Ɉeremi 22:20 - Bible

²⁰ Zerusâlɛŋ-ƃela, ka lí Lɛƃanɔŋ ká láɣi. Ka lí Basãŋ lɔii su ká wɔ́lɔ. Ka tɔɔ Môa yêei mâ ká tóli ƃó, kpɛ́ni fêi, da kákpɔŋ mâa-ƃelai yée mɛi ɣále.

Yálá laawoo hɛɓɛ (dc)

²⁰ 'Tɛ́ Liban yee nwuɔ̨ ə́ tomą, tomą yələi Basan lɔi hu, tomą kɛɛnąą kəlee ɓa. Daa ə́ wɛlikɛmąą nuą kəlee hu yali

Yálá laawoo hɛɓɛ

²⁰ 'Tɛ́ Liban yee nwuɔ̨ ə́ tomą, tomą yələi Basan lɔi hu, tomą kɛɛnąą kəlee ɓa. Daa ə́ wɛlikɛmąą nuą kəlee hu yali

Ɉeremi 22:20 ပူးပေါင်းရင်းမြစ်များ

Tɔɔɓɛlaa veelɛ 24:7

Babelɔŋ kaloŋ Nɛbukinaza è wɔ́lɔ kɔ́ pɛ̀lɛ Ize kaloŋ Niko ma é ǹyée mɛi ɣále gɔ́i su. È ŋɔlɔii kélee sìɣe é kúla Ize Ya-lee kɛ́tɛi ŋɔkoyaŋ-perei ma é tóo Yufeletii Ya-leei ma ǹɔii ŋûa-pere. Mɛni ma, pɔri maa fé ŋɔ́nɔ kɛ́ ní Niko mì a gɛɛ é kɔ́ pɛ́lɛ Zuda lɔii ma.

Azaya 57:13

Kà wɔ̀lɔ kpɔŋ mâa mɛni ma, tɔɔ ŋaŋ káɣâla pɔkɔɔŋ-ŋai dí kpɔ́ŋ kâa, dí káŋuŋ ma ƃó. Vãai a pâi tɛɛ̂i a dia, ǹyaŋ ńɛwo a pâi dífɛ̂ɛi yɛ̂ɛ láa kpâla. Kɛ́lɛ diai pâi díkili tɔɔ̂i ḿâi, ǹɔii a pâi kɛ̂i a dípɔɔ, ǹyaŋ ŋáyee maa waai ma a pâi kɛ̂i a díkɛ̂i.”

Ɉeremi 2:25

Ka ká mɛi káa káfe kɛ̀ tɛ̂i, kákɛ yeŋ, kákɔɔ fa lâa saa la, kákɔŋ-la fa lâa kpála la. Kpɛ́ni fêi, kákɛ̀ ɣâla da kpɛ́ni ŋa pôlu. Kɛ́lɛ, ká mò kâai, ‘Ŋ̀uŋ fé ma, ḿve pâi lenêi pôlu. Kpɛ́ni fêi ɣâla da kpɛ́ni-ŋa wɛ́li káa ḿâ. M̀ɛni ma, ŋa pâi lɛɛ̂i dípôlu.’ ”

Ɉeremi 2:36

Ka gáa berei ka kákpîŋ foâŋ la kákɛ tɛ̀ kákɛ yeŋ, kákɛ kátûa pere maa fâleŋ a maa félaai. Ize a pâi kálii tôoi pôlu yɛ̂ɛ ƃerei Asiria è kálii tòo la pôlui.

Ɉeremi 2:37

Ka pâi tínaniî ká kula Ize pôlu, káyee láa káŋûa kpɛ́ni fêi, Yâwɛɛ a ǹyée kúla Ize mu nyíi ká làa lai. Káfe pâi sɛŋ da kélee sɔlɔ ƃôi díyêei.”

Ɉeremi 22:22

Vãai a pâi koônii a kálaa túɛ-ƃelai, dí kákpɔŋ mâa-ƃelai sóŋ a kɔ-sôŋ-ŋa, dí ƃâa kula kátaa lêei ma a ŋumɛ-pere, m̀ɛni nyɔ́mɔ-ŋai ká gɛ̀i mɛ̂ni ma.

Ɉeremi 25:9

‘Tãi nɔ́ káfe káwoli tɔ̀ɔ ní ḿâi, ŋa pâi yá-ŋua-pere kɔkɔ́-ƃelai kélee da ńyee mu-nuui Nɛbukinaza nyíi gáa a Babelɔŋ kaloŋ tôlii ŋa pá a dia dí kɔ́ pɛ́lɛ Zuda ma da ŋɔnûai. Da pâi kɔ́ pɛlɛ̂i ǹɔii-ŋuŋ-ŋai díkaa kákɔlɛ mai dia. Ǹyaŋ a kɛ̀ tí, ŋa pâi Zuda da gɔlɛ ma lɔiii-ŋuŋ-ŋai su-ƃela kélee kpɔ́ kpúŋ paâi ŋá ǹaa lɛɛ a bûŋ wɔ́lɔ-wɔ́lɔ. Tãi ǹûai da pâi ǹaa kâai lai, dí láa a pâi kpâlai dîa. Ǹaa a pâi kɛ̂i a yao-maa kwaa ma, ǹûai díkɛ díŋuŋ mɛi tée lono kɛ̀.

Ɉeremi 3:1

Yâwɛɛ è mò ǹyɛɛi, “À kɛ̀ núu da a ŋɔnɛnîi lɛ̀ɛ, m̀aa nɛ̂nii tí é surɔ̂ŋ da kpɛ́ni kúla, va ŋɔ́nɔ pɔ̀ri kulâi ŋɔsurɔ̂ŋ ninai yêei da ŋɔsurɔ̂ŋ duɛ-tuɛi dí ŋɔ́nɔ tûa. Da gɛ̀ tí, m̀aa tûa-laai tí a ǹɔii maa tĩ̂a kara ŋ́ɛi. Kɛ́lɛ, Eezuɛ, yaâ wɛ́li támaa sóŋ, íkɛ ŋɔ́nɔ ŋ̀wɛli a gɛɛ í ŋɔ́nɔ pá pôlu ḿbɔ naa.

Ɉeremi 4:30

Zerusâlɛŋ, ya lɛɛ a ífolo! Ya ímaa ɣirîi a seɣe kpɔ̂lu lé mɛni m̀a? Ya kɔyɛ̂ŋ sɔ̃ɔ-kpanaŋɔɔ nyíi dí gbɛ̀tɛ a gôoi, tôoi íkɔŋ ma, íkɛ íŋɛ́i-gɔ́loŋ pôlu tɛi lé mɛni ma? Ya ímaa ɣirîi nɔ́ kpɛ́ni-kpɛni. Í wɛli kɛ́ maa-ƃelai da díyee kúla ímu. Ǹyaŋ da ŋ̀wɛ̂lii dí ípaa.

Woolaa 1:19

“Ŋá ḿarâai tôli, kɛ́lɛ dí ŋ́ɛi lɛ̀ɛ perêi. Zâla láa soŋ-ƃelai da ǹúu-pɔlɔ-ŋai da saa a puru daa-leei su. Dí kɛ̀ tɛ̂i dí kɛ́ yèŋ díkɔnɔ̃ŋ mɛni ma a gɛɛ dí lɛ́ɛ ɣele ma.

Woolaa 1:2

A gbêɣei toôi kpɔ́ a ŋánaa a kpíni kélee ŋ̀ɛ́i-ya kɛ́ yèŋ a ǹɛ̂ɣɛŋ. Ŋɔwɛli kɛ́-maa-ƃelai dɔnɔ kpîŋ fé naa é ŋ̀aa nɛnɛ. Díkelee da gíri, da kɛ́ a gbɔara-ƃela.

Izikiɛ 23:22

“M̀ɛni ma, Óoliƃa, Ńyãa Ŋ̀wála-wâla kélee Yâwɛɛi, ŋa pâi gɛ̂i a gɛɛ íwɛli kɛ́-maa-ƃelai nyii-ŋai í ípôlu tɔ̀ɔ dîai díkula ƃéla kélee ma íƃɛlɛ é kɛ́ɛ díkoi dítɔɔ yâ.

Izikiɛ 23:9

M̀ɛni ma, ŋá duãŋ ŋɔwɛ́li-ŋai dîa nyii-ŋai kɛ̀ a Asiria-ƃelai, nyii-ŋai díwɛli è kɛ mà a ŋanaai.

Izikiɛ 27:6

Dí íƃeyai kpɛ̂tɛ a Oô-wuru nyii dí gùla Basãŋ-lɔii su, dí íŋa-pu wuru-ƃelai kúla pãa-wuru su nyii kùla Sapɔrɔ-lɔii sui. Dí bɔ̃yɛ tôo a séle-nyiŋ.

Lonon mo 27:12

Nya ƃe Yâwɛɛ è mò Mose mà ǹyɛɛi, “Tɛ́ Abariŋ Yeei ma í ǹɔii káa ŋá dɛ̀ɛ Eezuɛ-ŋai pɔ́i.

Dutɛrɔnome 32:49

“Lí Môa lɔii Zɛleko téniŋ ma tɛ́ Nebo yeei ma. Íŋɛi sía Keena lɔii mɛi. Ǹɔii tí ƃé ŋa pâi dɛɛ̂i Eezuɛ-ŋai pɔ́ a dípɔɔ.