Ɉeremi 3:22 - Bible

²² Ka tínaŋ ká pá Yâwɛɛ pɔ́ káai káfe teniŋ ƃô-nii, a pâi ká ƃâloi é kákɛ a teniŋ ƃô-ƃela. Ká mó kâai, “Oei, Yâwɛɛ, kwa pâi ípɔ, kpɛ́ni fêi, yá ƃé íkaa a Kúɣâlai.

Yálá laawoo hɛɓɛ (dc)

²² 'Ka pənə! 'Ka pa! Ká kwɛli tee lonŋaa tii, gáá bɔ ŋį́ ka ɲaba lɔ kulɔ ka yee pɔ kpɔ tɛ̨ɛ̨tɛ̨ɛ̨. Kuɔ ka! Kwaa pa ə́ pɔ! A tɛ̨ą, yɛ́ ɓə a Yai-Laa kuɔ Yálá.

Yálá laawoo hɛɓɛ

²² 'Ka pənə! 'Ka pa! Ká kwɛli tee lonŋaa tii, gáá bɔ ŋį́ ka ɲaba lɔ kulɔ ka yee pɔ kpɔ tɛ̨ɛ̨tɛ̨ɛ̨. Kuɔ ka! Kwaa pa ə́ pɔ! A tɛ̨ą, yɛ́ ɓə a Yai-Laa kuɔ Yálá.

Ɉeremi 3:22 ပူးပေါင်းရင်းမြစ်များ

Wɛli 1:4

Óo Gâloŋ, ńziɣe í lí a ńyãa a maa félaa. Lí a ńyãa ŋá kɛ́ ípɛrɛi mu. Kwa pâi kɛ̂i naa kú kɛ́ lii-nɛ̃̂ɛ kùla. Kwa pâi íwɛli kɛ́-maai ŋ̀aa nɛ̃̂ɛ kulâi é tɛ́ɛ ŋwã̂ai ma. Gáa a tɔ̃yâ mɛni a gɛɛ ǹɛnî-kpela-ŋai dí íwɛli.

Azaya 1:2

È mò ǹûai dîa a gɛɛ Ɣâla Yâwɛɛ ǹyɛɛi, “Ŋ̀elei da ǹɔii su-ƃelai kélee, ka káwoli tɔ́ɔ m̀ɛnii ma ŋa pâi m̀ôi. Ǹîa-pɛlɛɛi ŋá díkùla zui, da tɔ́ɔ ḿâ.

Azaya 27:8

Yâwɛɛ a ŋɔnûai kula maa kɛ̀ a dítɛɛ lɔii-ŋuŋ da kpɛ́ni-ŋa su. A díkula naa a vãa su-kpanaŋɔɔi a kûla vóloi kulâi-perei.

Azaya 31:6

Yâwɛɛ è m̀o ǹyɛɛi, “Eezuɛ-ƃela, ka sɔnyɔ̂ŋ kɛ́ a ńyãa, ka tela tɔɔ ḿâ. Kɛ́lɛ ka tínaŋ ká pá ḿbɔ-naa pôlu!

Azaya 57:17

Ŋá ńii ŋwàna dîa dísɔnyɔ̂ŋ-ŋai mɛ̂ni ma, da dísɛŋ wɛ̂li-tuai, ŋá díkula maa kɛ́, ŋá ńyee kúla dímu. Kɛ́lɛ dí kɛ̀ nɔ́ a díwôlii kpɔ̂lɔɔ, dífa dílii maa fàleŋ, díkɛ nɔ́ díkpɔɔi mɛni-ŋa kɛ̀.

Ɉeremi 3:12

È mò ḿâ a gɛɛ ŋá m̀ó ŋ̀orɛ̂-wooi ŋí ƃó Eezuɛ ma ńyɛ̃ɛi, “Eezuɛ, yái ífe teniŋ ƃô níi, ye tínaŋ pôlu ḿbɔ naa pere. Ḿve pâi ǹíi ŋwânai yâ. Ŋà núu malôŋ kàa. Ḿve pâi ŋ́ɛi ɣirîi íperêi wɔ́lɔ-wɔ́lɔ da wɔ́lɔ-wɔ́lɔ.

Ɉeremi 30:17

Kákpɔara-ƃelai dí mò dîyɛɛ, ‘Káfe sɛŋ su, núu da fé kpáaŋ ní ká maa mɛ̂ni ma.’ Kɛ́lɛ ńyãa Yâwɛɛ ŋa môi a gɛɛ. Ŋa pâi kákɔlɔ̂i ponôi, ŋá kápalai sále. Ńyãa Yâwɛɛ ƃó tí.”

Ɉeremi 31:18

“Ŋá Eezuɛ-ƃela wóo mɛ̀ni a lii-too pôlu pere, ‘Yâwɛɛ, kúkaa yɛ̂ɛ lɔɔ-fɛnɛ sãa. Kɛ́lɛ í kú tɔ̀ɔ a gɛɛ kú íwoo mɛni. Pá a kûa pôlu. Kwa kúkpîŋ kpɛtɛ a gɛɛ kú pá pôlu ípɔ naa. Yá ƃa Yâwɛɛ nyíi gáa a Kúɣâlai.

Ɉeremi 33:6

Kɛ́lɛ, ŋa pâi daa-lêei ŋí da zu-ƃela kélee ƃâloi, ŋá dí kɔlɔi pono. Ŋa pâi dí líi seêi a zu-kɛ́tɛ, ŋá dímɛi káa.

Ɉeremi 4:1

Yâwɛɛ è mò ǹyɛɛi, “Eezuɛ-ƃela, à kɛ̀ ka pâi ŋ̀wɛ̂lii ká tínaŋ, gɛ̀ ní ka tínaŋ pôlu ḿbɔ naa pere. À kɛ̀ kà kɛ̀ a káteniŋ ƃôɔɔ, ká káɣâla pɔɔkɔŋ-ŋai pí lî nyíi-ŋai díƃɛlɛ fé ŋ́goi,

Izikiɛ 18:30

“M̀ɛni ma ńyãai a Ŋ̀wála-wâla kélee Yâwɛɛi, ŋa pâi ká mɛnii ŋá têei káai a Eezuɛ-ƃelai yɛ̂ɛ berei ká tûa-perei káa la tɛi-tɛ́i. Ka kálii pene ká kápôlu tɔɔ kásɔnyɔ̂ŋ-ŋai dîa a gɛɛ kásɔnyɔ̂ŋ fa lâ ká lɛ́ la.

Izikiɛ 33:11

Mó Eezuɛ-ƃelai dîa Ńyãai a Ŋ̀wála-wâla kélee Yâwɛɛi ńyɛ̃ɛ m̀ɛnii ŋí ƃé ŋá mò kâa, ‘Tɔ̃yâ ma tãi nɔ́ ŋ́gaa la ɣele mai, ńii fa nɛ̃ɛ sɔnyɔ̂ŋ nuu ŋɔsɔnyɔ̂ŋ mɛ̂ni ma. M̀ɛnii a níi nɛ̃ɛi ƃa sɔnyɔ̂ŋ-nuu é ǹíi maa fáleŋ é lɛ́ɛ ɣele ma. Eezuɛ-ƃela, ka kpera sɔnyɔ̂ŋ kɛ̂i. Lé mɛni ƃé ka pâi saâi lai?’

Osia 13:4

Ńyãa ƃa Yâwɛɛ, Káɣâlai. Ńyãa ƃé kákùla Ize-lɔii su. Káfe Ɣâla da kpɛ́ni kɔ́lɔŋ é kúla ńyãa ḿbôlu. É kúla ḿƃôlu, káƃalo nuu da kpɛ́ni fé naa.

Osia 14:1

Óo Eezuɛ-ƃela, ka pá pôlu Káɣâlai Yâwɛɛ pɔ́, kpɛ́ni fêi, kásɔnyɔ̂ŋ a gɛ́ ka too.

Osia 14:4

Yâwɛɛ è mò ǹyɛɛ, “Ŋa pâi pâi a ŋánûai pôlu ḿbɔ naa. Ŋa pâi díwɛ̂lii a ńii kélee. Fé pâi ŋɔ́nɔ wɔ́lɔ ńii ŋwânai dîa.

Osia 14:5

Ŋa pâi kɛ̂i yɛ̂ɛ lúu Eezuɛ-ŋai yêei. Da pâi poâi yɛ̂ɛ wúru. Dísame a pâi lɔ̂i ǹɔii mu yɛ̂ɛ wúru.

Osia 14:8

Óo Eezuɛ, ka ká pôlu tɔɔ Ɣâla da kpɛ́ni-ŋa dîa. Ńyãa ƃé ŋa káwoo mɛni ŋ́gɛ kámɛi kâa. Ŋ́gaa yɛ̂ɛ wúru kɛ́tɛ lɛ́lɛɛ. Káƃɛlɛ-seei kélee a kulâi ńyêei.”

Osia 3:5

Kɛ́lɛ tãi a pâi tãi Eezuɛ-ŋai da pâi tínanîi la Yâwɛɛ pɔ́-pere nyii gáa a Díɣâlai, da Deeƃé nyii kɛ̀ a díkâloŋ. Gɛ̀ ní da pâi yaôi Yâwɛɛ ma, dí ƃɛlɛ-see lɛ́lɛɛ-ŋa sɔlɔ ƃó ǹyêei.

Zooɛ 2:12

Yâwɛɛ ǹyɛɛ, “Loníi ma kpîŋ, ka lene pôlu ká pá ḿbɔ a kálii kélee, ká kɛ́ sûŋ sìɣe, ká kɛ́ malôŋ sèe ƃò.

Zakari 13:9

Ŋa pâi ǹɛɛ-pôlu-ƃelai ŋí waâi yɛ̂ɛ berei núu a káne wàa la a ŋɔŋ, ŋá dímaa kpɛ́ɛ yɛ̂ɛ berei núu a gôo maa kpɛ̂ɛ la a ŋɔŋ. Ǹyaŋ da pâi ńdôlii, ǹyaŋ ŋa pâi díwoo su toôi. Ŋa pâi môi a gɛɛ díkaa a ŋánûa. Ǹyaŋ da pâi môi dîyɛɛ, ‘Yâwɛɛ ƃa Kúɣâlai.’ ”