Ɉeremi 23:16 - Bible

¹⁶ Ŋ̀wála-wâla kélee Yâwɛɛ è mò Zerusâlɛŋ-ƃelai dîa ǹyɛɛi, “Káfe káwoli tɔ̀ɔ Ɣâla ŋɔlóno kɛ́-ƃelai dîa. Díkaa kili-kɛ-zu fòlo tɛɛ̂i kápɔ. Díkaa nɔ́ lônoi é pîlaŋ m̀ɛnii ma da díkili ŋá siâi lai. Kɛ́lɛ, m̀ɛnii da môi kâa, vé a ŋ́oo.

Yálá laawoo hɛɓɛ (dc)

¹⁶ Mɛ̨nįi Yai-Laa Mɛ̨nį Kəlee ŋą Hééɓomun ə mo, ya ka, yɛ diɛ: «Nuą tii di kpɔɔ kɛi a Yálá kwəi mɛ̨nį hukulɔ nuą a lɛɛ, ka hvo ka wəli tɔɔ diɛ, di kaa ka ɓowoi. Mɛ̨nįi di kaa ka kalan ɉii la, di kaa lɔ gulɔi di nwun ɉu, hvo həɠə li Yai-Laa la.

Yálá laawoo hɛɓɛ

¹⁶ Mɛ̨nįi Yai-Laa Mɛ̨nį Kəlee ŋą Hééɓomun ə mo, ya ka, yɛ diɛ: «Nuą tii di kpɔɔ kɛi a Yálá kwəi mɛ̨nį hukulɔ nuą a lɛɛ, ka hvo ka wəli tɔɔ diɛ, di kaa ka ɓowoi. Mɛ̨nįi di kaa ka kalan ɉii la, di kaa lɔ gulɔi di nwun ɉu, hvo həɠə li Yai-Laa la.

Ɉeremi 23:16 ပူးပေါင်းရင်းမြစ်များ

Tɔɔɓɛlaa dɔlɔɔ 22:11

Kenaana ǹóŋ Zɛdekaya è kɔli turu-ŋa kpɛ̀tɛ é m̀ó ǹyɛɛi, “M̀ɛnii ká ŋí Yâwɛɛ a m̀ôi: ‘Zãâi ŋí ƃé íkaa pâi Siria-ƃelai paâi la í dísu-kara.’ ”

Tɔɔɓɛlaa veelɛ 17:15

Dífe wɔ́lɔ díwoli tɔɔ ní Yâwɛɛ ma ŋɔlia-woo-ŋai da ŋɔtɔ̂ŋ-ŋai ǹyaŋ dí díyee kùla Gbanaŋ-woo kpanaŋɔɔ lɛ́lɛɛi mu nyii Yâwɛɛ è wɔ́lɔ gɛ̀ dínâŋ-pɔlɔ-ŋai yêei. Dí pɛ̀lɛ ɣâla-pɔkɔŋ kpɛ́ni-kpɛni-ŋa fɛliɛɛ ma ǹyaŋ dia kpîŋ dí kɛ̀ nɔ́ kpɛ́ni-kpɛni. Yâwɛɛ è wɔ́lɔ mò Eezuɛ-ŋai dîa a gɛɛ dífe pìlaŋ mɛni-ŋai pôlu díkɔlɛ ma lɔii-ŋuŋ-ŋai dí kɛ̀ gɛ̂i, kɛ́lɛ Eezuɛ-ƃelai dí díkpîŋ kɛ̀ nɔ́ yɛ̂ɛ dia.

Kɔlɔnikɔ Veerɛi 18:5

Nya ƃe Eezuɛ-ŋai díkâloŋ è Ɣâla ŋɔlóno kɛ́-ƃelai kélee tòli. Díkelee díkɛ̀ a núu ŋuŋ náaŋ (400), é dímarê kɛ́ ǹyɛɛ dîai, “Kwa pɔ̂ri liî kúkɔ pɛ́lɛ Lemɔ Gilia, kpaa kúfe lì?” Ɣâla ŋɔlóno kɛ́-ƃelai dí ŋ̀óo su tòo dîyɛɛi, “Lí íkɔ pɛ́lɛ dîa, kpɛ́ni fêi Ɣâla a pâi dítɛɛ̂i ípɔ.”

Hanwon 19:27

Ńoŋ, ƃà kpèra sɛŋ-maa kɔ́riɛɛ ma, ƃa pâi niâi m̀ɛnii ma í maa kɔ̂rii.

Ɉeremi 14:14

Kɛ́lɛ Yâwɛɛ è mò ḿâ ǹyɛɛi, “Ɣâla ŋɔlóno kɛ́-ƃelai tí da lɛ́ɛ kɛ̂i a ńaa. Ḿve dítɛɛ ní, kpaa máŋ ŋá mɛni da ƃó dîa a gɛɛ dí m̀ó ńaai su. Zĩ̂a-ŋai díkaa lônoi é pîlaŋ mai, ńyãa fé dɛ̀ɛ ní. M̀ɛnii da m̀ôi, tɔ̃yâ fé zu. Díkpɔɔi kili-ŋa-sia ká tí da m̀ôi.

Ɉeremi 2:5

Yâwɛɛ è mò ǹyɛɛi, “Lé mɛni nyɔ́mɔɔ ƃé ŋá gɛ̀ a kánuu-pɔlɔ ŋai? Lé ƃé gɛ̀ dí kɛ̀ dí kɛ̀i kòyaa ḿâi? Díkɛ ɣâla da kpɛ́ni-ŋa fɛ̀li nyíi kɛ̂i fé kɛ́ ní dîai, nyíi gɛ̀ dia kɛ̂i fé kɛ́-ni dîai.

Ɉeremi 23:21

Yâwɛɛ è mò ǹyɛɛ, “Ḿve ɣâla ŋɔlóno kɛ́-ƃelai ŋí tɛ̀ɛ ní, kɛ́lɛ dí lì. Ḿve worɛ̂-woo tɛ̀ɛ ní a dia, kɛ́lɛ dí lòno ńaai su.

Ɉeremi 23:26

Tãi ɣɛɛlu yée mu ƃé ɣâla ŋɔlóno kɛ́-ƃelai tí da pâi kɛ̂i lɛ́ɛ kɛ̂i la ŋánûai dîa a ǹɛ́ɛ-ŋai da gbɛ̀tɛ díkili ŋái?

Ɉeremi 29:23

Ǹûai ŋí dí mɛni nyɔ́mɔ kɛ̀ Eezuɛ-ŋai sáma. Ǹûai ŋí díwulu-wulu kpɛ̀ a díƃarâai dínɛyâai. Díkɛ̀ lɛ́ɛ ɣala-woo ƃôi dîyɛɛ ńyãa ƃé dí tɛ̀ɛ. Ḿve mó ní a gɛɛ dí gɛ́ tí. M̀ɛnii dí gɛ̀i ŋ́gaa a maa sêre.’ Ńyãa Yâwɛɛ ƃé mò tí.”

Ɉeremi 29:8

Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai è mò ǹyɛɛi, “Káfe káwoli tɔ̀ɔ Ɣâla ŋɔlóno kɛ́-ƃelai nyíi-ŋai díkaa kásamai dîa. Dífa lâa ká pɛ́lɛ la, kpaa máŋ núu da kpɛ́ni kélee ma nyíi môi a gɛɛ a tínaa-tuɛ mɛni ƃôi. Káfe káwoli tɔ̀ɔ dísee-woo-ŋai dîa.

Ɉeremi 9:12

Ŋá Yâwɛɛ marê kɛ̀ ńyɛ̃ɛi, “Gbɛ̂ɛ ƃé dáreɛ̂i a gɛɛ é m̀ɛni-ŋai ŋí ŋá káa? Maa nûu fé ma. Gbɛ̂ɛ ƃé Yâwɛɛ è mò m̀a a gɛɛ é m̀ɛnii ŋí dùŋ tooi? Maa nûu fé ma. Lé ƃé kɛ̀ ǹɔii a lɛ̀ɛ a bûŋ yɛ̂ɛ fɛ̃ɛ-kpâlaŋ su, núu da líi fé kpele ní a gɛɛ é tɛ́ɛ naai? Núu da fé gɔ́lɔŋ.”

Ɉeremi 9:20

Óo lee-ƃela, ka káwoli tɔ́ɔ Yâwɛɛ wóo ma. M̀ɛnii a m̀ôi é lɛ́ɛ kákili-ŋa. Ka kálônii-nɛyãai téniŋ tɔ́ɔ a wɔ́lɔ kɛ́ pere. Ká kánaa kɔlɛ ma-ƃelai téniŋ tɔ́ɔ a malôŋtoo-maa wɔ́lɔ kɛ́ pere.

Woolaa 2:9

Zĩɣaŋ lá kpɔŋ da zɔ́ɔŋ-too-sãai kélee wólo-woloi búɔɔ naa. Ŋɔkâloŋ da ŋɔtíi kɛ́-ƃelai da kɛ́ a luɛ-ŋa lɔii da kpɛ́ni-ŋa su. Dífe ŋɔ́nɔ dɔ̂ŋ lɛ̂i dímɛi káa mɛni ma. Zĩ̂a fa ŋɔ́nɔ tɛ̀ɛ a Yâwɛɛ ŋɔlóno kɛ́-ƃelai a gɛɛ dí ǹá-woo ƃó ǹûai dîa.

Izikiɛ 13:16

Ɣâla ŋɔlóno kɛ́-ƃelai nyii ŋai díkaa Eezuɛ nyii-ŋai kɛ̀ dîyɛɛ lii-sêe káa Zerusâlɛŋ ma, ǹyaŋ lii-sêe fé kɛ́ ní naai.” Ŋ̀wála-wâla kélee Yâwɛɛ ƃe mò tí.

Izikiɛ 13:23

M̀ɛni ma, ká lɛ́ɛ zĩ̂ai da ká lɛ́ɛ ɣâla-woo ƃoɔɔi a nâa kpɛɛ. Ŋa pâi ŋánûai kulâi káyeei. A kɛ tí, ka pâi gɔlɔni a gɛɛ ńyãa ƃa Yâwɛɛ.”

Izikiɛ 13:3

M̀o dîa yɛ̂ɛ Ŋ̀wála-wâla kélee Yawɛɛi ǹyɛɛi, “Kpalo ƃêlaai ǹɛ́ɛ-ɣala-woo ƃó-ƃelai ŋí dîa nyii-ŋai da díkpîŋ zĩ̂a-ŋa kpɛ̀tɛ a díkpîŋ mɛni kpɛtɛɛi ǹyaŋ dífe zĩ̂a káa nii.

Izikiɛ 13:6

Da lɛ́ɛ zĩ̂a-ŋa kàa. Díkɛ lɛ́ɛ-ɣâla-woo ƃo. Da kɛ mòi diɛi díkaa ŋ̀óo su kulâi, kɛ́lɛ ḿva dítɛɛ. À kɛ̀ tí, díkɛ gâai yɛ̂ɛ sɛŋ ƃé m̀ɛnii da môi a pâi kɛ̂i a tɔ̃yâ.

Izikiɛ 22:28

Díɣâla-woo ƃó-ƃelai da zɔŋyɔ̂ŋ-ŋai ŋí mɛi pɛ̂lɛ yɛ̂ɛ núu a pɛrɛ-kaŋ mɛi pɛ̂lɛ a wée-kole. Díkɛ lɛ́ɛ zĩ̂a-ŋa kàa. Díkɛ lɛ́ɛ worɛɛ-woo-ŋa ƃò dîa díkɛ kɛ̀ dîyɛɛi, ‘Ŋ̀wála-wâla kélee Yâwɛɛi ǹyɛɛi,’ kɛ́lɛ m̀ɛnii da kɛ̂ môi vé a ŋ̀óo.

Mise 2:11

“Núui nɔ́ zɛŋ-kula yêei-kɛ-ƃelai da díwoli tɔ̀ɔ mai, ǹyaa ƃa lɛ́ɛ ɣâla-woo ƃó nuu nyii a kɛ̂ tɛɛ̂i gɛ́ mò ǹyɛɛi, ‘Ŋá pà Ɣâla-woo ƃôi káa a gɛɛ ká lɔɔ támaa sɔlɔ ƃó ká gbèle.’

Maafîu 7:15

“Ka kámɛi káa a Ɣâla-maa-wôya lono-kɛ-ƃela. Da pâ kápɔ ƃála-kɔlɔ su, kɛ́lɛ, díkponôi kɛ́ ƃo a kɔ́li lii-ŋwanaa-ŋa.

Lomaŋ 1:21

Berei máŋ dí kɛ̀ a Ɣâla kɔ́lɔŋɔɔ lai, dífe ƃâa kɛ́ ni mà yɛ̂ɛ Ɣâla, dífe tela zɛɣɛ̂i fé ní, kɛ́lɛ, díkili ŋa-siai è kɛ̀ nɔ́ a vólo, kili ŋá púɔɔ.

Zɔ̂ŋ Maa-ŋuŋ 4:1

Ŋáwɛli-kɛ-maa-ƃelai, káfe làa a mɔ̂leŋ kélee, kɛ́lɛ, ka mɔ̂leŋ-ŋai kɔɔ̂ŋ, ká gáa à kɛ̀ díkaa a Ɣâla pɔ́ɔ. Kpɛ́ni fêi, Ɣâla-maa-wôya lono-kɛ-ƃela támaa da lí ǹɔii su.