Ɉeremi 20:10 - Bible

¹⁰ Ǹûai kélee da kɛ̂ m̀ôi ninîŋ-woo su dîyɛɛi, “Yao kɛ́tɛ káa kwaa kélee ma! M̀ɛni ma, kwaa zɔ̀ŋ láa ǹúu-mɛi-ƃelai ŋɛ́i!” Ńaôi-ni kpîŋ da tɔɔ ḿâ. Da m̀ó dîyɛɛi, “Tãi da kwa pɔ̂ri bɛlɛ̂i, gɛ̀ ní kwa pâi zoniî kúmɛni kpa kula m̀a.”

Yálá laawoo hɛɓɛ (dc)

¹⁰ Gáá nu kpulu nwɔ lalan nwoo mɛ̨n ɉii, ɲɔw kaa həɠəi pələ kəlee. Diɛ kɛ diɛ: «'Ká ɉɔn nwolo mą, ka gu ɉɔn doo mą.» Mɛ́laaɠaa kpɔ kwa diɛni ku kɛ yɛnɛ̨ɛ̨ ɓa, di kaa dóói lɔwai mąąhɛŋii, diɛ kɛ diɛ: «Gaa pai kiɛ gbɔwɔ lɛɛi laa di mowo yɛ nu tunun, gu yee a pɛli kɛa mą; guɔ kɛa gu nwąną kulɔ ma.»

Yálá laawoo hɛɓɛ

¹⁰ Gáá nu kpulu nwɔ lalan nwoo mɛ̨n ɉii, ɲɔw kaa həɠəi pələ kəlee. Diɛ kɛ diɛ: «'Ká ɉɔn nwolo mą, ka gu ɉɔn doo mą.» Mɛ́laaɠaa kpɔ kwa diɛni ku kɛ yɛnɛ̨ɛ̨ ɓa, di kaa dóói lɔwai mąąhɛŋii, diɛ kɛ diɛ: «Gaa pai kiɛ gbɔwɔ lɛɛi laa di mowo yɛ nu tunun, gu yee a pɛli kɛa mą; guɔ kɛa gu nwąną kulɔ ma.»

Ɉeremi 20:10 ပူးပေါင်းရင်းမြစ်များ

Tɔɔɓɛlaa dɔlɔɔ 19:2

Nya ƃe Zɛsebɛɛ è kéla tɛ̀ɛ Ilaiza pɔ́-naa a gɛ́ɛ é mò ma ǹyɛɛ, “Ŋ̀âla-ŋai dí ńdoo dí ḿbaa à kɛ̀ m̀ɛnii í gɛ̀ a Bêe ŋɔlóno kɛ́-ƃelai ŋà wàla da kɛ́ a ƃía tínaa ƃɛ́ tãi ŋí.”

Tɔɔɓɛlaa dɔlɔɔ 21:20

Eɣa è mò Ilaiza ma ǹyɛɛi, “Gɛ̀ ní, ƃaâ ŋ́gaa ŋákpɔara-nuui!” Ilaiza ǹyɛɛ m̀ai, “Ŋaâ íkaa, kpɛ́ni fêi, ya fáa ma a gɛ́ɛ í mɛni nyɔ́mɔɔ kɛ́ a Yâwɛɛ.

Tɔɔɓɛlaa dɔlɔɔ 22:27

Ka mò dîa kâai, m̀ɛnii ká ŋí gâloŋ a m̀ôi, ‘Nyáŋkpai ŋí lɔ́ kpini-pɛrɛ mu. Ífe mii-sɛŋ da kpɛ́ni tɛ̀ɛ bɔ́ fɛ̂ɛ nɔ́ kpólo da yá é lɛ́ɛ la zu ŋá pene pôlu fúlu-laa lɛ́lɛɛ su.’ ”

Tɔɔɓɛlaa dɔlɔɔ 22:8

Eezuɛ kaloŋ è Zeosafa wóo su tòo ǹyɛɛ m̀ai, “Nalôŋ tɔnɔ káa niî naa nyíi kwa pɔri tɛɛ̂i gbonôi a gɛ́ɛ kú Yâwɛɛ marê kɛ́, kɛ́lɛ fé ŋ̀wɛ̂li ní kpɛ́ni fêi, va tuɛ mɛni ƃò a ǹɛ́lɛɛ é pîlaŋ mâ fɛ̂ɛ nɔ́ mɛni nyɔ́mɔɔ a tãi kélee. Ǹyaa ƃa Imila ǹóŋ Mikâya.” Zeosafa è zu tòo, “Gâloŋ fé mò tí.”

Zôo 19:19

Ḿarâai kwa dîa-ni kwa kâa kúlaa mìi gîe mai da dípôlu tɔɔ ḿâ. Diai kélee ŋá kɛ̀ a díwɛliɛɛi, da dípôlu tɔɔ ḿâ.

Mąątɛ̨nɛ̨ 31:13

Ŋ́gbɔara-ƃelai da kɛ̂ ninîŋ-woo ƃôi é pîlaŋ ḿâ. Mɛni kpɔ̂lu a tínaŋ ḿâ gwaa kélee. Nûa da mɛni kpɛtɛɛ nyɔ́mɔɔ támaa kɛ̂i é pîlaŋ ḿâ. Da gbɛtɛ̂i a gɛɛ dí ḿbaa.

Mąątɛ̨nɛ̨ 31:14

Kɛ́lɛ ńâai a yá, óo Yâwɛɛ. Yá ƃa Ŋáɣâlai.

Mąątɛ̨nɛ̨ 41:10

Óo Yâwɛɛ, ḿaloŋ káa í gɛ́ ŋá ŋɔ́nɔ tóo ŋ́gɔlɔi, ŋ́gbonoi é kpanaŋ, m̀ɛnii ŋ́gbɔara-ƃelai da gɛ́ a ńyãai, ŋá gba kula dîa.

Mąątɛ̨nɛ̨ 41:9

Ŋáwɛli kɛ́-maa-ƃelai kpîŋ ńâai a diai, kwa dîa ni kwa kâa kúlaa mii gîe mai, díkelee da tɔɔ ḿâ.

Mąątɛ̨nɛ̨ 57:4

Ŋ́gbɔara-ƃelai da tínaŋ ḿâ. Díkaa yɛ̂ɛ yala-sulu-ŋa nyii-ŋai ŋ̀wɛ̂lii a gɛɛ dí núu-sua míi. Dínyiŋ káa yɛ̂ɛ kpála-ŋa da sɔ̀ala-ŋa. Dínɛŋ káa yɛ̂ɛ ƃóa-sɔ̂kpɔ ŋáliɛɛ-ŋa.

Hanwon 10:18

Ǹúui a kpɔara mɛi pɛ̂lɛi, gáa a lɛ́ɛ-nuu, ǹyaŋ ǹúui nyii a m̀arâai láa kàrai, gáa a ƃoo-nuu.

Azaya 29:21

Diai kélee da lɛ́ɛ pɛ̀lɛ nûa dîa a gɛ́ɛ dímɛnii é nyɔ́ŋ m̀ɛni-sâa ƃó kwaa mai, Ɣâla a pâi m̀aa-ƃelai su-karâi. Diai da tɔ̀ɔ m̀ɛni nyɔ́mɔɔ kɛ́-ƃela pôlu a wôya pere a gɛ́ɛ ǹúui zɔŋ fé m̀aa mɛ̂nii su ŋɔmɛnii é nyɔ́ŋ, Ɣâla a pâi maa-ƃelai kula maa kɛ̂i.

Ɉeremi 1:19

Da pâi kɔ̂i ípɔ, kɛ́lɛ díyee fé pâi pɔrîi yâ. Kpɛ́ni fêi ńyãai ŋ́gáa a Yâwɛɛ, ŋa pâi ímɛi kâai, ŋa íkula yêei kɛ́.” Ńyãai ŋ́gáa a Yâwɛɛ, ńyáa ƃé mò tí.

Ɉeremi 11:19

Kɛ́lɛ, ŋá kɛ̀ yɛ̂ɛ ƃála-loŋ ŋumɛɛ nyíi dí kɛ̀ liî la bàa mɛ̂ni mai. Ḿve kɛ́ ní a gɔ́lɔŋɔɔ a gɛɛ m̀ɛnii ŋí tɔɔ̂i ḿâ. Díwôya mɛni kpɛ̀tɛ dí kɛ́ mò dîyɛɛi, “Kwaa ŋ̀úrii da ḿba dísu kara, kwaa bàa kú gula ǹúu-fulu-ŋai sáma, a gɛɛ ǹáa fa lâa kɛ́ la ɣele ma.”

Ɉeremi 11:21

Nya ƃe Yâwɛɛ è ŋ́oo su tòo é pîlaŋ ǹûai díkaa Anatɔi nyíi-ŋai kɛ̀ ŋ̀wɛ̂lii dí ḿbaa dîa ǹyɛɛi, “Ífe ɣâla-woo ƃò dîa Yâwɛɛ láai su, ya gɛ̀ tí, da pâi í paâi.”

Ɉeremi 18:18

Nya ƃe ǹûai dí mò dîyɛɛi, “Kwaa mɛni kpɛtɛɛ kɛ́ é pîlaŋ Zɛlemaya ma. Sâla láa-soŋ-ƃela da pâi wɔ́lɔ kɛ̂i nɔ́ naa dí kɛ̀ kúteniŋ tɔ̀ɔ. Táre-ƃela da pâi wɔ́lɔ kɛ̂i nɔ́ naa dí kɛ̀ kúlia-woo ƃò. Ɣâla ŋɔlóno kɛ́-ƃelai da pâi wɔ́lɔ kɛ̂i nɔ́ naa dí kɛ̀ Ɣâla ŋɔwóo ƃò kûa. Ka pá kú kɔ́ bɔ́ a kúwoo, kú kpéra kúwoli tɔɔ̂i ŋ̀óo ma.”

Ɉeremi 20:3

Bôlu ma ɣelei, Pasuɔ kɛ́ɛ a ŋ́gula ǹyɔlɛi-ŋai, ŋá mò mà ǹyɛ̃̂ɛi, “Yâwɛɛ fé ílaa sèe ní a Pasuɔ. Ǹáai a zèe yâi ƃa, ‘Yao Kɛ́tɛ Káa Kwaa Kélee Ma.’

Ɉeremi 37:13

Kɛ́lɛ, tãi ŋá sèri la Bɛŋsima ŋɔsiɣãŋ lá-ƃerei, gɔ-kuluƃai nyíi kɛ̀ ǹaa mɛi kâai ǹáa ƃé kɛ̀ a Irizai, è kɛ̀ naa. Iriza ǹâŋ ƃé kɛ̀ a Selemaya. Ǹâŋ ŋɔnàŋ láa ƃé kɛ̀ a Ananaya. Iriza è ŋ́gbèra a gɛɛ ḿve tɛ̀ɛ. È mò ḿâ ǹyɛɛi, “Íkaa pûi a gɛɛ í lí Babelɔŋ-ŋai pɔ́ naa.”

Ɉeremi 6:25

Káfe lì gbâlaŋ ŋá, kpaa ká lɛ́ɛ berei ma, kpɛ́ni fêi, ƃóa-sɔ̂kpɔ káa kúkpɔara-ƃelai yêei, mɛni kpɔ̂lu kɛ́ ƃò ƃéla kélee ma kú mɛni ma.”

Izikiɛ 22:9

Nûa díkaa ká sama nyii ŋai da lɛ́ɛ kɛ a díƃaraai láa a gɛɛ dí dípaa. Ǹúui da ni káa naa da kɛ sâla mii-sɛŋ miî ǹyée ŋai ma. Ǹúui da ni díkɛ díkpîŋ tua-pere ŋa-see kɛ a wulu-wulu kɛ́ɛ.

Danîa 6:4

M̀ɛnii ŋí è gɛ̀ ǹûai ŋí dí tɔ́ɔ Danîa ma. Dí pere sîi támaa kɔ̀ri a gɛɛ líi nyɔ́mɔɔ é pá gâloŋ líi su Danîa mɛni ma, kɛ́lɛ dífe pɔri ní. Dífe wôya mɛni da kélee káa ní gbonôi. Tɔ̃yâ mɛni támaa è kɛ̀ gbonôi, gɛ́ ŋɔtíi-ŋai kɛ̀ ǹɛ́lɛɛ.

Lukə 20:20

Nya ƃe dí m̀aa kpɛ̂ɛ dí maa-mɛni kɔ́ri-ƃela tɛɛ, nyii-ŋai dí díkpîŋ kɛ̀ nɔ yɛ̂ɛ nûa ƃe dísɔŋ lɛ́lɛɛ̂i a gɛɛ dí zoŋ ǹóno-woo su, dí dɛɛ gɔmɛnɛ-nuu pɔ, e kɛ́ ŋɔwala-wala-laai su.

Gɛlaɠaa 24:13

Dífa tela pɔ̂ri ǹɛ̂i yâ a gɛ́ɛ mɛni-ŋai ŋí da môi a ńaâi, gáa a tɔ̃yâ.

Gɛlaɠaa 5:33

Kɛ́lɛ, ǹûai kɛ́ɛ da nyíŋi mɛnii, dílii è tèe díkoi a ŋ̀ánaa, díkɛ ŋ̀wɛli dí dípaa.

Gɛlaɠaa 7:54

M̀ɛni-ŋai ŋí mɛniɛɛ dîɛi, dílii è tèe díkoi díkɛ dísîa-mii la.