Ɉeremi 21:12 - Bible

¹² ‘Káai a Deeƃé ŋɔsuui su-ƃelai, Yâwɛɛ ǹyɛɛ ká tɔ̃yâ mɛni kɛ́ a ɣele kélee. Diai ǹûai da dífilîi, ka dí kúla yêei kɛ́. A wàla kɛ́ tí, ŋa pâi ńii ŋwânai kpɔ́ yɛ̂ɛ ŋɔŋ nyíi va nîiŋ, ká ŋwãna-lɔ̂ɔi mɛni ma.

Yálá laawoo hɛɓɛ (dc)

¹² «Davidə yəi bɛlɛ́n nuą, Yai-Laa woo ka! Yɛ diɛ: Ka kiti tee a ɉaŋaa yələwala pɔ tɛitɛi kəlee ɓa. Nui daa hee mɛ̨i, ka gulɔ ɲəi kɛ; a wala kɛ tii, nwɔ́ liiholi kaa pai ɓɛlai yɛ nwɔ̨n, gaa pai kɛi lən ɉii, nu hva hɔlɔɓo hvo nuwun. Mąąhɔlɔɓo, ka túwɔ́ pələ aa ɲɔ̨n.

Yálá laawoo hɛɓɛ

¹² «Davidə yəi bɛlɛ́n nuą, Yai-Laa woo ka! Yɛ diɛ: Ka kiti tee a ɉaŋaa yələwala pɔ tɛitɛi kəlee ɓa. Nui daa hee mɛ̨i, ka gulɔ ɲəi kɛ; a wala kɛ tii, nwɔ́ liiholi kaa pai ɓɛlai yɛ nwɔ̨n, gaa pai kɛi lən ɉii, nu hva hɔlɔɓo hvo nuwun. Mąąhɔlɔɓo, ka túwɔ́ pələ aa ɲɔ̨n.

Ɉeremi 21:12 ပူးပေါင်းရင်းမြစ်များ

Samia Veerɛi 8:15

Deeƃé è kâloŋ-laa kɛ̀ Eezuɛ lɔii gwaa kélee ma. È ŋɔnûai mɛi kàa a tɔ̃yâ da teniŋ-ƃo pere su.

Zôo 29:17

Ŋá ŋ̀wana-lɔ̂ɔ-ƃelai díwala-wala-laai kûla díyêei. Ŋá díkpɔara-ƃelai kùla díyêei.

Mąątɛ̨nɛ̨ 101:8

Ŋa pâi ŋ̀wana-lɔ̂ɔ-ƃelai ŋáa yenîi a kpíni da ɣele kélee ǹɔii ma. Ŋa pâi díkulâi Ɣâla Yâwɛɛ ŋɔtaa-leei su kpóŋ-kpoŋ.

Lɛɛ gbɔwɔ ɓa 18:13

Bôlu ma ɣele-walai Mose è nâa sèe a gɛɛ é ǹûai dímɛni-sâa ŋai ƃó. Ǹûai dí lɛ̀ɛ tɔɔni ŋ̀ɛi-túɛ é síɣe ɣele wâla ma é tóo ɣele-wuli ma.

Azaya 1:17

Ka mɛni lɛ́lɛɛ-ŋa kɛ́-pere maa kɔ́ri. Ka gáa a gɛɛ núu kélee ŋɔtɔ̃yâ-laai é lí bɔ́. Káfe fàa ma dí núu da kula maa kɛ́ mɛni da ma nyii zɔŋ fé zui. Ka dee-noŋ-ŋai maa kɔ̃ɔ, ká lóno bɔɔ-nɛyãai mɛni ma.”

Azaya 1:31

Ŋ̀wála-wâla nuui da ŋɔtûa-pere nyɔ̂ŋ dísu a pâi karâi yɛ̂ɛ ŋɔŋ a kala-kpâla kèleŋ. Núu da fé pâi pɔrîi díkula yêei kɛ̂i.

Azaya 7:13

Azaya è mò m̀a ǹyɛɛi, “Deeƃé ǹônii, ka káwoli tɔ́ɔ. Vé lɛ́lɛ ní núu da líi à kɛ̀ a gbeleɛɛ, ká gɛ́ m̀aa nuui fíi é kpɛ́ɛ ŋɔlii-kpêlei su. Kà gɛ̀ tí, káfe gɔ́lɔŋ ka pɔ̂ri gɛ̂i Ɣâla ǹyaa máŋ fíi é kpɛ́ɛ ŋɔlii-kpêlei su?

Azaya 7:2

Tãi Zuda kaloŋ è m̀ɛni la a gɛɛ Siria kɔ kɔ́-ƃelai da Eezuɛ kɔkɔ́-ƃelai da díyee pú gîei a gɛɛ dí kɔ́ pɛ́lɛ mai, ǹyaa da ŋɔnûai dílii è tùmo-tumo yɛ̂ɛ fãa su-kpanaŋɔɔ a sɔ̀ɔ wolâ wuru-ŋa dîa.

Ɉeremi 17:4

Ǹɔii nyíi ŋáwɔlɔ dɛ̀ɛ kápɔ a kákɔ̃lîŋ, vé pâi ŋɔ́nɔ kɛ̂i a kápɔɔ. À kɛ̀ tí, ŋa pâi gɛ̂i ká tíi kɛ́ kákpɔara-ƃelai dîɛ ǹɔii su ƃɛ́i káfe ǹaa kɔ́lɔŋ. Ŋa pâi gɛ̂i tí kpɛ́ni fêi, ŋá lii ŋwânai káa yɛ̂ɛ ŋɔŋ. Ǹyaŋ a pâi kákereniî, va liîŋ.”

Ɉeremi 21:5

Ńyãa kpîŋ ŋa pâi kɔ̂i kápɔ a ŋáwála-wala-laai kélee kpɛ́ni fêi, ńii ŋwânai kâa a ŋánaa.

Ɉeremi 23:19

Ŋɔlii ŋwânai káa yɛ̂ɛ fãa. Gáa yɛ̂ɛ fãa kɛ́tɛ nyíi a tɛ̂ɛ ŋ̀wana lɔ̂ɔ-nuui ŋuŋ-mɛi a lii ŋwâna-pere

Ɉeremi 23:2

M̀ɛnii ŋí ƃé Yâwɛɛ nyíi gáa a Eezuɛ Ŋɔɣâlai è mò é pîlaŋ ǹúu-mɛi-ƃelai dîa nyíi gáa a sɛŋ dí ŋɔnûai mɛi káai ǹyɛɛi, “Káfe ŋánûai mɛi kâai. Ka díkpɛ, ka dítaa-taa. M̀ɛni ma, ŋa pâi kákula ma kɛ̂i m̀ɛni nyɔ́mɔɔ sii ŋí mɛ̂ni ma.

Ɉeremi 23:5

Yâwɛɛ è mò ǹyɛɛ, “Tãi a pâi, maa tãi tí, ŋa pâi téniŋ ƃô kaloŋ siɣêi nyíi pâi kulâi Deeƃé ŋɔsuui sui. A pâi kɛ̂i a gâloŋ nyíi pâi ŋánûai mɛi kâai a táre-pere, gɛ́ tùa a táre-pere. A pâi pâi a tɔ̃yâ làa ǹɔii gwaa kélee ma.

Ɉeremi 36:7

Ɣele da, da pâi Yâwɛɛ fɛlîi, dí dípôlu tɔɔ dímɛni nyɔ́mɔ-ŋai dîa. Kpɛ́ni fêi Yâwɛɛ a bíli ƃôi a gɛɛ é ǹíi ŋwána ǹûai ŋí dîa a ŋ̀ánaa.”

Ɉeremi 4:4

Ka kákili tɔ́ɔ ńyãai ŋ́gáa a Yâwɛɛ ḿâ. Káfe kálii su kpànaŋ ḿberêi. Káai a Zuda da Zerusâlɛŋ-ƃelai, ka kákpîŋ tɛɛ ḿbɔ. À wàla kɛ́ tí, a gɛɛ ŋá líi ŋwânai a pâi kákereniî yɛ̂ɛ ŋɔŋ nyíi núu da fa pɔ̂ri ǹiiniî, zɔnyɔ̂ŋ ká kɛ̀ gɛ̂i, mɛ̂ni ma”

Ɉeremi 44:22

Kálɔii kâa sâa a bûŋ, núu da fé naa lônii ma. Ǹaa káa sâa a yao ma kwaa ma, nûa dí kɛ́ dífoo a ǹaa láa, kpɛ́ni fêi, Yâwɛɛ fé ǹyée sèe ní kámɛni nyɔ́mɔɔi da káŋwana lɔ̂ɔ tua-ŋai mu.

Ɉeremi 5:14

M̀ɛni ma m̀ɛnii Ŋ̀wála-wâla kélee Yâwɛɛ è m̀oi nya ƃa: “Kpɛ́ni fêi da m̀ɛni-ŋai ŋí ƃó tíi, ŋa pâi ŋ̀óo kɛ̂i íla a ŋɔŋ, ŋá ǹûai ŋí kɛ́ a kɔi. À kɛ̀ tí, ŋɔŋ a pâi díkêrenii.”

Ɉeremi 5:28

da dílaa mîi, díkpaya-kpaya. Díŋwana lɔ̂ɔ tua-ŋai kɔ̃́yɛŋ fé ma. Dífa tûa a dee-loŋ-ŋai a teniŋ ƃô pere, kpaa dítûa a zã́a a diai díkaa mɔ̃lɛi.

Ɉeremi 7:20

M̀ɛni ma, ńyãai a Ŋ̀wála-wâla kélee Yâwɛɛi, ŋa pâi ŋá lii ŋwânai kélee pûi dîa gwaai ŋí ma. Ŋa pâi ńii ŋwânai ǹûai da daa-tulɛ-ŋai dîa, ŋa níi ŋwána ŋ̀úru-ŋai, gbâlaŋ da ŋ̀úru-ƃa-ŋai díkaa ǹɔii mai dîa. Ŋálii ŋwânai a pâi díkereniî, m̀aa ŋɔŋ fa nîiŋ.”

Ɉeremi 7:5

“À kɛ̀ ka kátûa-pere pɛ́ŋ pɛ̀lɛ a tɔ̃yâ, kátûa a kákîe-ni a teniŋ ƃô pere,

Woolaa 4:11

Yâwɛɛ è ǹíi ŋwàna a ŋánaa, é ŋɔŋ tóo Zãiyɔŋ ma, ǹaa é kéreŋ.

Izikiɛ 22:31

M̀ɛni m̀a, ŋa pâi ńii ŋwãnai dîa. Ŋa pâi díkereni a ŋá lii-ŋwanai. Ǹyaŋ ŋa pâi díkereni a ŋálii-ŋwãnâi dímɛni nyɔ́mɔɔi mɛ̂ni ma yɛ̂ɛ ŋɔŋ a sɛŋ kêreŋ. Ńyãai a Ŋ̀wála-wâla kélee Yâwɛɛi ńyãa ƃé mò tí.”

Levetekɔ 26:28

ŋa pâi kámɛni kpɔ̂lui su kɛ̂tɛi a ŋ̀ánaa gîei lɔ́ɔlu mɛi feerɛ é tɛ́ɛ bɔlɔi ḿâ.

Nahumə 1:6

Gbɛ̂ɛ ƃa pɔ̂ri tɔɔ̂i Yâwɛɛ ŋɔlii-ŋwânai túɛ? Gbɛ̂ɛ ƃa pɔri ǹíi kpelêi Yâwɛɛ ŋɔwála-wala lii-ŋwana fãai yêei? Ŋɔlii-ŋwânai a pâ yɛ̂ɛ ŋɔŋ, é gɔni-ŋai ƃéla-ƃela.

Sofoni 1:18

Dísɛŋ-kao-kolei da dígôoi fé pâi díkulâi Yâwɛɛ ŋɔlii-ŋwânai su a ma ɣêlei tí. Ŋɔtólo lii-ŋwana kpɛɛ pôlui su, a pâi ŋ̀éniɛi kélee su-karâi. Tɔ̃yâ ma a pâi ǹɔii-su-ƃelai kélee su karâi a maa félaa.

Sofoni 3:5

Kɛ́lɛ Yâwɛɛ káa dísama. A tɔ̃yâ-mɛni kɛ̀, va mɛni nyɔ́mɔɔ kɛ̀. Ɣele-wâla kélee a ŋɔtɔ̃yâ-laai lɛ̂, ɣele ƃɔ́ɔ kélee va fɛ̂ɣɛ, kɛ́lɛ ŋumɛ fé wôya-nuu ma.

Lukə 1:69

a ƃálo-laa-míla mu siɣe kúmɛni ma a ǹyée-mu-nuui Deeƃé ŋɔkaayɔi da,

Lomaŋ 13:4

kpɛ́ni fêi, gáa a Ɣâla yée-mu-nuu a gɛ́ɛ é mɛni lɛ́lɛɛ kɛ́ ímɛni ma. Kɛ́lɛ, à kɛ̀ yà mɛni nyɔ́mɔɔ kɛ̀, gɛ̀ ní yao é kɛ́ íkɔlɔ̂i, kpɛ́ni fêi, va ŋɔƃóa-sɔkpɔ̂i siɣe, kpɛni fêi, gáa a Ɣâla yée-mu-nuu a gɛ́ɛ e Ɣâla ŋɔlii-ŋwanai maa-tɔŋ kpɛ́ sɔnyɔ̂ŋ-ƃela dîa.

Dutɛrɔnome 32:22

Ŋá lii-ŋwânai a pâi kɛ̂i yɛ̂ɛ ŋɔŋ é zãai díkaa ɣele mai kélee kéreŋ. A pâi ǹɔii kérenîi é lɛ́ɛ la zu é seri m̀olôŋ kpóŋ ma saa táa. A pâi ǹyée-ŋai kérenîi é tóo ǹɔii tanaŋ ma.