Ɉeremi 24:6 - Bible

⁶ Ŋa pâi dímɛi kâai a ǹɛ́lɛɛ é lɛ́ɛ la zu ŋá pá a dia pôlu ǹɔii ŋí su. Ŋa pâi gɛ̂i dí tɔ́ɔ. Ḿve pâi mɛni ŋánaa da kɛ̂i a dia. Ŋa pâi dísame pîlanii. Ḿve pâi díƃulenîi.

Yálá laawoo hɛɓɛ (dc)

⁶ Gáá ɲɛ̨́i lɛlɛɛ heei diɛ a wɛlikɛmąąlaa. Gáá pai pənəi ŋį́ pa a diɛ nɔi ŋɛ̨i hu, ŋį́ di tɔɔ, vá kɛa di kala. Ŋą́ di hin, vá kɛa di kulɔ a di nwun.

Yálá laawoo hɛɓɛ

⁶ Gáá ɲɛ̨́i lɛlɛɛ heei diɛ a wɛlikɛmąąlaa. Gáá pai pənəi ŋį́ pa a diɛ nɔi ŋɛ̨i hu, ŋį́ di tɔɔ, vá kɛa di kala. Ŋą́ di hin, vá kɛa di kulɔ a di nwun.

Ɉeremi 24:6 ပူးပေါင်းရင်းမြစ်များ

Zɛnɛse 44:21

Nya ƃe í mò kûa a gɛɛ kú pá la ípɔ í íŋɛi láa ma.

Kɔlɔnikɔ Veerɛi 16:9

Diai kélee da díkili tɔ̀ɔ Yâwɛɛ mai, a ŋɛ́i sìa kpɔ́ ǹɔii gwaa kélee ma gɛ́ dí mɛi kâa gɛ́ dítɔɔ̂i kpanaŋ. Í tùa a ƃoo-pere, mɛni ma kɔ́ fé pâi kpɛɛ̂i ípôlu.”

Nehemi 5:19

Ŋá Ɣâla fɛ̀li a gɛɛ é lûwa láa ḿâ m̀ɛni-ŋai kélee mɛni ma nyii ŋá kɛ̀ gɛ̂i ǹûai mɛni mai.

Mąątɛ̨nɛ̨ 34:15

Yâwɛɛ káa deniŋ ƃô-ƃelai mɛi kâai, ŋ̀óli tɔ̂ɔ díwɔlɔ-wooi mâ.

Mąątɛ̨nɛ̨ 44:2

Dí m̀o kûa berei diai dífe láa ní a ímaa mɛ̂nii, í díkpɛ̀ la ǹɔii ma, í dɛ́ɛ ínûai pɔ́i. Kú m̀ɛni berei í lɔii-ŋuŋ-ŋa su-ƃela kula maa kɛ̀ la, da berei í lûwa làa la ínûai dîa a gɛɛ dí ƃûu ƃói.

Azaya 14:1

Yâwɛɛ a pâi ŋɔnûai Eezuɛ-ŋai ŋɛ́i-malôŋ kâai ŋɔ́nɔ é pá a dia pôlu díkpɔɔi lɔii su. Ǹɔii-ŋuŋ da kpɛ́ni-ŋa su-ƃelai da pâi pâi da dîa-ni dí ƃò naa.

Azaya 60:21

Ínûai kɛ́ mɛni kélee a pâi kɛ̂i a zã́a. Ǹɔii a pâi kɛ̂i a dí pɔ́ɔ wɔ́lɔ-wɔlɔ. Ŋá díkpɛ̀tɛ, ŋá dísi, a gɛɛ dí ŋá kɛ́tɛ-laai lɛ́ núu kélee ma.

Ɉeremi 1:10

Ye gɔ́lɔŋ a gɛɛ ŋa sâa í tɛɛ̂i a ŋáwala-walai lɔii-ŋuŋ-ŋa da kâloŋ-laa-ŋa pɔ́ naa a gɛɛ í ŋáworɛ̂-wooi ƃó dîa. Ŋ̀orɛ̂-wooi ŋí ƃa a gɛɛ da pâi da-ŋa ƃúlenii, dí da-ŋa kula, dí da-ŋa yee mɛi ɣále, dí da-ŋa su-kara, dí da-ŋa tɔɔ, dí da-ŋa sí.”

Ɉeremi 12:15

Kɛ́lɛ, tãi ŋa pâi kpɛɛ̂i la a díkulaa naai, ŋa pâi ŋɔ́nɔ dímalôŋ kâai, ŋá pá a dia pôlu díkpɔɔi lɔii su tɛi-tɛi.

Ɉeremi 16:15

Kɛ́lɛ, da pâi kɛ̂i m̀ôi dîɛ gɛ̀-ɣele-ma Ɣalai ƃé Eezuɛ-ƃelai kùla ya-ŋua pere lɔii-ŋai da ǹɔii-ŋuŋ da kpɛ́ni-ŋai su ƃɛ́i dí kɛ̀ a dítaa-taa naai, é pá a dia díkpɔɔi lɔii su, nyíi ŋá dɛ̀ɛ dínâŋ pɔlɔ-ŋai pɔi. Ńyãa Yâwɛɛ ƃé mò tí.”

Ɉeremi 21:10

Kpɛ́ni fei, ŋaâ ŋ́ɛi sée daai ŋí ma a mɛni kpɔ̂lu. Ḿve pâi mɛni lɛ́lɛɛ da kɛ̂i naa. Ŋa pâi dɛɛ̂i Babelɔŋ kaloŋ pɔ́. A pâi naa kéreniî. Ńyãa Yâwɛɛ ƃé mò tí.’ ”

Ɉeremi 23:3

Ŋa pâi ŋánûai ŋáa lɛɣɛ̂i díkîe ma nyii-ŋai dítaa-taai ǹɔii-ŋuŋ da kpɛ́ni-ŋai sui, ŋá pá a dia dípɔ-taai. Da pâi nîa-pɛlɛɛ-ŋa sɔlɔ ƃôi, dítama.

Ɉeremi 29:10

Yâwɛɛ è mò ǹyɛɛ, “À kɛ̀ Babelɔŋ a gɛ̀ ká mɛi a kóraŋ buu lɔ́ɔlu mɛi feerɛ, gɛ̀ ní ká malôŋ a pâi ńzoniî ŋákono-teei kíli a pâi toôi ŋá, ŋá pá a káa pôlu ká pɔ́-taai.

Ɉeremi 31:28

Berei nɔ́ ŋátãi sìɣe la ŋ́gɛ díƃuleŋ, ŋ́gɛ dítòo, ŋ́gɛ díwoloi, bere nɔ́ ƃé ŋa pâi tãi siɣêi la ŋá dísi, ŋá dítɔɔ ŋɔ́nɔ pôlu.

Ɉeremi 31:4

Ŋa pâi gɛ̂i ká kɛ́ a ká kɛ́-pere pɔlɔi. À kɛ̀ tí, gɛ̀ ní ka pâi ká nyɛ́ŋ-nyɛŋ-ŋai siɣêi ká kɛ́ mã̀la a koi-nɛɛ-pere.

Ɉeremi 32:37

Ŋa pâi ǹûai ŋáa tɛ̂i gîe ma, ŋá díkula ǹɔii-ŋuŋ-ŋai kélee ŋá dítaa-taa zui su a tãi ŋá kɛ̀ a ńii ŋwánaa lai, ŋá pá a dia pôlu gwaai ŋí ma a gɛɛ dí kɛ́ ƃò ŋuŋ-ma ƃô su.

Ɉeremi 32:41

A pâi ńii nɛ̃ɛ̂i ŋá mɛni lɛ́lɛɛ kɛ́ dîɛ. Ŋa pâi gɛ̂i dí sée ǹɔii ŋí su teniŋ ƃô pere su wɔ́lɔ-wɔlɔ da wɔlɔ-wɔlɔ.

Ɉeremi 33:7

Ŋa pâi gɛ̂i Zuda da Eezuɛ dí ƃûu ƃó, ŋá dí kɛ́ yɛ̂ɛ berei dí wɔ́lɔ kɛ̀ la a bɔlɔi.

Ɉeremi 33:9

Zerusâlɛŋ-ƃelai da pâi lii-nɛ̃ɛ kulâi, dí ƃâa kɛ́ ḿâ, dí ŋáfolo-laai maa tɛ́. À kɛ̀ tí, ŋ̀éniɛi su-ƃelai kélee da pâi yaôi dí kɛ́ kpɛ̃liŋ tãi da pâi m̀ɛni lɛ́lɛɛ-ŋai ŋá gɛ̀ Zerusâlɛŋ, maa tûŋ mɛnîi lai, da berei Zerusâlɛŋ a pâi ƃûu ƃôi lai.”

Ɉeremi 39:12

“Lí í Zɛlemaya kɔ́ri, ímɛi káa. Ífe mɛni ŋánaa sii da kɛ̀ la. Kɛ́lɛ m̀ɛnii nyíi kélee a mò yâi, gɛ́ mì.”

Ɉeremi 42:10

‘À kɛ̀ ka ŋ̀wɛ̂lii kálɛɛ ǹɔii ŋí ma kákaa naai, gɛ̀ ní ŋa pâi káseêi kulâi. Ḿve pâi ǹɛɛ̂i naa káa tóo. Ŋa pâi kásîi ƃɛ́, fa ká wèeŋ. Berei sîi ŋá kákùla maa kɛ̀ lai, aâ gɛ́ malôŋ a too ḿâ a ŋ̀ánaa.

Izikiɛ 36:24

Ŋa pâi kákulâi ǹɔii-ŋûŋ-ŋai su ŋá pá a káa kákpɔɔi lɔii su.

Amɔsə 9:14

Ŋa pâi pâi pôlu a ŋánûai Eezuɛ-ŋai nyii-ŋai kɛ̀ luɛ-laa sui. Da pâi dítaa wóloɔ-ŋai tɔɔ̂i pôlu dí sée dísu. Da pâi kpɔmɔ ƃa kpalaŋ-ŋai kɛ̂i dí ŋwã̂ai kula dísu dí gbele. Da pâi máŋ sûa-ŋa kulâi dí sí-sãa sí dísu dí mii.”

Dutɛrɔnome 11:12

Káɣâlai Yâwɛɛ kpaaŋɔɔ̂i ǹɔii ŋí mɛni ma. A màa kpɛ̀ɛ a tãi kélee.

Piɛrə dɔlɔɔ 3:12

Kpɛ́ni fêi, Nuu-namui ŋ̀ɛi káa dɔ̃yâ-ƃelai dîa, ŋ̀óli lá ƃóɔ a gɛɛ é Díɣâla-fɛli-wooi mɛni. Kɛ́lɛ, Nuu-namui ŋ̀ɛi seɛɛ̂i mɛni nyɔ́mɔɔ kɛ́-ƃelai dîa.”