Ɉeremi 25:9 - Bible

⁹ ‘Tãi nɔ́ káfe káwoli tɔ̀ɔ ní ḿâi, ŋa pâi yá-ŋua-pere kɔkɔ́-ƃelai kélee da ńyee mu-nuui Nɛbukinaza nyíi gáa a Babelɔŋ kaloŋ tôlii ŋa pá a dia dí kɔ́ pɛ́lɛ Zuda ma da ŋɔnûai. Da pâi kɔ́ pɛlɛ̂i ǹɔii-ŋuŋ-ŋai díkaa kákɔlɛ mai dia. Ǹyaŋ a kɛ̀ tí, ŋa pâi Zuda da gɔlɛ ma lɔiii-ŋuŋ-ŋai su-ƃela kélee kpɔ́ kpúŋ paâi ŋá ǹaa lɛɛ a bûŋ wɔ́lɔ-wɔ́lɔ. Tãi ǹûai da pâi ǹaa kâai lai, dí láa a pâi kpâlai dîa. Ǹaa a pâi kɛ̂i a yao-maa kwaa ma, ǹûai díkɛ díŋuŋ mɛi tée lono kɛ̀.

Yálá laawoo hɛɓɛ (dc)

⁹ gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Yálá laawoo hɛɓɛ

⁹ gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 25:9 ပူးပေါင်းရင်းမြစ်များ

Tɔɔɓɛlaa veelɛ 24:2

Maa tãi tí, Yâwɛɛ è pɛ̀lɛ kɔ́-kɔ-ƃela tɛɛ ma a gɛɛ dí ŋúma kɛ́ Zuda taa-ŋai su dí naa su kara-kara. Gɔ́-kɔ-ƃelai ŋí da-ni dí kùla Babelɔŋ, Siria, Môa da Amɔŋ lɔii kpiniŋ-ŋai su. Yâwɛɛ è wɔ́lɔ ŋɔlóno-kɛ-ƃelai tɛ̀ɛ a gɛɛ dí Zuda-ƃelai lia-woo ƃó é pîlaŋ mɛnii ŋí ma.

Kɔlɔnikɔ Veerɛi 29:8

Mɛni ma, Yâwɛɛ a ǹíi ŋwana Zuda da Zerusâlɛŋ dîa. A díkɛ da pili laa-kpala maa mɛ̂ni su. A gɛ̀ nûa díkɛ dísĩa mii a dîa yɛ̂ɛ berei yâ gaai gɛ̀ kɛ́ a diai.

Kɔlɔnikɔ Veerɛi 36:21

Tãi ŋi yée mu, ǹɔii è vii-tɔɔ ŋɔfii-tɔɔ-ɣelei ma. Núu da fé kɛ ni naa é tíi kɛ́ ǹɔii ma kóraŋ buu-lɔ́ɔlu mɛi feerɛ yée mu. Mɛnii ŋí è kɛ a Yâwɛɛ wóo ŋa-see kɛ̂i nyíi è m̀o Zɛlemaya sarâi.

Hanwon 21:1

Kâloŋ ŋɔmɛni-kpɛtɛɛ káa yɛ̂ɛ ya ƃoloŋ-ƃoloŋ Ɣâla Yâwɛɛ yêei, gɛ́ déniŋ tɔ̀ɔ ƃɛ́i a ŋ̀wɛ̂lii é lí naai.

Azaya 10:5

Yâwɛɛ è mò ǹyɛɛi, “Asiria káa ńyêei a sɔnyɔ̂ŋ-ƃela kula maa kɛ́ lɔii. Ŋá dɛ̀ɛ ǹɔii ŋuŋ-ŋai su a gɛɛ é diai kula maa kɛ́ da ńii ŋwána mɛni kɛ̂i.

Azaya 13:3

Yâwɛɛ ǹyaa kpîŋ ŋɔnúu maa waa-ŋai tɛ́ɛ a gɛɛ dí kɔ́ diai pɔ́ ǹíi-ŋwânai dîa díyoŋka tua-ŋai mɛ̂ni ma.

Azaya 39:7

Da pâi ísuui su sinaai da-ŋa siɣêi dí lí a dia Babelɔŋ. Da pâi da-ni tɛɛ̂i Babelɔŋ kaloŋ ŋɔpɛ́rɛi mu a gɛɛ díkɛ tíi kɛ̀ naa.”

Azaya 44:28

Ŋá mò Sarɔ mà ńyɛ̃ɛi, ‘Yá ƃé ŋá ísiɣe zu a gɛ́ɛ í tɔ́ɔ ŋánûai túɛ é díteniŋ tɔ́ɔ. M̀ɛni-ŋai ŋá mò yâi, ya pâi díkɛ̂i. Ya pâi lɛɛ̂i dítuɛ dí Zerusâlɛŋ taa-leei tɔ́ɔ pôlu, dí Ŋ̀âla-pɛrɛ Kɛ́tɛi tɔɔ́ kɔ́ɔ pîlaŋ naa.’ ”

Ɉeremi 1:14

Yâwɛɛ è mò ḿâ ǹyɛɛi, “Mɛni kpɔ̂lu a pâi kulâi yá-ŋua pere é láa ǹɔii ŋí su-ƃela dîa,

Ɉeremi 1:15

kpɛ́ni fêi, ŋa pâi yá-ŋua pere kaloŋ-ŋai kélee kpɔ́ tôli dí pá dí díkâloŋ sèe-sɛŋ-ŋai sée Zerusâlɛŋ ŋɔsíɣaŋ láƃerei, dítinaŋ m̀a, dí ŋɔ́nɔ tínaŋ Zuda ŋɔtaa lêe-ŋai dîa.

Ɉeremi 10:22

Ka káwoli tɔ́ɔ dùŋ-ŋai dîa. Tùŋ káa kulâi yá-ŋua-pere lɔii su. Ǹyaŋ Zuda taa-ŋai kélee da pâi lɛɛ̂i a bûŋ. Da pâi kɛ̂i nɔ́ a fɛnɛ-sãa kɛ̂i.”

Ɉeremi 12:14

M̀ɛnii Yâwɛɛ è mò é pîlaŋ kúkɔlɛ ma-ƃela sɔŋ nyɔ́mɔɔ-ŋai dîa nyíi Eezuɛ lɔii su karai nyíi ŋá dɛ̀ɛ dípɔi ƃa, “Ŋa pâi dí wêenii yɛ̂ɛ kala ŋá díkula díkpɔɔi lɔii su. Ǹyaŋ ŋa pâi Zuda-ƃelai kulâi dísama.

Ɉeremi 18:16

Da ǹɔii ŋí kɛ́ a kwaa ma mĩli-miliɛɛ, naa ƃɛlɛ-kpɛɛ núu koi. Diai pâi tɛɛ̂i naai, mĩli-mili a pâi pûi dîa a berei ǹaa káa lai. Da pâi díŋuŋ kpɛ́mɛnîi a ǹaa kɛ́-pere.

Ɉeremi 2:15

Eezuɛ ŋɔkpɔara-ƃelai da kpêɣei mɛi yɛ̂ɛ yala-sulu. Da kpêɣei kpɔ́ m̀ɛi a díwoo su kɛ́tɛ. Ŋɔlɔii a lɛɛ a vólo, da naa kélee kéreŋ, naa lɛɛ a pîleŋ ŋá.

Ɉeremi 20:4

Yâwɛɛ ǹyaa kpîŋ a mó ǹyɛɛ, ‘Ŋa pâi íkɛ̂i a yao kɛ́tɛ íkpîŋ mɛni ma da íƃarâai. Ya pâi kɛ̂i naa díkpɔara-ƃelai dí kɛ̀ dípaa a ƃóa-sɔkpɔ-ŋa. Ŋa pâi Zuda-ƃela kélee kɛ̂i Babelɔŋ yée-mu. A pâi dísonîi a kɔ-sôŋ-ŋa é lí a dia ŋɔlɔii su, é da-ni paa.

Ɉeremi 24:9

Ŋa pâi mɛni kpɔ̂lu lâai dîa a gɛɛ ŋ̀éniɛi su-ƃelai da dí kâa, dí yao kpɔ́ a ŋánaa. Nûa da pâi ɣɛ́lɛ-maa kulâi díkponôi, dí kɛ́ wóo nyɔ́mɔɔ-ŋa ƃò dîa, dí kɛ́ dílaa kɛ̀ a kpalo-sɛŋ ƃɛ́i kélee ŋa pâi dítaa-tâai naai.

Ɉeremi 25:8

“Ŋ̀wála-wâla kélee Yâwɛɛ è mò ǹyɛɛi,

Ɉeremi 29:18

Ŋa pâi díkpɛ̂i a ƃóa-sɔ̂kpɔ, puru, da kɔlɔ-fela nyɔ́mɔɔ. Ŋa pâi gɛ̂i ŋ̀éniɛi su lɔii-ŋuŋ-ŋai da dí kâa, dílaa é kpála dîa. Nûa da pâi dísĩa miî a dia, díkɛ ƃò a yao maa-sɛŋ, dí dílaa kɛ́ a ǹaɣa-laa-sɛŋ.

Ɉeremi 35:11

Kɛ́lɛ, tãi Gâloŋ Nɛbukinaza è tòo la ǹɔii sui, kú gbɛ̀tɛ a gɛɛ kú pá Zerusâlɛŋ a gɛɛ kú kúla Babelɔŋ da Siria kɔ-kuluƃa-ŋai yêei. Zɛŋ ƃé gɛ̀ kúkaa la Zerusâlɛŋ.”

Ɉeremi 36:2

“Kɔlɔ-lâa siɣe í m̀ɛnii kélee pɔ̃yɛ ŋa pâi môi yâ nyíi-ŋai ŋá mò é pîlaŋ Eezuɛ, Zuda da ǹɔii-ŋuŋ-ŋai kélee dîai. M̀ɛni-ŋai ŋá mò yâi gélee kpɔ́ pɔ̃yɛ. Gɔ́ɔ pîlaŋ tãi ma Zosaya è kɛ̀ la a kâloŋ é tóo tãi ŋí ma.

Ɉeremi 36:29

Yâwɛɛ è mò ḿâ a gɛɛ ŋá mó gâloŋ ma ńyɛ̃ɛi, “Yaâ gɔlɔi kéreŋ, ǹyaŋ í mò Zɛlemaya ma lé mɛni ƃé í gɔlɔi pɔ̃yɛ la yɛ̂ɛ Babelɔŋ kaloŋ a pâi la é ǹɔii ŋí su-kara, é zu-ƃela da daa-tulɛ-ŋai kélee páa.

Ɉeremi 4:7

Berei yala-sulu a kûla la ǹoo pêrei é pɛ́lɛ gɔ́nɔŋ mai, bere ƃé ǹɔii-ŋuŋ-ŋai su kara nuui a pâi kulâi la bɔ́ naa é pá é pɛ́lɛ kâa. Gáa kulâi ƃɛ́i gáa naai a gɛɛ é Zuda su kara. Da pâi Zuda taa-lee-ŋai su karâi, ǹaa é lɛ́ɛ a pîleŋ ŋá. Núu da fé ŋɔ́nɔ pâi seêi díta su.

Ɉeremi 40:2

Gɔ-kuluƃa-ŋai mɛi-nuui è ńzìɣe é lí a ńyãa kúfeerɛ kwaa ma ǹyɛɛ ḿâi, “Yâwɛɛ nyíi gáa a Káɣâlai a bíli ƃôi a gɛɛ a pâi ǹɔii ŋí su karâi,

Ɉeremi 43:10

À kɛ̀ tí, m̀ó dîa a gɛɛ Ńyãai ŋ́gaa a Ŋ̀wála-wâla kélee Yâwɛɛ, Eezuɛ Ŋɔɣâlai, ŋa pâi pâi a ńyee mu-nuui Nɛbukinaza, Babelɔŋ kaloŋ gwaai ŋí ma. A pâi ŋɔkâloŋ ƃuui tɔɔ̂i ƃɛ́ gɔni-ŋai ŋí mɛi nyii ŋá mò yâ a gɛɛ í dí lóoi.

Ɉeremi 46:20

Ize kâa yɛ̂ɛ niŋa saa loŋ lɛ́lɛɛ, nyíi ƃóŋ kooŋ sãa da kula yá-ŋûa da pɛ̀lɛ mai.

Ɉeremi 49:19

Ŋa pâi pâi dîa yɛ̂ɛ yala-sulu a kùla ǹɔɔi su Zɔdiŋ Ya-leei kɔlɛ a pɛ̀lɛ ƃála-ŋa dîa gala ŋûnui ŋá ƃɛ́i da dílaa-mii naai. Ŋa pâi pâi ŋá Idɔŋ-ƃelai kɛ́ dí pú a maa félaa dí kúla dílɔii su. Gɛ̀ ní, ŋa pâi dílaa túɛ-nuu lɛ̂i nyíi pâi dímɛi kâai. Gbɛ̂ɛ ƃé ka pɔ̂ri gɔɔ̂ni ḿâi? Gbɛ̂ɛ ƃa pɔ̂ri tɔɔ̂i ŋ́ɛi túɛi?

Ɉeremi 6:1

Káai kákaa a Bɛŋsima ŋɔnûai, ka pú ká kúla Zerusâlɛŋ ká ŋuŋ ma ƃô sɔlɔ ƃó. Ka dúrui fɛ́ɛ Tekoa, ká ŋɛi-kɛ-maa lɛ́ Bɛɛ-akɛŋ kpɛ́ni fêi, mɛni kpɔ̂lu a kulâi yá-ŋua pere da su kâra-laa.

Ɉeremi 8:16

Kwa kúkpɔara-ƃelai dí kɔ́ pɛ̀lɛkɔ soo-ŋai lɛ̂wo-woo mɛnîi Daŋ ŋɔlɔii su. Dísoo sîrɛ-ŋai kɔ́ɔ mu-tìŋ a gɛ̂i ǹɔii kɛ́ kpɛ̃̀liŋ. Da pá a gɛɛ dí ǹɔii su kara da zu-sãa kélee, é máŋ kɛ́ yɛ̂ɛ daa-lee-ŋai da dísu sãai.”

Izikiɛ 12:20

Daa-leei ŋai nyii kélee kpɔ́ ǹáa fɛɛi a pâi lɛɛ̂i a volo. Ǹɔii a pâi lɛɛ̂i bûŋ. À kɛ̀ tí, da pâi gɔlɔni a gɛɛ ńyãa ƃa Yâwɛɛ.”

Izikiɛ 16:40

“Da pâi ǹûai líi mu-siɣei dítɔɔ kâa, díka sɔ́ɔ a kɔni, díka tée-tèe a gbùa-kpûa a díƃoa-sɔkpɔ-ŋai.

Izikiɛ 21:11

Ŋá ƃoai maa-waai, a gɛɛ ŋá tii kɛ́ la. Ŋá ŋá-li kpɔ́ ŋá maa waa, a gɛɛ ŋá dɛɛ ǹuu paa ǹúui pɔ́.

Izikiɛ 26:7

Ŋ̀wála-wâla kélee Yâwɛɛi è mò ǹyɛɛi, “Ŋa pâi liî yá-ŋua pere ŋá pá a Babelɔŋ kaloŋ Nɛbukinaza nyii gáa a kâloŋ kɛ́tɛi. A pâi pâi a kɔ́-kɔ keleŋ-ŋai da kɔ́-kɔ sôo-ŋa é pɛ́lɛ kɔkûluƃa-ŋa dîa nyii-ŋai pâi kɛ̂i siâi díkɔɔ ŋá a gɛɛ é kɔ́ pɛ́lɛ káai a Taya-ƃelai kâa.

Izikiɛ 36:5

“Ńyãai ŋ́gaa a Ŋ̀wála-wâla kélee Yâwɛɛi ŋa ǹíi ŋwânai kpɔ́ ká kɔlɛ ma lɔii-ŋuŋ-ŋai dîa é pɛ́lɛ Idɔŋ ma. Dí ŋá lɔii síɣe a dípɔɔ a ŋɛi-tɛ da lii-nɛ̃ɛ pere.

Danîa 5:18

“Ŋ̀wála-wâla kélee Ɣalai è ínâŋ kɛ̀ a núu kɛ́tɛ, é mù wùyɛ é wála-wala-laa tɛɛ bɔ́.

Habakukə 1:12

Óo Ŋáɣâlai Yâwɛɛ, yái ímaa waai, ífe ɣele ma wɔ́lɔ-wɔlɔ da wɔ́lɔ-wɔlɔ? Ífe ǹɛɛ naa kú sáa. Óo Yâwɛɛ kúkili tɔɔ̂i ya. Yá óo kú Kɔnii, ƃa gɛ́ Babelɔŋ-ŋai da wála-wâla da pá a mɛni ŋa-téɛɛ kúmɛni ma. Ya díkpɛtɛ kúkula-maa kɛ́ mɛni ma.

Habakukə 1:17

Gáa a seŋ Babelɔŋ-ŋai ŋí díkɛ nɔ́ a mɛni ŋa tée-ƃela núu mɛni ma? Gáa a sɛŋ díkɛ ǹɔii-ŋûŋ-ŋai wôlo nɔ́ a tãi kélee wɔ́lɔ-wɔlɔ da wɔlɔ-wɔlɔ?

Dutɛrɔnome 28:37

Ǹɔii-ŋuŋ ka pâi liî zui, zu-ƃela da kákàa, a pâi kɛ̂i a gulaa a dia. Ka pâi kɛ̂i nɔ́ yɛ̂ɛ pêle kɛ́-sãa díŋɛi. Da pâi ɣɛlɛ-maa támaa kulâi kákponôi.