Ɉeremi 20:7 - Bible

⁷ Yâwɛɛ, í ḿbɛ̀lɛ, ŋ́gili-ŋa é tɛi. Íwala-walaai é tɛ́ɛ ḿâ. Íyee a tɛ̀ɛ ḿâ. Ǹûai kélee da ɣɛ́lɛ-maa kulâi ŋ́gbonôi. Da lɛ̂ɛ ɣɛ̂lɛi ḿâ é lɛ́ɛ la zu ɣele wûlii é kɛ́.

Yálá laawoo hɛɓɛ (dc)

⁷ Yai-Laa, yáá ɲą́ą́nɛnɛn, yáá ɉón a gbanalaa, Ɛlɛɛ, ɲą́ą́n, ŋą́ą́ gbɔ́ɔ́ lɛɛ laa yáá ɉón, wea mɛ̨nį kpɔ ɓə ə́ gɛ mą́ą́ mɛ̨nį hu; Ɛlɛɛ, mɛ̨nįi ə kɛ bɔ, ə́ yee aa pɛli mą. Da túwɔ́ lɔ yɛlɛ kulɔi ɉú, nu kəlee diɛ di laa pu ɉú.

Yálá laawoo hɛɓɛ

⁷ Yai-Laa, yáá ɲą́ą́nɛnɛn, yáá ɉón a gbanalaa, Ɛlɛɛ, ɲą́ą́n, ŋą́ą́ gbɔ́ɔ́ lɛɛ laa yáá ɉón, wea mɛ̨nį kpɔ ɓə ə́ gɛ mą́ą́ mɛ̨nį hu; Ɛlɛɛ, mɛ̨nįi ə kɛ bɔ, ə́ yee aa pɛli mą. Da túwɔ́ lɔ yɛlɛ kulɔi ɉú, nu kəlee diɛ di laa pu ɉú.

Ɉeremi 20:7 ပူးပေါင်းရင်းမြစ်များ

Tɔɔɓɛlaa veelɛ 2:23

Ilasa è kùla naa é lí Bɛtɛ. Gɛ́ɛ siâi berei ma gɛ́ lii, sinâa-nɛyaa da-ni dí kùla taa tɔ̂nɔ su dí kɛ́ ɣɛ́lɛ maa kûla gbonôi. Dí mò mà dîyɛɛi, “Kula ƃɛ́ í lí a íŋûa kpulaŋ, kula ƃɛ́ í lí a íŋûa kpulaŋ.”

Zôo 12:4

Ǹúui nyii kélee a Ɣâla fɛ̀li gíli tɔ̂ɔ ma a gɛɛ é ŋ̀óo su tooi, m̀arâai da gɛ̀ nɔ́ a díɣɛlɛ maa sɛŋ, berei máŋ deniŋ ƃôɔɔi la, a Ɣâla fɛli gɛ́ ŋ̀óo mɛnii.

Zôo 30:9

Ǹyaŋ dínîa-pɛlɛɛi da pá díkɛ ɣɛ́lɛ-maa kûla ŋ́gbônoi. Ŋ́gaa nɔ́ nâa a díɣɛlɛ maa-sɛŋ.

Mąątɛ̨nɛ̨ 119:51

Ŋɛi-tɛ-ƃela díkaa nɔ́ ɣɛ́lɛ-maa kulâi ŋ́gbonôi, kɛ́lɛ, ḿve niî ńyee kula ní ítɔ̂ŋ mu.

Azaya 8:11

Yâwɛɛ è ńia-wôo ƃò a gbanaŋɔɔ a gɛɛ fé ńyee pìli ǹûai tûa-perei da su. È mò ḿâ ǹyɛɛi,

Ɉeremi 15:10

Lé mɛni ƃé lii-nɛ̃ɛ fé la ǹyêei? Lé mɛni ƃé ńee è ḿaa-sɔlɔ ƃô la ŋ̀éniɛi ŋí sui? Laa sâa da sîa káa nɔ́ kúloai kwa nûa. Ḿve niî kpà pili ní núu da ma, kpaa máŋ ŋá kpa soŋ núu da ma. Kɛ́lɛ, ǹûai kélee da ńaɣaŋ lâai.

Ɉeremi 15:18

Lé mɛni nɔ́ ƃé ŋa pâi kɛ̂i nɔ́ mɔ̃lɛ̂i lai? Lé mɛni ƃé ḿa pala fa kpɛ̂ɛ lai? Ya pâi gɛ̂i ńii é tóo pôlu yɛ̂ɛ ya-ɣɛli nyíi a kpâla a fólo-ɣêlei?”

Ɉeremi 17:16

Kɛ́lɛ Yâwɛɛ, ḿve kɛ́ ní ímɛni kpɔ̂lu láa dîa. Ḿve ŋ̀wɛ̂lii a gɛɛ mɛni kpɔ̂lu é láa dîa. Yâwɛɛ í gɔ́lɔŋ, í m̀ɛnii kɔ́lɔŋ ŋa m̀ôi yâi.

Ɉeremi 20:9

Kɛ́lɛ, à kɛ̀ ŋà mò, “Ŋa pâi niâi Yâwɛɛ ma, ḿve ŋɔ́nɔ lòno é pîlaŋ ǹáa ma.” Gɛ̀ ní íwooi a kɛ̂ yɛ̂ɛ ŋɔŋ ƃé ŋ́gereniî ŋ́gbonôi. Ŋa kɔ̂ a gɛɛ ŋá ńii maa sóŋ, kɛ́lɛ pere kélee da fa kɛ̂ naa.

Ɉeremi 29:26

“Zɛfɛnaya, Yâwɛɛ a íkɛ a sâla láa-soŋ-nuu Zioada pɔ́ɔ ŋá. Yá ƃé íkaa Yâwɛɛ Ŋɔpɛ́rɛi mɛi. Ye ƃoo-nuu nyíi kélee a tûa yɛ̂ɛ Ɣâla ŋɔlóno kɛ́-nuui sóŋ. Ǹyée-kwana ɣíri, í doo kpɔnɔ ŋá, í kɔli-yɔlɛ kɛ́tɛ tóo gɔŋ ma.

Ɉeremi 38:19

Kɛ́lɛ, gâloŋ è ŋ́oo su tòo ǹyɛɛi, “Kúlɔii ŋí su-ƃelai nyíi-ŋai da díkpîŋ tɛɛ Babelɔŋ-ƃelai pɔ́i, ŋa yaôi dîa. Da pâi ńzonîi dí ńdɛɛ dípɔ dí ḿɔ̃lɛ.”

Woolaa 3:14

Nûa da kɛ̂ nɔ́ ɣɛ́lɛ maa kulâi ŋ́gbônoi a ɣele kélee. Ŋ̀ulei kélee da dòoi, da ɣɛ́lɛ maa kûla ŋ́gbonôi.

Izikiɛ 3:14

Mɔ̂leŋ è ńdɛ̀ ɣêlei é lí a ńyãa. Ńii è kɛ̀ kpɔ́ a ŋ̀wanaa. Kɛ́lɛ Yâwɛɛ yée è kɛ̀ kpɔ́ ḿâ a gbanaŋɔɔ.

Osia 9:7

Dɔŋ-kpɛ-maa-tãi à sèri, fela-fei-tãi a sèri, Eezuɛ-ŋai da pâi gɔ́lɔnîi. Ka gâai yɛ̂ɛ “Ɣâla ŋɔlóno kɛ́-nuui ƃoɔ̂i, ǹúui m̀ɔlêŋ káa gbonôi táre fé ŋuŋ su.” Kásɔnyɔ̂ŋ da kákpɔara su kɛ̂tɛi nyii ka gɛ́ a Ɣâlai.

Zôna 4:2

È Yâwɛɛ fɛ̀li ǹyɛɛi, “Ŋá kɛ̀ a gɔ́lɔŋɔɔ a gɛɛ íkaa a ƃɛlɛ-see da maloŋ-kâa Ɣala, ífaa ílii ŋwàna a maa félaa, wɛli-kɛ-maa kɛ̀ ƃò íyêei, ƃa ílii maa fâleŋ ífaa núu ŋɔsɔnyɔ̂ŋ su too. M̀ɛnii ŋá kɛ̀ ŋ́gili ŋá siâi ma tãi ŋá kɛ̀ niî la ŋalɔii sui nyaa ká ŋí. M̀ɛnii ŋí ƃe gɛ̀ ŋá pú ŋá lí Sipîŋ.

Mise 3:8

Kɛ́lɛ à kɛ̀ a ńyãa, Yâwɛɛ a wála-wala tɛɛ ḿbɔ. Ŋɔmɔ̂leŋ káa ŋ́gbonôi a gɛɛ ŋá tɔ̃yâ mɛni kɛ́ a lii-kpêle pere a gɛɛ ŋá Zeeka ŋɔtɔ̂ŋ karaai lɛ́ ma, ŋá Eezuɛ-ŋai dísɔnyɔ̂ŋ lɛ́ dîa.

Lukə 16:14

Faresii-ŋai nyii-ŋai kɛ̀ a sɛŋ-kao wɛliɛi, dí mɛnii ŋi kélee mɛ̀ni, dí ɣɛlɛ-maa kúla zu.

Lukə 23:11

Nya ƃe Ɛɛlɔ da ŋɔǹɔii maa kpɛ́-ƃelai dí kɛ̀ tuâi la a ƃaa-kula-maa-pere, díkɛ ɣɛlɛ-maa kula zu. Dí yokpo lɛ́lɛɛ ŋánaa tòo gɔŋ ma, dí dɛɛ pôlu Pâle pɔ naa.

Gɛlaɠaa 17:18

Da Ɛpikureaŋ tare-ƃelai da-ŋa da Sitoi tare-ƃelai dí pɛ̀lɛ díkîe ni sia toôi. Díta-ni dí mò, dîyɛɛ, “Le ƃe moo-lono kɛ́-naloŋ ŋí a ŋ̀wɛ̂lii é m̀oi?” Da-ŋa dîyɛɛi, “Gɛ̂ɛi yɛ̂ɛ ǹyaa ƃé gáa mɛni lɛ̂i é pîlaŋ lɔii da kpɛ́ni su ɣâla-ŋa dîa.” Dí m̀o tí, kpɛ́ni fêi, è kɛ̀ Duŋ Lɛ́lɛɛi ƃôi é pîlaŋ Zîsɛ ma da mu-siɣeɛ saa-yeei.

Gɛlaɠaa 17:32

Pɔ̂ɔ lónoɔɔ é m̀u-siɣe yêei saa yêei mɛni mai, ǹúui da-ŋa dí ɣɛ́lɛ maa kùla gbonôi, gbéli-ŋai dí mò, dîyɛɛi, “Kwa pâi íwoo mɛnii ŋɔ́nɔ é pîlaŋ mɛnii ŋí ma.”

Korɛntə dɔlɔɔ 9:6

Kpaa máŋ kwa Banaba nɔ́ ƃe ve a sɛŋ a gɛ́ɛ ku tíi kɛ́ kúfulu-laai mɛni mai?

Hebreu 11:36

Dí ɣɛ́lɛ-maa kùla núu da-ni kponôi dí dílokwa dí yɔlɔ pú dîa máŋ dí dípili kpini-pɛrɛ mu.