Ɉeremi 23:8 - Bible

⁸ Kɛ́lɛ, da pâi dífôoi a ńaa dí mó a gɛɛ gɛ̀-ɣele mâ Ɣalai ƃé Eezuɛ-ƃelai kùla yá-ŋua-pere-ƃelai yêei, é pɛ́lɛ ǹɔii-ŋuŋ-ŋai dí kɛ̀ a dítaa-tâa zui, su. Gɛ̀ ní da pâi seêi díkpɔɔi lɔii su.”

Yálá laawoo hɛɓɛ (dc)

⁸ Kɛlaa da kɛ diɛ: ‹Yai-Laa kaa a vulú, yai Israɛlə lonnii kulɔ ɲələi pələ lɔiɠaa hu, da lɔiɠaai kpɔ kɛ di taɠa taɠaa ɉu, diɛ di ɲąąkpɔn nwɔ lɔi hu.›»

Yálá laawoo hɛɓɛ

⁸ Kɛlaa da kɛ diɛ: ‹Yai-Laa kaa a vulú, yai Israɛlə lonnii kulɔ ɲələi pələ lɔiɠaa hu, da lɔiɠaai kpɔ kɛ di taɠa taɠaa ɉu, diɛ di ɲąąkpɔn nwɔ lɔi hu.›»

Ɉeremi 23:8 ပူးပေါင်းရင်းမြစ်များ

Azaya 11:11

Maa ɣêlei tí a sèri, Ǹuu-namui ŋɔnûai kélee lɛ̀ɛ Asiria, Ize, Patulo, Itiopia, Elaŋ, Babelɔŋ, Ama da yúo kɔlɛ ma lɔii-kpiniŋ-ŋai mai, a pâi díkulâi naa a ŋɔwála-walai é pá a dia pôlu.

Azaya 14:1

Yâwɛɛ a pâi ŋɔnûai Eezuɛ-ŋai ŋɛ́i-malôŋ kâai ŋɔ́nɔ é pá a dia pôlu díkpɔɔi lɔii su. Ǹɔii-ŋuŋ da kpɛ́ni-ŋa su-ƃelai da pâi pâi da dîa-ni dí ƃò naa.

Ɉeremi 16:14

Yâwɛɛ è mò ǹyɛɛi, “Tãi káa pâi ǹûai dífe ŋɔ́nɔ pâi dífôoi a ńyãa Ɣâla ńaa nyíi gáa a gɛ̀ ɣele mâ Ɣalai, a gɛɛ ńyãa ƃa Eezuɛ Ŋɔɣâlai nyíi dí kula Ize lɔii sui.

Ɉeremi 16:15

Kɛ́lɛ, da pâi kɛ̂i m̀ôi dîɛ gɛ̀-ɣele-ma Ɣalai ƃé Eezuɛ-ƃelai kùla ya-ŋua pere lɔii-ŋai da ǹɔii-ŋuŋ da kpɛ́ni-ŋai su ƃɛ́i dí kɛ̀ a dítaa-taa naai, é pá a dia díkpɔɔi lɔii su, nyíi ŋá dɛ̀ɛ dínâŋ pɔlɔ-ŋai pɔi. Ńyãa Yâwɛɛ ƃé mò tí.”

Ɉeremi 23:3

Ŋa pâi ŋánûai ŋáa lɛɣɛ̂i díkîe ma nyii-ŋai dítaa-taai ǹɔii-ŋuŋ da kpɛ́ni-ŋai sui, ŋá pá a dia dípɔ-taai. Da pâi nîa-pɛlɛɛ-ŋa sɔlɔ ƃôi, dítama.

Ɉeremi 29:14

Yâwɛɛ è mò ǹyɛɛ, “Ka pâi ŋ́gâai. À kɛ̀ tí, ŋa pâi lenêi pôlu a káa, ŋá ká sée kákpɔɔi lɔii su. Ŋa pâi ká kulâi ǹɔii-ŋai su ŋá ká tɛ̀ɛ naa kɔ-sôŋ-laa sui, ŋá pá a káa pôlu. Ńyãa Yâwɛɛ ƃé mò tí.”

Ɉeremi 30:10

M̀ɛni ma, ŋánua, káfe yào. Káai a Eezuɛ-ƃelai kálii fé kpɛ̃̀liŋ kákoi. Ŋa pâi káŋuŋ-maa ƃôi ká kúla ǹɔii kôyaai tí su, ǹɔii nyíi kákaa zu a kɔ-sôŋ-ŋai. Ka pâi lenêi pôlu kálɔii su kásee naa lii-see su. Ka pâi kɛ̂i a káŋuŋ maa ƃóɔɔ, núu da fé pâi ká maa yaôi.

Ɉeremi 30:3

Ɣele da a pâi pâi tãi ŋa pâi Eezuɛ da Zuda-ƃelai kɛ̂i la dí lene pôlu ǹɔii su ŋá wɔ́lɔ dɛ̀ɛ dínûa pɔlɔ-ŋai pɔ́i. Ǹyaŋ a pâi kɛ̂i a dípɔɔ. Ńyãa Yâwɛɛ ƃé mò tí.”

Ɉeremi 31:8

Ŋa pâi díkulâi yá-ŋua-pere ŋa pá a dia, ŋa díŋa tɛ́ díkîe ma ŋá dí kúla ŋ̀éniɛi kɔ̃́yɛŋ ma. Ŋ̀ɛi-pu ƃelai, é pɛ́lɛ diai dí kɔ́liŋɔ̂ɔi da pâi pâi díkîe ma, goo-nia-ŋai da diai díkaa koi-tee sui da pâi pâi. Da pâi kɛ̂i a lɔii-ŋuŋ kɛ́tɛ dí kɛ́ pà.

Ɉeremi 32:37

Ŋa pâi ǹûai ŋáa tɛ̂i gîe ma, ŋá díkula ǹɔii-ŋuŋ-ŋai kélee ŋá dítaa-taa zui su a tãi ŋá kɛ̀ a ńii ŋwánaa lai, ŋá pá a dia pôlu gwaai ŋí ma a gɛɛ dí kɛ́ ƃò ŋuŋ-ma ƃô su.

Ɉeremi 8:3

Ǹúu kpului nyíi pâi lɛɛ̂i ŋ̀wana lɔ̂ɔ nuu-suui nyíi-ŋai ŋá díkùla ƃɛ́i pɔ́ɔ ŋái, a pâi kɛ̂i ŋ̀wɛ̂lii é sáa é tɛ́ɛ la gɛɛ ɣele ma m̀a. Ńyãai ŋ́gáa a Ŋ̀wála-wâla kélee Yâwɛɛi, ńyãa ƃé mò tí.”

Izikiɛ 28:25

Ŋ̀wála-wâla kélee Yâwɛɛi è mò ǹyɛɛi, “Tãi ŋa pâi Eezuɛ-ƃelai kulâi la ǹɔii-ŋûŋ-ŋai su dítaa tâai naai, ŋá ŋámaa-waa laai maa tɛ́ dísamai, gɛ̀ ní da pâi seêi díkpɔɔi lɔii su nyii ŋá dɛ̀ɛ ńyee mu nuui Zeeka pɔi.

Izikiɛ 34:13

Ŋa pâi díkulâi ǹɔii da kpɛ́ni-ŋai su ŋá pá a dia pôlu Eezuɛ, díkpîŋ lɔii su. Ŋa pâi díkɔnɔŋ kulâi Eezuɛ yèe-ŋai tôŋ su ǹyá-ɣɛli-ŋai kɔlɛ. Ŋa pâi liî a dia ƃɛ́i kala ŋûnu támaa káa naa Eezuɛ lɔii sûi.

Izikiɛ 36:24

Ŋa pâi kákulâi ǹɔii-ŋûŋ-ŋai su ŋá pá a káa kákpɔɔi lɔii su.

Izikiɛ 36:35

Ǹyaŋ da pâi kɛ̂i môi dîyɛɛ ǹɔii ŋí kɛ̀ bûŋ gáa nâa yɛ̂ɛ Idiŋ-suai su. Daa lêe-ŋai dí zu-sãa kélee siɣe ǹaa é lɛ́ɛ a gbolôŋ. Díkaa nâa a taa lêe láa fɛ́ɛ siɣaŋ tínaŋɔɔ dîa.

Izikiɛ 37:25

Da pâi kɛ̂i ǹɔii ŋá wɔ́lɔ dɛ̀ɛ dínâŋ-ni pɔi su nyii ŋá wɔ́lɔ dɛ̀ɛ ǹyée-mu ǹuui Zeeka pɔi. Da pâi kɛ̂i naa da dílônii, é pɛ́lɛ dílônii díwɔ̂ lonii dîa wɔ́lɔ-wɔlɔ da wɔ́lɔ-wɔlɔ. À kɛ̀ tí, ńyee-mu nuui Deeƃé ŋɔsuui su nuu da a pâi kɛ̂i a díkâloŋ wɔ́lɔ-wɔlɔ da wɔlɔ-wɔlɔ.

Izikiɛ 39:28

À kɛ̀ tí, ŋá ǹûai da pâi gɔ̂lɔnii a gɛɛ ńyãa ƃa Yâwɛɛ nyii gáa a Díɣâlai. Kpɛ́ni fêi ŋá gɛ̀ dí lí kɔ-soŋ laa su lɔii-ŋuŋ da kpɛ́ni su, ŋá ŋɔ́nɔ gɛ́ dí pá pôlu díkpɔ̂ɔi lɔii su. Ḿve pâi ǹɛɛ̂i naa dí tɔnɔ kpîŋ é lɛ́ɛ lɔii da kpɛ́ni su.

Zooɛ 3:7

Kɛ́lɛ ŋa pâi díkulâi ƃɛ́i ká díkɔ̀lɛ naai, ǹyaŋ ŋa pâi kásɔnyɔ̂ŋ-ŋai pûi káŋûa.

Mise 7:15

Kúnuu-namui, ŋɛi-kɛ-maa kpaya-kpaya kɛ́ kúmɛni ma yɛ̂ɛ berei í gɛ̀ la tãi í kúkùla la Ize lɔii sui.

Sofoni 3:20

Maa ɣêlei tí, ŋa pâi pâi a ínûai pôlu dípɔ-taai nyii-ŋai dí táa-tâai, tãi ŋa pâi dítôlii la kwaa tɔ̂nɔ mai. Tɔ̃yâ ma ŋa pâi ƃaa-kɛ-maa da láa-maa-tɛ̂ tɛɛ̂i kápɔ ǹûai kélee sáma ǹɔii su, ŋ̀elei ŋa pâi pâi la a ŋánûai pôlu ŋá dí kúla-luɛ-laa sui.”