Ɉeremi 27:10 - Bible

¹⁰ Díkaa lɛ́ɛ kɛ̂i kâa. Da lɛ́ɛ pâi gɛ̂i ká lí lɔii-ŋuŋ su kôyaa su, ká kúla ká pɔ-taai. Ŋa pâi ká kulâi ká kpɔɔi lɔii su ŋá lí a káa lɔii da kpɛ́ni su ƃɛ́i ka pâi lɛɛ̂i naa ká sáai.

Yálá laawoo hɛɓɛ (dc)

¹⁰ Lɛɛ ka tii di kaa gɛi káá; Di káá ka mąą kwɛai ka wɔ lɔi ɓa. Gáá pai ka taɠa taɠai, káá haa.

Yálá laawoo hɛɓɛ

¹⁰ Lɛɛ ka tii di kaa gɛi káá; Di káá ka mąą kwɛai ka wɔ lɔi ɓa. Gáá pai ka taɠa taɠai, káá haa.

Ɉeremi 27:10 ပူးပေါင်းရင်းမြစ်များ

Lɛɛ gbɔwɔ ɓa 22:18

“Ífe wúlu-nɛni lɛ̀ɛ ɣele ma.

Ɉeremi 14:14

Kɛ́lɛ Yâwɛɛ è mò ḿâ ǹyɛɛi, “Ɣâla ŋɔlóno kɛ́-ƃelai tí da lɛ́ɛ kɛ̂i a ńaa. Ḿve dítɛɛ ní, kpaa máŋ ŋá mɛni da ƃó dîa a gɛɛ dí m̀ó ńaai su. Zĩ̂a-ŋai díkaa lônoi é pîlaŋ mai, ńyãa fé dɛ̀ɛ ní. M̀ɛnii da m̀ôi, tɔ̃yâ fé zu. Díkpɔɔi kili-ŋa-sia ká tí da m̀ôi.

Ɉeremi 23:16

Ŋ̀wála-wâla kélee Yâwɛɛ è mò Zerusâlɛŋ-ƃelai dîa ǹyɛɛi, “Káfe káwoli tɔ̀ɔ Ɣâla ŋɔlóno kɛ́-ƃelai dîa. Díkaa kili-kɛ-zu fòlo tɛɛ̂i kápɔ. Díkaa nɔ́ lônoi é pîlaŋ m̀ɛnii ma da díkili ŋá siâi lai. Kɛ́lɛ, m̀ɛnii da môi kâa, vé a ŋ́oo.

Ɉeremi 23:25

M̀ɛnii ǹɛ́ɛ ɣâla lòno kɛ́-ƃelai tí dí mò a ńaai, ŋá gélee kɔ́lɔŋ. Dí mò a gɛɛ ŋá worɛ̂ tɛ̀ɛ a dia nyiî-pere.

Ɉeremi 27:14

Kɛ́lɛ, ǹɛ́ɛ ɣala-woo ƃó-ƃelai da m̀ôi kâa a gɛɛ káfe pâi kɛ̂i a Babelɔŋ kaloŋ ŋɔluɛ-ŋa a dɔnɔ kpîŋ! Káfe káwoli tɔ̀ɔ dîa, kpɛ́ni fêi, díkaa lɛ́ɛ ɣala-woo ƃôi kâa!

Ɉeremi 27:15

Yâwɛɛ è mò ǹyɛɛ, ‘Ḿve dí tɛɛ ní. Díkaa lɛ́ɛ ɣala-woo ƃôi dí kɛ̀ mò dîyɛɛ, ńyãa ƃé dítɛ̀ɛ. M̀ɛni ma, ŋa pâi Zuda kulâi zeêi. À kɛ̀ tí, ka diai ǹɛ́ɛ ɣala-wooi ƃôi, ka pâi saâi.’ ”

Ɉeremi 27:16

Nya ƃe ńyãa, Zɛlemaya ŋa mò zâla láa-soŋ-ƃelai da ǹûai gbéli-ŋai dîa a gɛɛ m̀ɛnii Yâwɛɛ è môi ƃa: “Ɣâla ŋɔlóno kɛ́-ƃelai tí da môi dîyɛɛ, ‘Babelɔŋ-ƃelai da pâi pâi a zãâi dí gùla Ŋ̀âla-pɛrɛ Kɛ́tɛi mui a maa félaa! Káfe káwoli tɔ̀ɔ dîa! Díkaa lɛ́ɛ ɣala-woo ƃôi kâa.

Ɉeremi 28:11

Ananaya è mò ǹûai kélee ŋɛ́i ǹyɛɛ, “M̀ɛnii ŋí ƃé Yâwɛɛ è mò. Bere sîi ŋí ƃé ŋa pâi Babelɔŋ kaloŋ Nɛbukinaza ɣále-ɣâlei la. Nɛbukinaza è gáraŋ ŋí tòo lɔii-ŋuŋ támaa kɔŋ ma ŋ̀éniɛi su. Kɛ́lɛ ŋa pâi gélee kpɔ́ ɣále-ɣalei kóraŋ feerɛ yée mu.” Ananaya kɛ́ɛ a kpɛɛ a lónoɔɔi, Zɛlemaya è kùla Ŋ̀âla-pɛrɛ Kɛ́tɛi mu.

Ɉeremi 28:16

M̀ɛni ma, Yâwɛɛ ǹyɛɛ, ‘Ǹaa fé pâi tûai ŋ́gɛ íkùla ǹɔii ŋí ma. Ya pâi saâi góraŋ ŋí su. Kpɛ́ni fêi ya sɛŋ lɛ́ ǹûai dîa nyíi a gɛ́ da tɔɔ Yâwɛɛ ma.’ ”

Ɉeremi 32:31

É síɣe kpɔ́ tãi ma da wɔ́lɔ daa-lêei ŋí tɔ́ɔ lai, ǹûai díkaa nɔ́ wɔ́lɔ ńii ŋwána mɛni kɛ̂i. Da gɛ́ ŋa ńii ŋwána dîa a ŋ̀ánaa dítua-pere nyɔ̂ŋ-ŋai mɛni ma. M̀ɛni ma, ŋa nâa gbɛtɛ a gɛɛ ŋá naa su-kara.

Ɉeremi 8:19

Ka káwoli tɔ́ɔ! Ŋa ŋánûai wɔ́lɔ-woo mɛnîi ǹɔii gwaa kélee. Ǹûai da mare kɛ̂ɛ kɛ̂i dîyɛɛi, “Yâwɛɛ fé ŋɔ́nɔ Zãiyɔŋ? Zãiyɔŋ ŋɔkâloŋ fé ŋɔ́nɔ naa?” Yâwɛɛ è mò ǹyɛɛi, “Lé mɛni ƃé da ńii ŋwânai la a díɣâla pɔɔkɔŋ-ŋai é pɛ́lɛ díɣâla da kpɛ́ni-ŋai diai?”

Woolaa 2:14

Ɣâla ŋɔlóno kɛ́-ƃelai da lɛ́ɛ tée-tee kɛ̂i yâ. Dífe dɔ̃yâ mɛnii ƃôi yâ nyii da gàa zĩ̂a sui. Da íkîrii dí kɛ́ ísɔnyɔ̂ŋ mɛni lòo. Mɛni-ŋai dí mò yâi, gáa a lɛ́ɛ, gɛ́ ƃò a núu piliɛɛ mɛnîi woo-ŋa.

Danîa 4:7

Nya ƃe è duɛ mɛni ƃó-ƃelai, dɛli kpɛ́-ƃelai, bóniŋ kɛ́-ƃelai, da dáre-ƃelai dí pà. Dí páai, ŋá mɛnii ƃò dîa ŋá gàa zĩ̂ai sui. Kɛ́lɛ dí ta fé pɔri ní zu-kulâi ḿî.

Zakari 10:2

Tɛli kpɛ́-ƃela da ƃoo lôno kɛ̀, ǹyaŋ mɛni ƃóɔɔ nàa-tuɛ-ƃelai díkɛ lɛ́ɛ kɛ̀. Zee-wôo ƃó-ƃelai díkɛ lɛ́ɛ see-woo ƃò, díkɛ núu ŋánɛnɛ-woo ƃò kpɛ́ni-kpɛni. M̀ɛni ma ǹûai da pù lɔ̂ɔi yɛ̂ɛ ƃála-ŋa dímaa tée-têeɛ, kpɛ́ni fêi, dímɛi-káa-nuu fé ma.

Malasi 3:5

Ŋ̀wála-wâla kélee Yâwɛɛ a môi ǹyɛɛi, “Ŋa pâi pâi kápɔ ŋá kámɛnii ŋáa tée, ŋá sêre-faa kɛ́ ŋɔ́nɔ é pîlaŋ bóniŋ kɛ́-ƃelai dîa da ŋ̀ulu-wulu kɛ́-ƃelai, ǹɛ́ɛ-sere-faa kɛ́-ƃelai, da diai da díi-kɛ́-ƃelai dífela-fei mîi a wôya perei, diai da díŋɛi nàɣiŋ bɔɔ-nɛyãai mɛi, dee-lônii, ǹɔii da kpɛ́ni su-ƃelai, é pɛ́lɛ diai dîa dífa ƃaa-kɛ́-maa tɛ̀ɛ ḿbɔi.

Dutɛrɔnome 18:10

Núu da fé ǹóŋ surɔ̂ŋ kpaa máŋ nɛnî kùla a sâla. Núu da fé tɛli kpɛ́, é mɛni ƃó naa túɛ, kpaa máŋ mɛni siɣeɛɛ a kpolo mɛ̂ni, é wulu mɛni maa kɔ̂ri,