Ɉeremi 2:15 - Bible

¹⁵ Eezuɛ ŋɔkpɔara-ƃelai da kpêɣei mɛi yɛ̂ɛ yala-sulu. Da kpêɣei kpɔ́ m̀ɛi a díwoo su kɛ́tɛ. Ŋɔlɔii a lɛɛ a vólo, da naa kélee kéreŋ, naa lɛɛ a pîleŋ ŋá.

Yálá laawoo hɛɓɛ (dc)

¹⁵ Diɛ huluun mɛ̨i yɛ yala lonnii daa kɛi kɔ̨nɔ̨n mį́i, diɛ kpəɠi mą, diɛ nwɔ lɔi lɛɛ a lɔi pun. Diɛ nwɔ taaɠaa kələn, yɛ lɛɛ a taa kpoloonŋaa.

Yálá laawoo hɛɓɛ

¹⁵ Diɛ huluun mɛ̨i yɛ yala lonnii daa kɛi kɔ̨nɔ̨n mį́i, diɛ kpəɠi mą, diɛ nwɔ lɔi lɛɛ a lɔi pun. Diɛ nwɔ taaɠaa kələn, yɛ lɛɛ a taa kpoloonŋaa.

Ɉeremi 2:15 ပူးပေါင်းရင်းမြစ်များ

Zôo 4:10

Ŋwana-lɔ̂ɔ-ƃelai da kɛ̂ kpêɣei díwoo su kpíniɛɛ yɛɛ yala-sulu-ŋa, kɛ́lɛ Ɣâla a dínyiŋ ɣàle é dímɛi sáa.

Mąątɛ̨nɛ̨ 57:4

Ŋ́gbɔara-ƃelai da tínaŋ ḿâ. Díkaa yɛ̂ɛ yala-sulu-ŋa nyii-ŋai ŋ̀wɛ̂lii a gɛɛ dí núu-sua míi. Dínyiŋ káa yɛ̂ɛ kpála-ŋa da sɔ̀ala-ŋa. Dínɛŋ káa yɛ̂ɛ ƃóa-sɔ̂kpɔ ŋáliɛɛ-ŋa.

Azaya 1:7

Ŋɔ̃ya-ŋa da kálɔii su-kara, da kátaa lêe-ŋai kélee kéreŋ. Dí m̀ɛni-ŋai ŋí kélee kɛ̀ káŋɛi, kálɔii é lɛ́ɛ a bûŋ.

Azaya 24:1

Yâwɛɛ a pâi ǹɔii su karâi é ǹaa lɛɛ a bûŋ. A pâi gɛ̂i ǹaa-ƃela kélee dítaa-tâa.

Azaya 5:29

Díkɔ kuluƃa-ŋai da kɛ̂ lâɣii yɛ̂ɛ yala-sulu-ŋa da sua sôŋ díkɛ lì la díkɛ kpèɣe mɛi nyíi núu da fa pɔ̂ri gulâi díyêei.

Azaya 5:9

Kɛ́lɛ, Ŋ̀wála-wâla kélee Yâwɛɛi, a môi ǹyɛɛi, “Tɔ̃yâ ma, bɛ́rɛ kpaya-kpaya lɛ́lɛɛ-ŋai ŋí kélee da pâi lɛɛ̂i a dípûŋ.

Azaya 6:11

Ŋá m̀are kɛ̀ ńyɛ̃̂ɛ m̀ai, “Nùu-namui, ŋá gɛ́ tí a tãi ɣɛɛlu?” Ǹyɛɛ ḿâi, “É lɛ́ɛ la zu daa-lêei é wólo, núu da fé ŋɔ́nɔ kɛ̀ naa, bɛ́rɛ-ŋai dí lɛ́ɛ a vólo, ǹɔii é lɛ́ɛ a bûŋ.

Ɉeremi 10:22

Ka káwoli tɔ́ɔ dùŋ-ŋai dîa. Tùŋ káa kulâi yá-ŋua-pere lɔii su. Ǹyaŋ Zuda taa-ŋai kélee da pâi lɛɛ̂i a bûŋ. Da pâi kɛ̂i nɔ́ a fɛnɛ-sãa kɛ̂i.”

Ɉeremi 25:30

“M̀ɛni ma, Zɛlemaya, ye ŋ̀óo-ŋai ŋí ƃó dîa. Kɛ́ dîa: ‘Yâwɛɛ a pâi lâɣii kpɔ́ ŋ̀ele-kɔlɔŋ su é ŋɔ́nɔ láɣi kpɔ́ ŋɔpɛ́rɛi-maa-waai mu. A pâi kpɔ́ lâɣii ǹɔii-ŋuŋ-ŋai dîa a ŋánaa. A pâi lâɣii kpɔ́ yɛ̂ɛ nûa ƃé kpɔmɔ-ƃa siâi a gɛɛ dí gɛ́ a ŋwã̂ai. A pâi lâɣii kpɔ́ ǹûai kélee díkaa ɣele mai dí ŋ̀óo mɛ́ni.

Ɉeremi 25:9

‘Tãi nɔ́ káfe káwoli tɔ̀ɔ ní ḿâi, ŋa pâi yá-ŋua-pere kɔkɔ́-ƃelai kélee da ńyee mu-nuui Nɛbukinaza nyíi gáa a Babelɔŋ kaloŋ tôlii ŋa pá a dia dí kɔ́ pɛ́lɛ Zuda ma da ŋɔnûai. Da pâi kɔ́ pɛlɛ̂i ǹɔii-ŋuŋ-ŋai díkaa kákɔlɛ mai dia. Ǹyaŋ a kɛ̀ tí, ŋa pâi Zuda da gɔlɛ ma lɔiii-ŋuŋ-ŋai su-ƃela kélee kpɔ́ kpúŋ paâi ŋá ǹaa lɛɛ a bûŋ wɔ́lɔ-wɔ́lɔ. Tãi ǹûai da pâi ǹaa kâai lai, dí láa a pâi kpâlai dîa. Ǹaa a pâi kɛ̂i a yao-maa kwaa ma, ǹûai díkɛ díŋuŋ mɛi tée lono kɛ̀.

Ɉeremi 26:9

Lé ƃa yá a gɛɛ í ɣâla-woo ƃó a gɛɛ Ŋ̀âla-pɛrɛ Kɛ́tɛi ŋí a pâi wôloi yɛ̂ɛ nyíi kɛ̀ Siloi? Lé ƃa yá a gɛɛ í mò yɛ̂ɛ Zerusâlɛŋ a pâi lɛɛ̂i a taa pîleŋ, núu da fa ŋɔ́nɔ sèe naai?” Nya ƃe ǹûai kélee dí tìnaŋ Zɛlemaya ma Ŋ̀âla-pɛrɛ Kɛ́tɛi mu.

Ɉeremi 33:10

Yâwɛɛ è mò ǹyɛɛ, “Nûa da kɛ̂i dîɛ gwaai ŋí ma káa a fɛ̃ɛ-kpâlaŋ su. Núu da fé ƃɛ́, kpaa máŋ taa-tulɛ. Ǹyaŋ nyíŋi káa a tɔ̃yâ. Zuda taa-ŋai da Zerusâlɛŋ pere lee-ŋai díkaa a bûŋ. Ífa núu da kpaa máŋ taa-tulɛ da kàa naa. Kɛ́lɛ, ka pâi ŋɔ́nɔ gwaai ŋá ma woo mɛnîi.

Ɉeremi 34:22

Ŋa pâi ŋ́oo tɛɛ̂i dípɔ naa, ǹyaŋ da pâi lenêi pôlu daa-lêei ŋí su. Da pâi kɔ́ pɛlɛ̂i mà, dí zoŋ, dí géreŋ kpɔ́ kpái. Ŋa pâi Zuda taa-ŋai kɛ̂i dílɛɛ a dí pûŋ yɛ̂ɛ fɛ̃ɛ-kpâlaŋ-su ƃɛ́i núu da fé naai. Ńyãa Yâwɛɛ ƃé mò tí.”

Ɉeremi 4:7

Berei yala-sulu a kûla la ǹoo pêrei é pɛ́lɛ gɔ́nɔŋ mai, bere ƃé ǹɔii-ŋuŋ-ŋai su kara nuui a pâi kulâi la bɔ́ naa é pá é pɛ́lɛ kâa. Gáa kulâi ƃɛ́i gáa naai a gɛɛ é Zuda su kara. Da pâi Zuda taa-lee-ŋai su karâi, ǹaa é lɛ́ɛ a pîleŋ ŋá. Núu da fé ŋɔ́nɔ pâi seêi díta su.

Ɉeremi 44:22

Kálɔii kâa sâa a bûŋ, núu da fé naa lônii ma. Ǹaa káa sâa a yao ma kwaa ma, nûa dí kɛ́ dífoo a ǹaa láa, kpɛ́ni fêi, Yâwɛɛ fé ǹyée sèe ní kámɛni nyɔ́mɔɔi da káŋwana lɔ̂ɔ tua-ŋai mu.

Ɉeremi 5:6

M̀ɛni ma, yala-sulu-ŋa da pâi kulâi ǹɔɔi sú dí dípaa. Bala-ŋa da pâi kulâi vɛ̃ɛ-kpâlaŋ su dí pá dí dípaa. Kɔ́li-ŋa da pâi díyee-ŋa ƃôi dítaa-ŋai su. À kɛ̀ núu da a tòo dísama, da pâi vála fâlai. Kpɛ́ni fêi dísɔnyɔ̂ŋ a táma, da dípôlu tɔ́ɔ Ɣâla mà a tãi kélee.

Ɉeremi 50:17

Yâwɛɛ è mò ǹyɛɛ, “Eezuɛ-ƃelai díkaa yɛ̂ɛ ƃála-ŋa nyíi-ŋai yala-sulu a díkpɛ̂i díkɛ tàa-taai. Tãi maa ŋuŋ, Asiria kaloŋ è kɔ́ pɛ̀lɛ dîa. Ǹaa pôlu ma, Babelɔŋ kaloŋ Nɛbukinaza é díkao wólo.

Ɉeremi 51:38

Babelɔŋ-ƃelai da pâi kpêɣei yɛ̂ɛ yala-sulu, dí kɔ̃ɔŋ su-woo kɛ́ tɛ̀ yɛ̂ɛ yala-sulu lònii.

Ɉeremi 6:8

Ka ká mɛi káa, óo Zerusâlɛŋ-ƃela. À wàla kɛ́ tí, ŋa pâi ḿbôlu tɔɔ̂i kâa, ŋa kálɔii lɛ́ɛ a bûŋ ƃɛ́i núu da fé pâi lɛɛ̂i naai.”

Ɉeremi 9:10

Ŋá mò ńyɛ̃ɛi, “Ŋa pâi wɔ̂lɔi ǹyée kɛ́tɛi mɛ̂ni ma. Ŋa láɣi vɛ̃ɛ-kpâlaŋ su taa-tulɛi láa mii mɛni ma. Ǹaa a lɛɛ a bûŋ, núu da fa tɛ̂ɛ naa. Núu fa ŋɔ́nɔ ǹiŋa-ŋai wɔ́lɔ-woo mɛni naa. Ŋ̀ɔni-ŋai díkaa ŋ̀elei su díkelee da pú. Vɛnɛ-sãai da lí.”

Ɉeremi 9:11

Yâwɛɛ è mò ǹyɛɛi, “Ŋa pâi Zerusâlɛŋ wôloi, ŋá ǹaa kɛ́ a taa-pîleŋ ŋá. Ǹaa a pâi kɛ̂i a fɛnɛ-sãa pɔ́-taai. Ŋa pâi Zuda taa-lee-ŋai kélee lɛɛ̂i a búŋ. Núu da kélee fé pâi seêi naa.”

Izikiɛ 36:3

“M̀ɛni ma m̀ó ǹyée-ŋai dîa yɛ̂ɛi, Ŋ̀wála-wâla kélee Yâwɛɛi ǹyɛɛ, ‘Ká kpɔara-ƃelai dí ká su kàra dí ká lɛ́ɛ a kápûŋ a gɛɛ kákɔlɛ ma lɔii-ŋai dí ká sóŋ dí kɛ́ ɣɛ́lɛ maa kûla ká kponôi.

Izikiɛ 5:14

Ŋa pâi ká kélee ká su karâi. Ŋá pâi ká kɛ̂i a ɣɛ́lɛ-maa-sɛŋ ǹɔii-ŋûŋ-ŋai dítinaŋɔ̂ɔi kâai sáma. Ŋá pâi m̀ɛnii ŋí kɛ̂i ǹûai kélee ŋɛ́i túɛ da diai kélee da kɛ́ tɛɛ̂i.

Osia 11:10

“Da pâi pîlanii ḿbôlu ńyãa Yâwɛɛ. Ŋa pâi kpêɣei yɛ̂ɛ yala-sulu. Oweei, ŋa pâi kpêɣei, ǹyaŋ ńônii da pâi kɛ̂i kpɛ̃linii dí kɛ́ kùla vóloi liî-pere.

Osia 5:14

Ǹyaŋ ŋa pâi kɛ̂i yɛ̂ɛ yala-sulu Eezuɛ mɛni ma, ŋ́gɛ ƃò yɛ̂ɛ yala-sulu loŋ Zuda mɛni ma. Ńyãa kpîŋ ŋa pâi dífala-fâlai ŋá dí ɣála-ɣâla. Ŋa pâi liî a dîa, núu da fé pâi dí kulâi ńyêei.

Amɔsə 3:12

Ɣâla Yâwɛɛ è mò ǹyɛɛi, “Berei nɔ́ m̀ála-mɛi káa-nuui a ƃála-wɛrɛ feerɛ kpaa ƃála-woli kpua kùla-yeei kɛ̀ la yala-sulu lái, bere nɔ́ ƃé da pâi Eezuɛ-ŋai kula yêei kɛ̂i la, nyii-ŋai díkaa Sameria see ní kâloŋ see-sɛŋ-ŋá, kpaa máŋ dígbìŋ-seɣe sɔ̃ɔ kpanaŋɔɔ-ŋai mɛi.”

Amɔsə 3:4

Yala-sulu a pɔ̂ri kpêɣei wolâi, à kɛ̀ vé niî sua soŋ ní? Yala-sulu-loŋ wóo a tɛ̂ kpɛ́ni, à wàla seŋ da soŋ?

Amɔsə 3:8

Yala-sului a kpèɣe, gbɛ̂ɛ ƃé vé pâi yaôi? Ɣâla Yâwɛɛ a lóno, gbɛ̂ɛ ƃé vé pâi ŋ̀óo su kulâi?”

Nahumə 2:11

Ǹyála-sûlu koraŋ kɔɔ, ƃɛ́i ǹyála-sûlu lonii da kâa kɛ̀ naa ǹyála-sûlui kɛ́ pà a díkɔnɔ̃ŋ, ƃɛ́i da ka kɛ̀ naa sɛŋ da fa lɛ̂ɣɛ dîai?

Sofoni 1:18

Dísɛŋ-kao-kolei da dígôoi fé pâi díkulâi Yâwɛɛ ŋɔlii-ŋwânai su a ma ɣêlei tí. Ŋɔtólo lii-ŋwana kpɛɛ pôlui su, a pâi ŋ̀éniɛi kélee su-karâi. Tɔ̃yâ ma a pâi ǹɔii-su-ƃelai kélee su karâi a maa félaa.

Sofoni 2:5

Kpalo ƃêlai kâa káai a Felesia-ŋai ká káa ǹyái kóo ma Keena-ŋai dílɔɔi sui kpɛ́ni fêi m̀ɛni ŋá téeɛi ŋí káa máŋ ká mɛni ma.

Sofoni 3:6

Yâwɛɛ ǹyɛɛi, “Ŋa ǹɔii-ŋûŋ-ŋai su kàra, ŋá dísiyãŋ da díyeŋkêŋ-ŋai wólo. Ŋá bere-ŋai loai kâra, núu fá ŋɔ́nɔ tɛ̀ɛ naa, ŋá dítaa-lêe-ŋai wólo, ǹaa a lɛɛ a vólo.

Zakari 11:3

Ka ǹúu-mɛi-ƃela wɔ́lɔ-wôo mɛni, kpɛ́ni fêi, dínîa kɛ̂i su a kara!

Nwun mąąɓo 14:5

Gɛ́ɛ tíi, Saŋsiŋ, ǹâŋ da ǹee dí lì Tiŋna taai su. Dí kɛ́ɛ tɛɛ̂i gbɔmɔ-kpalaŋ su Tiŋna kɔlɛ mai, yala-sulu tɔnɔ è kɛ̀ kpêɣei gɛ́ pà dîa.