɔii su. Eezuɛ a pâi ŋumɛ̂i ŋɔniŋa-loŋ pɔkɔɔŋ ŋí fɛli mɛni ma.

Osia 2:8

“Vé kɛ́ ní a gɔ́lɔŋɔɔ a gɛɛ ńyãa ƃé mii-sɛŋ tɛ̀ɛ bɔ́, ŋwã̂ai, sɛŋ-kao kole da gôo tɛ̀ɛ bɔ̀ nyii-ŋai è tíi kɛ̀ la Bêe Ɣalai fɛli-pɛrɛi mui.

Osia 9:10

Yâwɛɛ è mò ǹyɛɛi, “Tãi ŋá Eezuɛ-ŋai kàa lai, dí kɛ̀ yɛ̂ɛ kpɔmɔ-ƃa vɛ̃ɛ-kpâlaŋ su. Tãi ŋá dínâŋ-ni kàa lai, dí kɛ̀ yɛ̂ɛ fîi wuru-ƃa maa-ŋuŋ. Kɛ́lɛ tãi da ńdɛɛ la dí tínaŋ Bêe Ɣalai pɔ́-naa-perei, ŋa díkpɔara yɛ̂ɛ berei ŋá Bêe Ɣalai kpîŋ kpɔ̀ara lai.