Ɉeremi 23:5 - Bible

⁵ Yâwɛɛ è mò ǹyɛɛ, “Tãi a pâi, maa tãi tí, ŋa pâi téniŋ ƃô kaloŋ siɣêi nyíi pâi kulâi Deeƃé ŋɔsuui sui. A pâi kɛ̂i a gâloŋ nyíi pâi ŋánûai mɛi kâai a táre-pere, gɛ́ tùa a táre-pere. A pâi pâi a tɔ̃yâ làa ǹɔii gwaa kélee ma.

Yálá laawoo hɛɓɛ (dc)

⁵ Yai-Laa woo ka, yɛ diɛ: «Yələ ta kaa pai həlii, gáá pai Davidə mąąpoo tɔɔi mą, yɛ pɛli nɔi ɲąąwooɓoi a tələnmolaa, yɛ tələnmolaa da tɛ̨ą di mąąkɔ̨nwɔ̨.

Yálá laawoo hɛɓɛ

⁵ Yai-Laa woo ka, yɛ diɛ: «Yələ ta kaa pai həlii, gáá pai Davidə mąąpoo tɔɔi mą, yɛ pɛli nɔi ɲąąwooɓoi a tələnmolaa, yɛ tələnmolaa da tɛ̨ą di mąąkɔ̨nwɔ̨.

Ɉeremi 23:5 ပူးပေါင်းရင်းမြစ်များ

Samia Veerɛi 23:3

Eezuɛ ŋɔwála-wala Ɣalai è mò ḿâ ǹyɛɛi, ‘Ǹúui a ŋɔnûai mɛi kâa a tɔ̃yâ-laa pere Ɣâla ŋɔyao maai sui,

Mąątɛ̨nɛ̨ 45:4

Ímu-siɣe ímu wûyɛ-laai su í kɔ́ yée mɛi ɣále tɔ̃yâ-laa da teniŋ ƃô-laa maa kɔ̃ɔ mɛni ma. Ya pâi lɔii ŋuŋ láa túɛ-ƃela wála-wala-ŋa dámaa yée mɛi ɣâlei a íwala-walai.

Mąątɛ̨nɛ̨ 80:15

Gbɔmɔ-kpâlaŋ ŋí í ǹá ƃòi, a ƃûu ƃôi a zu kɛ́tɛi, ye maa kpɛ́.

Mąątɛ̨nɛ̨ 99:4

Gâloŋ Kɛ́tɛi, íwɛlini a tɔ̃yâ da teniŋ ƃô mɛni. Yá ƃé tɔ̃yâ mɛni kɛ́ɛ kɔ́ɔ pìlaŋ Eezuɛ lɔii su. Yá ƃa gɛ́ tɔ̃yâ da teniŋ ƃô mɛni kɛ́ ƃò naa.

Azaya 33:5

Yâwɛɛ kɛ̂tɛi. Gáa sɛŋ kélee mɛi. A pâi Zerusâlɛŋ láa fɛ̂ɛi a teniŋ-ƃô da tɔ̃yâ laa.

Azaya 4:2

Maa ɣêlei tí, Yâwɛɛ a pâi gɛ̂i zí-sãai da ŋ̀úru-ŋai pâi kɛ̂i ǹɔii sui, da pâi kɛ̂i a díkpaya-kpaya, dílɛlɛɛ. Ǹyaŋ diai kélee pâi lɛɛ̂i Eezuɛi, da pâi zí-sãai ŋí m̀á ŋ̀aa-nɛ̃ɛ kulâi.

Azaya 42:6

“Ńyãa ƃa Yâwɛɛ. Ŋaâ ísiɣe zu a gɛ́ɛ í pá a teniŋ ƃô-laa ŋ̀éniɛi su. Ŋa wála-wala tɛɛ ípɔ, ŋ́gɛ ímɛi kâa. Ŋa pâi kpanaŋ-woo kɛ̂i ŋánûai yêei ísarâi, ŋá kwaa ponóɔɔ tɛ́ɛ ǹɔii-ŋai pɔ́ ísârai.

Azaya 45:24

“Da pâi môi a gɛɛ ńyãa tɔnɔ nɔ́ ƃé a gɛ̀ núu kponoi é kpanaŋ, gɛ́ tɔ̃yâ mɛni-ŋa kɛ̀. Diai da tɔ̀ɔ mai, da mɔ̃lɛ dí ŋumɛ.

Azaya 52:13

Yâwɛɛ è m̀o ǹyɛɛi, “Ŋá pâi gɛ̂i a gɛ́ɛ m̀ɛnii kélee ńyee mu nuui a ǹyée pìli zui, ŋ̀aa-see é kɛ́ ǹyêei a ǹɛ́lɛɛ, ƃaa kɛ́-maa kɛ́ ƃò m̀a.

Azaya 53:10

Yâwɛɛ a m̀ôi ǹyɛɛi, “Ńyãa ƃé gɛ̀ gɛ́ mɔ̃̀lɛ. Ŋɔsaai è kɛ̀ a sâla, ŋuŋ ma ƃô da su-mɛni lɛ̂ɛ mɛni ma. A pâi ǹônii kâai. À kɛ̀ tí ŋɔfúlu-laai su a pâi kôyaai. Yâwɛɛ ŋɔmɛni kpɛtɛɛi ŋ̀aa see pâi kɛ̂ zarâi.

Azaya 53:2

Yâwɛɛ ƃé gɛ̀ ŋɔtíi kɛ́-nuui kɛ́ ƃûu ƃò yɛ̂ɛ sí-sɛŋ ƃé lɔii lɛ́lɛɛ ma. Gbɛtɛ-pêre fé kɛ́ ní sɛŋ nyii núu a gàa, ǹíi mu é síɣe m̀ɛni ma. Sɛŋ da fé kɛ́ ní m̀a nyíi a pɔ̂ri núu da líi kulâi.

Azaya 9:5

Ǹɔii-ŋuŋ-ŋai kɛ̀ ǹûai lúanîi díkɔ kuluƃa-ŋai kɔ́ɔ ŋá-kɔlɔ-ŋai, da díŋãa sêɣe-ŋai da fé pâi lɛɛ̂i. Gélee a pâi kérenîi ŋɔŋ su.

Azaya 9:6

Daâ lóŋ maa sɔlɔ ƃó kûɛ! Daâ lóŋ-surɔ̂ŋ tɛ̀ɛ kúpɔ! Ǹyaa ƃé pâi kɛ̂i a kúkâloŋ. Kwa pâi kɛ̂i ma, “Ǹia-woo ƃó-nuu Kɛ́tɛi, Ŋ̀wála-wâla kélee Ɣalai, Ŋ̀wɔ́lɔ-wɔlɔ da Wɔ́lɔ-wɔlɔ Naŋ. Ǹii-sêe Tɛɛ Kâloŋ.”

Azaya 9:7

Ŋɔwála-walai kóyaŋ fé pâi wɔ́lɔ kɛ̂i ma. Lii-sêe a pâi wɔ́lɔ kɛ̂i nɔ́ ŋɔkâloŋ-laai su. Ǹyaa ƃé pâi kɛ̂i Gâloŋ Deeƃé pɔ́ɔ ŋá a kâloŋ. Wôya mɛni da kélee fé pâi kɛ̂i ŋɔkâloŋ-laai su wɔ́lɔ-wɔlɔ da wɔ́lɔ-wɔlɔ. Ǹyaŋ Ŋ̀wála-wâla Kélee Yâwɛɛ ƃé pâi m̀ɛni-ŋai ŋí kélee kɛ̂i dí kɛ́.

Ɉeremi 22:15

À kɛ̀ ya pɛ́rɛ tɔ̀ɔ a sîda wuru, gɛ̀ ní a pâi íkɛ̂i a kâloŋ lɛ́lɛɛ, kpɛ́ni fêi, ípɛrɛi lɛ̂lɛɛi é tɛ́ɛ ǹûai díwɔ̂i ma? Ínâŋ è ŋɔkɛ-ɣeniɛi kɛ̀ a lii-nɛ̃ɛ é seri gɔ̃yɛŋ ma. È kɛ̀ a téniŋ ƃô-nuu, zã́a. M̀ɛni ma gɛ́ mɛ̂ni kélee è ƃûu ƃò.

Ɉeremi 22:3

“Ńyãa Yâwɛɛ ŋa môi kâa a gɛɛ ká tɔ̃yâ mɛni da mɛni-sãa kɛ́. Diai ǹûai da dífilîi, ka dí kúla yêei kɛ́. Káfe tua-nyɔ̂ŋ kɛ̀ a ŋɔ̃́ya, tee-loŋ, kpaa máŋ pɔɔ-nɛyaa. Káfe núu da pàa gwaa-ma-waai ma nyíi vé mɛni nyɔ́mɔ da kɛ́ nii.

Ɉeremi 22:30

“Ǹalôŋ ŋí ŋɔmɛnii ŋáteɛ̂ɛi a gɛɛ ŋɔnîa-pɛlɛɛi dísaa, é kɛ́ a ǹúui nyíi gɛ́ mɛni da kélee ŋ̀aa sèe fé kɛ̂i. Zuu da fé pâi kɛ̂i ma é kɛ́ Zuda mɛi a Deeƃé pɔɔ-ŋa nuu. Ńyãa Yâwɛɛ ƃé mò tí.”

Ɉeremi 23:6

Tãi a pâi kɛ̂i la a kâloŋ, Zuda-ƃela da pâi ŋuŋ-maa ƃô sɔlɔ ƃôi. Lii-see kɛ́ ƃò Eezuɛ-ƃela yêei. Da pâi dôli a, ‘Yâwɛɛ ƃa kúƃalo-laai.’ ”

Ɉeremi 29:11

Ńyãa tɔnɔ nɔ́ ƃé m̀ɛni kpɛtɛɛ kɔ́lɔŋ nyíi gáa ká maa mɛ̂ni mai. Ŋa gbɛtɛ ŋ́gili ŋá a gɛɛ ŋá pá a mɛni lɛ́lɛɛ ká mɛni ma, kɛ́lɛ mɛni kpɔ̂lu fêi. Ŋa pâi gɛ̂i kili-kɛ zu kɛ́ ƃò káyêei ká ɣéniɛi tuɛ-pere mɛni ma.

Ɉeremi 30:3

Ɣele da a pâi pâi tãi ŋa pâi Eezuɛ da Zuda-ƃelai kɛ̂i la dí lene pôlu ǹɔii su ŋá wɔ́lɔ dɛ̀ɛ dínûa pɔlɔ-ŋai pɔ́i. Ǹyaŋ a pâi kɛ̂i a dípɔɔ. Ńyãa Yâwɛɛ ƃé mò tí.”

Ɉeremi 30:9

À kɛ̀ tí, gɛ̀ ní da pâi kɛ̂i tíi kɛ̂i ḿî, ńyãai ŋ́gaa a Yâwɛɛ nyíi gáa a Díɣâlai. Da pâi kɛ̂i tíi kɛ̂i Deeƃé ŋɔsuui mî nyíi ŋa pâi gɛ̂i a díkâloŋ.

Ɉeremi 31:27

“Ńyãa Yâwɛɛ ŋá mò a gɛɛ tãi káa pâi, maa tãi tí, ŋa pâi Eezuɛ da Zuda dílaa fɛ̂ɛi a núu-kpune da taa-tulɛ.

Izikiɛ 21:27

Ŋa pâi kátaa-leei lɛɛ̂i a gbolôŋ. Kɛ́lɛ ḿve pâi gɛi fɛ̂ɛ ŋa núu tɛɛ nyii pâi daa-leei ŋɔ m̀ɛnii ŋa-teei. Nya ƃe ŋa pâi dɛɛi bɔ.”

Izikiɛ 34:16

“Ŋa pâi ŋáƃala láɣaŋɔɔ-ŋai kɔ̂rii, ŋá pá a dia pôlu. Diai díkɔ̃liŋɔɔi, ŋa pâi díkɔɔ ma ɣirîi. Diai dífii kpɛɛ̂i, ŋa pâi kpɔŋ mâ tɛɛ̂i dí pɔ́. Nyii-ŋai díkpaya-kpayai da nyii-ŋai díwala-walaai, ŋa pâi dímɛi kâai. Ŋa pâi dímɛi kâai teniŋ ƃô-laa su.

Izikiɛ 34:29

Ŋa pâi lɔii lɛ́lɛɛ tɛɛ̂i dí pɔ́. Ŋa pâi puru kperâi dí lɔii su. Ǹyaŋ lɔii-ŋuŋ da fé ŋɔ́nɔ pâi ɣɛ́lɛ-maa kulâi díkpônoi.

Izikiɛ 45:8

Ǹɔii ŋí ƃé pâi kɛ̂i a ǹúu láa-tuɛ-nuui nyii gáa tíi kɛ̂i ŋɔlɔii. À kɛ̀ tí, ŋá núu-mɛi-ƃelai dífe ŋɔ́nɔ pâi tûai a Yâwɛɛ ŋɔnûai a wôya pere. Kɛ́lɛ da pâi ǹɛɛ̂i naa Eezuɛ-ŋai dí díkpɔɔi lɔii sɔlɔ ƃó yɛ̂ɛ berei dínuu-suui káa lai.

Danîa 9:24

“Góraŋ lɔ́ɔlu mɛi feerɛ seêi buu lɔ́ɔlu mɛi feerɛi kpɛɛ-ŋa tãi ƃé pâi kɛ̂i a káŋuŋ ma ƃò m̀ɛnii kɔ́ɔ pîlaŋ tãi da kátaa-lee maa waai. Zĩai ŋaa-see a pâi kɛ̂i. Ɣâla a pâi kásɔnyɔ̂ŋ su-mɛni lɛɛ̂i, é tɔ̃yâ-laa mɛni ƃóɔɔ kɔ́ɔ pîlaŋ kámɛni ma. A pâi gɛ̂i káa kpîŋ ka Ŋɔpɛ́rɛ Maa Waai tɛ́ɛ ŋɔ́nɔ bɔ́ pôlu.

Osia 1:11

Zuda da Eezuɛ-ƃelai da pâi ŋɔ́nɔ kɛ̂i zu tɔnɔɔ. Da pâi núu tɔnɔ lɛ̂i a dílaa túɛ-nuu. Da pâi dí lɔii siɣêi pôlu. Óoei, Zariɛɛ ŋɔɣelei a pâi kɛ́i a ɣele kɛ́tɛ. M̀ɛni ma ílîa-surɔŋ tóli a “Ŋánûai,” í ísaa-ƃɔlɔ tóli a “Ƃa maloŋ-kaa sɔlɔ ƃó.”

Osia 3:5

Kɛ́lɛ tãi a pâi tãi Eezuɛ-ŋai da pâi tínanîi la Yâwɛɛ pɔ́-pere nyii gáa a Díɣâlai, da Deeƃé nyii kɛ̀ a díkâloŋ. Gɛ̀ ní da pâi yaôi Yâwɛɛ ma, dí ƃɛlɛ-see lɛ́lɛɛ-ŋa sɔlɔ ƃó ǹyêei.

Amɔsə 9:11

Maa-ɣelei tí ŋa pâi Deeƃé ŋɔpɛ́rɛi siɣêi ŋá dɔɔ, nyii doɔ̂i, ŋá bɛ́ŋ pɛ́lɛ, ŋá mu siɣe ŋá dɔɔ yɛ̂ɛ berei è wɔ́lɔ kɛ̀ a dɔɔ́ lai,

Mise 5:3

Yâwɛɛ a pâi Eezuɛ-ŋai lɛɛ̂i luɛ-laa su é lɛ́ɛ la zu ǹɛnîi é ǹóŋ-surɔŋ maa sɔlɔ ƃó. Gɛ̀ ní ǹîa-ni nyii ŋai luɛ-laa sui, da pâi lenêi pôlu dí sée Eezuɛ lɔii su.

Zakari 3:8

Zasua, íwoli tɔ́ɔ, yái íkaa a zâla láa-soŋ-nuu kɛ́tɛi. Ǹyaŋ káai a zâla láa-soŋ-ƃela kpéli-ŋai, ka káwoli tɔ́ɔ: Káa ƃa ŋɛi-kɛ-maa mɛni lɛ́lɛɛ mɛni ma tínaa-tuɛ-pere. Ŋa pâi ńyee-mu-nuui lɛ̂i nyii da dòli a Ŋ̀oŋoi!

Zakari 9:9

Óo lii-nɛ̃̂ɛ kúla Zãiyɔŋ-loŋ-nɛnii! Óo Zerusâlɛŋ ǹóŋ-nɛnii, láɣi ɣelêi! Gáa, íkâloŋ káa pâi ípɔ! Zã̂ai ƃálo-laa kɛ́ ƃò ǹyêei, ǹíi maa yeŋɔɔ, gɛ́ ƃò seêni wɛlɛ-sôo-loŋ mɛi.

Maafîu 2:2

“Zûu-ŋai díkâloŋ nyii dímaa sɔlɔ ƃó ƃɛ́ a ninai ǹyaa kɔ̀ɔ? Kpɛ́ni fêi, ku ŋɔpɛmɛlɛ̂ŋ-kaoi kâa kúlɔii-su vóloi-ƃelai-pere. Nya ƃe kú pà a gɛɛ kúƃaa-kɛ-maa tɛ́ɛ ƃɔ́.”

Ɉaan 1:45

Fele e Natɛnia kàa e m̀o ma, ǹyɛɛi, “Kwâa gáa ǹúui Mose e m̀aa-mɛni pɔ̃̀yɛ dɔ̂ŋ su, nyii máŋ Ɣâla ŋɔlóno-kɛ-ƃelai dí m̀aa-mɛni pɔ̃̀yɛ, Zîsɛ Nâzarɛ-nuui, Zosɛ ǹóŋ.”

Ɉaan 1:49

Natɛnia e zu tòo, e m̀o ma, “Kaamɔ̂ɔ, íkaa a Ɣâla Ǹóŋ! Íkaa Eezuɛ Ŋɔkâloŋ!”

Korɛntə dɔlɔɔ 1:30

Nya ƃe kúfulu-laai a kûla ǹyêei Zîsɛ Kôrai kponôi, nyíi ǹyaa Ɣâla e gɛ̀ a ku-tárei, kútɔ̃yâ laa-lai, kúmaa-waa-laai, da kúmaa-tee-laai.

Hebreu 8:8

Kɛ́lɛ, è gàa a gɛɛ ǹûai dífe zoŋ ni a ǹɛ́lɛɛ, mɛni ƃe è mò la nyɛɛ, “Nuu-namui nyɛɛi, ŋele-ŋai da pâi pâi, tãi ŋa pâi kpanaŋ-woo nina kɛ̂i la Eezuɛ-ƃelai da Zudasi-ƃelai yêei.

M̀ɛni-lɛɛi 19:11

È kɛ̀ tí, ŋá Ɣâla-taa káa ǹá ƃóɔ. Ka gáa, soo kole è kɛ̀ naa! Ǹúui kɛ̀ see ni bôlui ǹáa ƃa Sã́a-laa da Tɔ̃yâ-laa. A mɛni ŋá tèe gɛ́ kɔ́ kpɛ̀ tɔ̃yâ-laa su.