Ɉeremi 25:18 - Bible

¹⁸ Ŋá ŋwã̂ai ŋí ŋáa kɔ̀lɛ Zerusâlɛŋ da Zuda taa-lee-ŋai su-ƃelai kélee dîa é pɛ́lɛ Zuda kaloŋ-ŋai da dítii kɛ́-ƃelai dîa dí gbele a gɛɛ dítaa-ŋai dílɛɛ a pîleŋ ŋá. Ŋá gɛ̀ tí a gɛɛ ǹûai da ǹaa kàa dílaa é kpála dîa dí dísĩa mii a dîa, dílaa kɛ́ ƃò a nãaŋ lâa kɛ́-sɛŋ é lɛ́ɛ la zu é seri sâai ŋí ma.

Yálá laawoo hɛɓɛ (dc)

¹⁸ Ɉerusalɛmə taa, da Ɉuda taaɠaa, da nwɔ tɔɔɓɛlaa, da di wɔɔ kalanɉonŋaa; yɛ di kɛ a lɔi pun, a taa kpoloon. Nu ta a gaa hvo kɛli a tomą, yɛ nɛ̨ŋɛ̨n naa. Bələ kpɔlɔɔ ɓə gaa la yiihu.

Yálá laawoo hɛɓɛ

¹⁸ Ɉerusalɛmə taa, da Ɉuda taaɠaa, da nwɔ tɔɔɓɛlaa, da di wɔɔ kalanɉonŋaa; yɛ di kɛ a lɔi pun, a taa kpoloon. Nu ta a gaa hvo kɛli a tomą, yɛ nɛ̨ŋɛ̨n naa. Bələ kpɔlɔɔ ɓə gaa la yiihu.

Ɉeremi 25:18 ပူးပေါင်းရင်းမြစ်များ

Tɔɔɓɛlaa dɔlɔɔ 8:24

Ya íkono-teei ŋ̀aa-see kɛ́ íyee mu-nuui ńâŋ Deeƃé yêei. Í gono-teei kɛ̀ íla ǹyaŋ yâ ŋ̀aa-see kɛ́ a íyee yɛ̂ɛ berei gáa sâa lai.

Tɔɔɓɛlaa veelɛ 22:19

Ŋa berei káa ímalôŋ è tòo la yâ tãi í ǹono la a gɛɛ ǹɔii da zu-ƃelai kélee su a pâi karâi kpɔ́ kpoŋ-kpoŋ dí kúla ŋ́ɛi. Í íma sêɣe fàla maloŋ tôo-maa su ǹyaŋ ŋa íwɔlɔ-woo mɛ̀ni.

Kɔlɔnikɔ Veerɛi 29:8

Mɛni ma, Yâwɛɛ a ǹíi ŋwana Zuda da Zerusâlɛŋ dîa. A díkɛ da pili laa-kpala maa mɛ̂ni su. A gɛ̀ nûa díkɛ dísĩa mii a dîa yɛ̂ɛ berei yâ gaai gɛ̀ kɛ́ a diai.

Ɛsdrasə 9:7

É kúla kúnuu-pɔlɔ-ŋai díwɔ̂ ɣele-ŋai dîa, é tóo sâa ma, kúai a ínûai, kwa sɔnyɔ̂ŋ kɛ́ a yá a zu kɛ́tɛ. Kúsɔnyɔ̂ŋ-ŋai da gɛ́ kúkâloŋ-ŋai da kúsâla láa soŋ-ƃelai é pɛ́lɛ kúla kpîŋ kûa kwa too lɔii ŋuŋ da kpɛ́ni-ŋa mɛi kâloŋ-ŋa yêei. Da kú ta-ŋa paa, da sãâ kula kú ta-ŋa yêei, da lí a kúta-ŋa luɛ-laa su. Da ƃaâ kula kûa a ŋ̀ánaa, ǹyaŋ díkaa nɔ́ niî sɔnyɔ̂ŋ kɛ̂i.

Nehemi 9:36

Kɛ́lɛ ƃɛ́ káa, kwa sâa kɛ́ a luɛ-ŋa kúkpɔɔ lɔii ŋí su. Í ǹɔii lɛ́lɛɛi ŋí tɛ̀ɛ kúnâŋ-ni pɔ́ a gɛɛ dí ŋ̀aa-nɛ̃ɛ kùla. Nya ká ŋí kú káa sâa naa a luɛ-ŋa.

Mąątɛ̨nɛ̨ 60:3

Ya gɛ́ ínûai díkɛ mɔ̃lɛ̂i a ŋ̀ánaa. Ya gɛ́ kúkɛ kɛ̀ tàka-taka yɛ̂ɛ ǹyaa ƃé kwa ŋwã̂ai támaa kpéle.

Azaya 40:23

A ǹúu láa túɛ-ƃelai díwala-wala laai kûla díyêei, é díkɛ kpɛ́ni-kpɛni.

Azaya 65:15

Diai ŋá dísìɣe zui, da pâi kálaa kɛ̂i a nã́aŋ-sɛŋ. Ńyãai ŋ́gaa a Ŋ̀wála-wâla kélee Yâwɛɛi ŋa pâi ká paâi. Kɛ́lɛ, ŋa pâi láa nina seêi diai da ŋ́oo mɛnii dîa.

Ɉeremi 1:10

Ye gɔ́lɔŋ a gɛɛ ŋa sâa í tɛɛ̂i a ŋáwala-walai lɔii-ŋuŋ-ŋa da kâloŋ-laa-ŋa pɔ́ naa a gɛɛ í ŋáworɛ̂-wooi ƃó dîa. Ŋ̀orɛ̂-wooi ŋí ƃa a gɛɛ da pâi da-ŋa ƃúlenii, dí da-ŋa kula, dí da-ŋa yee mɛi ɣále, dí da-ŋa su-kara, dí da-ŋa tɔɔ, dí da-ŋa sí.”

Ɉeremi 13:3

Ǹaa kɛ́ɛ tíi, è ŋɔ́nɔ lòno ḿbɔ a tãi veerɛi ǹyɛɛi,

Ɉeremi 13:9

“Bere ƃé ŋa pâi Zuda da Zerusâlɛŋ ŋáa yeniî la dí su mɛni kɛ̂tɛi mɛni ma.

Ɉeremi 24:9

Ŋa pâi mɛni kpɔ̂lu lâai dîa a gɛɛ ŋ̀éniɛi su-ƃelai da dí kâa, dí yao kpɔ́ a ŋánaa. Nûa da pâi ɣɛ́lɛ-maa kulâi díkponôi, dí kɛ́ wóo nyɔ́mɔɔ-ŋa ƃò dîa, dí kɛ́ dílaa kɛ̀ a kpalo-sɛŋ ƃɛ́i kélee ŋa pâi dítaa-tâai naai.

Ɉeremi 25:11

Da pâi Zuda su karâi, naa é lɛ́ɛ a fɛ̃ɛ-kpâlaŋ su. Ǹɔii-ŋai ŋí su-ƃela kélee kpɔ́ da pâi kɛ̂i luɛ-laa su Babelɔŋ kaloŋ yée-mu a kóraŋ buu lɔ́ɔlu-mɛi feerɛ.

Ɉeremi 25:9

‘Tãi nɔ́ káfe káwoli tɔ̀ɔ ní ḿâi, ŋa pâi yá-ŋua-pere kɔkɔ́-ƃelai kélee da ńyee mu-nuui Nɛbukinaza nyíi gáa a Babelɔŋ kaloŋ tôlii ŋa pá a dia dí kɔ́ pɛ́lɛ Zuda ma da ŋɔnûai. Da pâi kɔ́ pɛlɛ̂i ǹɔii-ŋuŋ-ŋai díkaa kákɔlɛ mai dia. Ǹyaŋ a kɛ̀ tí, ŋa pâi Zuda da gɔlɛ ma lɔiii-ŋuŋ-ŋai su-ƃela kélee kpɔ́ kpúŋ paâi ŋá ǹaa lɛɛ a bûŋ wɔ́lɔ-wɔ́lɔ. Tãi ǹûai da pâi ǹaa kâai lai, dí láa a pâi kpâlai dîa. Ǹaa a pâi kɛ̂i a yao-maa kwaa ma, ǹûai díkɛ díŋuŋ mɛi tée lono kɛ̀.

Ɉeremi 26:6

À kɛ̀ kawala káwoli tɔ́ɔ ḿâ, gɛ̀ ní ŋa pâi Ŋápɛrɛ Kɛ́tɛi nyíi gáa Zerusâlɛŋ wôloi yɛ̂ɛ berei ŋá ŋásua kɔ̂lɔ-pɛrɛi m̀aa-ŋuŋ wòlo la Siloi. Ǹyaŋ, tãi ŋa pâi gɛ̂i tí lai, núu kélee a pâi Zerusâlɛŋ láa kɛ̂i a ǹaaŋ-lâa-sɛŋ.”

Ɉeremi 44:22

Kálɔii kâa sâa a bûŋ, núu da fé naa lônii ma. Ǹaa káa sâa a yao ma kwaa ma, nûa dí kɛ́ dífoo a ǹaa láa, kpɛ́ni fêi, Yâwɛɛ fé ǹyée sèe ní kámɛni nyɔ́mɔɔi da káŋwana lɔ̂ɔ tua-ŋai mu.

Izikiɛ 30:7

Ize lɔii a pâi kɛ̂i a lɔii pûŋ é tɛ́ɛ ǹɔii pûŋ-ŋai kélee dîa ŋ̀éniɛi su. Ǹaa taa-lee-ŋai kélee da pâi kɛ̂i a taa pûŋ é tɛ́ɛ daa lêe-ŋai kélee díkaa a dípûŋ dîa ŋ̀éniɛi su.

Danîa 9:12

M̀ɛni kpɔ̂lui í mò a gɛɛ a pâi kɛ̂i a kûa kwa kúmɛi-ƃelai gélee ŋàa-see a kɛ́. Mɛni kpɔ̂lu da fé tá kɛ́ ní ɣele ma é kɛ́ yɛ̂ɛ m̀ɛnii kɛ̀ a Zerusâlɛŋ-ƃelai.

Amɔsə 2:5

M̀ɛni ma, ŋa pâi ŋɔŋ pilîi Zuda ma, a gɛɛ é Zerusâlɛŋ ŋɔkóli-ŋai kéreŋ.”

Amɔsə 3:2

“Káa nɔ ƃe ŋá kalɛ̀ ǹɔii-ŋûŋ-ŋai kélee sama. M̀ɛni ma ŋa pâi tɔ̂ŋ kpɛ́i kâa kásɔnyɔ̂ŋ-ŋai kélee mɛni ma.

Mise 6:16

Nyíŋi a pâi kɛ̂i, kpɛ́ni fêi, ka pîlaŋ gâloŋ Oŋri ŋɔtûa-pere nyɔ́mɔɔ-ŋai pôlu da ǹóŋ Eɣa nyii máŋ è kɛ̀ a kâloŋ. Ka pîlaŋ dímɛni kpɛ́tɛɛ nyɔ́mɔɔ-ŋai pôlu ǹyaŋ ŋa pâi ká su karâi, núu kélee é ká kpɔara. Núu kélee a pâi ŋ̀ɛ́i naŋînii ká mɛi.”

Zasua 6:18

Ká fé zãai ŋí da siɣe nyíi-ŋai kwa dísu karâai. Kà gɛ̀ tí, a pâi pâi a mɛni kpɔ̂lu da su kâra kúpɔ.

Piɛrə dɔlɔɔ 4:17

Kpɛ́ni fêi, mɛni-ŋa-tee-tãi a pá a gɛɛ gɔ́ɔ é pîlaŋ Ɣâla ŋɔpɛ́rɛi-mu-ƃelai dîa, ǹyaŋ à kɛ̀ gɔ́ɔ à pîlaŋ kûa, gɛ̀ ní le ƃe pâi kɛ̂i a diai dífa díwoli tɔ̀ɔ Ɣâla ŋɔtuŋ lɛ́lɛɛi mai?