Ɉeremi 24:10 - Bible

¹⁰ Ŋa pâi kɔ́ toôi dísama, ŋá puru tóo dîa, ŋá tela kɔlɔ-fela nyɔ́mɔɔ píli dîa é lɛ́ɛ la zu ŋá díkelee kpɔ́ dípaa díkula ǹɔii ŋí su nyíi ŋá wɔ́lɔ dɛ̀ɛ dínâŋ pɔlɔ-ŋai pɔi.”

Yálá laawoo hɛɓɛ (dc)

¹⁰ Gáá kɔ́ pɛlɛi diɛ, ŋį́ pulu too diɛ, da ɲɔ̨n, əlɛɛ ɉu, di kpɛɛ nɔi ŋɛ̨i hu, yai ŋą́ dɛɛ di pɔ da di nąnni.»

Yálá laawoo hɛɓɛ

¹⁰ Gáá kɔ́ pɛlɛi diɛ, ŋį́ pulu too diɛ, da ɲɔ̨n, əlɛɛ ɉu, di kpɛɛ nɔi ŋɛ̨i hu, yai ŋą́ dɛɛ di pɔ da di nąnni.»

Ɉeremi 24:10 ပူးပေါင်းရင်းမြစ်များ

Tɔɔɓɛlaa dɔlɔɔ 14:15

Yâwɛɛ a pâi Eezuɛ kula maa kɛ̂i. A pâi kɛ̂i yɛ̂ɛ kpalo a kɛ̀ túmo-tûmoi yá ŋá. A pâi Eezuɛ kulâi ǹɔii lɛ́lɛɛi ŋí ma nyíi è dɛ̀ɛ dínâŋ pɔlɔ-ŋai pɔ́i. A pâi dítaa-taai Yufeletii Ya-leei pôlu pere, kpɛ́ni fêi, dí ǹíi ŋwàna a wúru kôya-ŋa tɔ̀ɔ díɣâlai Asira fɛ̀li mɛni ma.

Azaya 51:19

Mɛni kpɔ̂lu seɛ́ɛ gîe mɛi feerɛ ŋánaa a láa kâa. Kɔ́ a kálɔii su kara, puru kɛ́ kápàa, Kámalôŋ káa nuu da fé ŋɔ́nɔ ma.

Ɉeremi 14:12

A nɛ̃ɛ ma kpîŋ dísûŋ siɣe, ḿve pâi ŋ́oli tɔɔ̂i díwɔlɔ-woo ma. A nɛ̃ɛ ma kpîŋ díkereŋ-sala da mii-sɛŋ sala kula, ḿve pâi ńyee seêi dímu. Kɛ́lɛ, ŋa pâi dípaâi a kɔ́, puru su kɛ́tɛ da kɔlɔ-fela nyɔ́mɔɔ.”

Ɉeremi 15:2

À kɛ̀ da ímarê kɛ̀, ‘Mí ƃé kwa liî naa?’ M̀ó dîa, m̀ɛnii Yâwɛɛ è mòi ƃa: ‘Diai gbɛtɛɛ̂i dímɛni ma a gɛɛ dí sáai, dísaa. Diai pâi lɛɛ̂i kɔ́-sui, dílɛɛ kɔ́ su. Diai gáa a sɛŋ puru é dípâai, é dípaa. Diai da pâi liî a dia kɔ-sôŋ laa sui, dí lí kɔ-sôŋ laa su.’

Ɉeremi 16:4

Kɔlɔ-fela nyɔ́mɔɔ a pâi dípaâi, núu da fé pâi dímaa ḿâloŋ sèe ƃôi, kpaa máŋ dí díloo. Da pâi dípoma ŋáa tɛ̂i gîe ma yɛ̂ɛ sua-kpô nyíi da bù sí-sɛŋ kɔ́ɔ mùi. Da pâi dípaâi kɔ́ su, kpaa puru é dípaa. À kɛ̀ tí, ŋ̀ɔni-ŋai da vɛnɛ-sãai da pâi dípoma miî.

Ɉeremi 19:7

Ŋa pâi gwaai ŋí ma kɛ̂i a pîleŋ ŋá. Ŋá Zuda da Zerusâlɛŋ dímɛni kpɛtɛɛ-ŋai kélee su kara. Ŋa pâi gɛ̂i dínûai dí lɛ́ɛ kɔ́ su díkpɔara-ƃelai yée mu. Ŋa pâi dípoma tɛɛ̂i ŋ̀ɔni-ŋai pɔ́ díkaa ŋ̀elei sui da vɛnɛ-sãai díkaa ǹɔii mai a dí kɔ́nɔ̃ŋ.

Ɉeremi 21:9

Ǹúui nyíi pâi lɛɛ̂i daa lêei ŋí sui, a pâi lɛɛ̂i ƃóa-sɔ̂kpɔ, puru, kpaa máŋ kɔlɔ-fela nyɔ́mɔɔ yée mu. Kɛ́lɛ, ǹúui nyíi pâi kulâi banaŋ mâ é gbîŋ tɛɛ Babelɔŋ-ŋai pɔ́i, a pâi lɛɛ̂i ɣele ma. Ŋɔfúlu-laai a pâi kɛ̂i a ŋɔfela-fei.

Ɉeremi 27:8

“Kɛ́lɛ lɔii-ŋuŋ da, kpaa kâloŋ-laa nyíi vé pâi fâai a gɛɛ é tíi kɛ́ Babelɔŋ kaloŋ Nɛbukinaza mii, ŋa pâi maa nuui tí kula ma kɛ̂i a kɔ́, puru, da kɔlɔ-fela nyɔ́mɔɔ. Ŋa pâi Nɛbukinaza kɛ̂i é m̀aa lɔii tí su kara kpɔ́ kpúŋ.

Ɉeremi 29:17

‘Ŋa pâi kɔ́ toôi dîa, puru é dí páa, ŋá kɔlɔ-fela nyɔ́mɔɔ píli dí sáma dí kɛ́ yɛ̂ɛ fîi wuru-ƃa lûlaa nyíi núu fa pɔ̂ri m̀iî.

Ɉeremi 29:18

Ŋa pâi díkpɛ̂i a ƃóa-sɔ̂kpɔ, puru, da kɔlɔ-fela nyɔ́mɔɔ. Ŋa pâi gɛ̂i ŋ̀éniɛi su lɔii-ŋuŋ-ŋai da dí kâa, dílaa é kpála dîa. Nûa da pâi dísĩa miî a dia, díkɛ ƃò a yao maa-sɛŋ, dí dílaa kɛ́ a ǹaɣa-laa-sɛŋ.

Ɉeremi 32:24

“Babelɔŋ kɔ-kuluƃa-ŋai da dí sãai kpɛtɛ da dínaŋ daa-lêei ma a gɛɛ dí daai sóŋ. Da nâa pɛlɛ daai ma a kɔ́. Kɔ́, puru, da kɔlɔ-fela da pâi gɛ̂i dí daa-lêei sóŋ. Ye gáa a gɛɛ m̀ɛnii í mòi, gélee kpɔ́ a kɛ̂i.

Ɉeremi 32:25

Kɛ́lɛ yá, Ŋ̀wála-wâla kélee Yâwɛɛ, í mò ḿâ a gɛɛ ŋá ǹɔii kpuai ŋí yá sêre-ŋa kɛ́ ƃò ma, berei máŋ Babelɔŋ-ŋai da pâi ǹɔii ŋí sonîi lai.”

Ɉeremi 34:17

M̀ɛni ma, ńyãa Yâwɛɛ ŋá mò a gɛɛ ká ŋ́oo pìli. Káfe káƃarâa Eezuɛ-ŋai ŋuŋ-ma ƃó ní. Mɛni lɛ́lɛɛ ká tí. Gɛ̀ ní ŋa pâi ŋuŋ-ma ƃo tɛɛ̂i kápɔ. A pâi kɛ̂i a ŋuŋ-ma ƃô nyíi pâi gɛ̂i kálɛɛ kɔ́ su, kɔlɔ-fela é káta-ŋa paa kpaa puru. Ŋa pâi gɛ̂i ǹɔii ŋuŋ-ŋai díkaa ŋ̀éniɛi sui dílaa é kpála dîa m̀ɛni-ŋai ŋa pâi gɛ̂i a káai mɛni ma.

Ɉeremi 42:17

Diai kélee daâ gbɛtɛ díkili ŋá a gɛɛ dí lí Izei, da pâi saâi naa kɔ́ su, puru yêei, kpaa máŋ kɔlɔ-fela su. Díta tɔnɔ kpîŋ fé pâi ƃâloi, kpaa máŋ dítɔnɔ ta é kúla m̀ɛni kpɔ̂lui su nyíi ŋa pâi la naa dîai.’

Ɉeremi 42:22

Nyíŋi é lɛ́ɛ kákili ŋá a gɛɛ ka pâi lɛɛ̂i kɔ́ su, puru da kɔlɔ-fela dí kápaa ǹɔii su ƃɛ́i ka pâi liî ká sée naai.”

Ɉeremi 5:12

Da lɛ́ɛ támaa kɛ́ a pîlaŋ Yâwɛɛ ma da m̀ó dîyɛɛi, “Vé pâi sɛŋ da kɛ̂i. Mɛni nyɔ́mɔɔ da fé pâi kú kɛ̂i. Púru fé pâi toôi kûa kpaa kɔ́ é pá kûa.

Ɉeremi 9:15

M̀ɛni ma, ńyãai a Ŋ̀wála-wâla kélee Yâwɛɛ nyíi gáa a Eezuɛ-ŋai Díɣâlai, ŋa môi a gɛɛ ŋa pâi sɛŋ wã́naa tɛɛ̂i dípɔ a dí kɔ̃́nɔŋ. Ŋá ŋ̀ale-maa tɛ́ɛ dípɔ a díkpele-sɛŋ.

Ɉeremi 9:16

Ŋa pâi dítaa taâi ǹɔii-ŋuŋ-ŋai su nyíi dínâŋ pɔlɔ-ŋai, kpaa máŋ dia kpîŋ dífe zu kɔ́lɔŋ. Ŋa pâi kɛ̂i dípôlu a ƃóa-sɔ̂kpɔ é lɛ́ɛ la zu ŋá díkelee kpɔ́ dípaa.”

Izikiɛ 33:27

“Mó dîa Ŋ̀wála-wâla kélee Yâwɛɛi ǹyɛɛi, ‘Tãi nɔ́ ŋ́gaa la ɣele mai, diai díkaa daa pîleŋ-ŋai ŋái da pâi lɛɛ̂i ƃóa-sɔkpɔ-ŋa mu. Diai pâi kɛ̂i ǹɔɔi sui, ŋa pâi dítɛ̂ɛi ǹɔɔ-fɛnɛ-sãai pɔ dí dípaa. À kɛ̀ tí, diai pâi kɛ̂i gɔni wôlo-ŋai sui da diai pâi kɛ̂i daa-ŋai su ƃɛ́i kɔkuluƃa támaa káa naai, ŋa pâi dípaai a kɔlɔ-fela nyɔ́mɔ.

Izikiɛ 6:11

Yâwɛɛ Ɣâla è mò ǹyɛɛi, “Ka káyee-ŋa lokwa, ka kákɔɔ pîlaŋ ǹɔii ma ká mò kaai áao Eezuɛ-ŋai dímɛni nyɔmɔ-ŋai mɛ̂ni ma. Kpɛ́ni fêi da pâi lɛɛ̂i mòa-sɔkpɔi mu, puru é dípaa, kɔlɔ-fela é dísoŋ.

Izikiɛ 7:15

Ǹûai da pâi kɛ̂i kɔ́kɔi ǹɔii su. Puru da kɔlɔ-fela da pâi kɛ̂i ǹûai dîa daai su. Diai pâi kɛ̂i ǹɔii sui, da pâi lɛɛi gɔi su. Diai díkaa daai sui, puru da kɔlɔ-fela da pâi dí pâai.

Dutɛrɔnome 28:21

A pâi kɔlɔ-fela pilîi kâa é lɛ́ɛ la zu kásu é kara ǹɔii ma ka liî naai.

M̀ɛni-lɛɛi 6:8

Nya ƃe, ŋá soo kpálaa tɔnɔ kàa. Ǹúui kɛ̀ see ni mɛi, ǹáa è kɛ̀ a Saa, Saa-taa kɛ́ ƃò bôlu. Ǹyaŋ dí wála-wâla tɛ̀ɛ dípɔ ǹɔii gbua-loŋ mɛi a gɛɛ dí núu páa a ƃóa-sɔkpɔ, puru, kɔlɔ-fela, da lɔɔ-fɛnɛ-sãai.