Ɉeremi 21:5 - Bible

⁵ Ńyãa kpîŋ ŋa pâi kɔ̂i kápɔ a ŋáwála-wala-laai kélee kpɛ́ni fêi, ńii ŋwânai kâa a ŋánaa.

Yálá laawoo hɛɓɛ (dc)

⁵ Gáá ɲéé haŋąi a vaŋa kɛnɛ̨ɛ, ɲą́ą́ gbinįi ɓə kɔ́ pɛlɛi kaa a liiholi, kpɔ a kɛɛ kala liiholi, a liikələn gwəi.

Yálá laawoo hɛɓɛ

⁵ Gáá ɲéé haŋąi a vaŋa kɛnɛ̨ɛ, ɲą́ą́ gbinįi ɓə kɔ́ pɛlɛi kaa a liiholi, kpɔ a kɛɛ kala liiholi, a liikələn gwəi.

Ɉeremi 21:5 ပူးပေါင်းရင်းမြစ်များ

Lɛɛ gbɔwɔ ɓa 6:6

Mɛni ma, m̀ó Eezuɛ-ŋai dîa yɛ̂ɛi, ‘Ńyãa ƃa Yâwɛɛ. Ŋa pâi kákulâi mɛni-solii su nyii Ize-ŋai da dɛɛ̂i kápɔi. Ŋa pâi kákulâi díyêei ǹuɛ-laai su. Ŋa pâi ŋáwala-wala-yeei sãai mɛni ŋá-teɛɛ su ŋá kákùla díyêei.

Lɛɛ gbɔwɔ ɓa 9:15

Èei kɛ̀ a wɔ́lɔ kɔlɔ-fêla sîi nyɔ́mɔɔ píli yâ ka ínûai, gɛ̀ ní ka wɔ́lɔ saa.

Azaya 10:4

Da pâi kápaâi kɔ́ su, kpaa máŋ dí kásoŋ a kɔsôŋ-ŋa. É máŋ kɛ́ tí, Yâwɛɛ a pâi kɛ̂i nɔ́ a ǹíi ŋ̀wánaa é lɛ́ɛ la zu é Eezuɛ kula maa kɛ́.

Azaya 5:25

M̀ɛnii ŋí ƃa gɛ́ Yâwɛɛ a ǹíi ŋwána ŋɔnûai dîa. A dísu-kara a lii ŋwâna-pere. A gɛ́ ǹyée kpaya-kpayai da kpɛ̃lîŋ. Ǹûai poma a táa-tâa bere lêe-ŋai dîa. Berei máŋ gáa tí lai, Yâwɛɛ ŋɔlii ŋwânai ŋáa fé niî yeŋ ní ǹyaŋ a pâi dí kula maa kɛ̂i.

Azaya 63:10

Kɛ́lɛ, da wɔ́lɔ dípôlu tɔ̀ɔ nɔ́ m̀a, díkɛ́ gɛ̀ Ŋɔmɔ̃̂leŋ Maa Waai líi kɛ́ tòo pôlu. Nya ƃe Yâwɛɛ è kɛ̀ a díkpɔara-nûu, é kɔ́ dípɔ.

Azaya 9:12

Siria kɔ kɔ́-ƃelai da pâi kulâi vóloi kulâi-pere Felesia kɔ kɔ́-ƃelai dí kúla vólo liî-pere. Da pâi kɛ̂i a díkpîŋ kpɛtɛɛ a gɛɛ dí Eezuɛ su-kara. É máŋ kɛ́ tí, Yâwɛɛ a pâi kɛ̂i nɔ́ a ǹíi ŋ̀wánaa é lɛ́ɛ la zu é Eezuɛ kula maa kɛ́.

Azaya 9:17

M̀ɛni ma, Ǹuu-namui fé pâi ǹɛɛ̂i naa dí yáŋkpa-ŋai da é pú é kúla ǹyêei. Vé pâi máŋ dípɔɔ-nɛyãai da dílônii da ŋɛ́i malôŋ kâai pâi lɛɛ̂i dípôlui. Díkelee díkaa a núu nyɔ́mɔɔ-ŋa. Díkɛ-mɛni kélee da dílono-woo kélee káa a ŋwana lɔ̂ɔ tua tee-tee. É máŋ kɛ́ tí, Yâwɛɛ a pâi kɛ̂i nɔ́ a ǹíi ŋ̀wánaa é lɛ́ɛ la zu é Eezuɛ kula maa kɛ́.

Azaya 9:21

Manasɛ da Ifiraŋ dísuui su-ƃelai dítɔɔ̂i díkîe-ni dîa. Díkelee díkaa a Zuda kpɔara-ƃela. É máŋ kɛ́ tí, Yâwɛɛ a pâi kɛ̂i nɔ́ a ǹíi ŋ̀wánaa é lɛ́ɛ la zu é Eezuɛ kula maa kɛ́.

Ɉeremi 32:17

“Yá, Ŋ̀wála-wâla kélee Yâwɛɛ, yá ƃé ǹɔii da ŋ̀elei kpɛ̂tɛ a íwala-wala-laa kɛ́tɛi! Mɛni da fé naa nyíi gbanaŋɔ̂ɔi ímaa mɛni ma.

Ɉeremi 32:37

Ŋa pâi ǹûai ŋáa tɛ̂i gîe ma, ŋá díkula ǹɔii-ŋuŋ-ŋai kélee ŋá dítaa-taa zui su a tãi ŋá kɛ̀ a ńii ŋwánaa lai, ŋá pá a dia pôlu gwaai ŋí ma a gɛɛ dí kɛ́ ƃò ŋuŋ-ma ƃô su.

Ɉeremi 36:7

Ɣele da, da pâi Yâwɛɛ fɛlîi, dí dípôlu tɔɔ dímɛni nyɔ́mɔ-ŋai dîa. Kpɛ́ni fêi Yâwɛɛ a bíli ƃôi a gɛɛ é ǹíi ŋwána ǹûai ŋí dîa a ŋ̀ánaa.”

Ɉeremi 37:10

A nɛ̃ɛ ma kpîŋ ká Babelɔŋ kɔkuluƃa-ŋai yée mɛi ɣále, diai nɔ́ lɛɛi dia ƃa ǹûai nyíi-ŋai ká díŋwàna dí kɛ́ ƃò lâani dísua-kɔlɔ pɛrɛi-ŋai mui, da pâi dímu siɣêi dí daa-lêei ŋí kéreŋ kpɔ́ kpái.”

Ɉeremi 6:12

Ŋa pâi dípɛrɛ-ŋai tɛɛ̂i díƃarâai pɔ, é pɛ́lɛ díkpâlaŋ-ŋa tíi da dínɛyãai dîa. Ŋa pâi ǹɔii ŋí su-ƃelai kélee su karâi.

Woolaa 2:3

È ǹíi ŋwàna Eezuɛ ma é ŋɔwála-walai kúla ǹyêei. È ǹyée kùla berêi a gɛɛ ŋɔkpɔara-ƃelai yée é pɔri mà. A Eezuɛ kêreni gbonôi yɛ̂ɛ ŋɔŋ sôŋ ƃé gɔlɛ ma sãa kêrenii.

Izikiɛ 39:3

À kɛ̀ tí, ŋa pâi í kerâŋ kulâi íkɔɔ yee ŋá, ŋá ítɔ̃ai kúla ílaa-mii-yee ŋá.

Izikiɛ 5:8

M̀ɛni ma Ǹuu-namui Ɣâla è mò ǹyɛɛ, ‘Ńyãa kpîŋ-kpîŋ ŋa pâi íkula maa kɛ̂i. Ŋa pâi íkula maa kɛ̂i a tɔ̃yâ-laa ǹɔii-ŋûŋ-ŋai ŋí ŋɛ́i túɛ.

Dutɛrɔnome 4:23

Ká kámɛi káa káfa lâa nia la gono-tee ma Yâwɛɛ è gɛ̀ káyêei, ka Ɣâla pɔkɔɔŋ-ŋa kpɛtɛ kámɛni ma.

Dutɛrɔnome 4:34

Ɣâla da a tá kɔ́ a gɛɛ é lɔii-ŋuŋ da kula lɔii-ŋa sáma a su-kɔɔŋ kɛ́ɛ, ŋɛi-kɛ-maa, kɔ́ a ŋɔwála-wala yeei, kpaa máŋ mɛni mili-mili-ŋa kɛ́ɛ yɛ̂ɛ berei Káɣâlai Yâwɛɛ è gɛ̀ la káŋɛi-tuɛ Ize lɔii sui?