Ɉeremi 3:21 - Bible

²¹ Yóo-yoo woo káa tɛ̂i ǹyéei tôŋ-su. Gáa a Eezuɛ-ƃelai wɔ́lɔ-woo da díkpera fêi wòo, kpɛ́ni fêi, da dítûa-pere maa fáleŋ, da nia Díɣâlai Yâwɛɛ ma.

Yálá laawoo hɛɓɛ (dc)

²¹ Toma woo kaa tɔɔi pələ kəlee pɔ, Israɛlə nuą gboo təli woo mąąwɛliɛ li, daa lan, gɛ mɛ̨nį daa Yai-Laa di wɔ Yálái lɛɛ.

Yálá laawoo hɛɓɛ

²¹ Toma woo kaa tɔɔi pələ kəlee pɔ, Israɛlə nuą gboo təli woo mąąwɛliɛ li, daa lan, gɛ mɛ̨nį daa Yai-Laa di wɔ Yálái lɛɛ.

Ɉeremi 3:21 ပူးပေါင်းရင်းမြစ်များ

Zôo 33:27

Nyíŋi à kɛ̀, a pâi kɛ̂i môi gîe mɛi núu-kpune kélee ŋɛ́i-tuɛ ǹyɛɛi, ‘Ḿve mɛni lɛ́lɛɛ kɛ́ ní. Ŋá dɔ̃yâ-perei lɛ̂ɛ. Kɛ́lɛ Ɣâla fé ŋ́gula maa kɛ́ ní yɛ̂ɛ berei maa-nɛ̃ɛi é gɛ́ la a ńyãai.

Hanwon 10:9

Ǹúui a sîa a tɔ̃yâ-perei ŋuŋ ma ƃôɔi, kɛ́lɛ ŋ̀ôya-nuui pôlu a pâi kulâi.

Hanwon 19:3

Núu-kpune ŋɔƃoo-tua ƃa ŋɔmɛni kâra, ǹyaŋ a ŋ̀wɛ̂lii é mɛnii lɛ́ɛ Ɣâla Yâwɛɛ ma.

Azaya 15:2

Dibɔŋ-ƃelai da tɛ́ ǹyéei tôŋ su a gɛɛ dí gbêɣei tóo. Môa-ƃelai da díŋuŋ kálaŋ ma da díla-leɣa pú, díkɛ gbeɣêi tòo Nebo da Medeba mɛni ma.

Azaya 17:10

Eezuɛ-ƃela, kâa ŋɔ́nɔ nia Káɣâlai ma nyíi káŋuŋ-mâ ƃò é kámaa kɔ̃ɔi yɛ̂ɛ kɔnii. Kákaa nâa si-sãa síi ká kɛ́ kákpîŋ kpɛ̀tɛ ɣâla-ŋai fɛli naa.

Azaya 57:11

Yâwɛɛ a m̀ôi ǹyɛɛi, “Ŋ̀âla-ŋai kɔɔ da kɛ̂ kámaa yaôi, a gɛ́ɛ ká kɛ́ a lɛ́ɛ-ƃela ka nia ḿâ kpɔ́ kpúŋ? Káfe ŋɔ́nɔ yaôi ḿâ, kpɛ́ni fêi, ḿɛi saâi a zu-kôyaai?

Ɉeremi 12:12

Núu paa-ƃela da kulâi vɛ̃ɛ-kpâlaŋ su dípa ǹɔii su. Da pâi kɛ̂i a Yâwɛɛ ŋɔƃóa-sɔkpɔi dí ǹûai kélee páa, é síɣe ǹɔii ƃéla dɔnɔ ma é tóo gbéli ma. Núu da fé pâi kɛ̂i ɣele ma lii-see su.

Ɉeremi 13:25

Bere ƃé ŋa pâi ímɛnii-ŋa têei la, ńyãai ŋ́gaa a Yâwɛɛ ńyãa ƃé mò tí, kpɛ́ni fêi, ya nîa ḿâ ya láa a ɣâla-da kpɛ́ni-ŋa.

Ɉeremi 18:15

Kɛ́lɛ, ŋánûai da nia ḿâ. Da kéreŋ-sɛŋ kúŋ-nɛ̃ɛ kéreŋ ɣâla-pɔkɔɔŋ-ŋa dîa. Da kɛ̂ karênii dísia perei su. Dífe ŋɔ́nɔ siâi a berei dínâŋ pɔlɔ-ŋai da kâa sìa lai. Da kula berei lɛ́lɛɛi ma, da lɛɛ berei ma nyii dífe gɔ́lɔŋ.

Ɉeremi 2:32

Nɛnî-kpela a pɔ̂ri niâi ŋɔkɔyɛ̂ŋ-ŋai dîa, kpaa ǹɛniî nyíi gáa liî surɔŋ kulâi é nia ŋɔmaa ɣîri-sãai ma? Kɛ́lɛ, ŋánûai da nîa ḿâ a tãi su kóyaa dífe ŋɔ́nɔ góraŋ kɔ́lɔŋ.

Ɉeremi 3:2

Ye ǹyée-ŋai tôŋ su káa í ƃɛ́i káa ya kɛ̂ lâai naa berei kɔlɛ íkɛ íwɛli-ŋai maa kpɛ̂ŋ yɛ̂ɛ Arebi-nuu ƃé ǹoɔ̂ɔi vɛ̃ɛ-kpâlaŋ su gɛ́ tɛɛ-a-pere núu maa kpɛ̂ŋ a gɛɛ é gɔ̃̂liŋ kula ǹyêei. Ya ǹɔii maa tĩ̂a kara a wulu-wulu kɛ́ɛ ŋánaa.

Ɉeremi 31:9

Da pâi kɛ̂i wɔ̂lɔi dí kɛ́ pa, kɛ́lɛ ŋa pâi dí ŋáa nɛnɛ̂i kwa dîa-ni kúkɛ pà pôlu. Ŋa pâi liî dí láa lɛ̂i ǹyá-ɣɛli-ŋai lá, dí sía pere sã́a su dífa kâreŋ. Ŋ́gaa a Eezuɛ ǹâŋ, Ifiraŋ kɛ́ ƃò a ńoŋ-surɔŋ m̀aa-ŋuŋ.”

Ɉeremi 7:29

“Ka káŋuŋ ƃó ká káŋuŋ-leɣa pili. Ka wɔ́lɔ kpɔ́ ǹyée kpaya-kpayai dîa, kpɛ́ni fêi, Yâwɛɛ a ǹyée kúla ká mu, a bôlu tɔɔ kâa, káai a ǹúu-suui nyíi ǹíi ŋwânai kâai.

Izikiɛ 23:35

“Tãi yà nâa nia la ḿâ, ya ńdũaŋ ípôlu-perei, yà pâi ísurɔ̂ŋ wɛli lii ŋánaai da íwulu-wulu kɛ́ɛi maa mɔ̃lɛ-laa kɛ̂i.”

Izikiɛ 7:16

À kɛ̀ tí, diai pâi pui dí liî, da pâi kɛ̂i ǹyée-ŋai mâ díkɛ wɔ́lɔ dísɔnyɔ̂ŋ-ŋai mɛ̂ni ma yɛ̂ɛ toloŋ-ŋa ƃe fâai ǹyée-ŋai tôŋ su.

Osia 13:6

Kɛ́lɛ tãi ká sèri la ǹɔii lɛ́lɛɛi mai, sɛŋ kélee è kɛ̀ káyêei kálii è nɛ̃ɛ. Ká kákpîŋ sìɣe a gɛ́tɛ ká nìa ḿâ.

Osia 8:14

“Eezuɛ-ŋai da nia ḿâ. Da kâloŋ pɛrɛ-ŋa tɔ̀ɔ díkpîŋ mɛni ma. Ǹyaŋ Zuda a taa-lêe kpaya-kpaya tɔ̀ɔ siɣãŋ tínaŋɔɔ dîa. Kɛ́lɛ ŋa pâi ŋɔŋ tɛɛ̂i daa-ŋai tí su. Ǹyaŋ díkili kɛ́-maa taa-ŋai da pâi kérenîi.”

Mise 3:9

Ka káwoli tɔ́ɔ, káai a Zeeka ŋɔnûai da Eezuɛ-ŋai dímɛi-ƃelai, káai ka tɔ̃yâ-laa kpɔara ka mɛni lɛ́lɛɛ pene a mɛni nyɔ́mɔɔi.

Lonon mo 22:32

Yâwɛɛ ŋɔkélai è mò ma ǹyɛɛi, “Í íwɛlɛ-sôoi lòkwa gîei saaƃa lé mɛni ma? Ŋá pà a gɛɛ ŋá íkpera. Kpɛni fêi, vé a sɛŋ í ziai ŋí kɛ́.”

Korɛntə veelɛ 7:10

Kpɛ́ni fêi, Ɣâla-nia lii-solii a pâ a lii-pene, nyíi a lî a núu ƃálo-laa sui. Va pâ a núu lii-soli su, kɛ́lɛ, ŋ̀éniɛi ŋí su-lii-solii a pâ a saa.