Ɉeremi 21:6 - Bible

⁶ Fúlu-sãa kélee gáa daai ŋí sui, ŋa pâi gélee paâi, a nɛ̃ɛ ma é kɛ́ a núu kpaa taa-tulɛ. Kɔlɔ-fela nyɔ́mɔɔ a pâi dípaâi.

Yálá laawoo hɛɓɛ (dc)

⁶ Gáá daa ŋɛ̨i hu nuą kɛlɛi, nu kan da daatɛlɛɛɠaa di kaa haai ɲɔ̨n walawalaa yəi.

Yálá laawoo hɛɓɛ

⁶ Gáá daa ŋɛ̨i hu nuą kɛlɛi, nu kan da daatɛlɛɛɠaa di kaa haai ɲɔ̨n walawalaa yəi.

Ɉeremi 21:6 ပူးပေါင်းရင်းမြစ်များ

Zɛnɛse 6:7

Nya ƃe Yâwɛɛ è mò ǹyɛɛi, “Ŋa pâi núu-kpune su karâi nyii ŋá gbɛ́tɛ ǹɔii ŋí mai, fɛnɛ-sãa, ɣála-sãa da koôŋ-sãa kélee. Kpɛ́ni fêi, malôŋ toɔɔi ḿâ a gɛɛ ŋá díkpɛ̀tɛ.”

Azaya 6:11

Ŋá m̀are kɛ̀ ńyɛ̃̂ɛ m̀ai, “Nùu-namui, ŋá gɛ́ tí a tãi ɣɛɛlu?” Ǹyɛɛ ḿâi, “É lɛ́ɛ la zu daa-lêei é wólo, núu da fé ŋɔ́nɔ kɛ̀ naa, bɛ́rɛ-ŋai dí lɛ́ɛ a vólo, ǹɔii é lɛ́ɛ a bûŋ.

Ɉeremi 14:12

A nɛ̃ɛ ma kpîŋ dísûŋ siɣe, ḿve pâi ŋ́oli tɔɔ̂i díwɔlɔ-woo ma. A nɛ̃ɛ ma kpîŋ díkereŋ-sala da mii-sɛŋ sala kula, ḿve pâi ńyee seêi dímu. Kɛ́lɛ, ŋa pâi dípaâi a kɔ́, puru su kɛ́tɛ da kɔlɔ-fela nyɔ́mɔɔ.”

Ɉeremi 16:4

Kɔlɔ-fela nyɔ́mɔɔ a pâi dípaâi, núu da fé pâi dímaa ḿâloŋ sèe ƃôi, kpaa máŋ dí díloo. Da pâi dípoma ŋáa tɛ̂i gîe ma yɛ̂ɛ sua-kpô nyíi da bù sí-sɛŋ kɔ́ɔ mùi. Da pâi dípaâi kɔ́ su, kpaa puru é dípaa. À kɛ̀ tí, ŋ̀ɔni-ŋai da vɛnɛ-sãai da pâi dípoma miî.

Ɉeremi 20:4

Yâwɛɛ ǹyaa kpîŋ a mó ǹyɛɛ, ‘Ŋa pâi íkɛ̂i a yao kɛ́tɛ íkpîŋ mɛni ma da íƃarâai. Ya pâi kɛ̂i naa díkpɔara-ƃelai dí kɛ̀ dípaa a ƃóa-sɔkpɔ-ŋa. Ŋa pâi Zuda-ƃela kélee kɛ̂i Babelɔŋ yée-mu. A pâi dísonîi a kɔ-sôŋ-ŋa é lí a dia ŋɔlɔii su, é da-ni paa.

Ɉeremi 32:24

“Babelɔŋ kɔ-kuluƃa-ŋai da dí sãai kpɛtɛ da dínaŋ daa-lêei ma a gɛɛ dí daai sóŋ. Da nâa pɛlɛ daai ma a kɔ́. Kɔ́, puru, da kɔlɔ-fela da pâi gɛ̂i dí daa-lêei sóŋ. Ye gáa a gɛɛ m̀ɛnii í mòi, gélee kpɔ́ a kɛ̂i.

Ɉeremi 33:12

Ŋ̀wála-wâla kélee Yâwɛɛ è mò ǹyɛɛ, “Ǹɔii ŋí nyíi gáa yɛ̂ɛ fɛ̃ɛ-kpâlaŋ su ƃɛ́i núu da kpaa máŋ fɛnɛ-sãa da fé naai, ǹaa a pâi kɛ̂i nâa a kwaa ma ƃɛ́i kala a pâi kɛ̂i naa a gɛɛ m̀ála mɛi-kaa-ƃelai dí kɛ́ díƃala-ŋai ŋáa kɔ̀ŋ la.

Ɉeremi 34:17

M̀ɛni ma, ńyãa Yâwɛɛ ŋá mò a gɛɛ ká ŋ́oo pìli. Káfe káƃarâa Eezuɛ-ŋai ŋuŋ-ma ƃó ní. Mɛni lɛ́lɛɛ ká tí. Gɛ̀ ní ŋa pâi ŋuŋ-ma ƃo tɛɛ̂i kápɔ. A pâi kɛ̂i a ŋuŋ-ma ƃô nyíi pâi gɛ̂i kálɛɛ kɔ́ su, kɔlɔ-fela é káta-ŋa paa kpaa puru. Ŋa pâi gɛ̂i ǹɔii ŋuŋ-ŋai díkaa ŋ̀éniɛi sui dílaa é kpála dîa m̀ɛni-ŋai ŋa pâi gɛ̂i a káai mɛni ma.

Ɉeremi 36:29

Yâwɛɛ è mò ḿâ a gɛɛ ŋá mó gâloŋ ma ńyɛ̃ɛi, “Yaâ gɔlɔi kéreŋ, ǹyaŋ í mò Zɛlemaya ma lé mɛni ƃé í gɔlɔi pɔ̃yɛ la yɛ̂ɛ Babelɔŋ kaloŋ a pâi la é ǹɔii ŋí su-kara, é zu-ƃela da daa-tulɛ-ŋai kélee páa.

Ɉeremi 42:22

Nyíŋi é lɛ́ɛ kákili ŋá a gɛɛ ka pâi lɛɛ̂i kɔ́ su, puru da kɔlɔ-fela dí kápaa ǹɔii su ƃɛ́i ka pâi liî ká sée naai.”

Ɉeremi 7:20

M̀ɛni ma, ńyãai a Ŋ̀wála-wâla kélee Yâwɛɛi, ŋa pâi ŋá lii ŋwânai kélee pûi dîa gwaai ŋí ma. Ŋa pâi ńii ŋwânai ǹûai da daa-tulɛ-ŋai dîa, ŋa níi ŋwána ŋ̀úru-ŋai, gbâlaŋ da ŋ̀úru-ƃa-ŋai díkaa ǹɔii mai dîa. Ŋálii ŋwânai a pâi díkereniî, m̀aa ŋɔŋ fa nîiŋ.”

Izikiɛ 12:16

Kɛ́lɛ, ŋa pâi díkpulu-loŋ lɛɛ̂i a dífulu nyii-ŋai dífe pâi lɛɛ̂i ƃóa-sɔ̂kpɔ yée mu, ǹyaŋ puru da kɔlɔ-fela fé pâi dípâai. Dîa ƃe pâi lɛɛ̂i ŋ̀ele mâ a gɛɛ dí dísɔnyɔ̂ŋ-ŋai ƃó ǹɔii-ŋuŋ ŋai sama ƃɛɛi da pâi liî naai. À kɛ̀ tí, da pâi ŋ́gɔlɔni a Yâwɛɛ.”

Izikiɛ 14:13

“Núu-kpune ǹóŋ, a kɛ̀ lɔii-ŋuŋ da a sɔnyɔ̂ŋ kɛ̀ a ńyãa ve tûa ní a téniŋ ƃo pere, ŋa pâi ǹyée sãai ŋa ŋɔmii-sãai kulâi kara. Ŋa pâi puru tôo dîa ŋá ǹûai da vɛnɛ-sãai kélee paa.

Izikiɛ 14:17

“Kpaa máŋ ŋa kɔ́ tôoi ǹɔii tí su ŋa pa a kɔ́-kɔ-sãa kpaya-kpaya ŋá ǹaa ƃele da vɛnɛ-sãai kélee páa.

Izikiɛ 14:19

“À kɛ̀ ŋa ǹíi ŋwàna ŋá kɔlɔ-fêla nyɔ́mɔ tɛ́ɛ m̀aa lɔii tí su, é ǹûai da vɛnɛ-sãai páa,

Izikiɛ 14:21

M̀ɛnii Ŋwâla-wala kélee Yâwɛɛi è mòi ǹya ƃa, “Ŋa pâi ŋá mɛni kula maa kɛ́ pere ǹáaŋ tɛɛi Zerusâlɛŋ. Dîa ƃa, kɔ́, puru, lɔɔ-fɛnɛ-sãa, da kɔlɔ-fela a gɛɛ dínûai da vɛnɛ-sãai su-kara.

Izikiɛ 33:27

“Mó dîa Ŋ̀wála-wâla kélee Yâwɛɛi ǹyɛɛi, ‘Tãi nɔ́ ŋ́gaa la ɣele mai, diai díkaa daa pîleŋ-ŋai ŋái da pâi lɛɛ̂i ƃóa-sɔkpɔ-ŋa mu. Diai pâi kɛ̂i ǹɔɔi sui, ŋa pâi dítɛ̂ɛi ǹɔɔ-fɛnɛ-sãai pɔ dí dípaa. À kɛ̀ tí, diai pâi kɛ̂i gɔni wôlo-ŋai sui da diai pâi kɛ̂i daa-ŋai su ƃɛ́i kɔkuluƃa támaa káa naai, ŋa pâi dípaai a kɔlɔ-fela nyɔ́mɔ.

Izikiɛ 33:29

Nyíŋi a kɛ̀, gɛ̀ ní da pâi gɔ́lɔnîi a gɛɛ ńyãa Yâwɛɛ ƃé ǹɔii lɛ̂ɛ a bûŋ, m̀ɛni nyɔ́mɔɔi dí gɛ̀i mɛ̂ni ma.’ ”

Izikiɛ 7:15

Ǹûai da pâi kɛ̂i kɔ́kɔi ǹɔii su. Puru da kɔlɔ-fela da pâi kɛ̂i ǹûai dîa daai su. Diai pâi kɛ̂i ǹɔii sui, da pâi lɛɛi gɔi su. Diai díkaa daai sui, puru da kɔlɔ-fela da pâi dí pâai.

Osia 4:3

M̀ɛni ma ǹɔii káa wɔ̂lɔi, zu sɛŋ kélee kpalâi, zua-ŋai, ŋɔni-ŋai, da nyɛ̃ɛ-ŋai da pâi saâi.”

Mise 3:12

Kátûa-perei mɛni ma, Zãiyɔŋ a pâi kɛ̂i a kpâlaŋ ŋá tii kɛ̂i. Zerusâlɛŋ a pâi kɛ̂i a pilêŋ ŋá, Ɣâla ŋɔpɛ́rɛi tɔɔ̂i kɛ́ ƃò a wolâ su.

Sofoni 1:3

núu-kpune da lɔɔ-sûa kélee, ŋá ŋɔni-ŋai su kara da ǹyɛ̃ɛ-ŋai. Ŋa pâi ŋ̀wana-lɔ̂ɔ-ƃelai yée mɛi ɣâlei, ŋa núu-kpune kula ǹɔii ma. Núu tɔnɔ kpîŋ fé pâi lɛɛ̂i ɣele ma.

Lukə 21:24

da pâi lɛɛ̂i m̀óa-sɔkpɔ-ŋai yée mu, dí li a dia a pelesinɛ ǹɔii-sii-ŋai kélee su; à kɛ̀ ti, Zɛ̃tai-ŋai da pâi Zerusâlɛŋ tánîi díkɔɔ mu e lɛɛ zu Zɛ̃tai-ŋai dítãi ŋa-see é kɛ́.