Ɉeremi 28:4 - Bible

⁴ Ŋa pâi pâi a Zuda kaloŋ Zɛoasiŋ pôlu nyíi gáa a Zɛoakiŋ ǹóŋ é pɛ́lɛ Zuda-ƃelai kpéli-ŋai kélee dîa nyii-ŋai Babelɔŋ kaloŋ è wɔ́lɔ lì a dia Babelɔŋ, ŋá ǹiŋa kɔŋ-ma karaŋ kúla díkɔŋ mâ nyíi Babelɔŋ kaloŋ è dòo díkɔŋ mai.’ ”

Yálá laawoo hɛɓɛ (dc)

⁴ ə makɛ Ɉuda tɔɔmun Yekonia Yoyakimə lon, da Ɉuda nuąi kpɔ də li a diɛ Babilonə, ŋą pənə ŋą pa a diɛ gɛɛnąąi ŋɛ̨i ɓa. Yai-Laa woo li, mąąhɔlɔɓo, gáá Babilonə tɔɔmun nwɔ kponoi hu yalii.»

Yálá laawoo hɛɓɛ

⁴ ə makɛ Ɉuda tɔɔmun Yekonia Yoyakimə lon, da Ɉuda nuąi kpɔ də li a diɛ Babilonə, ŋą pənə ŋą pa a diɛ gɛɛnąąi ŋɛ̨i ɓa. Yai-Laa woo li, mąąhɔlɔɓo, gáá Babilonə tɔɔmun nwɔ kponoi hu yalii.»

Ɉeremi 28:4 ပူးပေါင်းရင်းမြစ်များ

Zɛnɛse 27:40

Ƃa pâi ífulu-laai kɛ̂i íkɔ kɔ́-sãai sârai. Ƃa pâi kɛ̂i a ílêɣe ŋɔtíi kɛ́-nuu. Kɛ́lɛ ƃa ítɔɔ̂i kpànaŋ, tãi a pâi pâi gbîrii ŋí a pâi kulâi íŋûa.”

Tɔɔɓɛlaa veelɛ 24:14

Nɛbukinaza è ǹûai ŋí sòŋ máŋ a tɔ̂ŋ-kara-ƃela é lí a dia: Zerusâlɛŋ mɛi-ƃela kpaya-kpayai, gɔ́-kɔ-ƃelai mɛi-ƃela kpaya-kpayai, da nyɛrɛ-kɛ-ƃelai. Dí kɛ̀ a núu wála puu. Gôlo-ƃela ŋá ŋánaai nɔ́ ƃé dí dí lɛ̀ɛ Zuda.

Azaya 9:4

Ya dímɛni kpɔ̂lu kpiri-ŋai kúla díŋûa, ya gɔli kpîri-ŋai kúla díkâraŋ ŋá. Ya diai yée mɛi ɣále kɛ̀ ínûai lúanîi, díkɛ sãâ kùla díyêei a wôya perei. Í díkùla maa kɛ̂ yɛ̂ɛ berei í gɛ̀ la a Mediaŋ kɔ kuluƃa-ŋai.

Ɉeremi 13:19

Daa-lee-ŋai dí káa Zuda kwára-perei, kɔkuluƃa-ŋa da tínaŋ dîa. Ǹyaŋ pere fé naa a gɛɛ núu da é lí naa. Diai kélee díkaa Zudai, da dísoŋ a kɔ soŋ-ŋa da lí a dia lɔii da kpɛ́ni-ŋa su.”

Ɉeremi 2:20

Ŋ̀wála-wâla kélee Yâwɛɛi è mò ǹyɛɛi, “Tãi su kôyaa yée mu, ká káyee kùla ŋá wála-wala laai mu, ká tɔ́ɔ kákpîŋ yee ma. Ká mò kâai, ‘Ḿve pâi vɛliî,’ kɛ́lɛ tãi ká kɛ̂ ká ɣâla da kpɛ́ni-ŋai fɛliî lai, ka kɛ̂ lɔ-pɔ̂rɔŋ kɛ̂i ǹyée-ŋai ma da ŋ̀úru-ŋai mu, káɣâla mɛni kɛ́ɛ maa-pere su.

Ɉeremi 22:10

Zuda-ƃela, káfe wɔ̀lɔ gâloŋ Zosaya mɛni ma nyíi a saai. Káfe malôŋ-see ƃò zaa mɛ̂ni ma. Kɛ́lɛ, ka wɔ́lɔ kpɔ́ a ŋánaa ǹóŋ Zoazi mɛni ma. Da liî la kwaa kôyaa ma, ǹyaŋ vé ŋɔ́nɔ pâi pâi pôlu. Vé ŋɔ́nɔ pâi ŋɔlɔii kâai nyíi dí maa-sɔlɔ ƃô zui.

Ɉeremi 22:24

Nya ƃe Yâwɛɛ è lòno Zɛoakiŋ ǹóŋ Zɛoasiŋ pɔ́ nyíi kɛ̀ a Zuda kaloŋ ǹyɛɛi, “Tãi nɔ́ ńyãa ƃa gɛ̀ ɣele-ma Ɣalai, eêi kɛ̀ íkɛ ƃò kpîŋ a gâloŋ gbonoi íkɛ ƃò ńaa-mii-yee ma, ŋâi í kùla ńyee ma,

Ɉeremi 24:1

Babelɔŋ kaloŋ Nɛbukinaza è wɔ́lɔ Zɛoakiŋ ǹóŋ Zɛoasiŋ nyíi kɛ̀ a kâloŋ Zudai sôŋ a kɔ-sôŋ, é pɛ́lɛ ŋɔtíi kɛ́-ƃela kpaya-kpayai, dáre-ƃelai, da ǹyɛlɛ-ƃelai kɛ̀ Zudai dîa, é lí a dia Babelɔŋ. Ǹaa pôlu ma, ŋá zĩ̂a kàa. Zĩ́ai ŋí su, ŋá kpɔ̂lɔ feerɛ kàa nyii kɛ̀ a ǹáa fɛ́ɛ a fîi wuru-ƃai Yâwɛɛ Ŋɔpɛ́rɛ Kɛ́tɛi ŋɛ́i túɛ.

Ɉeremi 24:5

“M̀ɛnii ńyãai a Eezuɛ Ɣalai Yâwɛɛ ŋa môi ƃa, Zuda-ƃelai nyíi-ŋai ŋa pâi dítɛɛ̂i kɔ-sôŋ pere su Babelɔŋ, díkaa yɛ̂ɛ fîi wuru-ƃa lɛ́lɛɛi.

Ɉeremi 27:8

“Kɛ́lɛ lɔii-ŋuŋ da, kpaa kâloŋ-laa nyíi vé pâi fâai a gɛɛ é tíi kɛ́ Babelɔŋ kaloŋ Nɛbukinaza mii, ŋa pâi maa nuui tí kula ma kɛ̂i a kɔ́, puru, da kɔlɔ-fela nyɔ́mɔɔ. Ŋa pâi Nɛbukinaza kɛ̂i é m̀aa lɔii tí su kara kpɔ́ kpúŋ.

Ɉeremi 28:10

Nya ƃe Ɣâla ŋɔlóno kɛ́-nuui Ananaya è ǹiŋa kɔŋ-ma karaŋ kûla Zɛlemaya kɔŋ mâ é ŋ̀ále-ɣale.

Ɉeremi 28:2

“Ŋ̀wála-wâla kélee Yâwɛɛi nyíi gáa a Eezuɛ-ŋai Díɣâlai ǹyɛɛ, ‘Ŋa niŋa gɔŋ-ma karaŋ kúla Zuda kɔŋ mâ nyíi Babelɔŋ kaloŋ è dòo gɔŋ mâi.

Ɉeremi 29:1

Zɛlemaya è kɔlɔ tɛ̂ɛ zâla láa-soŋ-ƃelai, Ɣâla ŋɔlóno kɛ́-ƃelai, ǹúu láa túɛ-ƃelai da ǹûai kélee pɔ́ naa nyíi-ŋai Nɛbukinaza è dí sòŋ a kɔ-sôŋ-ŋa Zerusâlɛŋ é lí a dia Babelɔŋ.

Ɉeremi 29:2

Zɛlemaya è gɔlɔi ŋí tɛ̀ɛ a tãi díwɔlɔ lì la a ǹûai ŋí Babelɔŋ ǹaa pôlu ma. Dia ƃe kɛ̀ a: Gâloŋ Zɛoasiŋ, Zɛoasiŋ ǹee, ǹúu láa túɛ-ƃelai, da díi kɛ́-ƃelai nyíi-ŋai wɔ́lɔ kɛ̀ Zuda da Zerusâlɛŋ. Dí wɔ́lɔ lì a ǹyɛrɛ tîi kɛ́-ƃelai nyíi-ŋai wɔ́lɔ kɛ̀ Zuda da Zerusâlɛŋ. Dí lì a ǹyɛrɛ kɛ́-ƃelai da gɔli tîi kɛ́-ƃelai nyíi-ŋai kɛ̀ Zerusâlɛŋ.

Ɉeremi 30:8

Ŋ̀wála-wâla kélee Yâwɛɛ è mò ǹyɛɛ, “Tãi ŋ̀elei tí a pâi serîi lai, ŋa pâi m̀ɔ̃lɛ-laa karaŋ ɣâlei ŋá gula dí kɔŋ ma. À kɛ̀ tí, ŋa pâi gɔli-yɔlɛ kɛ́tɛi têei, ŋá gula dí kɔŋ ma ǹyaŋ dífe ŋɔ́nɔ pâi tíi kɛ̂i ŋɔ̃ya-sii kélee da yée mu.

Levetekɔ 26:13

Ńyãa ƃa Káɣâlai Yâwɛɛ. Ŋá kákùla Ize lɔii su ŋá pá a káa a gɛɛ káfe ŋɔ́nɔ kɛ̀ luɛ-laa su. Ŋ̀wála-wâla-laai kɛ̀ kásonîi ŋá ŋ̀áa yèŋ ŋá gɛ́ kákula ǹɔii su ka kɛ siai, kákoôŋ tɔɔ kâa.”

Nahumə 1:13

Ŋa pâi kákpɔara-ƃelai díkɔŋ ma kpɔnɔ̃i kulâi kákɔŋ ma ŋá díyɔlɔi kúla kákɔɔ ma.”