Ɉeremi 25:4 - Bible

⁴ Yâwɛɛ a ǹyée-mu-ƃelai nyíi-ŋai díkaa a ŋɔlóno kɛ́-ƃelai tɛ́ɛ kápɔ naa gîe mɛi dí kɛ́ lòno kápɔ. Kɛ́lɛ, káfe niî káyee sèe ní ŋ̀óo mu a dɔnɔ kpîŋ, kpaa máŋ ká káwoli tɔ́ɔ dîa.

Yálá laawoo hɛɓɛ (dc)

⁴ Yai-Laa aa lɛɛ nwɔ tínuą, diɛi a gwəi mɛ̨nį hukulɔ nuą tɔɔi ka pɔ, vįi hvo ta kpɛɛ li, kɛlaa, ka hvo ta ka wəli tɔɔ li di mą, ka hvo Yai-Laa woo mɛ̨n.

Yálá laawoo hɛɓɛ

⁴ Yai-Laa aa lɛɛ nwɔ tínuą, diɛi a gwəi mɛ̨nį hukulɔ nuą tɔɔi ka pɔ, vįi hvo ta kpɛɛ li, kɛlaa, ka hvo ta ka wəli tɔɔ li di mą, ka hvo Yai-Laa woo mɛ̨n.

Ɉeremi 25:4 ပူးပေါင်းရင်းမြစ်များ

Kɔlɔnikɔ Veerɛi 24:19

Berei máŋ Yâwɛɛ è ŋɔlóno kɛ́-ƃelai dí ǹûai dísɔnyɔ̂ŋ lɛ̀ la diai, dífe wɔ́lɔ díwoli tɔɔ ní a dɔnɔ kpîŋ.

Kɔlɔnikɔ Veerɛi 33:10

Yâwɛɛ è lono Manasɛ da ŋɔnûai pɔ́, kɛ́lɛ dífe díwoli tɔɔ ní a dɔnɔ kpîŋ.

Ɉeremi 16:12

Kɛ́lɛ, ká tûa a nyɔ́mɔɔ a ńyãa é tɛ́ɛ kánâŋ pɔlɔ-ŋai dîa. Kákelee kpɔ́ káwôlii kpɔ̂lɔi, kásɔŋ nyɔ́mɔɔ, káfa káwoli tɔ̀ɔ ḿâ.

Ɉeremi 17:23

Dínâŋ pɔlɔ-ŋai dífe wɔ́lɔ díwoli tɔ̀ɔ ní ḿâ, kpaa máŋ dí díyee sée ŋ́oo mu, kɛ́lɛ, dí kɛ̀ a díwôlii kpɔ́lɔɔ. Dífe díyee see-ni ŋ́oo mu, kpaa máŋ dí ńdûa-pere maa kɔ́ri.

Ɉeremi 18:12

Kɛ́lɛ, da pâi íwoo su toôi dîyɛɛi, ‘Kpao, lé mɛni ƃé kwa pâi gɛ̂i tí lai? Kwa pâi tûai kpɔ́ nɔ́ a woli kpɔ̂lɔ-pere, kú sɔŋ nyɔ́mɔɔ kpɔ́ nɔ́ yɛ̂ɛ berei kwa ŋ̀wɛ̂lii kú tûa lai.’ ”

Ɉeremi 19:15

“Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai ǹyɛɛ, ŋa pâi pâi a m̀ɛni ŋáa téɛɛi nyíi kélee ŋá gbɛ̀tɛ é pîlaŋ daa-lêei ŋí ma da zu-ƃela kélee. Kpɛ́ni fêi, díwôlii kpɔ̂lɔɔi. Dífa ŋ̀wɛli dí díwoli tɔ́ɔ ḿâ.”

Ɉeremi 22:21

Tãi ká kɛ̀ a kátɔɔ lai, Yâwɛɛ è lòno kápɔ, kɛ́lɛ, káfe káwoli tɔɔ ní a dɔnɔ kpîŋ. M̀ɛni sîi ŋí ƃé ká kɛ̀ gɛ̂i kákɛ-ɣeniɛi su. Káfe pɔri ní káwoli tɔɔ̂i Yâwɛɛ wóo ma.

Ɉeremi 25:3

“Yâwɛɛ a m̀ɛni tɔ̂nɔi ŋí ƃó ḿâ gîei kpɛ́-kpɛɛ kóraŋ buu-feerɛ kao-saaƃa yée mu. É síɣe tãi ma Amɔŋ ǹóŋ Zosaya è kɛ̀ la a kâloŋ é tóo tãi ŋí ma ŋa lônoi lai. Ǹyaŋ Zosaya ŋɔkâloŋ-laa koraŋ buu káo saaƃai su ƃé ŋá pɛ̀lɛ la ŋ̀orɛ̂-wooi ŋí ƃôi la kâa. Ŋ́gaa nɔ́ niî m̀ɛni tɔ̂nɔi ŋí ƃôi kâa. Kɛ́lɛ káfe niî káwoli tɔɔ ní ḿâ.

Ɉeremi 25:7

Kɛ́lɛ, káfe káwoli tɔ̀ɔ ní dîa a dɔnɔ kpîŋ. Kɛ́lɛ, ká ńii ŋwána mɛni kɛ̀ a ɣâla da-kpɛ́ni-ŋa fɛliɛɛ nyíi-ŋai ká díkpɛ̀tɛ a káyeei. M̀ɛni ma ŋa pâi ká kula maa kɛ̂i.

Ɉeremi 26:5

Ka káwoli tɔ́ɔ m̀ɛnii ŋálono kɛ́-ƃelai da môi kâai ma. Ŋá dítɛ̀ɛ kápɔ a tãi támaa, kɛ́lɛ káfa káwoli tɔ̀ɔ díwoo ma.

Ɉeremi 29:19

M̀ɛnii ŋí a pâi kɛ̂i a dia kpɛ́ni fêi, dífe díwoli tɔɔ ní ŋ̀orɛ̂-wooi ma nyíi ŋá dɛ̀ɛ a Ɣâla ŋɔlóno kɛ́-ƃelai nyíi-ŋai díkaa a ŋátii kɛ́-ƃelai. Ŋá ŋálono kɛ́-ƃelai tɛ̂ɛ a tãi támaa, kɛ́lɛ, dífe díwoli tɔ̀ɔ ní dîa a dɔnɔ kpîŋ. Ńyãa Yâwɛɛ ƃé mò tí.’ ”

Ɉeremi 32:33

Dí díyee kùla ḿû, dí dípôlu tɔɔ ḿâ, dí díyee kúla ŋásɛŋ lɛ́ɛi mu, berei máŋ ŋá kɛ̀ nɔ́ sɛŋ lɛ̂i la dîai, dífe m̀aa kɔ́ri ní.

Ɉeremi 36:31

Ŋa pâi íkula ma kɛ̂i é pɛ́lɛ ísuui su-ƃelai dîa da ítii kɛ́-ƃela kpaya-kpayai, zɔnyɔ̂ŋ-ŋai ká gɛ̀i maa mɛ̂ni ma. Yá, kpaa máŋ Zuda ka Zerusâlɛŋ-ƃela káfe káwoli tɔɔ ní ŋália-wooi ma. M̀ɛni ma, ŋa pâi m̀ɛni kpɔ̂lui pɛlɛ̂i kâa ŋa wɔ́lɔ tûa m̀aa mɛ̂ni ƃôi.”

Ɉeremi 6:17

Ŋá núu da tɔ̀ɔ a gɛɛ é dímɛi káa. Ŋá mò dîa ńyɛ̂ɛi, “Ka káwoli tɔ́ɔ dúru-wooi ma.” Kɛ́lɛ dí mò dîyɛɛi, “Kúfa pɔ̂ri kúwoli tɔɔ̂i.”

Zakari 1:4

Káfe kɛ̀ yɛ̂ɛ kánuu-pɔ̂lɔ-ŋai. Tãi su kôya tɛ̀ɛ pôlu ma, ŋálono kɛ́-ƃelai dí ŋáworɛ̂-wooi ƃò dîa a gɛɛ dífe mɛni nyɔ́mɔɔ kɛ̀. Kɛ́lɛ dífe díwoli tɔɔ ní ḿâ kpaa máŋ dí ŋ́oo síɣe.

Hebreu 12:25

Ka gáa a gɛɛ ǹúui gáa lônoi, káfe káyee kùla mu. Kpɛ́ni fêi, à kɛ̀ diai díyee kùla ǹúui mu nyíi dília-woo ƃò ǹɔii ma ƃɛi, dífe kula ni tɔŋ-kpɛ́-maa su, gɛ̀ ní kûa máŋ kwa pɔ̂ri kɛ̂i leŋ tɔŋ kpɛ-maa su, à kɛ̀ kwa kúyee kùla ǹúui mu nyíi gáa Ɣâla-taa gɛ́ kúlia-woo ƃòi.