Ɉeremi 2:5 - Bible

⁵ Yâwɛɛ è mò ǹyɛɛi, “Lé mɛni nyɔ́mɔɔ ƃé ŋá gɛ̀ a kánuu-pɔlɔ ŋai? Lé ƃé gɛ̀ dí kɛ̀ dí kɛ̀i kòyaa ḿâi? Díkɛ ɣâla da kpɛ́ni-ŋa fɛ̀li nyíi kɛ̂i fé kɛ́ ní dîai, nyíi gɛ̀ dia kɛ̂i fé kɛ́-ni dîai.

Yálá laawoo hɛɓɛ (dc)

⁵ Mɛ̨nįi Yai-Laa kaa moi ya ka; yɛ diɛ: Hulu mɛ̨nį lə kɛɛ kpɔ ɓə ka nąnni di gaa ɲéé pɔ, yaai di di pulu tɔɔ mą́ą́? Diɛ hvilɛn na kpɛli-kpɛli maniɠaa pulu, ya ka daa lɛɛ a nu kpɛli-kpɛliɠaa!

Yálá laawoo hɛɓɛ

⁵ Mɛ̨nįi Yai-Laa kaa moi ya ka; yɛ diɛ: Hulu mɛ̨nį lə kɛɛ kpɔ ɓə ka nąnni di gaa ɲéé pɔ, yaai di di pulu tɔɔ mą́ą́? Diɛ hvilɛn na kpɛli-kpɛli maniɠaa pulu, ya ka daa lɛɛ a nu kpɛli-kpɛliɠaa!

Ɉeremi 2:5 ပူးပေါင်းရင်းမြစ်များ

Tɔɔɓɛlaa veelɛ 17:15

Dífe wɔ́lɔ díwoli tɔɔ ní Yâwɛɛ ma ŋɔlia-woo-ŋai da ŋɔtɔ̂ŋ-ŋai ǹyaŋ dí díyee kùla Gbanaŋ-woo kpanaŋɔɔ lɛ́lɛɛi mu nyii Yâwɛɛ è wɔ́lɔ gɛ̀ dínâŋ-pɔlɔ-ŋai yêei. Dí pɛ̀lɛ ɣâla-pɔkɔŋ kpɛ́ni-kpɛni-ŋa fɛliɛɛ ma ǹyaŋ dia kpîŋ dí kɛ̀ nɔ́ kpɛ́ni-kpɛni. Yâwɛɛ è wɔ́lɔ mò Eezuɛ-ŋai dîa a gɛɛ dífe pìlaŋ mɛni-ŋai pôlu díkɔlɛ ma lɔii-ŋuŋ-ŋai dí kɛ̀ gɛ̂i, kɛ́lɛ Eezuɛ-ƃelai dí díkpîŋ kɛ̀ nɔ́ yɛ̂ɛ dia.

Mąątɛ̨nɛ̨ 115:8

Diai díkpɛ̀tɛi, díkaa nɔ́ yɛ̂ɛ dia, ǹyaŋ bere nɔ́ ƃé gáa la a diai da lâa a diai.

Azaya 29:13

Ǹuu-namui è m̀o ǹyɛɛi, “Ǹûai ŋí da lɛɣɛ̂i nɔ́ a ńyãa a díla-woo folo. M̀aa kɛ́-maai da dɛɛ̂i ḿbɔi, vé kulâi dílii su. Da ḿvɛlîi nɔ́ kpɛ́ni-kpɛni. Díɣâla mɛni kɛ́ɛi káa nɔ́ a núu-kpune tûa-pere nyíi-ŋai da m̀aa kɔ́ri, gɛ́ ƃò díli ŋai.

Azaya 44:9

Ɣâla pɔkɔɔŋ-ŋa mɛni káa nɔ́ kpɛ́ni-kpɛni. Diai da dí kpɛ̀tɛi, dífa mɛni lɛ́lɛɛ da sɔlɔ ƃô díyêei. Dífɛli-ƃela ŋɛ́i pûɔɔi. Dífe m̀ɛnii kɔ́lɔŋ da gɛ̂i. Ɣâla a pâi díkula maa kɛ̂i, dí ŋumɛ.

Azaya 46:12

“Wolii-kpɔ̂lɔ-ƃela, ka káwoli tɔ́ɔ ḿâ. Káwolii kpɔ̂lɔi a gɛ́ kákɛ kákili-ŋa sìa a gɛɛ káfe pâi ŋuŋ ma ƃô sɔlɔ ƃôi a maa félaa.

Ɉeremi 10:8

Da tûa a ƃoo-pere, dífa mɛni ŋá kàa. Dísɛŋ lɛ́-nuui ƃa ŋ̀âlai nyíi dí gbɛ̀tɛ a wúru nyíi kɛ̂i fé mai.

Ɉeremi 12:2

Ya dísi, dísame a ǹɔii sóŋ, da ƃɔlɔ dí kɛ̀ ƃà. Da ílaa maa tɛ̀ nɔ́ a díla-gbɔ. Kɛ́lɛ í maa mɛ̂ni fé dí líi su.

Ɉeremi 14:22

Ŋ̀âla-pɔkɔɔŋ-ŋai díkaa ǹɔii-ŋuŋ-ŋai sui, da fa pɔ̂ri gɛ̂i tuna é pú. Ŋ̀ele-kɔlɔŋ fa pɔ̂ri gɛ̂i tuna é pú gbîŋ-yee ma. M̀ɛni ma, yá nɔ́ ƃé kúkili káa yâ, óo Yâwɛɛ, yái íkaa a Kúɣâlai. Kpɛ́ni fêi yá tɔnɔ nɔ́ ƃé ya pɔ̂ri m̀ɛni-ŋai ŋí kɛ̂i.

Ɉeremi 2:31

Óo Eezuɛ-ƃela, ka káwoli tɔ́ɔ ŋ́oo ma ńyãai ŋ́gáa a Yâwɛɛ. Ŋ́gáa yɛ̂ɛ fɛ̃ɛ-kpâlaŋ Eezuɛ maa mɛni ma? Vé tí a dɔnɔ kpîŋ. Kpaa ḿve yɛ̂ɛ tuna-ya kpini. Lé mɛni ƃé ká môi la kákɛ ŋuŋ ma ƃô sɔlɔ ƃó, mɛni ma kú fa ŋɔ́nɔ pa pôlu ípɔi?

Ɉeremi 2:4

Káai kákaa a Zeeka ŋɔsuui su-ƃelai, ka káwoli tɔ́ɔ Yâwɛɛ wóo ma. Káai kákaa a Eezuɛ-ƃelai, ka káwoli tɔ́ɔ.

Ɉeremi 8:19

Ka káwoli tɔ́ɔ! Ŋa ŋánûai wɔ́lɔ-woo mɛnîi ǹɔii gwaa kélee. Ǹûai da mare kɛ̂ɛ kɛ̂i dîyɛɛi, “Yâwɛɛ fé ŋɔ́nɔ Zãiyɔŋ? Zãiyɔŋ ŋɔkâloŋ fé ŋɔ́nɔ naa?” Yâwɛɛ è mò ǹyɛɛi, “Lé mɛni ƃé da ńii ŋwânai la a díɣâla pɔɔkɔŋ-ŋai é pɛ́lɛ díɣâla da kpɛ́ni-ŋai diai?”

Izikiɛ 11:15

“Núu-kpune ǹóŋ, íkayɔɔ-ŋai nyii-ŋai díkaa Zerusâlɛŋ da môi diɛi, ‘Íkayɔɔ-ŋai díkaa kɔ-sôŋ laa sui díkɛi kôyaa dífa pɔri Yâwɛɛ fɛlii. M̀ɛni ma, a ǹɔii tɛɛ kú pɔ a kú pɔɔ.’

Izikiɛ 14:5

Ŋa pâi gɛi tí a gɛɛ ŋá Eezuɛ-ŋai nyii-ŋai ŋ̀âla-pɔɔkɔŋ ŋai da dílii penei kɛ́ dítinaŋ ḿbɔ naa pere.

Zôna 2:8

Diai da díkili pù ǹúu-kpɛtɛ-ɣâla-ŋai dîa nyii-ŋai díkaa nɔ́ kpɛ́ni-kpɛ́nii, da dípôlu tɔ̀ɔ Ɣâla ŋɔƃɛlɛ-seei ma.

Maafîu 15:8

‘Ǹûai ŋí da ƃâa kɛ̀ ḿâ a díla-gbɔ, kɛ́lɛ, dílii su kôyai ḿâ.

Gɛlaɠaa 14:15

“Nûa, ka nyíŋi kɛ̂i lé mɛni ma? Kúa máŋ kúkaa a nuu-kpune-ŋa yɛ̂ɛ káa, kú ƃò kásama. Kúkaa ƃɛ́ a gɛ́ɛ kú Duŋ Lɛ́lɛɛi ƃó kâa a gɛ́ɛ ká kápôlu tɔɔ mɛni folo-ŋai ŋí dîa ka pá Gɛ-ɣele-ma Ɣalai pɔ́. Ǹyaa ƃé ŋ̀elei kpɛ̀tɛ da ǹɔii, ǹyái da zãai kélee dísui.

Lomaŋ 1:21

Berei máŋ dí kɛ̀ a Ɣâla kɔ́lɔŋɔɔ lai, dífe ƃâa kɛ́ ni mà yɛ̂ɛ Ɣâla, dífe tela zɛɣɛ̂i fé ní, kɛ́lɛ, díkili ŋa-siai è kɛ̀ nɔ́ a vólo, kili ŋá púɔɔ.

Dutɛrɔnome 32:21

Da ŋgɛ́, ŋgɛ́ tólo kùla. Díɣâla da kpɛ́ni-ŋa fɛli mɛnii a gɛ́ ŋa níi ŋwána dîa. Ŋa pâi díkɛi díkɛ tólo kula kpɛ́ni fêi ŋa pâi lûwa toôi ǹɔii ŋûŋ da kpɛ́ni-ŋa dîa. Ŋa pâi gɛ̂i lɔii-ŋuŋ nyii kɛ̂i fé mai é dílii ŋwána. Ŋa pâi dítolo kula ǹɔii-ŋûŋ-ŋai dîa dífa mɛni ŋá kaai.

Samuɛlə dɔlɔɔ 12:21

Káfe Ɣâla pɔkɔɔŋ-ŋa fɛ̀li! Wála-wala-laa kélee kpɔ́ da fé díyêei. Dífe pâi kpɔŋ ḿâa kélee da tɛɛ̂i kápɔ, kpaa máŋ dí káŋuŋ maa ƃó kà tòo mɛni kpɔ̂lu da su.